الحب في زحام
الحلقه 32 <3
طلعنا وصلت محمد ومشيت للحـوش وصلت مع 12
فتحت الباب وخشيت للصالة ولقيتها ....
راقــده علي كنــبة ومنظـرها كيف الملاك
قـربت منهـا حـطيت يدي علي شعــرها
انا " كيف ملاك حتي وانتي راقده مش عارفه شن درتي فيا الي خليتني نحبك واجد هكـي مش قادر نبعد عليك
نزل عليا وشالني للدار وحطـني علـي السـريـر وغطاني ومشاه غير دبشه وجاء رقد جنــبــي
بعد مرور شـهـر
انا وعمر كل يوم يمر انزيـد انتعلقوا بي بعــضنــا اكـثـر حبي له قعد يكبر مع الايام مش متخيـلة اني يجي يوم ونفقده ابـدا
مشيت وشفت بابا في الشهر الي فات والحمدالله اني ماتقبلتش مع اسلام ابـدا بس سمعت انه مراته حامل اخـره ربي يبعده ويسعده
فرج علي حـالة ماتطورش بكل حالة وفرح كانت ديما جنبـة وماسيبتاش لحظه بكل كل يوم كانت تمشي وتقعد تحكي معاه وتشكيلة علي كل حاجه تصيرلها
لين جـاء اليوم هذا رن تلفوني وكنت في المطبخ
عمر" حبيبي تلفونك يرن
انا " منو
عمر " نـور
انا" هات
نور " ندي فرج ناض ي ندي وكانت تبكي
انا " تحكي جد
نور " تو كلمني مراد وقالها لنا
انا" الحمدالله ياربي
حنجيكم توا
نور " تعالي بسرعة كلهم هنا
انا "باهي حاضر
عمر "شن فيه
انا" فرج ناض
وقعدت نمسح في دموعي
انـا " عمر خلينا نمشو غادي
عمر" حاضر ي عمري غيري دبشك بسرعه نبي نمشي للمستشفى
انا " طيـاره
غيـرت دبشي بسرعة مشينـا غادي عند حوش خويـلة
كانت فرحة خويلة وجديده بي ردت فرج للحياه ماتوصفش بكل
انا" حمدالله علي سلامته
نور " الحمدالله ياربي رده لنا
انا" الحمدالله
كيف امتي حيطلع وكيف حيصير
خالتي " مراد ماقللنا شي رن قاللنا وسكر وتو مشاه سعد ومعش كلمونا
ماما " راجلك وين
انا" ماشي للمسشفى
نرمين " شويه وكلمي وشوفي شن يقولك
انا " تمام
مراد " خوفتنا عليك ي تيس
فرج " طلعت حاجه مهمه عندكم
فارس " نعن جدك نايض تشفط اخره
احمد " مش متحشم بكل شهر كامل منخمد :/
فرج " كنت انتريـح منكم شويه ونشبع نوم
مراد " مغير تحسن شويه الي درته كله نرده لكي
فرج" ياريتني مانضت -_-
فارس" خبطه ع كراعه
معش تقول هكي ي &*%$
فرج " نعن جد يدك مازالت ثقيله
فارس " سقم دوتك خيـر
احمد " شن قالك الدكتور
مراد " قال حالته كويسة واحتمال يطلعوا بكره الصبح
فرج " وين خالد ؟ التيس هذا كنه ماجاء
مراد " سكت
وفارس واحمد " قعدو يبحتوا في بعضهم
فرج " كنكم سكتوا
مراد " عظم الله واجرك توفي
فرج "شن تقول انت
فارس " الله يرحمة ويغفرلة
فرج" كيف شن صار
فارس " ماقدرناش نسعفوا هنـا مات علي طول الله يرحمة
فرج " حول الفوطه وحاول يصبي
مراد " شن ادير انت تريح
فرج " مش حنقدر نقعد نبي نمشي
مراد " وين تمشي
فرج " للمقبرة ونمشي نشوف امه هو وحيدها حرام
فارس " بكره تمشي وتشوفهم تريح توا بس
احمد " ماسيبناش هله بكل انا وفارس يوميا عندهم
فرج " مانقدرش نصبر
مراد " فرج صحتك اهم نحن ماصدقنا ردتلنا بخير
فرج " مش مصدق
احمد " هذا حد عمـره ادعيلة
فرج" الله يرحمة ويجعل مثواه الجنه
علي خشت عمـر ومحمد
عمر" حمدالله علي سلامتك
فرج " مش عارف شن صارلي لما شفته قدامي مازالت مش متقبلة علي انه راجل ندي ابدا
الله يسلمك
مراد " كيف حالك ي بو نسيب
عمر " تمام
محمد" كان نقولك ي فرج شن دار مراد في غيبتك
مراد " بلاش فضايح
فرج " احكيلي شن دار
محمد " دايرلنا دراما ويوميا من 8 مصبي فوق راسك هنا
فرج " نعليا عليك حب نازال عليه
مراد " هاهاهاها خفيف
كنت فرحان اني بنتريح منك
فرج " بنصدقك
عمر " ههههههه والدارما الي دايرها لنا يوم الحادث
مراد " عمر ساد فضايح تو يشوف روحه عليا راه
فارس" امتي يقدر يطلع
محمد " بكره الصبح نكتبلة ع خروج
عمر " نجوتك كبيره كنه متوقعين الحادث يـأثر عليك بعدين بس الحمدالله ربي يحبك حمدالله ع سلامتك
فرج " تسلم منور
مراد " عمر ومحمد ماقصروش معاك بكل طول ماانت كنت في الغيبوبة
فرج " منورين
عمر" كيف خويا عادي
فرج " بارك الله فيك
