الحب في زحـام
الحلقه 19 <3
بحتت في وخشيـت جوا
مراد " شن الي درته انت
فرج " احسن حل تكرهني بيش معش نقدر نحكي معاها
مراد " حرام عليك البنت مش ذنبها
وهيا جت تسال عليك من خوفها بس وانت تحكي معاها بالطريقة هذي واعي لي روحك
فرج " واعي وفاطن كويس بكل خلاص
مراد " ماعندي مانقولك
فرج " هيا طالع
مراد" ان شاء الله تكون متريح هكــي
فرج " متريح بكل اخره
اطمن
وطلع وخبط الباب
فـرج " ليش اصرفت هكي معاها وحكيت بالطريقة هذي وانا عرفها حساسة واجد انقهرت لما شفتها تبكي قدامي بس هذا الحل الوحيــد لانه قربها مني يتعب فيـا واجد
مشــن الايـام واجد وكنت حايسة بين دبشي وطلوع للسـوق وقرايتي وامتحاناتي وماتغيــر شـي عمر معش شــفته بكل ومعش حتي سأل علــيا وبدن امتحاناتي وجـاء اخـر يوم في الامتحانات
هدي " واخيرا
انا" حليتي كويس
هدي" حليت وخلاص
اساسا ماقريتش كويس
انا" الحمل متعبك
هدي " بكل نبي نرقد وخلاص
انا " ان شاء الله بنت
هدي " هههههههههههههه كان يسمعك محمد
انا " خلي يسمع
محمد " عيل مش بنت
انا " ههههههههههههه جيب سيرة القط يجيك إينط
محمد" شن درتن
انا " تمام
هدي " حلينا
محمد " حليتي الامتحان ولا حليتي فمك
هدي " ههههههههههههههه لا حلينا
محمد " باهي هيا تعالن عازمكن ع الفطور
انا " لالا مراد قريب ايجي
محمد " مغير هيا امعانا توا نوصلك انا
انا " مره تانية
هدي " خلاص هذي كان سكرت راسها معش تقدر تقنعها
محمد " تمام براحتك
انا " هيا سلام اهو مراد يرن
تشاوو
عدن الايام عــادي مــا صار شي بكل
فرج معش شفته بكل وهو قعد يحاول ايتجنب إيشوفني
قرب الفرح واجد وانا حالتي النفسية كانت اتسوء خايفه واجد فكرة انا وعمر في حوش واحد تخوف فيا بكل
عمري ما كان حلمي هكــي اني نجوز بالطريـقة هذي
نـاخذ شـخص مايعرفنيش ولا نعرفه ولا نحس بي أي مشاعر اتجاه ولا عطيني اهتمــام
هدي " ندوش خلاص حطوا الدبش كله في السيارات
انا " تمام
نرمين " هيا بيش نمـشوا
طلعن خالتي ونور ونرمين وهدي واسماء وفرح وعماتي الاثنين لي حوشي
ماما " ربي يهنيكي
انا " تصــدقي مش حاسه بي أي شعور
حتي دموعي مايبنش ينزلن
ماما" خلاص هذا نصيــبك وهذا القدر امتاعك
انا" مسهلها كلمة نصيبك
ماما " حتريحي صدقيني عمر كويس والحب حيجي مع الوقت
انا " حضنت ماما
سامحيني كان في يوم زعلتك
ماما " انتي كبيدتي وبنتي الوحيــدة وصحــبتي
ربي يهنيكي مع عمــر ونشوف اعيالك ونفرح بيهم
الزواج تفاهم مايبيش تسكير راس
ومسؤولية وعارفتك قدها مشاكلك مع راجلك محد يعلم بيهن لا انا ولا أي حد من هله
امه حطيها في عيونك وعامليها كيف ماتعاملي فيا بالضبط خليهم يقولوا عرفت اتربــي وماتخلينيش منشغله عليك
انا" حاضر ماتخافيش
ماما" بطلي بكاء
انا" مش متخيله اني معش نبي نقعد امعاكم
ماما "تو بعد تمشي غادي معش تحبي اتجي هنا بكل
انا" لا مانقدرش هذا الحوش الي عشت في طفولـتي كلـها
خشت علينا جديده
جدتي " خلاص عاد تبي تنكدي علي البنت
