حنان " لازم نرن عليكي بيش نحق وجك
ساره " طياح في الحوش وكساد
حنان " كنك
ساره " ماكني شي
حنان " صايره حاجه
ساره " مافي حاجه انتي الي وينك رايحه معش نشوفوا فيك واجد هنا
حنان " المهم فكك مني كلمتك وقتلك تعالي توا
نبي نحكي معاك في موضوع قبل مايجي حد
ساره "شنو هو نسمع فيك
حنان " ي سـتي جـايك عريس شن رايك
ساره " لالا مستحيل
حنان " كنك مغيـر اعـرفي من هو بس
ساره " مانبيش انا رافضه الموضوع بكل
حنان " باهي خليني نحكيلك عليه قبـل
ساره " احكي
حنان " سلفي مجـدي مهندس موليد 89
ساره " ربي يرزقه بي بنت الحلال
حنان " بلاش تكسير راس شوفي قبل واحكي معاها بعدها قرري
ساره " الموضوع هذا امـأجلته من راسي بكل
حنان " حنعطيكي فرصه تفكري وبعدها ردي عليا تمام
ساره " قراري مش حيتغير
حنان" بلكي يتغير صلي استخاره وبعدها ساهل
هو راجل كـويـس يعني مانشكرش في لانه سلـفي
ساره " يصير خير
حنان " هيا عمتي شافتك في فرح عمر وديما تحكيلي عليك وقبل تبي تجي علي طول لي امك وتحكيلها بس قتلها انا نسال البنت قبل ونشوفها
ساره " احسن حل درتي اصلا عارفه ماما تكبر الموضوع
حنان" فكري كويس هو راجل كويس
اسامة " من هذا الي راجل كويس
حنان" بطلها الحركه تخش بدون ماتخبط الباب
اسامة " علي اساس في حد غريب
حنان " كيف حالك انت
اسامة " كويس
حنان " كنك ماجيت علي الغذاء
اسامة " كنت في شغل
ساره " من امتي الشغل
اسامة " من اليوم -_-
ساره " ان شاء الله ديما
اسامة "ادعيلي انتي بس
ساره " ان شاء الله ربي يثبت عليك العقل
اسامة "ماقتليش من الراجل الي كنتن تحكن عليه
ساره " احم
حنان " تعرف مجدي سلفي
اسامة " اها نعرفه كنه
حنان " عمتي تبي تجوزه ولما شافت ساره في العرس عمر عجبتها وتبيها له
اسامة " سـاره هذي
حنان " هو في ساره غيرها كنك انت
اسامة "ماكني شي ربي يهنيهم
ساره " من قالك موافقه انا -.-
اسامة " راهو راجل كويس بكل ننصحك بيه
ساره " هو معجون اسنان تنصحني بيه
حنان " هههههههههههههه كنكم تحبو اتناقروا
ساره " انتي شفتي خوكي -_-
اسامة "كنك نشكرلك في عريسك
ساره " مادخلكش انت
اسامة " عيب انتي بنت عمي معقوله لازم نصبيلك
ساره "ريح روحك -_-
اسامة "ربي يتمملكم علي خير
ساره " هذا كنه تحق فيا اليوم الزفه -_-
حنان " سامو كنك
اسامة " كني جوي لوز اللوز
انا " لا ماتقولهاش
عمر " قلتها
انا" قصدك حنقعد بروحي اليوم هنا
عمر" ياقلبي عندي مناوبه اليوم نروح في الصبح بدري
انا " قلبت وجي ودرت روحي زعلانه
براحتك
عمر " بلاش زعل
انا " مازعلتش عادي
باهي شيلني نبات عند ماما
عمر " لالا حتقعدي هنا وهلي لوطه قاعدين وكان تبي كلمي ساره تبات معاك هنا
انا" باهي ليش ماتحطني عند ماما
عمر " لالا مافيش بيـات بره الحوش
انا "اوووف
عمر" بلا زعل
انا " عادي مش زعلانه
عمر " واضح بكل
انا" فوتني
وصبيت انطلع في لـبـستي
عمر " بطـلي زعل
انا " تو قتلك زعلانه عادي
عمر" متاكده
انا" اها
عمر" طلعتي الدولاب كله راكي
انا" تي مش عارفه شن نلبس
عمر " البسي اي حاجه من دولاب
انا " لا من جدك
كنت نبي نلبس من الثلاجه ياروحي بجد ساعدتني -_-
عمر" ههههههههههههه كنك انفصلتي
انا " ماهو انت تشفط ومش وقتك
عمر" استني بس
انا " شنو
عمر " البسي هذا
انا " كان فستان اسود بالابيض طويل وبسيـط وكان كـم وخفيف
باه
عمر" خوذي هيا
انا " خلاص باه
تلفونك يرن
عمر" تو نشوفه
طلع عمر يرد
وانا لبسـت وقعمزت ع المرايا اندير في ميك اب
