Mafia Heiress Possession: Hurricane Thurston

Another Extra Chapter

A smile crept on my face.

Nakaupo ako sa balcony habang tahimik na nagbabasa ng mga diary nila na naging libangan ko ng basahin t'wing may oras ako. Nilingon ko ang nakausling ulo na nasa pinto.

"Lihtan, tara dito."

"Cane!" masayang tawag niya sa akin at umupo sa harapan ko. Sinarado ko ang journal na binabasa ko at tinitigan ito, kanina ko pang nararamdaman ang mga mata nito na nakatingin sa akin mula sa pinto.

"May kailangan ka ba?" nakangiting halumbaba ko sa inosente kong halimaw.

"May cooking contest akong sinalihan, Cane! Kaya lang.."

"Kaya lang..?" bahagyang kumunot ang noo ko, at handa ng gumawa ng paraan para mawala ang hadlang sa kasiyahan ni Lihtan nang..

"Kailangan may partner, pwede ba tayong partner, Cane?"

"Oh. Sige! Kailan ba, Lihtan?" Nakahinga ako ng maluwag, nakita kong kumislap ang mga mata nito.

"Sa isang araw, Cane! Ihahanda ko na lahat ng kailangan natin, Cane!"

"Samahan na kita, mag-grocery tayo hehe."

Sunod-sunod na tumango si Lihtan at sabay kaming bumaba ng hagdan at naabutan si Simone na binatukan si Tenere. Pfft. Ano na naman kayang ginawa nito?

"Oh. Hi! Cane! Saan ang lakbay natin?" bati ni Tenere nang makita kami at kumaway kaway.

Salubong rin ang kilay ng asawa ko na nakatingin sa akin.

"May importante kaming lakad. Bawal epal." Sagot ni Lihtan habang nakangiti.

Sabay na sumimangot si Tenere at Simone.

"Pfft."

"Kailangan mo'ng humingi ng permiso ko bago mo dalhin ang asawa ko." Mabilis na nakarating sa tabi ko si Simone at niyakap ako sa likod.

"Waaah! Saan tayo pupunta, aking binibini?!" nakita ko sa harapan ko si Taki na hindi ko alam kung saan galing. May mga maliliit na dahon sa buhok.

"Bakit ba kayo nandito sa bahay namin? May mga sarili kayong bahay bakit lagi kayong nandito sa bahay namin?" nangungunsumi na sambit ni Simone. Tama ang sinabi ni Simone, may mga sarili silang bahay at mga kapitbahay namin silang tatlo at palagi silang nandito pagsapit ng umaga.

Hinawakan ko ang braso ni Simone na nakayakap sa akin.

"Ayos lang na lagi kayong nandito at lagi kong nakikita." Nakangiting sambit ko.

"Walang makakapigil sa amin, Simone!" ngisi ni Tenere sa nakasimangot na asawa ko.

"Tss."

Nagtawanan kami dahil sa di maipintang mukha ni Simone.

"Let's go?" sabay sabay silang ngumiti, mabilis akong tumakbo na kinabigla nila. Hehe! Gusto ko ako ang mag-drive!

"Wife!"

"Caneeee!"

Napahinto ako nang mapansin ang nakagaraheng jeep at napangiti nang maalala ang ginawa namin nong araw na 'yon.