The One

Chapter 19: For Real

"Sige. Papunta na kami diyan. Alagaan mo captain namin ah!"

"Gagawin ko naman talaga 'yan kahit hindi mo sabihin. Ingat kayo." sabi niya bago ibaba yung tawag

"O-M-G." Ayan na lang ang nasabi ko after magprocess sa akin yung huling sinabi ni Deanna

"Ansabe, sis?"

"Sa apartment ni ate Jema. Nandoon din si Deanna."

"Ayan lang? Bakit ka napa-OMG pa?" sabi ni Eli habang ginagaya yung reaction ko kanina

"Feeling ko nagkaaminan na yung dalawa! Emegesh, sis! Dalian mo na nga para malaman natin ang katotohanan!"

----------------

"Hello. I'm sorry ulit. Pasok kayo." sabi ni Deanna pagkabukas niya ng pinto. Basa pa yung buhok niya. Malamang nakiligo na dito kasi nasukahan ni ate Jema.

"Saan si mare?" tanong ni Eli habang naglalakad kami papasok

"Nasa kwarto niya. She fainted, but luckily, she didn't throw up naman. She still needs to get cleaned up tho."

"Needs? 'Di mo pa nagagawa?" tanong ko kay Deanna habang nakataas ang isang kilay. Okay, I was wrong. Hindi pala siya nasukahan.

"Nakainom din naman kami ah edi kailangan din namin ng clean up. Bakit kami pa gagawa— Aray naman!" binatukan ko agad si Eli. Puro siya reklamo kasi nakakahiya sa bisita

"I'm sorry. Nahihiya kasi ako." sabi ni Deanna at napakamot pa sa batok

"Okay, sige. Kami na bahala."

Pagkatapos namin kay captain, kami naman ni Eli ang naglinis ng katawan at nagbihis. Napagdesisyunan namin na dito na rin matulog.

Pag labas namin sa sala, nandoon pa rin si Deanna, komportableng nakaupo sa sofa at nanonood ng TV.

"Hindi ka ba hinahanap sa dorm niyo? Bakit hindi ka pa umuuwi?" tanong ni Eli sa kaniya

Umupo siya sa tabi ni Deanna at nakikuha pa ng chips. Umayos pa siya ng upo at nanood na rin ng TV.

"I'll sleep here. Ayaw kasi ni Jema na umuuwi ako kapag ganito na gabi na. I'm sure magagalit siya if umuwi pa ako."

Umupo ako sa kabilang sofa at humarap sa dalawang bata na sobrang focused sa pinapanood nila. Parang sobrang comfy ni Deanna dito. Nakailang beses na kaya siya dito?

"Ang taray, nakatulog ka na dito dati?" tanong ko kay Deanna

"Yep. Twice." sabi niya habang nakatingin sa akin

Inabot niya yung chips kay Eli at umayos ng upo para makaharap sa akin at kay Eli.

"About what happened pala kanina, how I ended up with Jema..." pagsimula niya

Natapos niya nang ikwento yung nangyari kanina. Nagkatinginan kami ni Eli at napangiti. Kahit hindi niya directly sinabi na nagselos siya nung nakita niya si ate Jema at Fhen, kahit hindi niya sinabi na gusto niya si ate Jema, naintindihan na namin siya ni Eli. Halata rin naman namin na gusto rin ni capt si Deanna, kaya nga niya sinundan sa parking lot.

"I want to ask help for something nga pala. If it's okay." sabi ulit ni Deanna nung hindi kami magsalita agad

"Ano 'yon? Basta 'wag about sa pera ah." sabi naman ni Eli

Napatawa nang bahagya si Deanna bago magsalita "I have a plan. I need your help and the help of your teammates. Don't worry, wala naman pag-aayos ng big surprise na required. I just need your acting skills."

"Wait, ano? Para saan 'to?" May idea naman na ako kung para saan yung plano ni Deanna pero gusto ko lang mismo manggaling sa kaniya

"Chiara, Eli, gusto ko si Jema. Gusto ko siya alagaan at gusto ko siyang pasayahin."