The One

Chapter 19: For Real

A/N:

I owe you guys an apology. I'm sorry I kept you waiting for a long time. I just had some problems to deal with. Thank you so much to everyone who read this story. I also want to say thank you to those who patiently waited for this update. This one's for you.

-----------------------------------------------------------

's POV

"Sige, magpakasaya kayo ngayon. Sa akin ka rin babagsak sa huli."

Nandito ako ngayon sa parking lot ng bar, nakatanaw sa kinaroroonan ng babaeng mahal ko. Nagmamasid habang may kasama siyang iba.

"Hindi sila bagay. Pwe." bulong ko habang nakayukom ang kamao

"Sa ayaw at sa gusto mo, akin ka lang." sabi ko sa sarili ko bago pumasok ulit sa bar

Chiara

"Hoy partner, bakit nakabusangot ka diyan?" sabi sa akin ni Eli habang naglalakad papunta dito sa table namin

"Si Captain kasi biglang nawala. Baka kung ano na nangyari doon. Kanina ko pa tinatawagan phone niya pero walang sumasagot." sagot ko habang sinusubukan pa rin siyang icontact

"Uhm, mag-iikot muna ako dito sa bar pati na rin sa labas." sabi ni Eli na halatang kinabahan din

Kakatalikod pa lang ni Eli at hindi pa nakakadalawang hakbang nang may makabangga siya

"Aray naman!"

"Ay! Sorry, Fhen– anong nangyari sa pisngi mo?" tanong niya kay Fhen na halatang bad trip

"Wala. Saan ka pupunta?"

"Hahanapin ko lang sana si Jema. Nawala kasi siya bigla."

"Psh. 'Wag ka na mag-aksaya ng oras. Sumama na 'yon doon sa atenistang singkit!" sabi niya at padabog na umupo sa tabi ko

"You mean, sumama siya kay Deanna Wong?" tanong ko sa kaniya

"Oo! 'Wag mo nga banggitin pangalan non! Nakakabad trip!"

"Uhm, sige. Try ko pa rin mag-ikot." Binigyan ako ni Eli may-tiwala-ka-ba-sa-sinasabi-neto look at agad na umalis

Nagsidatingan na ang iba at nagkayayaan na umuwi pero hindi pa rin sumasagot si ate Jema sa mga tawag ko. Tinanong din ng iba kung nasaan na si Captain pero etong ex niya, pilit pa rin talagang pinapanindigan yung kwento niya na sumama si ate Jema kay Deanna Wong.

Dumating na si Eli at hindi pa rin niya kasama si Captain. Nagpadesisyunan namin na dadaan na lang kami sa apartment niya para tignan siya. Sinubukan ko na rin magsend ng message sa twitter kay Deanna Wong, baka sakaling totoo na magkasama sila.

Habang nasa byahe, hindi pa rin ako tumigil sa pagcontact kay ate Jema. Hindi talaga ako mapakali eh. Alam naman natin ang panahon ngayon, sobrang delikado kahit ano pa ang gender, age at suot mo. Si Deanna Wong naman, hindi pa rin nagrereply sa DM ko.

Nasa kalagitnaan na kami ng byahe nang sagutin ni ate Jema yung tawag ko.

"Hello, capt! Kanina pa kita tinatawagan! Nag-alala kami! Bakit ka ba biglang umalis? Nasaan ka ngayon? Ano? Sagot!" mabilis kong sabi pagkasagot niya ng tawag. Nakita ko naman na natawa at napailing na lang si Eli sa driver's seat.

"Hey, Chiara, it's Deanna Wong." sagot ng nasa kabilang linya

"Deanna Wong! Saan mo dinala si ate Jema? Sagot! Magpapatawag ako ng pulis!"

"Chill, partner. Pagsalitain mo muna yung tao." sabi ni Eli habang nagda-drive.

"Sorry. Nandito kami sa apartment niya ngayon. Pwede ba ikaw pumunta dito? I'll explain na lang about what happened when you get here. I'm sorry about not informing you earlier. Hindi ko kasi alam yung password ng phone ni Jema, and I don't know your number naman. Even yung sa other teammates niyo, wala talaga akong number." kalmado na sabi ni Deanna pero rinig ko na sincere naman siya sa pagso-sorry