Uni...
မမက်တာကြာပြီဖြစ်တဲ့ အိပ်မက်အခုရက်ပိုင်း ပြန်မက်လာခဲ့သည်။ အထူးသဖြင့် ၀ိုင်းချစ်ရဲ့ဖွင့်ပြောတာကို ခံရပြီးနောက်ပိုင်းပေါ့။ တိမ်းစောင်းချင်နေသောနှလုံးသားကို ဥပက္ခာပြုရင်းနေနေခဲ့သည်။
မတော်လို့များ ကိုယ့်ရဲ့အတိတ်နဲ့ကိုယ့်ရဲ့ဖြစ်တည်မှုကို သိသွားခဲ့ရင်များဆိုတဲ့စိတ်။ လက်လွှတ်ဖို့ခေါင်းက စဉ်းစားနေပါသော်လည်း ဖမ်းဆွဲဖို့စိတ်ကူးမိတဲ့နှလုံးသားက အချက်ပြနေသည်။
"အင်း..အားးး.."
" နိုးလာပြီလား စွာတေး ဟို သက်သာရဲ့လား ဟင်"
" ဟင်..မင်း ဘယ်လို.အာ ဟုတ်သား မင်း ညထဲကပဲ ဒါနဲ့ တီတီတို့ကော"
" ဟို တီတီတို့က ပြန်လာနေပြီတဲ့"
" အော် အင်း.. ဟင် ဒါ..ဒါက"
" အာ ဟို ကိုယ်အဝတ်အစားလဲပေးထားတာ ကိုယ် တောင်းပန်ပါတယ်"
" ဒါဆို မင်း သိ သိသွားပြီပေါ့"
" အင်း..ကိုယ် တစ်ခုလောက်မေးလို့ရမလား"
" ငါ့ ဗိုက်က ဒဏ်ရာကိုလား"
" တစ်နေ့နေ့ပေါ့၊ အခုတော့ ငါ ပြန်အိပ်ချင်သေးလို့ ဟို မင်း ငါ့အနားနေပေးနိုင်မလား တစ်ကယ်လို့ မင်း အဆင်မပြေရင်လည်း"
" ရတယ်.ကိုယ် နေပေးနိုင်တယ်"
" ဟမ်း..အင်း..ဒါဆို ခဏလောက်နေပေးပါ"
" စွာတေး သဘောပါ"
" ကျေးဇူးတင်ပါတယ်"
" ဟင့်အင်း မလိုပါဘူး"
သူ့ရဲ့ခက်ထန်မှုတွေ၊ အဝတ်တွေကို ခပ်ပွပွဝတ်တက်မှုတွေကို တစ်အိမ်ထဲနေနေပြီး စွာတေးရဲ့ဖြစ်တည်မှုကို မသိရလောက်အောင်ထိ ကိုယ်က စွာတေးအပေါ် ဂရုမစိုက်မိတာလား။ အလေးမထားမိတာလားမသိ။
ကိုယ့်ရဲ့စိတ်ကို တစ်ညလုံးဆန်းစစ်ကြည့်ပြီးပြီ။ အဖြေကရိုးရိုးရှင်းရှင်းလေးသာထွက်လာသည်။ စွာတေးကို ချစ်သည်။ ကျန်တာကတော့ စွာတေးရဲ့သဘောအတိုင်းနာခံရုံ။
ဒါပေမယ့်လည်း ဖြူလွလွအသားရည်မှာ တစ်ထွာလောက်ရှိတဲ့ ချုပ်ရိုးကြောင်းကြီးကထင်းကျန်နေသည်။ သူ ဘယ်လောက်တောင်ခံစားနေခဲ့ရမလဲ။
YOU ARE READING
အခ်စ္သည္သာ အချစ်သည်သာ ( U+Z) ( Completed)
Romanceအချစ်ကို သူဆိုတဲ့အသိတစ်ခုနဲ့တင်ရွေးချယ်ခဲ့တာမို့ နောင်တဆိုတာ ဟိုးအေ၀းဆုံးမှာ သျှင်လွန်းငယ် အခ်စ္ကို သူဆိုတဲ့အသိတစ္ခုနဲ႔တင္ေ႐ြးခ်ယ္ခဲ့တာမို႔ ေနာင္တဆိုတာ ဟိုးအေ၀းဆုံးမွာ သွ်င္လြန္းငယ္
