#أحببتك_حتى30
،قالت لي مبروك انتي حامل...💜طبعا انا ربع ساعه متجمده وبعاين ليها وم كدة وبس انا تلقائيا لقيت روحي ببكي،ووسن بتهدي فيني وبتقول للدكتورة معليش مخلوعه وكدة،الدكتورة قالت ليها عاادي م مشكله اصلا في البدايه بكونو كدة ههههه،وسن قالت ليها عندها كم ي دكتورة؟الدكتورة قالت ليها حكايه بتاعه شهر وتلاته اسابيع حاجه بالشكل دة لكن ي شهد عايزة اقول ليك حاجه مهمه،الجنين دة وضعو م تمام وأقل إهمال منك حتجهضي لأنو حملك م مستقر حاولي امشي اخصائي نساء وتوليد تمام وتابعي معاهو تمام؟؟وسن قالت ليها طيب،كتبت لينا علاجات صرفناهم وطلعنا وطوول الطريق انا ببكي ووسن بتحنس فيني،لغايه م وصلنا البيت ام وسن قالت لينا اها قالو مالها ان شاءالله اتحسنتي ي بتي ؟قالو عندها شنوو؟وسن قالت ليها ماما بعدين بحكي ليك اووكييه؟اسي حأدخلها الغرفه وأجي،دخلته الغرفه قولته ليها وسن انا حامل شنو اتخيلي انا حامل؟قالت لي شهد رووقي عاادي بتحصل،قولته ليها انا كان ناقصني اكون حامل؟مش كفايه علي المصايب النازله فوق راسي ،بعد م خلاص افتكرته نفسي حأتجاوز القصه وأمحي اي حاجه بتخص يوسف من بالي أطلع حامل😭💔قالت لي يمكن ربنا كاتب ليكم كدة علشان تدو علاقتكم فرصه صح ؟قولته ليها انا م عايزة معاه اي فرصه ،قالت لي طيب اهدي كدة انا حأجيب ليك عشاء علشان تبلعي الحبوب دي بعدها،قولته ليها م عايزة انا،قالت لي شهد لا تاكلي فهمتي؟طلعت جابت لي الأكل وجات اكلته شويه كدة وبلعته حبوبي ورقدته وانا خاته يدي حوالين بطني بنفس الطريقه الكان يوسف بلف يديهو حوالي لما نجي ننوم وقعدته اتزكر اخر مرة كنا فيها انا ويوسف مع بعض كان بقول لي انو عايز بيبي وانو عايزو بشبهني اخلاق وبشبهو هو خلقه،قمته ضربتو وقولته ليهو يعني قصدك انا شينه ؟باسني وقال لي اممممم هو يعني م شينه شينه بس ،قولته ليهو حيوان م تتكلم معي يلا زاتي زعلانه منك،قربني منو وقال لي اذا انتي شينه طيب السمح في الدنيا شنو؟خلاص نتفق لو ولد يطلع يشبهني خلقه واخلاق...اول م قال كدة قعدته اضحك قولته ليهو متأكد في حكايه الأخلاق دي عايزو يشبهك بيها؟بقى يعاين لي مسااافه ونظراتو نظرات غيظ قال لي قصدك شنوو؟قولته ليهو ولا حاجه😂🙊قال لي اممممممممممم ،قولته ليهو وربي م قاصدة حاجه م تقرب مني كدة😿نكش لي شعري قال لي كان م تهرشي ،ضربتو وجريتو من لحيتو قولته ليهو غيااااااظ ،قعد يضحك قال لي احلى م في الموضوع انو انتي بتعرفي تهرشي متين😂💔
وانا بتزكر كدة تلقائيا لقيت روحي بضحك براااي اول م رجعته للواقع لمن جاتني رعشه كدة غمضته عيوني وانا بحاول انوم وم قادرة بس زكريات يوسف بقت ماشه في بالي وكل م اتزكر حاجه بفتح عيوني بي خلعهه،اول يوم بعد انفصالي من يوسف احس بفراغو ،اول مرة احس انو انا محتاجهاو يضمني ،ويحتويني بنفس الطريقه الكان بحتويني بيها زمان،اول مرة احس بي انو انا ضعييييييفهه لدرجه انو شلته تلفوني واتصلته عليهو بس رقمو كان مقفول والحمدلله انو كان مقفول،
