#أحببتك_حتى8
فجأة اسمعها بتقول السلام عليكم،اتلفته على صوت بتاع المحل وهو بقول وعليكم السلام, وقف على حيلو،قالت ليهو كيفك ان شاءالله بخير، قال ليها الحمدلله وانت؟قالت ليهو الحمدلله،قولته ليها بيبي ركزي دة محل ملابس رجاليه ملاحظهه للحاجه دي انتي؟عاينت لي وسكتت،عاينته لبتاع المحل ومن لحظتها اتبكمتهه،بقيت افتش على نفسي ولساني علشان اقول ليها الانا عايزاه ،يعني للمرهه الأولي من نزلته السودان احس انو البلد دي فيها خيرات لكن مدسوسه في الأماكن القذرهه🙊وسن قالت ليهو قبل كدة جيتك مع اروى يمكن تكون م متزكرني بس اخدنا منك قميص وجزمهه ،قال ليها اروى،اروى،؟م متزكر بس يمكن،قالت ليهو زي م قولته ليك م بتكون متزكر بس انا متزكراك وامس اتصلته عليها علشان تزكرني المحل اروى طبيهه بتعرفو بعض تقريبا،قال ليها اهااا اروى صح صح اتزكرته،قالت ليهو يلاااا المرهه دي انا جاياك وعايزهه لي چكت او قميص وتكون معاهم جزمه ظريفهه،ولو جگت ي ريت تكون معاهو فنيلهه بس تكون حاجه راقيهه يعني،،قال ليها طيب في اقمصه وصلت جديدة وي دوب نزلناها المحل امس لكن لو عايزة جكت في حجات جميلهه بجد ،قالت ليهو طيب خليني اشوووف،وقعدو يتكلمو ويوريها في التشكيلات وكل دة وانا واقفه،لغاايه م فكرته لي وسن بتضربني وبتقول لي شههههههد ،قولته ليها مخلوعه نعم،قالت لي سرحتي وين انتي بتكلم معاك اناااا عايني الجكت الكحلي دهه رايك فيهو شنووو بالفنيلهه السماويه دي؟عاينته لبتاع المحل وعاينته للجكت وقولته ليها وانا مسهيهه حلو شدييد😿،قالت لي بالجد؟قولته ليها ااايوه،قالت لي اها جزمهه كحليه حتكون كيف؟قولته ليها حلوووهه شديد،قالت لي طيب حأشيلهم،،،قالت ليهو ماف محل هدايه هنا قريب اخد لي منهم ساعهه وكم اكسسوار رجالي كدة ؟قال ليها ابدا والله،قالت ليهو طيب الحساب وم تشطح لي لو سمحت،قال ليها650 جنيه،قالت ليهو شنووو 😨قال ليها عشان انتي من طرف اروى وبس والله،قالت ليهو طيب حأديك 600والله يخليك م تقول حاجه وحياة الخلقني انا قاطعه المسافه دي كلها وجاياك من المنشيهه ،قال ليها مع انها صعبه وانا مديك حاجه نضيفه لكن عشان المسافه دي حلال عليك 💜دخلهم ليها في كيس قالت ليهو شكرا،قال ليها العفوو،فجأة احس ليك بيها ماسكاني من يدي وجاراني،قالت لي تكوني مالك؟قولته ليها مالي؟،😨قالت لي انا عااارفهه اسألي روحكك كدة امسكي الكيس دة خليني اصلح طرحتي،مسكته منها الكيس ،واثناء م نحن ماشين فجأة ظهر مجنون بإتجاهنا شايل ليهو سكين والناس دي قامت جاريه واي زول جرى بإتجاه انا م حسيت بي روحي الا انا وانا واقعه وبصرخ،ووسن محل مشت م عارفه،،،جات مره كبيره رفعتني وانا من الخوف برجف كلي على بعضي وببكي بكى،المره بقت تهدي فيني وبتقول لي ماف حاجه خلاص اهدي ي بتي والناس واقفه وبتعاين فيني ،قالت لي انتي ماشه وين؟قولته ليها م عارفهه😭قالت لي كيف م عارفه طيب جيتي مع منو السوق،قولته ليها جيت مع صحبتي بس م عارفاها مشت وين😭💔قالت لي طيب وين تلفونك اتصلي عليها،شالت تلفوني من الأرض كان واقع جنبي قالت لي افتحي الرمز،جات واحدة ادتني مويه قالت لي هاك اشربي ليك مويه،قولته ليها انا م متزكره نمط تلفوني😭😭😭😭😭😭😭💔البت شافت الكيس الماسكاهو في يدي قالت لي كدة دقيقه شالتو من يدي وسألت واحد قالت ليهو المحل دة وين بالظبط،قال ليها الشارع دة مع نهايتو المعرض واقع في النص،قالت لي تعالي نمشي لبتاع المحل ده واقعدي براحه واتزكري واتصلي على صحبتك تجيك في نفس المحل دهه تمام؟وانا لسسسه مصصصرهه ابكي وم قادرهه اوقف بكى نهااائي ومن الخوف برجف من فوق لتحت،وصلوني المحل ،المره سلمت على بتاع المحل،هو بقى يعاين لي مستغرب طبعا،المره قالت ليهو يااخي لقينا البت دي شايله الكيس ده وشكلهم اشترو منك حاجه ي شاب والبت دي كان في مجنون شايل سكين سكهه بيها الناس ومع جري الناس والخوفه وقعت ودخلت في الحاله دي اظنها كانت معاها صحبتها ولا حاجه المهم جبناها هنا عشان صحبتها ترجع هنا تلقاها معاك بس اذا م عندك،قال ليهم لا حولااا طيب ما عندي مشكلهه ،قعدو معاي مساافه علشان يحاولو معاي اتزكر النمط وانا م قادره وربي حاسه بنفسي زاكرتي مسحت،المره قالت لي اها ي بتي نحن نمشي لأنو الزمن اتأخر ونحن عندنا لفهه في السوق وكدة وي ولدي م اوصيك عليك الله ،قال ليها لالا ي امي ان شاءالله م بنقصر،طلعو مشو وخلوني قاعدهه معاااه وانا ببكي،جاب لي مويه في كوز قولته ليه م عايزهه،طلع برهه المحل وجا راجع بعد ربع ساعهه كدة،قال لي حاولي اتزكري النمط ،قولته ليهو م قادره اتزكر م قاادرهه وربي وزدتهه في البكى زيااااادة😭قال لي طيب اهدي البكى م حيحل ليك مشكله ولا حيجيب ليك صحبتك ،اثناء م هو بتكلم معاي كدة جاتو مكالمه وقال"ي اروى ،اها كم؟طيب تمام تسلمي ي اروى ،لا ماف شي مهم والله،طيب ان شاءالله،تسسسلمي،بعد م قفل الخط قال "اوووووووووووفففففففف"خته تلفونو في اضانو مساااافهه ،ونزلو،كرر الحركه كم مرهه وانا خاته يديني في خشمي ودموعي جاااريهه بعدها قال الوو السلام عليكم كيفك تمام؟يااخي انا بتاع المحل القبل شويه اشتريتي منو الجكت وصحبتك الكانت معاك حاليا هي معاي هنا في المحل ،طيب تمام ،لا هي كويسه م عندها عوجهه شويهه خوفه بس دخلت فيها طيب ،،،بعد م فصل قال لي صحبتك زاتها خايفهه عليك شكلها كانت بتفتش فيك واسي حتجي ،،،هو م عارف انو كل م يتكلم معاي ببكيني زيادة،بعد عشرهه دقايق بالكتير اسمع وسن بتقول لي شههههههههههههد وهي قافله خشمها بي يديها،طبعا انا من محلي م اتحركته،جات مسكتني قالت لي انتي كويسه وضمتني وانا بقيت ابكي،قالت لي ي بت انا اتلفته بس م لقيتك وراي م خليت حته م فتشته عليك فيها ،وانا لسسه مصصصرهه م اوقف بكى مسحت لي دموعي وبقت تقول الحمدلله ي رب،اتلفتت على بتاع المحل وقالت ليهو جاتك كيف هنااا؟؟قال ليها والله من خلال كيس المحل جابوها لي نسوان هنا،قالت لي شهد حبيبتي خلاص انا هنا وكويسه وانتي كمان م حصلت لينا حاجهه،قعدتهه اضرب فيها قولته ليها دهه كلوو بسببكك انت البخليك تجيبينا محل زي دهه شنوو غلطانه انا البمشي وراك 😭👊💔قالت لي خلاص روقي اوكييه ههههه يلا خلينا نمشي لأنو المغرب قرب يأذن م حنلقى عربيه توصلنا تااااني ،سكتته سااي،قالت لي شهد قووومي يااخي،قولته ليها م ماااشهه م مااااشهه علشان يلقانا المجنون دهه تاني 😭💔ضحكت ضحكهه خفيفهه وقالت لي طيب حنغييير الشارع م حنمشي بنفس الشارع خلاص،قولته ليها ولنفترض انو لاقانا بالشارع دهه برضو لا م ماشهه حيلقانا واحد تاني برضو وربي حيلقانا😭💔قالت لي طيب ي شهد اها حنعمل شنو مثلا حنقعد هناا؟وبعدين لاحظي انو بتاع المحل قفل المحل بتاعو ووقف شغلو عشانكك،قولته ليها اتصلي على رامي خلي يجي يسوقناا 😭💔قالت لي م جادة رامي حيقطع كل الفيافي دي علشان يجي يسوقنا ويرجع؟اتكلمي بالمنطق كدة،قومي ارح وامسكي فيني بس مسكتني وشالت الكيس ومسكت مني تلفوني وقالت لبتاع المحل شكرا واسفين على الازعاج يااخ،قال ليها العفووو م عملنا شي،اول م وصلنا باب المحل فجأة اشوف راجل كبييير ملابسو وسخااانهه جاي ماري صرختهه وقولته وااااي لاااااا ورجعتهه وانا جاااريهه دخلته المحل لمن الناس كلها انتبهت لصرختي،وسن رجعت وبقت تضحك قالت لي اقسم بالله انتي م نصيحهه مالك،قولته ليها م شايفه المجنون دهه مش قولته ليك السوق دهه كلو مجانين😭فجأة الراجل جا وقف قدام المحل شكلو انتبه لي انو انا جريت منو وانا من شوفتو قعدته اصرخ والراجل بقى يشااكل ويقول انا مجنون؟شايفاني مجنون؟الوساخهه الانتي شايفاها دي من عرق حلالي ووقفه الشمس طول النهار،والناس اتلمت وبقت تهدي فيهو بتاع المحل طلع ليهو وبقى يتكلم معاهو وانا ببكي وي يدوووب كدة دخلت فيني خوووفه كويس،بتاع المحل باسو في راسو ،طبعا على حسب القزاز بتاع المحل م قادرين نسمع بقول ليهو في شنو بالظبط،قالت لي ي بت وينو المجنون اسي والله ي شهد بالغتي؟الراجل جاااي ماشي مشيهو ساااي تقولي عليهو مجنون؟؟قولته ليها ي زوله م طالعه من هنا لو رامي م جا ساقني الليله م طالعهه بس😭قالت لي حتى ولو اتصلنا على رامي حيكون محتاج وقت عشان يصل هنا وبعدين الدنيا مغاارب والشوارع زي الزمن دة زحمهه كل الناس بتكون جايه على امدرمان،قولته ليها م بعرف بس وربي م بطلع من هنا لو م جا ساقني😭💔بتاع المحل جا داخل شكلو اتضاايق هو زاتو،قالت لي طيب دقيقه اتصل على رامي بس تتكلمي معاهو انتي فاهمهه؟سكتته،قالت لي هااااااا فهمتي؟هزيت ليها راسي بمعنى "ايوهه"بتاع المحل قال ليها م تتصلي انا كمان بعد كدهه طالع ولو قال حيجيكم حياااخد زممن عشان يصل اذا م عندكم مانع انا كمان ماشي على الخرطوم ممكن اوصلكم في طريقي....
م عندكم باقي حلقات عندي تاني الا بكرهه او بعدو😆✊✋
#نتلاقى®♡
