#أحببتك_حتى29
المهم انا الفهمتو من شكلتهم والطلعته بيهو ي شهد وانا اسفه لأني حأقول ليك كدة بس حأقولو ليك لأنو انتي اختي قبل م تكوني صحبتي والحاجه الكعبه بدل بعرفها الغريل ويشمت فيكم افضل تعرفوها انتو انا الطلعته بيهو ي شهد وبصراحه كدة انو لدن أختك حامل ،بقت في لحظهه صمت بيناتنا هي سكتت بعد م قالت الكلام دة وانا نفس الشي طبعا من أثر الصدمه من الهي قالتو،قالت لي شهد انا م متأكدة بس حبيت اوريك،قولته ليها حامل كيف يعني ههه مستحيل،قالت لي انا زاتي م صدقته بس سمعته سارة بي اضاني دي شهد بتقول لي لدن انا خليني لما بوسخ بعرف بنضف وساختي حتى ضلي م بعرف لكن انتي ابقي مرة وشوفي حل للفي بطنك دة انا زيك يختي انا لا حملته لا ولدته وكان عملته كدة انا الحمدلله بت فتى م شوفته للعرس شي الدور والباقي عليك انتي البي راجلك وبتكابسي في الرجال"،هذا م حصل وتقريبا كدة ي شهد اتضاربو انا مرتين كنت عايزة انزل امشي ليهم بس تاني اتراجعتهه ،قولته ليها اي نعم انا عارفه لدن بس م لدرجه انها تعمل كدة انتي فاهماني ي وسن؟قالت لي انا بس حبيت اكلمك علشان لو في حاجه كدة ولا كدة بالجد تعملو احتياطاتكم،قولته ليها لا ماف شي من دة ههه المهم خليك من لدن ووجع راسها الما بنتهي م قولتي لي اتصالحتو انتي ورامي ولا لسسه؟قالت لي والله ي شهد انا اخوك دة فترته منو،انتي عاارفه عاادي جدا بقى يعدي يوم كامل وم يتكلم معي ولما اتصل عليهو يقول لي مشغول م عارفه غايتو بقى في برود كدة غريب من ناحيتو تجاهي،قولته ليها م حاولتي تتكلمي معاهو؟قالت لي اقول ليهو شنو مثلا؟انت بقيت م بتهتم بي زي زمان ومقصر؟شهد الإهتمام م بتشحد،اذا هو من تلقاء نفسو م حس بي انو مقصر معي يبقى انا حأفضل مطنشاه وابدا م حأحسسو بتقصيرو معي،قولته ليها انا اخر مرة اتكلمته معاهو فيها قال لي انو علاقتكم تمام،قالت لي هو بقول تمام بس ابدا نحن م كدة وبعدين تعالي هنا ي شهد انتي م نفسك تدي يوسف فرصه علشان ترجعو؟قولته ليها وسن اقفلي الموضوع،قالت لي غاايتو م عارفه بس ي شهد يوسف بغض النظر عن العملو والله بحبك شديييد ي شهد وبعدين كل الرجال ديل كدة بس الواحد بلف بلف وبرجع للزوله البحبها،قولته ليها وسن انتي معي ولا معاه ؟ختي نفسك مخلي وحتحسي بالأنا حاساه انا يوسف م اتخليت عنو ابدا انا في الشوك ممكن امشي معاه بس اول م الموضوع وصل باب الخيانه يبقى خلاص لغايه هنا Stop،قالت لي عارفه ي شهد يوسف هو اللي خلى مجاهد ورامي يتصالحو ،رامي حكى لي قال لي جابهم وقعدهم وحل ليهم مشكلتهم مع انو م حكى لي سبب المشكله شنو بالظبط،ومرة شافك خاته في الإستوري صورة يدي الكنت لابسه فيها بتاعات المنتجات الجلديه البتتلبس في اليد دي وكاتبه عليها "وسسن انا عايزة زيها 😔😭💔"على طول اتصل علي بالليل وطلب مني توصف ليهو المحل علشان ،وصفته ليهو المحل واصلا سيد المحل كان فردتي شديد اديتو رقمو اتكلم معاه ،ولما م عرف المحل انا مشيت معاهو سوا جاب ليك الأساور صح؟قولته ليها دة م انجاز عظيم قدام العملو هو اوكييه ؟وبعدين سيرتو بقت تتطمم بطني ي ريت نقفل على كدة ي وسن الله يخليك،قالت لي طيب،رجعته البيت وانا في الطريق بفكر في يوسف،اول م دخلته لقيتهم قاعدين بتغدو،عاينته ليهم كدة ؟حبوبه قالت لي امشي المطبخ في سلطه اسود وبطاطس في التلاجه اكلي،قولته ليها وانت. بتاكلو في شنو؟قالت لي باميه مفروكه بي كسسرة،دخلته المطبخ عاينته لسلطه الأسود حسيت نفسي م عايزة اكلها على طول رجعته ليهم،حبوبه قالت لي مالك؟قولته ليها م عايزة سلطه اسود قعدته جنبها ودخلته يدي وبديت اكل معاهم،لدن قالت لي من متين وانتي بتاكلي كسرة وملاح باميه؟رفعته عيني عاينته ليها مسااافه وسكته،وبالجد الملاح كان مغري ومعاهو شطه خدرة فظييع،بعد م خلصته أكل لدن قالت لي امسكي يدي دي جريني معاك،قولته ليها ليه مالك؟قالت لي ماف شي بس ضهري واجعني وم قادرة اقوم،مسكتها من يدها،قالت لي ماشه استحمه ،انا فجاة حسيت اهو بالجد في حاجه غلط،مشت غرفتها ،عقلي بقى يودي ويجيب ،،حبوبه قالت لي تعالي ي بتي اعملي لينا شااي ظريف زيك كدة،قولته ليها حااضر ي حبوبه،طبعا ماما في المستشفى لسسه م جات،دخلتع المطبخ عملته الشاي وجيت كبيت لي حبوبه الشاي،قالت لي كبي لي لدن اختك معاك وديهو ليها غرفتها،قولته ليها حبوبه هي لو عايزة بتجي تشرب،قالت لي لا وديهو ليها بالحيل بتحب الشاي بالنعناع الفترة دي ودي ليها تاني طلعتها دي م بتنزل اسي،قولته ليها طيب ي حبوبه،كبيت الشاي عايزة اوديهو ماما جات داخله،قاالت لينا مساء الخير،قولته ليها مساء النور كيفك؟قالت لي والله تعب بس،قولته ليها دقيقه اديك مويه،قالت لي م عطشانه اسي شربته من مويه الأزيار البرة دي بااردة وحلوة،شلته الشاي وطلعته بيهو فوق وصلته الغرفه اول م فتحتها كدة اتفاجأ ليك بي لدن طالعه من الحمام وم لابسه غير جلباب خفييييف شفاف عديل واتفاجأ ليك بي بطنها كبييييرة وم كبيرة بس كبيرة عديل وكانت ماسكه ليها قطعه كدة عايزة تربط بيها بطنها ،قولته ليها لدن؟بقت تعاين لي مخلوعه وانا زاتي قولتها ليها بخلعه،قالت لي بي نهرهه م بتعرفي تدقي الباب انتي؟قولته ليها دة شنو دة ي لدن؟؟قالت لي اطلعي برة واقغلي وراك الباب عايزة تدخل الحمام ختيت الشاي في الطربيزة وبسرعه مسكتها من يدها وجريت منها القطعه الماسكاها قولته ليها بتكلم معاك انا دة شنوو دة ي لدن؟قالت لي شنو هو الشنو؟عندي نفاخ ليهو كم يوم فبربطها علشان م تنزل بس مالك ؟قولته ليها كذااابه ي لدن قولي كلام منطقي نفاخ بعمل البطن قدر كدة؟اتفكت مني وهي بتتكلم بي خووف وبترجف عدييل،قولته ليها لدن انتي حامل صح؟قالت لي انتي مجنونه ولا شنوو؟اديتها كف طاااااااخ قولته ليها انتي واحدة تااافهه حامل ي لدن حاامل ؟وتاني اديتها كف ،قولته ليها حتى كلمه تاافهه عليك بسيطه ،ماما جات داخله قالت لينا في شنو لقتني منهارة وببكي وانا بالجد دخلته في حاله تانيه،قولته ليها شوفي بتك ي ماما،شوفي بعينك ،بتك ي امي بتك حامل،حامل ي امي حامل😭شايفه ي امي دي بتك الإنتي ياما واقفتي ضدنا عشانها ،دي بتك الإنتي....بقيت ابكي وم قادرة اتكلم ،ماما طبعا وقفت ربع ساعه وهي بتحاول تستوعب الأنا بقولو،اما لدن م كانت في اي ردة فعل من ناحيتها كانت مستسلمهه تماما قعدت في السرير وبقت تبكي،،ماما قالت ليها صحي الكلام دة ي لدن؟ارفعي راسك دة هنا انا بتكلم معاك؟قولته ليها تتكلم معاك تقول ليك شنو مثلا؟انها حامل؟حتكذبي الموضوع دة برضو ومنتظراها تعترف ليك ي ماما؟اصلا الحاصل دة كلوو حاصل بسببك،لما ناس مجاهد اتكلمو معاك قولتي ليهم لما تلقوها في بيت دعارة لعداك تعالو اتكلمو،اها اسي عملت الإنتي مهدتي ليها الطريق عشان تعملو،دايرة شنو من الحياة دي هي؟زواج ومتزوجه ولادة وولادة عايزة شنو تاني من الحياة دي عايزة شنو ي لدن ي اختي دة شنو العملتيهو دة؟ليه عملتي فينا كدة؟😭😭😭😭😭😭ماما قالت لي شهد اسكتي،قولته ليها م بسكت ي امي م بسكت كفايه سكتنا كتيير اليوم بالزات م بسكت انا حأكلم رامي ومجاهد وخليهم يجو يضبحوك ولا يعملو فيك العايزنو علشان نرتاح منك ومن عمايلك الوسخهه دي،عايزة اطلع ماما مسكتني وفغلت الباب قالت لي اسكتي هسس وم تطلعي،قولته ليها ماما فكيني قولته ليك،قالت لي تعالي هنا قولته ليك الموضوع دة من الغرفه دي م يطلع فاهمه ولا لأ؟ولا اخوانك ولا حتى حبوبتك وجدك ولا زول من ناس البيت دة م يعرفوهو ،قولته ليها انتس اسكتي ي ماما بس انا م بسكت اصلا دي نهايه المضاراة والسكوت عن الغلك بتعمل اكتر من كدة،لو من البدايه خليتي اولادك يعملو البعملوهو كل الأخوان لأخواتخم م كان حصل الحصل م كان بتك ختتنا في الموقف دة ,قالت لي انتي اسكتي وم تفتحي خشمك دة وبتي خليني انا بتصرف معاها،قولته ليها انا ،انا،انا ،طوول عمرك بتقولي انا بتصرف معاها لغاااايه م وصلنا للحاله دي ،طلعته جريت غرفتي وبقيت ابكي بطريقه م طبيعيه،حسيت بنفسي ضعيييييييفهه لدرجه م قادرة اوصفها ،وانا في الحاله دي اول زول خطر على بالي وحسيت اني محتاجاه بجد هو يوسف ،واول م اتزكرتو كدة بقيت ابكي بي حرقه بقو على وجعتين بدل الوجعه الواحدة،صحيت الصباح قرفانه من البيت والفيهو ،قرفانه من كل شي حاولي ومن اصبحت دخلته الحمام وبطني طامه وبقيت ارجع،جهزته نفسي وطلعته مشيت الشركه حتى من غير م اقول لأي زول من ناس البيت،وانا في الشركه جاتني مكالمه ،رديت الوو"قال لي شهد؟قولته ليهو اهلين مين؟قال لي معاك محمد ياااخ كيفك؟قولته ليهو اهلين محمد كيفك تمام؟قال لي بخير الحمدلله انتي كيفك ؟قولته ليهو بخير والله ي محمد،قال لي في شنو ي شهد ؟قولته ليهو بالنسبه؟قال لي انتي عارفه انا بتكلم عن شنو م تتغابي؟انتي ويوسف مالكك؟وي شهد ليه م اتصلتي علي وحكيتي لي؟قولته ليهو حتعمل شنو يعني لو حكيت ليك العملو صحبك ي محمد م بتغفر ونحن خلاص ،قال لي شهد اناا...قاطعتو قولته ليهو محمد انت عارف انا بحترمك شديد وبعتبرك زي اخوووي الكبير بس عليك الله لو عندي مكانه عندك م تحاول تفتح معي موضوع يوسف دة مرة تانيه لأنو انا بحاول اتجاوزو ونحن انتهينا بجد حتى سماع سيرتو بحد زاتها بقت تقرفني الحياة،قال لي والله ي شهد الله اعلم بمكانتك جواي انتي ويوسف وانا ابدا م كنت متمني دي تكون نهايتكم بس كدة انتو اقعدو مع نفسكم وفكرو الإنتو بتعملو فيهو دة غلط ويوسف زاتو استعجل شدييد في موضوع الطلاق دة واذا بتعتبريني زي اخوك الكبير بالجد حتسمعي كلامي،قولته ليهو محمد يوسف م خلى لي ااي مجال علشان اخت ليهو اعذار الله يخليك اقفل على الموضوع ي ريت تقفل عليهو،قال لي حاضر ي شهد عشان م اضايقك حأقفلو،قولته ليهو تسلم،قال لي لو احتجتي اااي شي اتصلي علي تمام م تترددي ؟قولته ليهو حاضر لسه م نزلته السودان انت؟قال لي لسسه السودان فاقدنو شديد لكن انتي عارفه الأشغال والجوطه،قولته ليهو ربنا يدي العافيه والله ياخ،قال لي انتي قولتي لي عثمان اخوك وين في قطر يمكن يطلع جنبنا،قولته ليهو امممم في...بعد م قفلته منو باب مكتبي دق،قولته اتفضل،جا مجاهد داخل قال لي صباح الخير،قولته ليهو صباح النور،قال لي شنو الليله مالو وشك مورم؟قولته ليهو مرهقه بس،قال لي م كان تجي طيب،قولته ليهو اعمل شنو في البيت؟قال اوووعى تكوني بتبكي؟قولته ليهو ابدا،قال ليمع اني م متأكد اذا بتبكي ولا لأ بس اوعى تبكي ي اختي نحن ديل اسي واقفين الوقفه دي عشانكم وطوول م نحن رجال وواقفين فيكم عوجه م بتجيكم ابدا الدنيا دي م تهمو ليها ونحن قاعدين،وماف راجل بقدر يهزكم ي اخواتي ،ويعني شنو مطلقات؟ولا شي ابدا الطلاق عمرو م كان عيب او حرام حتى في شرع ربنا في،طوول م انتو محترمات نفسكم ورافعات راسنا ابدا م عندنا مشكله تعيشو حياتكم بالطريقه الصح ونحن بنمشي ورافعين روسينا وبندخل اصابعنا في عيون ااي زول يفتح خشمو فيكم،وهو بتكلم انا لقيت دموعي جاريه تلقائيا،بجد حاجه صعبه لما اهلك واخوانك يكونو خاتين فيك كل ثقتهم ورافعين روسينهم بيك وانتي تجي تخزليهم،او تخلي الناس يتكلمو بي وراهم ويقولو ديل اختهم صفتها "يااخي دي حاجه م بحس بي صعوبتها غيرهم هم،بعد م طلع بقيت ابكي يومي كلو عديتو بكى،رجعته البيت استحميت ماما جاتني قالت لي اطلعي ارح معاي،قولته ليها وين؟قالت لي اطلعي بس ،طلعته ركبته العربيه لقيت لدن قاعدة في العربيه،قولته ليها ماشين وين نحن ي ماما؟سكتت م ردت علي مشينا مساااافهه بعدها وصلنا مكاان كدة بعييد وبيت زاتو غريب شدييد حتى بناهو شيين لمن غلط،ماما نزلت وقالت لي لدن مش دة البيت؟لدن قالت ليها اي،ماما قالت لينا انزلو،نزلنا وانا مستغربه وم فاهمه شي طبعا،ماما دقت الجرس جا فتح لينا شافع كدة ،دخلنا مشينا مسااافه بعدها وصلنا زقاق كدة وتااني مسااافه بعدها وصلنا،لقينا ليك ناس كتاار قاعدين في صاله كدة طوييله منهم راقدات ومنهم بتونسو ومنهم ساكتين،وكلهم بنات ،سلمنا وقعدنا،شويه كدة جات واحدة فجأة قالت ليهم صحبه البت الأسي دخلوها دي وينها تجي سرعه،واحدة من البنات قالت ليها انا،قالت ليها تعالي سريع دايرنك ،قالت ليها في شنو وجرت لحقت المرة الجات،البنات قعدو يتسائلو في شنو في شنو،في تلاته كدة كانو قاعدين مع بعض قالت ليها اسي دفعتي ليها كم ي سمر؟قالت ليها اديتها 6كامله،قالت ليها انتي جاادة؟قاات ليها والله ،قالت ليها جبتيها من وين القروش دي كلها؟قالت ليها بعته تلفوني والكلب بن الكلب بعد عذاب وتعب وطلاع روح وتهديد جاب لي 3 والباقي لملمتهم غايتو،قالت ليها بجد وااتطي يااخي،قالت ليها الحمدلله غايتو بس القسمه نقول شنو غير كدة، اتلفته عاينته ليهم ياخي البت كانت سمحه سماح مبالغه،من خلال كلامهم انا فهمته انو في شي غلط،قولته ليها ماما البيت دة شنو؟قالت لي اسكتي هسسس،شويه كدة جات واحدة لماما قالت ليها انتو جيتو اسي صح؟ماما قالت ليها ااي،قالت ليها معاك منو؟ماما قالت ليها معي بناتي الاتنين ديل،قالت ليها سمح تعالي،ساقتنا دخلتنا غرفه كدة لقينا مرة كدة قاااعدة وبتشرب في شيشتها،انا اول م دخلته وعاينته ليها وقفته،ابدا م غريبه علي،ماما ولدن سلمو عليها وقعدو،المرة قالت لي لدن لدونتنا جيتينا راجعه تاني؟بقيت اعاين ليها واعاين لي لدن وفجأة اتزكرته انو دي المرة الجاتنا في بيتنا اليوم داك،قولته ليها دقيقه دقيقه يعني انتي يوم جيتي بيتنا جيتي لي لدن صح؟انتي ي زفته الاسمك لدن كنتي بتعرفيها صح؟وبعدين دة شنو البيت دة ي ماما؟المرة بقت تعاين لي وساكته،ماما قالت لي شهد اسكتي هسسس ولا كلمه خليني انا بتكلم،قالت ليها اسمعي ي اختي نحن جيناك وم اظن لدن بتي دي غريبه عليك انتي بتعرفيها كويس وجاتك قبل كدة،المرة قالت ليها صحح جاتني واتفقنا م اكذب عليك ي اختي حاولنا تلاته مرات عشان ننزل ليها الجنى دة لكن الفقري دة حلف كان ينزل وقعدت تضحك،قعدته اعاين لي لدن وماما وانا مخلوعه،المرة قالت ليها والله حاولنا وحاولنا لمن روحنا دي حرقت انا اول مرة احاول لي في عمليه اجهاض وم تنجح انتي عارفه انا لدرجه انو اديتها حبوب راجمات بلعتها ليهم تلانه ورا بعض وبرضو م حصل اي حاجه ،ماما قالت ليها ي اختي لازم يكون في حل تاني نحن والله البت دي اخوانها لو عرفو البعملو فيها وفينا م يعلم بيهو الا الله،انا دكتورة لكن صعبه علي اعمل حاجه زي دي والبت بطنها كبييرة شديد،المرة قالت ليها البت دي ي اختي نحن من الشهر التالت بنحاول ننزل ليها واسي دخلت السابع تاني م بنزل الا الجنى دة يموت جوة بطنها وتعمل ليها عمليه بتاعه كحت غير كدة ماف طريقه،ماما قالت ليها اي مالو ماف مشكله المهم نتخلص منو يعني بأي طريقه،المرة عاينت لماما كداا قالت ليها لكن قروشو كتيرة ي اختي بتقدريها؟ماما قالت ليها م عندنا مشكله بندفع ليها العايزاهو،المرة قالت ليها المرة الفاتت بتك دي دايرة منها قروش الا مشيت ليها في البيت،ماما قالت بيها لا م تخافي حقك مضمون،المرة قالت ليها خلاص بناخد منك 20،ماما قالت ليها 20شنوو؟المرة قالت ليها مليون،طبعا انا الكلام دة كلو واقفه وبعاين بهلع لي ماما ،اتخيلو ماما امي انا الطبيبه الجراحه تعمل حاجه زي دي،ماما قالت ليها م كتيرة؟المرة قالت ليها م كتيرة والله ي اختي نحن في الحاله دي بنديها حبوب بتجينا من برة وتهريب كمان وانتي عارفه اسي البنات البرة ديل كلهم عندهم شهرين تلاته شهور اربعه شهور وكلهم م بنشيل منهم أقل من 6مليون الا حاله بتك دي عشان صعبه لأنو الشهر ال7دة ولادة عدييل،ماما قالت ليها خلاص نجيك متين؟المرة قالت ليها في الوقت الإ...قاطعتها قولته ليها ماما انتي بتقولي كدة؟انتي بتعملي كدة ي ماما؟انتي زاتك؟عارفه روحك بتعملي في شنو ي ماما؟يعني في الأخير عايزة تقيفي مع بتك في الغلط صح؟عايزة تشيلي نفسك ذنب حتتحاسبي فيهو قدام ربنا ي ماما وعلشان شنو علشان بتك التافهه دي؟المرة قالت لي ي...فجأة جات بت قالت ليها اجري ي عوطف في بت ماتت بي نزيف ،المرة قامت وجدعت شيشتها قالت ليها ماتت كيف ،كيف يعني ماتت وقامت جاريه،طلعنا وراها فجأة نسمع ليك بت بتصرخ وبتقول"واااااي واااااي انا ي قلبي واااي ي ريهام،اسي انا اعمل شنو،اقول لناس بيتهم شنو،امشي على وين انا ،واااي ي رهام،احييي قلبي ي صحبتي،عملتي في روحك كدة ليه ي صحبتي ليه ي صحبتي،البت كانت بتبكي وبتنكش في شعرها وبتصرخ بحسها الطويل،المره قالت ليهم سكتوها ،سكتوها بتجيب لينا مشكله امسكو البت دي اقفلو ليها خشمها،انتو زاتكم انا مش قولته ليكم البت م تدخلو اي بت مالم تكلموني؟من هنا ونحن طلعنا جري وانا اول م وصلته باب العربيه وقعته في محلي من الهبوط،ماما بعد محاولات رفعتني في العربيه واتحركت ،انا مع الهستريه الجاتني ديك بقيت اقول ليهم "شايفين البت ماتت ي امي،البت ماتت،ماما انتو كنتو حتعملو كدة؟كنتي حتدخلي بتك في عمليه زي دي؟ماما انتي دكتورة على اي اساس؟اذا بتك غلطت الطفل ذنبو شنو؟ماما دي روووح بني أدم ي ماما حتى ربنا حيغضب عليكم وانتو بتعملو كدة،ليه ليه بتك توسخ وانتي تنضفي ليه؟ليه م تخليها تنضف براها زي م وسختك ء ماما،قالت لي انا لو خليتها والاه تبقى فرجه للناس،قولته ليها مقارنه بالعايزة تعمليهو انتي خليها تبقى فرجه،زي قدرت ومشت رقدت وجابتو خليها تعرف تتخلص منو ليه نحن نوسخ يدينا معاها ي ماما ليه؟اسي الغلطت معاهو دة وينو؟مشى وين؟ليه م وقف معاها؟نحن م مجبورين ي ماما وانا م بقيف معاكم في حاجه زي دي ابدا،دي روووح ربنا من يومو مبتلينا ابتلاءات م بعلم بيها الا هو تاني نقوم نرجع ونعمل كدة نحن؟شايفه البت دي ماتت كيف ؟لا اهلها عارفين الحاصل عليها شنو ولا اي شي بس اتخيلي معي،ماما انا من الأخر كدة م حأقيف معاكم في حاجه زي دي ولا حأخليك انتي تعملي حاجه زي دي وربي ي امي تقولي عايزة تجهضي الشافع دة انتي وبتك انا حلفته اكلم رامي ومجاهد وجدو كمان،وبطلع بمشي امريكا اصلا الحياة معاكم تقرف،عاارفه ي ماما طوول عمرك وانتي واقفه مع الغلط وحتى في اللحظه دي انتي واقفه مع بتك وعايزة تساعديها علشان تمهدي ليها الطريق تاني بكرة تمشي تغلط وانتي تنضفي ليها،يعني بالواضح كدة انا معاك انتي اغلطي وانا بنضف ليك م تخافي،ماما قالت لي سمح اعمل شنو اخليها كدة وسمعتنا تفوح بين الناس وبكرة يقولو بت عبدالله ولدت؟ولا راجلها نقول ليهو شنوو؟قولته ليها ي دوب فكرتي في راجلها؟م من البدايه كلموك وقالو ليك خلينا نرجعها انتي ابيتي،لو خليتيهم كان دة كلو م حصل ي ماما شايفه كل مرة بنرجع وبنلقاك انتي السبب في كل شي،قالت لي يااخي م تقلي ادبك وتمليني فقر اعمل شنو مثلا اتقطع انا اتقطع ليكم؟قولته ليها م تتقطعي ي ماما بس م تساومي على الغلط،مش هي غلطت وانتهى؟يبقى نحن م نرتكب بدل الغلط غلطين اسي هي ربنا علشان عايز يكشفها نهائي م ساعدها علشان تنزلو كلو فضل ليها شهرين وحاجه بالكتير خليها تلديهو م عندها طريقه غير كدة وبعد تلديهو ودوهو التربيه على الأقل م حتكونو ارتكبتو ذنب وعذاب الضمير م حيقتكلم ي ماما،فكرته لقيت روحنا وصلنا البيت،وانا نازله قولته ليها حسبي الله فيكي ي لدن يااخي حسبي الله فيك،نزلته مشيت بإتجاه بيت ناس لدن،ماما قالت لي ماشه وين ي بت؟قولته ليها السماء الأحمر ي ماما السماء الأحمر،ضربته الجرس شدييد جاتني ام وسن سلمته عليها ودخلته،قالت لي وسن دي ماف مالك ي بت انتي كويسه؟قولته ليها كويسه ي خالتو بس مرهقه شويه وجيت قولته ارتاح عندكم هنا شويه،قالت لي سمح تعالي ادخلي غرفه وسن اجيب ليك مويه ،وانا والله حيلي م شايلني وصلته غرفه وسن دخلته ورقدته،امها جابت لي مويه وعصير ،قالت لي ماشه اصلي المغرب،قولته ليها طيب ي خالتو،شربته المويه وانا جعانه ورقدته وبقيت ابكي بدون صوت ببكي لمن بتنهد وبطني دي بقت تطعني شوك شوك،قمته دخلته الحمام رجعته كل المويه الشربتها ورجعته رقدته بقيت تعبانه لدرجه اني م قادرة اتحرك ووجع م بتوصف،فجأة جات وسن داخله ،لقتني واقفه وبتحرك في الغرفه وماسكه بطني،قالت لي شهد مالك في شنو؟قولته ليها ماف شي بس بطني تاعباني ،قالت لي كيف يعني ماف شي وانتي جسمك كلو نازل مويه؟مسكتني قالت لي اكلتي شنو انتي اليوم؟قولته ليها ولا شي،قالت لي يمكن الجوع،قولته ليها م عارفه ي وسن بس تعباانه شديد،قالت لي خلاص ارح نمشي المركز،قولته ليها لا م ماشه،قالت لي لا تمشي اصلا المركز هنا قريب نمشي ونجي راجعين،بعد.محاولات طلعنا مشينا حتى هي م غيرت ملابسها الجات بيهم من الجامعه ،مشينا لقينا المركز زحمه،وسن قالت للمسجله صحبتي دي تعبانه شدييد والله قعاد م قادرة تقعد عليك الله دخلوها،قالت ليها طيب بعد الجوة ديل يطلعو خلوها تدخل،قبل م تخلص كلامها الناس المع الدكتور طلعو ،وسن على طول جات ساقتني دخلتني،الدكتورة قالت لي اسمك وعمرك و...المهم بعدها قالت مالك ي شهد حاسه بشنو؟قولته ليها بس بطني بتطعني كأنو في إبر جواها،قالت لي قومي تعالي ساقتني رقدتني في السرير وبقت تفحص لي بالسماعه في بطني،بعد مسااافه قالت لي في طمام او صداع او حمه ؟قولته ليها في اي اصلا دة العادي كل صباح لازم اصحى بي طمام وصداع وحاله استفراغيهه كدة،طبعا وسن بتاعين لي وهي ساكته،الدكتورة قالت لي اعملو الفحوصات دي وتعالو،مشينا عملته الفحوصات ،قولته ليها ي رب م تطلع ملاريا او تايغود لأني حأموت بالعلاجات،وسن قالت لي لا الملايا بفحصوها بالبول ولا التايفود ي الزكيه،قعدنا انتظرنا النتيجه طلعت بعدها رجعنا للدكتورة،الدكتورة قرت ورقه الفحص كداا وعاينت لي مساااافهه وقالت لي انتي متزوجه ي شهد؟سكتته مساافه بعدها قولته ليها ايوة"بصوت خااافض "ايوهه،قالت لي مبروك انتي حامل...💜
#نتلاقى®♡
