#أحببتك_حتى23
انتي كل حاجه بجد انتي مليتي اي فرااغ كان في حياتي حاليا انا م عايز شي من الدنيا دي غير انو ربنا يديم نعمتو علي ...💜مسحته على راسو وقولته ليهو ي بيبي اصلا دي حاجه م بتغالطو فيها اتنين وكل حاجه بتحصل لي خير ،الصباح قام طالع قولته ليهو يوسف Wait ،waitوقف واتلفت عاين لي مساافه وقال لي تاني رجعتي لحركاتكك انا مش قولته ليك م لي في الإنجليزي بتاعك دة😂😂💔قولته ليهو ي بيبي وين الproblemفي الموضوع يعني،قال لي Wait و Problem كمان؟م حاسه بنفسك لاعبه معي ضاغط؟😂😂😂😂💔قولته ليهو اوكيشن طيب حأتكلم عربي عايزة اقول ليك حاجه Very important عاااين لي كداا وقام ماشي مسكتو من قميصو وقولته ليهو خلاص والنعمه خلاص😂💔قال لي اها قولي في شنووو،قولته ليهو اممممم حترجع البيت متأخر؟قال لي والله على حسب الشغل وكدة، بوستو وقولته ليهو miss you 🙈قال لي دي الحاجه المهمه؟😂😁قولته ليهو ااايوة🙈قفل الباب ومسكني وقربني منو وقال لي اخلي مشي الشغل يعني😁قولته ليهوNooo امشي شغلك ساااي😂قال لي والله بعد No دي كان حنستيني اقعد م بقعد يلا سلام،قولته ليهو تيك كير،قال لي حاضر وطلع مشى،بعدها جاتني الاء قالت لي ارح معي بيت الجبنه اليوم عندنا صندوق جبنه ،قولته ليها امممم صندوق جبنه كيف؟ضحكت قالت لي ارح وانتي بتفهمي 😂💔قولته ليها اوكيييه ،لبسته وقفلته الباب وطلعته مشيت معاها اتعرفته على نسوان الحي وكدة مع اني م اتكلمته معاهم كتير بس قاعدة بعاين ليهم وساكته سااي،بعد م رجعته البيت لقيت مكالمات كتيرة من لدن،رجعته ليها غريبه طبعا هي اصلا م قاعدة تتصل علي،قولته ليها لدن كيفك تمام؟قالت لي الحمدلله وانتي؟قولته ليها انا بخييير معليش بس كنت بعيدة من التلفون لقيت مكالماتك،قالت لي حاصله مشكله في البيت،قولته ليها مشكله شنو خير؟قالت لي مجاهد ورامي اتشاكلو،قولته ليها اتشااكلو ليه خير في شنو مالهم؟قالت لي والله م عارفه ،قولته ليها وماما وين وكيف يعني م عارفه؟قالت لي المشكله كبيرة ي شهد وصلت بيهم لدرجه انهم كانو عايزين يتضاربو ،قولته ليها اسي وين هم؟قالت لي مجاهد قاعد ورامي مع ماما في غرفتو،قولته ليها انا جايه عليكم اسي تمام؟قالت لي لا م تجي قولته ليها لا جايه،لبسته ملابسي وم كان عندي ولا قرش في يدي،مشيت شلته من الاء قولته ليها لما يوسف يجي حأشيلها منك ،قالت لي طيب ،ركبته لي امجاد ومشيت بيتنا،دخلته لقيت مجاهد طالع سلمته عليهو ومسكتو قولته ليهو مجاهد في شنو؟قال لي ماف شي،قولته ليهو لا في خير مالك مع رامي؟قال لي لحقو يحكو ليك؟قولته ليهو وانا غريبه يعني؟فجأة رامي جا طالع من البيت وقال ليهو دقيقه تعال انت قولته انا ساحب 400مليون من حساب الشركه؟انا دة شخصيا؟مجاهد قال ليهو اي شلتها وم تنكر،رامي قال ليهو ي زول م تتبلاني م انت من يوم ابوي دة مات بتتحرمن في قروش الشركه دي اشتريت بيوت ويومي مغير عربيتك و80% من القروش دي صارفنها ومتحكمين فيها انت واخوك عثمان وكل واحد فيكم مجرم من التاني في زول سألكم؟جاي تحاسبني انت؟اول شي امشي حاسب نفسك وشوف القروش دي قاعدة تمشي وين،مجاهد قال ليهو القروش الانت بتتكلم عنها دي انا تعبته فيها ومتحمل مسؤليتها ووقفته فيها من وفاة ابوووك ي حيوان انت كنت وين؟لو م انا الشركه والمصنع الانت بتتكلم عنهم ديل م كان لقيتوهم،رامي قال ليهو واقف فيهم عشان زول م عشان مصلحتك انت حاجه لو م عندك فيها مصلحه بتقيف فيها م تتكلم عن التعب وانت كل حاجه اتقدمت ليك في ملعقه من دهب ،جدو وحبوبه جو طالعين ومعاهم لدن وماما،ماما بقت تتكلم معاهم وبتقول ليهم ي اولادي الله يرضى عليكم خلاص بطلو الانتو بتعملو فيهو دة وانعلو الشيطان،رامي قال ليها ي امي بالله بلا شيطان بلا زفت،طبعا انا واقفه وبعاين ليهم مخلوعه،مجاهد قال ليهو انا فكرته في مصلحتي وتعبته ووقفته في الحاجه الحتفيدني افضل م نايم ساااااي وبصرف قروش بالهبل على الشماسه ومقضيها سفاهه سااي ،جدو قال لي مجاهد ي مجاهد ي ولد انت حالتك الكبير؟انا مش اتكلمته معاك وقولته ليك خلاص الموضوع دة انتهى مش ورثه ابوكم دي بكرة نقعد مع المحامي واي زول عندو حق يطلع ليهو وخلاص،رامي قال ليهو الورثه دي ي جدي نحن م حنقسمها بي اخوي واخوك نحن ندخل المحكمه ولو في ملعقه موروثه من ابوي تدخل المحكمه والقاضي يفصل بينا عشان انا اوريك العفانه دي كيف ي حرامي،مجاهد عايز يضرب رامي ماما وقفت في نصهم وقالت ليهو مجاهد انت جنيت ي ولد،قولته ليهم ماشاءالله والله يعني انتو اسي بتتشاكلو علشان القروش؟؟؟مجاهد ورامي معقولهه؟بابا مات وانتو بتتشاكلو في القروش الخلاها وراهو الحلو ليكم شنووو ؟مبسوطين بيها يعني؟لو هي دايمه بجد م كان بابا حاليا اندفن خلاهاا ،قولتو لي شنو ورثهه؟وتقسيم ومحاكم؟حتخسرو بعض علشان القروش؟دامكم بتحبو القروش دي كدة ليه م بقيتو رجال وتعبتو وجبتوها من عرق جبينكم؟على العموم انا أحب ابشركم انتو احرار قسموها براحتكم ولو بتشبعكم وبتغنيكم حلال عليكم بس انا شوفتو في طرف المعلقه م عايزة وقروش بابا دي كان بقت مال قارون انا م عايزاها انتو عساها تغيركم وتخليكم تبقو ناس م تبقيكم حيوانات بتنهشو في لحم بعض ومن اليوم انا م اختكم ولا بعرفكم وقمته ماشه،حبوبه لحقتني وقفتني،قالت لي استني ي بتي ماشه وين؟دموعي جاريه قولته ليها ماشه بيتي ي حبوبه،قالت لي ي بتي اقعدي اشربي ليك مويه سااي،قولته ليها لالا ي حبوبه ماشه والله يلا مع السلامه وطلعته مشيت وبقيت ابكي بطريقه خياليه بتاع الأمجاد الموديني لمن استغرب انا ببكي كدة ليه بس م سألني،يعني اسوأ حاجه تلقى اخوانك بخسرو بعض علشان حاجه هاايفه وم بتقدم ولا بتأخر ابدا،والله اتوجعته وجعه لدرجه اني م قدرته اتحكم في نفسي،وصلته البيت لقيت يوسف موقف ركشتو وقاعد في الكرسي برة وباين ليهو متضايق،لما شافني وقف على حيلو ،اديت بتاع الأمجاد قروشو ومشيت على يوسف قال لي شهههد في شنو ومشيتي وين انتي؟م رديت ليهو دخلته البيت وعلى طول دخلته الحمام وبقيت ابكي بطريقه خياليه بستحمه وببكي ويوسف واقف لي بره الحمام وبتكلم معي وبقول لي "حبيبي في شنو م تقلقيني عليك مشيتي وين انتي والحصل شنو اطلعي انا بتكلم معاك فهميني،طلعته من الحمام دخلته غرفتنا ومشيت فتحته الدولاب جا مسكني وقفل الدولاب قال لي انا مش بتكلم معاك خوفتيني قولي في شنو ي بت؟؟؟قولته ليهو انا مشيت بيت اهلي، قال لي ودي حاجه بتبكي؟فاكرة انا حأزعل من الحاجه دي يعني؟هزيت ليهو راسي بمعنى لأ،قال لي طيب الحصل شنوو هناك ؟قولته ليهو لما مشيت هناك رامي ومجاهد اتشاكلو😭قال لي خير ليه مالهم؟قولته ليهو علشان القروش تخيل هم بتشاكلو في ورثه بابا الحاليا هو تحت التراب وفاتحين نفسهم وبقولو انهم حيشتكو بعض وحيدخلو محاكم،ضماني وقال لي لا حولااا خلاص بطلي بكى والسبب الخلاهم يعملو كدة شنوو؟قولته ليهو م عاارفه بس انت م شفته شكلهم وهم بتشاكلو كأنهم م بعرفو بعض 😭💔باسني في راسي وقال لي خلاص حبيبي بطلي بكى اصلا البكى عمرو م بحل مشكله وبعدين رامي ومجاهد عاقلين وهم اكبر من كدة بس يمكن الشيطان دخل بينهم اصلا حتكون دي لحظه شيطانيه بكرة برجعو بتصالحو،قولته ليهو م اظن يرجعو بعد الحاله الشوفتهم عليها دي،قال لي لا ان شاءالله حيرجعو م تقولي كدة انتي بس روقي اعصابك ماشي؟بعد الحصل دة انا بقيت مهمومه وعلى الدوام بفكر في اخواني والحاصل عليهم شنو،ويوسف شغلو م كان تمام ابدا بالعكس كل يوم كانت بتتعكس عليهو اكتر والركشه يوم تتعطل ويوم تشتغل وكل القروش البشتغلهم برجع بصلح بيهم الركشه،احيانا كان بجي راجع البيت من غير قروش والحاجه دي كانت بتخليهو متضاايق شدييد ويوسف من نووع الناس المستحيل يحوج نفسو لزول او يطلب من زول قرش عندو كرامتو وعزة نفسو فوق كل شي اي نعم هو مستعد يشتغل اااي شغله م عندو مشكله بس م بحوج نفسو لزول واكتر شي كان بخنقو انو نحن بقينا احيانا بمر علينا يوم حق الصابون علشان نغسل بيهو غياراتنا م بكون عندنا،في يوم قاعد وبتكلم معي قال لي انا حأساافر دي م حاله دي،قولته ليهو تساافر ؟حتسافر وين؟قال لي اي مكان برة السودان ان شاءالله دول اوروبا تهريب ،ختيت يدي في خشمو وبقيت اعاين ليهو قولته ليهو وحتخليني انا؟قال لي م انا حأمشي عشانك انتي،قولته ليهو وانا م عايزاك تمشي عايزاك تكون معاي والحاله دي ان شاءالله حتتغير للأحسن اصلا دي كلها امتحانات من ربنا،سكت وم قال شي،الاء احيانا بتشيل فطورها وبتجي على اساس انو ناكل مع بعض وانا م بكون عامله شي كنت بدخل في اظافري من الخجل وهي بتكون حاسه بالحاجه دي وبتقول لي عايني م تعملي اي شي اصلا الفطور دة بكفينا واكتر وبتفتح لي موضوع بتاع ونسه وضحك علشان انا م اتحسس،قالت لي ي شهد انا 15سنه ربنا م اداني عياال وانتي ويوسف والله معزتكم عندي كبيرة وبقيتو لي زي اولادي واكتر كمان عشان كدة ابدا م تخجلي مني ،اي نعم يوسف علاقتو مع اخوانو مكهربه وهم ظالمنو ومعاهو حق يقطع علاقتو بيهم بس انا م بقدر اشوف يوسف دة مهموم واخليهو ،قولته ليها يوسف هو مالو مع اخوانو ؟قالت لي يوسف دة ي شهد فوق الظلم الاتظلمو وهو صغير بعد كبر اخوانو ظلموهو في الورثه م ادوهو ولا ملين احمر وكلهم ماشاءالله في منهم الدكتور وفي منهم المغترب في قطر وفي منهم العايش هنا وعايش من خير ابوهو،قسمو الورثه زييين وشالو اي حاجه ويوسف دة م طلعو ليهو ولا شي ،واسي الصالون الانتو قاعدين فيهو دة عمتي قالت عايزاهو للضيافه يعني بعد فترة حتطلع يوسف منو،قولته ليها ويوسف م طالبهم؟قالت لي اتكلمته معااه وقولته ليهو قول داير حقك لكن حلف م يااخد منهم ولا قرش ولا داير مشاكل معاهم انتي عارفه ي شهد يوسف دة قبل فترة سجنوهو تقريبا شهر عشان عندهم قروش وم لقوها تقريبا 40مليون كانت عند اخوهم الكبير متوكل راجل مها،واظن هو ختاها في الصالون وقتها كان يوسف علاقتو بيهم كويسه،ويوسف دة بطلع الصباح بجي راجع نص الليل بصحى الصباح بستحمه وبلبس وبطلع شغلو،متوكل جاب القروش وختاها بدل م يوديها بيت مرتو وداها الصالو وهو خلى الصالون فاتح ومشى نام في بيتو ويوسف اساسا ماف الشي الطبيعي يجي حرامي يلقاها يشيلها ،لما جا وم لقاها سأل يوسف يوسف قال ليهو م شوفتها واتشاكلو معاهو وعملو جوطه وسجنوهو وحياة الخلقني انا مش سيف الدين دة مش راجلي؟انا بكيت ليهو بدموعي عشان يطلع يوسف،وماف زول وقف معاه من الأهل ديل كلهم غير صحبو محمد مشى كفلو ودفع ليهو ال40مليون تخيلي في صاحب بعمل كدة؟ وفي النهايه القروش طلعت شالتهم مها مرت متوكل زاته اتخيلي بس مشت ودت نصهم لي اهلها ونصهم دقت بيهم دهب وبعد دة كلوو شي م عملو ليها ومن يومها يوسف قطع علاقتو رسمي مع اخوانو وعمتو،قولته ليها سبحان الله يعني شوفي علشان القروش الناس دي بتخسر بعض عادي،قالت لي عاادي والله ي شهد ابدا بقت ماف حاجه بتصدم،قولته ليها فعلا والله ،اكتر شي كان مضايقني انو انا قاعدة ويديني مكتفات وم قادرة اساعد يوسف دة ولا بأي شكل من الأشكال ومن الهم لمن ملامح وشو اتغيرت ونادرا م بقيت اشوفو بضحك،وصلت بي المرحله لدرجه انو انا بقيت عيانه وم كنت عايزة امشي المستشفى ولو م هو لاحظ لي وبقت تجيني حمه مبالغ فيها م كنت حتمشي الدكتور لما الدكتور قال لي تايفود وم قاعدة تاكلي وجسمك فاقد شديد يوسف دة ملامح وشو اتغيرت كلها على بعضها ،بعدها ركبو لي فراشه وادوني العلاجات ورجعنا البيت انا اول مرة اشوف يوسف ببكي،ايوة كان ببكي م قدر يمسك نفسو،قال لي انا مقصر ي شهد ومقصر شديد ويدي مربطه وم عارف اعمل شنو ،انتي لو استمريتي معي بالطريقه دي حتموتي،قولته ليهو يوسف انت بتبكي؟يوسف انا شكيت ليك انو انا متضايقه من الوضع دة؟ابدا بالعكس ،قاطعني قال لي م ضروري تضايقي بس انتي م مجبورة تتحملي تعيشي عيشه زي دي،قولته ليهو انا طلعته معاك من بيت اهلي وانا عارفه وضعك كيف ومقتنعه وراضيه ،في يوم مشيت لي الاء في بيتها وقعدنا اتونسنا طووول اليوم فجأة الاء غازها قطع قالت لي ارح معي بيت عمتي أخت حلتي في بوتجازها،قولته ليها طيب،طبعا بيت عمتهم دة هو كبيير بس المرة مقسماهو على عيالها الأربعه ونسوانهم وهي مخليه ليها مكان جزؤ صغير كدة ساكنه فيهو ،مشينا نسوان اولادها اول م شافونا قعدو يتهامسو،الاء قالت لي شايفه هسي بقطعو فيك،عاينته ليهم وسكته،قعدته معاهم بره في المظله والاء دخلت المطبخ قامت مها قالت للتانيه فلانه دي المويه جاريه من تحت رجلينها وهي م عارفه وقعدو يضحكو،توسل قالت ليها خليها اصلا هههه،الاء جات طالعه وقعدت تتونس معانا جات عمتهم كانت بتصلي عاينت لي من فوق لتحت وقالت لي اهلا،قولته ليها اهلين،قالت لي انتو م ناوين ترحلو ولا شنو؟الاء قالت ليها اجي ي عمتي يرحلو وين؟عمتها قالت ليها يرحلو الرحول الواحد دة الصالون دة حق الضيوف نحن كان حصلت لينا فيهو مناسبه ولا كدة بنفرشو،الاء قالت ليها ي عمتي كان جينا للحق البيت دة بيت ورثه ويوسف عندو زي باقي اخوانو ادوهو حقو في البيت،عمتها سكتت وم اتكلمت،قمته على حيلي قولته ليها الاء انا ماشه ،قالت لي انتظري اشيل حلتي اوديها اشدها في بيتكم،مها ضحكت ضحكه خبيثه وقالت ليها عاد دة م بيت يوسف كيف م بتمشي تشدي هناك ههههههههه،عاينته ليها وانا مخلوعه من طريقه كلامها هي بتحاول تلمح لحاجه بس شنو م عارفه،رجعنا البيت قالت لي عمتي دي م تشتغلي بيها،قولته ليها م مركزة معاها انا،بعد اسبووع في يوم بعد الفطور باب الشارع دق وانا اصلا قاعدة في المظله برة لأنو الكهربه بتصرف بقيت م بفتح المكيف ابدا،مشيت فتحته لقيتهم توسل ومها ورغدة،استغربته طبعا م حصل جوني في البيت ابدا لا وكمان الظريفه شايلين ليهم بن وسكر ،قولته ليهم اهلين اتفضلو ،فضلتهم ،قالو لي الاء الليله م جاتك؟قولته ليهم لولا اليوم قالت ماشه على اهلها وكدة،ابتسمو لبعض ابتسامه خفيفه وبنظرات غريبه طبعا،قعدته عملته ليهم الجبنه زييين بعدها مها قالت لي الاء دي م تغرك طيبتها دي اوووعى،قولته ليها بإستغراب كييف؟قالت لي عشان اكون صريحه معاك،قولته ليها والله انا قعدته معاها الفترة دي كلها م شوفته منها حاجه كعبهه،توسل قالت لي م المشكله هي م بتعمل الشي الكعب في وشك هي بتحفر ليك بي تحت بس،طبعا انا بقيت اعاين ليهم بس،مها قالت لي واحدة ولافه ساااي وبتاعه رجال هي في اخوان راجلها عندها راي عشان كدة امسكي راجلك عليك قوي ي بت امي والله واحدة وخرابه بيوت والأكعب من كدة بتاعه شيوخ ولماصيق، رغد قالت ليهم انتن م تقعدن تلفن وتدورن ساااي ورنها الحاصل عدييل وم تقعدن تستغبنها لو م قادرين تتكلمن انا بوريها اسمعي ي بت الناس ألناس والله الاء دي قبل م انتي تجي كانت 24ساعه مع راجلك وم كدة وبس شوفتي باب النص البينكم دة كان فاااتح وهي نص الليل تلقيها طالعه الا بالجلباب الخفيف من هنا يعني علاقتهم كانت بالباااااب عدييل كدة واسي حكحكتها فيك دي م سااي م تنبسطي بيها يختي واصلا اظن يوسف دة عرسك عشان يداري على عمايلو معاها مرة راجلها مغترب وقاعدة براها واخو راجلها كل البنات نفسهم فيهو وهو ساكن جنبها وبيناتهم باب دايرة شنو اكتر من كدة،طبعا انا وهم بقولو في الكلام دة حسيت كأنو في راسي دة في كتل حجار بي فوق ليهو،انا ساكته وبعاين ليهم بعدها قولته ليهم وانتو طالعين بعدين اقفلو وراكم الباب،مها قالت لي ي بت النا...قاطعتها قولته ليها شكرا على النصيحه ووصلت والله وم تنسو تشيلو سكريه السكر حقتهم م عندي صابون اغسلها ليكم والله،توسل قالت ليهم قومن ارح ي نسوان نحن الغلطانين البنجي نساعد.مش كلمتكن اناا؟طلعو بي باب النص وخلو الباب فااتح ،في اللحظه ديك انا مسكته راسي وقعدته في الكرسي بالجلاله انا بقيت م شايفه ااااي شي بس ضلام بقيت اهبش يمين وشمال وفجأة مره على بالي كل موقف حصل بيني وبين الاء ويوسف ،وطريقه تعامل يوسف مع الاء والاء مع يوسف وطريقه اهتمام الاء بي يوسف وكلامها الدايم عنو وانو هي عااارفه اي حاجه عنو حتى اصغر تفاصيلو وكلام يوسف لي يوم م جابت لينا الشاي الصباح وقال لي دي مرتي وبعدها قلب الموضوع هظار بقيت اتخيل كل موقف ليهم مع بعض وانا ببكي وغير الضلام م شايفه حاجه وجسمي كلو برجف وبقيت م بين مصدقه وم مصدقه بس ابدا عقلي م كان قادر يكذب الموضوع دة ...😭💔
#نتلاقى®♡
