#أحببتك_حتى28
وانا لسسه بحترمك شديد ي شهد ولسسه مكانتك جواي وم اتغيرت ولا حتتغير ولو بألف بت م حتتغير بس احتراما للبينا ولرغبتك وعشان م نخسر بعض وعشان انا استحاله اخليك في يوم تقيفي قدام قاضي او محكمه انتي طالق ي شهد،طبعا انا لما قال جمله "انتي طالق ي شهد" م قادرة افسر انا حسيت بشنو لحظتها بس م كنت مستوعببه كلامو بس صدى صوتو كان بتردد في اضاني ،انا فضلته سااكته وبعاين ليهو وهو كان بمسح وشو بي يدو وعيونو متحوله لحاجه م بتتفسر ،وقفته على حيلي بعد م استجمعته جزؤ من اعصابي المنهارة وربعته ليهو يديني وضحكته ضحكه خفيفه وانا بعاين ليهو في عيونو وقولته ليهو وااااو فرصه وجاتك في محلك اكيد م حتفوتها،الإنت عايزو اتقدم ليك في طبق من دهب عايز شنو تاني ههه ،بس بصراحه يااااخي انا زعلانه وشفقانه عليك بجد ،وزعلانه على روحي لأني اتوقعتك تكون ارجل من كدة او بالأحرى تكون راجل بجد،على الأقل سيف اخوك طلع ارجل منك وجا صارح مرتو بالعملو وبعدين هو م عمل كدة علشان طمعان يعني م زيك لأنو راجل و بشتغل بضراعو وم بعيش تحت مرة،ههه وبالمناسبه هي انا شفتها لأنها جاتني في البيت هههه م زعلانه لأنو مستواك زباله شديد حأقول ليك شنو وانت مرتبط ليك بواحدة بتلديني ههههه ههههه مسخرهه اقفل وراك الباب لو سمحته ،طلع وهو عروق يديهو دي كلها اتشحطت من الغضب بس اتمالك نفسو،بعد م طلع انا م عارفه الحصل شنو اتوقعته نفسي حأبكي وحأهيج وحتحصل لي حاله من الإنهيار وكدة بس ابدا دة م حصل ولا حسيت بنفسي عايزة ابكي ابدا كانت جواي حاجه كدة انا م قدرته افسرها ابدا لروحي حتى،قعدته نص ساااعه كدة نزلته تحت دخلته المطبخ ،لقيت حبوبه بتتكلم مع ماما وبتقول ليها "الله يهدي سرهم ي بتي الله يهدي سرهم"جيت داخله ،عاينو لي،قولته ليها حبوبه ماف حاجه بياكلوها؟فتحته التلاجه قولته ليهم الله جبنه مضفرة نزلته لي صحن شلته لي فيهو جبنه وزيتون واتلفته لقيتهم بعاينو لي وهم ساكتين،شلته زيتونه دخلتها في خشمي قولته ليهم خير مالكم؟حبوبه قالت لي اتصالحتو انتي وراجلك ي بتي؟قولته ليها اتصالحنا كيف؟قالت لي حليتو مشكلتكم؟هزيت ليها راسي بمعنى لا،ماما قالت لي اها شنو؟ابتسمته ودخلته لي جبنه في خشمي وقولته ليهم اتطلقنا،حبوبه بقت تحمر لي وامي بنفس النظرة،حبوبه قالت لي ي بت هوووي اتكلمي عديييل،قولته ليها جااااادة والله هههههه،المهم ماف عصير في التلاجه دي نفسي في عصيير باااارد فتحته التلاجه لقيت برتقال قولته ليهم ي الله يعني الا أخلط شلته البرتقال قشرتو وخلطته لي عصير كبيت ليهم كبايتين وشلته الجك وصحني بتاع الجبنه ورجعته غرفتي،طبعا انا عملته دة كلوو وهم بعاينو لي بي طرف عيونهم،بعد م طلعته حبويه قالت ليها والله بتك دي الا كان جنت ي سوسن ي بتي ،ماما قالت ليها انا اصلا عاااارفه دة البحصل والله كنت حاسه عشان كدة من البدايه م رضيت بالعرسه بس البسمع لي منو انا ،حبوبه قالت ليها كدة النمشي عبى جدها دة نشوف الراجل دة قال ليهو شنو لمن طلع،عاااد دة حال دة يخواني،قعدته في غرفتي شربته عصيري وأكلته ورقدته عايزة انووم حبوبه جات قالت لي ي بت ي شهد قومي تعالي جدك عايزك تحت،نزلته ليهو قعد اتكلم معي كداا علشان يفهم مني الحاصل شنو ولو في طريقه يحل المشكله ويرجعني قولته ليهو بس ي جدي انا م دايراهو الراجل دة وتاني م بعيش معاهو عدييل،قال لي كدة؟قولته ليهو ايوة ،قال لي لما اشتكيتيهو ليه م كلمتينا؟قولته ليهو لأني عارفه ماف زول فيكم حيقيف معي،قال لي نقيف معاك في الغلط؟قولته ليهو انا م غلطانه ي جدو انا م عايزاهو ولو رجعته م بعيش معاهو ،مجاهد جا سالني قال لي انتي مالك مشكلتك معاهو شنو مقصر منك في الأكل والشراب؟بعاملك كعب وبضربك؟قولته ليهو ولا حاجه من ديل مشكلتنا خااااصهه افهمو ي جماعه ودي حاجه بيني وبينو ي ريت تتفهمو الحاجه دي مجاهد بعد كدة سكت وم ردة،رامي قال ليهم خلاص بعد كدة م تسألوها ي جماعه مش اتطلقت والموضوع دة انتهى على كدة بس خلاص خلوها نشوف قوة راسها دي حدها وين،اثناء م انا قاعدة في الغرفه وبشاهد لدن جات قالت لي سرحي لي لي ياسمين دي شهد ،قولته ليها طيب تعالي حبيبه قلب خالتو بتي السمحهه،شويه كدة لدن قالت لي انتي ي شهد قولتي مشكلتك مع يوسف خاصه اوعى تقولي لي بعد سماحتو دي اممممم وم اممممممم،عاينته ليها قولته ليها قصدك شنو؟قالت لي انتي فاهمه قصدي م تتغابي اصلا الأولاد السمحين ديل كلهم م نافعين قولي عادي ،قولته ليها م خجلانه بتتكلمي قدام بتك بالإسلوب دة؟اقفلي وراك الباب لو سمحتي وشكرا على استنتاجاتك التافهه،قالت لي مالك فورتي كدة مش طلاق واتطلقتو،قولته ليها زي م قولته ليك اقفلي وراك الباب،طلعت مشت ،الحاجه الصادمه ناس بيتنا انو انا بتصرف بطريقهه أقل من عاديه ،بقيت لم أجي اقعد اتونس معاهم معظم الوقت بلقاهم ساكتين وبعاينو لي هم في بالهم انو انا عقلي م تمام هههه،يوم الخميس صحيت الصباح بدري جهزته نفسي وطلعته ،لدن قالت لي ماشه وين؟قولته ليها ماشه مع مجاهد الشركه،قالت لي مجاهد؟بالنسبه لشنو ماشه ليهو؟قولته ليها ولا شي هو اتصل قال لي بكره جاي اسوقك معي الشركه وبس،قالت لي امممم طيب والله كان نفسي في سمك وكنت عايزاك تمشي تجيبي لينا،قولته ليها امشي انتي براك مالك؟قالت لي لا م نفسي اطلع،عاينتهوليها بإستغراب وقولته ليها لدن وم نفسهاوتطلع وااو شي عجيب جهزته نفسي لغاايه م مجاهداتصل علي تلفون قال لي اطلعي طلعته ليهو ،ونحن في الشارع قولته ليهو اسي انت سايقني الشركه لشنوو؟قال لي مزاج بس ،قولته ليهو اممم عايز تعرفني على جكسويتك صح؟ضحك قال لي اعرفك عليها في الشركهه؟قولته ليهو I dont noقال لي مجنونه هههههه ،وصلنا الشركه مشينا المكتب قعدنا شويه كدة رامي جا داخل ،قال لي شهد؟قولته ليهو اهلييين،قال لي الجابك الشركه شنو اليوم؟مجاهد قال ليهو جبتها انا،رامي قال ليهو موضوع امس؟مجاهد قال ليهو يب،رامي قال ليهو مجااهد،مجاهد رفع ليهو يدو بمعنى اسكت،رامي قال ليهو تمام تمام،قولته ليهو مجاهد في شنوو؟قال لي ماف شي بس حتشتغلي معانا في الشركه،قولته ليهو يوووووسف Nooooقال لي اسمعي كلامي حتقعدي تعملي شنوو في البيت؟ولا اي شي،قولته ليهو وهنا حأعمل شنو حأكون زيادة عدد سااي،قال لي وفي البيت برضو حتكوني زيادة عدد احسبيها صح ي شهد على الأقل هنا في الشركه حتملس وقت فراغكك ،سكتته ،قال لي اها اتفقنا؟قولته ليهو طيييب تمام،قال لي ظابط ،قولته ليهو ظابط ولا عسكري😂😂😂😂😂😂😂🙊💔قال لي هههه ههه هه مفروض اضحكك😒💔سكتته للحظهه اتزكرته مواقفي الزي دي مع يوسف ولما اتماسخ معاهو كدة بقوم وبشيلني وبقعد ينكش في شعري وسرحته مسااافه بعدها رجعته للواقع لمن ملامح وشي اتغيرت بس ابدا م اظهرته لي مجاهد اني متضايقه،قولته ليهو اها انا هنا حأشتغل شنوو؟قال لي حتكوني عضو في إدارة الشركه؟قولته ليهو سيريسلي؟😳بتهظر صح؟قال لي ابدا جادي،قولته ليهو حأعمل شنو بس؟قال لي ولا شي بس خليك كرسي وقاعد تمام ي شهد؟قولته ليهو حاضر،المساآ لما رجعته البيت لقيت عمو هاايج وفااير وانا كيف اشتغل في الشركه وعلى اي اساس مجاهد بشغلني وهي متين اتطلقت لمن تقعد تلف وتعمل ليها موضوع شغل و... المهم كان مقوم الدنيا وم مقعدها،جاني رامي قال لي خلي موضوع الشغل دة ي شهد م تعملي لينا مشاكل سااي اقعدي زي م اختك لدن دي قاعدة ،وشغل شنو ليك زاتو انتي عارفه في الشركه دي شنو زغتو لمن تشتغلي فيهاو..عاينته ليهو كداا عرفته عمو محرشو قولته ليهو رامي والله م كان نفسي اشتغل ولا اي شي بس علشان عمو مصصصر انو انا م انزل الشغل دة انا حأنزل اوكييه ي رامي؟وم عندي شغله بي كلام زول وهو خلي يطق انا نازله اشتغل في الشركه م نازله شوكه في قلبو،اليوم التاني مشيت الشركه مع رامي زاااتو قعدته في مكتبي،اليوم الأول حسيت بالملل واليوم التاني نقس الشي والموضوع بقى شبه ممل،في يوووزم كان عندنا اجتماع في الشركه بخصوص المنظمه حقت بابا الفي غرب السودان ديك،والمفروض كان مدير المنظمه يحضر بس م جا،عمو اصلا من يومو معترض على الإجتماع لأنو مجاهد كان طالب يعملوهو ،لما خلاص جا زمن الإجتماع عمو جا قال لينا الزول دة عندو وفاء والمفروض كان يتحرك يجي لكن اتأخر لأنو عمو اتوفى،مجاهد قال ليهو يعني بعد فضل للإجتماع ساعه جاي تقول لينا كلامك دة؟عمو قال ليهو اها اعمل ليهو شنو زول قال عندو وفاة؟مجاهد قال ليهو دة الإجتماع التالت يتأجل بسبب انو كل مرة طالع لينا بعزر جديد،عمو قال ليهو خلاص خلي نجتمع بالوكيل بتاعو،مجاهد قال ليهو انا م دااير الوكيل انا دايرو هو شخصياااا ولو اتضطر الأمر انا حأسافر على الأقل اشوف المنظمه دي الحاصل فيها شنو اساسا،رامي قال ليهو انا سافرته وجيت حكيت ليك الحاصل لكن انت م داير تقتنع،مجاهد قال ليهو لأنو الكلام القولتو لي م كان مقنع وسفرتك م كانت منها اااي فايدة ي رامي عشان اكون واضح معاك،قولته ليهم روقو مش الزول دة قال عندو وفاة؟طيب خلو ايام الوفاة دي تعدي ونشوف البحصل شنو،رامي وعمو طلعو فضلته انا ومجاهد،مجاهد دة كان متضايق للدرجه جدع القلم قولته ليهو جدعه الكلام م حتحل ليك مشكله،قال لي والله ي شهد مشاكل الشركه دي ماشه تتعقد بس م اكتر كل يوم نحن في هاء ولاء ،قولته ليو كيف يعني ي يوسف؟قال لي نحن نحن بقينا نصرف على المنظمه من مدخرات الشركه،والشركه زاتها م عاارف بس بقى في خلل في حساباتها معظمها متضاربه وداخله في بعض ولما نجي نعمل. كشف حساب بنلقى الإحتياطي حق الشركه ضئيل شديد م عااارف بس اذا الوضع دة استمر اكتر من كدة حنبيعها ونريح راسنا،قولته ليهو مجاهد م للدرجه دي كمان انت روق وكل شي بتحل،قال لي بتحل كيف ي شهد بتحل كيف بس فهميني انا دة والله فترته من الشركه ومشاكلها عديييل كدة اسي انا راحه م قاعد ارتاح بدخل الصباح بجي راجع المساء،قولته ليهو هي الشركه م قاعدين يجوها عملاء ومستثمرين؟قال لي بجو ولما الشغل بقرب يظبط م عارف بحصل شنو المهم م بتفقو على حاجه فبخلونا،بكرة القريبه دي شوفتي عندنا اجتماع مع ناس كبار لو ظبط امورنا بتمشي وبتتظبط،قولته ليهو كويس طيب ان شاءالله يعدي على خير،طلعته من المكتب شايفه عمو عبدالباسط دخل لي رامي في مكتبو،مشيت على مكتب رامي وقفته جنب الباب سامعه عمو عبدالباءط بقول لرامي "اجتماع بكرة دة نحن م عندنا للناس ديل اي ميزانيه والمشروع دة مكلف شديد نجيب قروش من وين نحن ،بكرة نرفض العرض بتاعهم بأي طريقه وخلاص،رامي قال ليهو ومجاهد انت عاارف مجاهد م بتفاهم مع انو كلامك منطقي ي عمي لأنو الفترة المضت دي بالزات معظم القروش سحبناها لمشروعنا مع الشركه الصينيه حنجيب قروش من وين للمشروع دة كمان؟عمو قال ليهو يوسف دة نحن نقول ليهو زمن الاجتماع الساعه كدة عكس الزمن الصح بس ندخل انا وانت نظبط الأمور ونقول ليهو هم غيرو الزمن و رفضو العرض وانهم ناس داخله على طمع وعايزين 70%من الربح وكدة انت عارف اخوك في موضوع القروش م بتفاهم،بعدها انا اتحركته من جنب مكتب رامي وبقيت اسأل نفسي ي ربي معقوله رامي وعمو عبدالباسط متفقين على مجاهد وهو م جايب خبر؟اليوم التاني صحيت الصباح بدري اتصلته على مجاهد،قال لي م طلعته الشركه مالك في شنو؟قولته ليهو انت قولته لي الٱجتماع حقكم دة الساعه كم؟قال لي الساعه 1كدة،قولته ليهو يوسف حاول تعال الشركه ابدر،قال لي في شنو ليه؟قولته ليهو انت مالك بس تعال وحتعرف هناك،قال لي طيب،جهزته سريع سريع وطلعته،سألته ماما رامي طلع الشركه ولا قاعد علشان انا ماشه معاه،قالت لي طلع قبل شويه،شلته مفتاح عربيه ماما ومشيت ،وصلته الشركه الساعه كانت 9ونص كدة،دخلته مكتبي قعدته كدة وبقيت مراقبه مجاهد يجي ،لغاايه م جا الساعه 10و45دقيقه،جاني في المكتب لقاني فاتحه اللابتوب قال لي خير مالك في شنو صباح الخير،قولته ليهو صباح النور،قال لي في شنو مالك جايباني بدري،قولته ليهو الساعه كم؟قال لي 11 الا ربع،قولته ليهو خليك قاعد معي،قال في شنو ي شهد؟قولته ليهو ليهو اصبر والله حتعرف بس شويه كدة،قعد وهو مقلق مره يهز في رجلو ومرة يقوم على حيلو ومرة يقعد، قال لي انا جنك دة م بنفع معي،عاينته ليهو بي تكشيرة وسكتته😒💔لغااايه م جاتني مكالمه قولته "الوو؟طيب اوكييه thank you ,بعد م قفلته الخط قولته ليهو قوم ارح،قال لي وين؟قولته ليهو الإجتماع،قال لي اجتماع شنو هو متين بدأ؟قولته ليهو يوسف،بعد م قولته كدة سكتته مساافه وقولته ليهو مجاهد ارح ياخ انت مالك،قال لي واللابتوب شايلاهو وين؟قولته ليهو انت مالك ههه اتبعني وانت ساكت،قال لي حأتبعك بس حاجه ابشرك بيها الإجتماع ببدأ الساعه 1ظهرا،قولته ليهو I know that💜✊بنتكلم في الأصانصير لغايه م وصلنا غرفه الإجتماعات،بعدها فتح الباب قال لي اهاا بس اتفاجأة ليك بالضيوف قاعدين ومعاهم رامي وعمو عبدالباسط،دخلته قولته ليهو السلام عليكم،قالو لي وعليكم السلام،مجاهد طبعا بقى مصدوم بعاين ليهم بس وهم نفس الشي بقو مبحلقين عيونهم وبعاينو لينا،دخلنا سلمنا عليهم،واحد من الضيوف بعرف مجاهد،قال ليهو والله اسي سالته منك اخوك قال لي انو حتتأخر شويه،مجاهد قال ليهو صح والله ياخ انت عارف البلد دي وزحمتها وكدة،دخلنا قعدنا اول حاجه مجاهد عرفني بيهم وكدة بعدها قعدنا وبقو يتكلمو في موضوع الشغل وم الشغل ومشروعهم الحيبدو معاهم وكدة،طبعا مجاهد وعمي وشوشهم ملامحها اتغيرت،وعمو بقى ينفي اي حاجه يقولوها لينا ديل بخصوص المشروع في النهايه قال ليهم والله نحن ميزانيتنا ضئيله شديييد يعني كان شاركنا بي نسبه حنشارك بي 10%واحد من الجماعه التانين قال ليهو بإستغراب و10%دي حتكون شراكه كيف ي عبدالباسط؟عمو قال ليهو والله دة العندنا ي حاج سليمان نكضب ليكم يعني؟حاج سليمان قال ليهو لكن دة م كان اتفاقنا،مجاهد قال ليهو عمي دة كلام شنو دة البتقول فيهو دة؟عمو قال ليهو انا بتكلم عن ميزانيتنا ي يوسف انت عارف حال شركتنا الفترة دي كيف ،نحن م عندنا ميزانيه لمشروع قدر دة ويمكن نطلع منو خسرانين،حاج سليمان قال ليهو نحن لو واثقين ومتأكدين من نجاح المشروع م بنعرض عليكم شراكه والله انا حسب تعاملي مع حاج عبدالله الله يرحمو ويحسن اليه اخترته الشركه دي والا كان في ألف شركه غيرها والله نحن م جاين نشحدكم عشان تتكلم معانا بالإسلوب دة ي عبدالباسط،قولته ليهو دقيقه ي عمو سليمان انت م تزعل روحك كل حاجه بتتحل بالهدؤ،انا صراحه م كنت عارفه المشروع شنو لكن امس شوفتو ودرستو وصراحه هو العرض مغري شديد وم بتعوض ومكسب لشركتنا انو اتعاملت مع شركتكم دي علشان كدة انا عندي فكرة انو نحن حنخاطر وحنشارك بي 30%في المشروح وال70%دي حتكون منكم انتو ونحن بكدة حنكون ختينا شركتنا في منطقه الخطر لأنو حنشارك بالمخزون حقها كلو بس ثقتنا فيكم م ليها حدود وان شاءالله لما المشروع ينجح انتو تاخدو نصيبكم ونحن ناخد نصيبنا وي دار م دخلك شر وبس،سكت مسااافه وقال لي والله ي بتي كلامك طيب اي المعلومه بوصلوها كدة م بالكلام الشين زي عمك،وعشان كلامك دة انا موافق على بركه الله ي بتي وقالو الكلمه الطيبه جواز سفر لو عمك اتكلم كدة من البدايه كان اتفاهمته معاهو انا ابدا م عندي مشكله،قولته ليهو تسلم ي عمو،بعد م طلعو مجاهد دة جاط في رامي وعمو جوطه عجيبه قال ليهم كنتو دايرين تطيرو مننا الناس ديل صح عشان كدة كزبتو علي ايواا كويس كويس بعدها ناداني في المكتب سألني قولته ليهو عرفته من السكرتيرة بس وخلاص،بعدها سألتو قولته ليهو مجاهد انتو عاملين مشروع مع شركه صينيه؟قال لي لا ابدا ليه مالك ؟سكتته مسااافه بعدها قولته ليهو لا ماف شي،طلعته من مكتب مجاهد مشيت مكتبي فتحته لابتوبي وقعدته للساعه 6مساء انا قاعدة بعدها طلعته راجعه البين ضربت لي لدن قالت لي انتي وين؟قولته ليها راجعه على البيت،قالت لي عليك الله وانتي جايه جيبي لي معاك كرسبي من اي محل تمام؟قولته ليها طيب ماشي،رجعته البيت وانا شايله الأكياس قولته لي حبوبه وين لدن؟قالت لي في الهول بتشرب في الجبنه،قولته ليها لدن وبتشرب في الجبنه؟قالت لي اي ،مشيت لقيتها قاعدة بتشرب مع جدو وعامله بخور وفنكوش ولبن بدرة،عاينته ليها بإستغراب قولته ليها الكرسبي حقك في المطبخ ومشيت،اليوم التاني انا م مشيت الشركه ،صحيت دخلته المطبخ علشان اكل حاجه فجأة جرس البتب دق،مشيت فتحته الباب لقيتها مرة،سلمت علي قالت لي دة بيت ناس سعد.يوسف؟قولته ليها لا والله معليش ،وقفت مساافه قالت لي سمح عندكم حمام هنا قريب؟قولته ليها اتفضلي ادخلي،دخلت ،طبعا كانت مرة سمييينه وعاتيه والحنه والدخان ديل يقولو ي ليل من جسمها بس وشها شين م بتقابل ،دخلتها الحمام العام بعد.م.طلعت اديتها مويه وقعدتعا في الهول،قالت لي والله بفتش لي بيت جارتي رحلت مني م تمت شهر وم لاقياها،قولته ليها ايواا،فجأة جات لدن نازله،قالت السلام عليكم سلمت على المرة ورجعت فوق،المرة قالت لي انا ماشه،قولته ليها طيب بعد م طلعت لدن شايفه لدن لبست توبها وطالعه ،قولته ليعا ماشه وين؟قالت لي عايزة اجيب زبادي من البقاله لي عبدالله ولدي،اليوم التاني قاعدين في المطبخ لدن جات بتاكل ليها في تسالي،قولته ليها التسالي دة عمل ليك دهنيات غريبه في وشك،قالت لي ئه م شغاله بيهو،قولته ليها غريبه فجأة بقيتي مهمله في نفسك وم شغاله بيها وبعدين اتنفختي وبقيتي كلبووظهه كدة حتى احترمتي نفسك وبقيتي تلبسي ملابس واسعهه وفضفاضهه ههههه شكلها دي أوامر من السلطات العليا وبقينا نسمع الكلااام،قالت لي شههد خليك في حالك،قولته ليها حااادر😂💔المساء وسن اتصلت علي قالت لي شهد عايزاك ضروري في البيت،قولته ليها في شنوو؟قالت لي ضروري ي شهد تعالي اسي م بعدين كمان،طلعته مشيت ليها،قولته ليها في شنوو؟قالت لي تعالي دخلتني في غرفتها ،قالت لي انا الكلام الحأقولو ليك دة م متاكدة منو بس حأقولو ليك،شوفي لدن اختك والبت الإسمها سارة دي صحبات صح؟قولته ليها م عارفه لكن تقريبا كدة صحبات،قالت لي المهم قبل اسبوع اتشاكلو واصواتهم كان واصله لغاايه بيتنا هنا وانا قبل كدة قولته ليك حزري لدن اختك دي من سارة دي لأنها م نافعه سااي وياما اتقبضت في حجات سودة بس هي في النهايه بت وم متزوجه ولدن اختك متزوجه وفي حبل راجل وعندها اولاد في يدها علشان كدة ياما نصحتها منها ياما قولته ليها م تباري سارة دي ،يااخي لدرجه السجاير والشيشه لدن اختك شربتها في البيت دة واصلا هو مشبوه والله ي شهد شكلتهم كانت واصله السما قسما بالله كلام كلو كعب وتقفلي منو إضنيك من شدة م كعب وبقو يتنابذو انتي نومتي مع فلان وانتي فعلتي داك وانتي تركتي داك والسبب في دة كلو اظن لدن اختك عملت علاقه مع حبيب اسراء واظن اسراء اكتشفت الموضوع ومن هنا بدت القصه ياخ انا لمن جاتني رعشه من كلامهم اقسم بالله،المهم انا الفهمتو من شكلتهم والطلعته بيهو ي شهد وانا اسفه لأني حأقول ليك كدة بس حأقولو ليك لأنو انتي اختي قبل م تكوني صحبتي والحاجه الكعبه بدل بعرفها الغريب ويشمت فيكم افضل تعرفوها انتو انا الطلعته بيهو ي شهد وبصراحه كدة انو لدن أختك حامل ...
#نتلاقى®♡
