#أحببتك_حتى13
معليش ياخي م عرفتك شكلك متصله غلط،قولته ليهو لأ انا صحبة صحبتها لي أروى بتعرفها،قال لي صحبه صحبتها لي أروى؟؟؟في اللحظه دي انا بهتتتهه شديد والله😭😂واتجمدته بقيت م قادرة اتكلم،قال لي الووو،قولته ليهو اااايوة معاك،قال لي انتي عايزة منو بالظبط يعني يمكن يمكن متصله غلط،قولته ليهو امممم يااخي انت مش عندك محل في سوق امدرمان؟قال لي ايوة،قولته ليهو طيب بتعرف اروى؟قال لي ايوة بعرفها اروى،قولته ليهو يلا بس انا صحبه صحبتها،سكت مسااافه قال لي م هو انتي الحاجه الماعارفاها انو انا بعرف اروى بس م بعرف صحباتها،طيب ي صحبه صحبتها لي اروى عايزة شنوو؟قولته ليهو قميص،قال لي نعم؟قولته عايزة اشتري منك قميص،قال لي طيب اتفضلي المحل في اي زمن وشيلي القميص الانتي عايزاه،قولته ليهو بسس انا م بقدر اجي امدرمان انت فاهمني؟قال لي ونحن م عندنا خدمة توصيل للأسف يعني،قولته ليهو انا عندي عيد ميلاد اخووي وصراحه انت عندك اقمصه خرافيه وانا حابه أشتري منك بس في نفس الوقت م بقدر اجي لغااايه امدرمان فيعني لو بتقدر من غير ثقاله كدة انو انت توصلو لي الخرطوم هنا وممكن انا استلمو منك في اي حته بلييييبز ،قال لي والله ي بت الناس طلبك غريب وحيرتيني معاك طيب بالنسبه للقميص حتختاريهو كيف لو م جيتي شوفتيهو بعينك؟قولته ليهو رسل التشكيلات في الواتساب وانا حأختار منهاسكت مسااافه قال لي طيب بكرة ان شاءالله حأديك خبر عشان انتي كلفتي نفسك و اتصلتي م حابي اخيب ظنك بس ،قولته ليهو بس انت لازم بكرة تسلمني القميص،قال لي طيب ان شاءالله،قولته ليهو واسفه على الازعاج مره تانيه،قال لي العفو عاادي ولا يهمك،بعد م قفلته الخط حسيت نفسي متخلفااااااااااا وشديد وكمان اتساخفته سخف😭😭😭😭😭😭😭😭😭💔بس واااي من صوتو وهو بتكلم بالتلفون🙈اليوم التاني الصباح رسلته ليهو في الواتساب علشان يرسل لي التشكيلات وكدة وبالفعل رسلهم لي واخترته القميص الأنا عايزاااه لما العصر اذن طلعته مشيت علشان في حجات تانيه المفروض اشتريها وصفو لي محل بعمل هدايا ظريفهه في شارع الستين مشيت واخترته الحجات العايزاها واثناء م انا بتحاسب مع بتاع المحل كدة جاتني مكالمه رديت !قال لي مساء الخير ،قولته ليهو مساء،قال لي معاك يوسف انا حاليا في الخرطوم ومعي القميص تحبي اللقاك وين عشان اسلمك القميص؟قولته ليهو امممممممم بس انا اسي بعييدة شديد حتقدر تجي شارع الستين؟قال لي طيب تمام نص ساعه كدة لو م لاقتني الزحمه حأكون معاك،قولته ليهو لا م تستعل اخد راحتك لو وصلته انا في محل الهدايا الاسمو....،قال لي طيب تمام قعدته مع بتاع المحل لغااايه م فجأة اتصل علي قال لي انا قدام المحل منتظرك،طبعا اكبر خووفي كان انو هو لو شافني حيعرفني حيعرفني هههه،طلعته لقيت عربيتو واقفه وهو لسسه م نزل من العربيه،دقيت ليهو الباب وقولته ليهو بصوت خااافض هاااي،رفع راسو ونزل النظارة وعاين لي مساااااافه بعدها قال لي اهلين انتي؟،قولته ليهو اسفه بجد لأنو انا جبتك كل المسافه دي بس كنت متضطرة زي م انت شاااايف كدة،قال لي وكان ممكن تخلي صحبتك تجي المحل وتاخد القميص،قولته ليهو م المشكله انا بقول ليك انو انا صحبه صحبه اروى وانت م عايز تفهم ،ضحك ضحكه خفيفه قال لي لا ي شييييخهه طيب ي صحبه صحبه اروى دة القميص وان شاءالله يجي على مقاسو،قولته ليهو طيب فتحته المحفظه قولته ليهو حسابك كم،بقى يعاين لي مسااافه،قولته ليهو هااا،قال لي ي بت عيب على فكرة انا م كنت عايز اوافق انو اوصلو ليك لكن بما انو قولتي عيد ميلاد اخوك فوافقته م عشان القروش ابدا،قولته ليهو لا والله تاخد قروشك انت م جادي طبعا صح؟قال لي جادي شديد م حأخدهم واخوك عقبال الميه شمعه ان شاءالله،قولته ليهو شكرا بجد ياخ خجلتني ،قال لي العفو ،قولته ليه واااسفه مره تانيه😿قال لي اي م تتعودي وبصراحه م اتوقعتك تكوني انتي يعني ههههه،شلته القميص دخلتو في علبه الهدايا ورجعتها جوة الكيس وهو اتحرك،وانا واقفه بحاول اوقف لي عربيه توصلني،لغاااااايه م جا ماري بي قدامي ووقف،شكلو عدل شارعو ،قال لي تحبي اوصلك لقدام شويه في بتاعين عربات ايجار سكتته مسااافه وبقيت متلخبطه قولته ليهو طيب جيت اركب الأكياس كانت كتيرة قولته ليهو بسسس...،نزل فتح لي الباب الورا دخل الحجات وقفل الباب ورجع فتح لي الباب القدام🙈ركبته قال لي ي بختو اخوك جاياهو كل الهدايه دي،قولته ليهو الهدايا دي حقت سنتين مضو م عملنا ليهو فيها عيد ميلاد،قال لي هههه سنتين بس؟يااخي في ناس عمرهم م اتعمل ليهم عيد ميلاد هههه،قولته ليهو والله ديل الا لو مجهولين الأهل😂💔قال لي م بالضرورة ههه،مشينا لقدام شويه وقف العربيه قال لي ديل هم العربات،نزل اتكلم مع بتاع الأمجاد مسااااافه بعدها جابو لي ونزل لي اكياسي رفعهم لي في الأمجاد ،طبعا هو بعمل دة كلو وانا بعاين ليهو،قولته ليهو شكرا بجد،قال لي العفوووو دة الواجب،ركب عربيتو وانا اتحركته بالأمجاد ،والله وهو بعمل كدة قلبي برجف زي الضارباهو بردة،بعد م وصلته البيت ونزلته عايزة ادفع بتاع الأمجاد قام ماشي قولته ليهو انتظر اديك حسابك،قال لي مدفوووع💜قولته ليهو بالجد؟قال لي والله،شلته اكياسي ودخلته بالليل وانا قاعدة مع نفسي كدة شلته التلفون رسلته ليهو رساله وقولته ليهو"شكرا بس م كان في داعي تدفع لبتاع الأمجاد القروش،وفضلته منتظراه يرد بس م جاني منو رد واليوم التاني فتحته الواتساب لقيتو فتح الرساله لكن م رردة لي،يعني طشنشني☹اصلا غلطانه انا الرسلته ليهو احيييييييين من خفتي😭😁بقيت مركزة مع الاستوري حقتو بغير بروفايلو كل بعد يومين تلاته يوووم وانا كل مرة بحفظ ليهو صوره،بعد شهر من الكلام دة وانا في بيت ناس وسن بنتونس وانا كنت ماسكه تلفونها فجأة جات صورة ليها هي واروى،قولته ليها الصورة دي حلوة،قالت لي كدة،وريتها ليها قالت لي اروى،قولته ليها دي في حفله الصاله المشيناها صح؟قالت لي اي عرس اخو اروى هههههه،قولته ليها ظريف اخوها لسه م جا من شهر العسل؟قالت لي اييييك جا لمن مرتو حاامل،قولته ليها واااي بالجد؟ي حليلها من اولها كدة م تمت شهرين😂💔قالت لي ي حليلها ساااي اعوذو بالله من حظ زي دة،قولته ليها بالجد ،قالت لي بالمناسبه كدة اشوف اروى دي اديني التلفون دة،اديتو ليها شالتو اتصلت وقالت"الوو اروى كيفك تمام؟الحمدلله انتي كيفك؟لسسسه في المستشفى ؟يعني لسسسه م خرجوهو؟لا ياااخي؟يعني اسبوع كدة قدام ان شاءالله م يكون كسسسر عميق،اهااا طيب ي ستي ربنا يديهو العافيه ي رب العفو ي اروى تسلمي يلا ي ستي،بعد م قفلت قولته ليها عندهم منو في المستشفى؟ومالو؟قالت لي متزكرة الولد الوصلنا بالعربيه في عرس اخوها؟طبعا في اللحظه دي انا حسيت قلبي وقف قولته ليها بي خلعه مالو؟قالت لي عمل حادث بالعربيه حقتو من اول امس ،قولته ليها كذاااابه والله،قالت لي والله وطلعت من الغرفه وانا بقيت ارجف كلي على بعضي ودموعي جات جاريه حتى من غير م احس ،اروى جات داخله شايله ليها شاي في يدها ومعاها صحن زلابيه قالت لي يلا تعاالي،م رديت عليها،عاينت لي لقتني ببكي,قالت لي بسم الله ي بت مالك؟م رديت عليها،قالت لي ي بت شهد مالك بتكلم معاك انا،قولته ليها عمل حادث متين😭،قعدت تضحك قالت لي شهد انتي م جادة طبعا😂قومته عفى حيلي وقولته ليها م جادة شنو بالظبط،قالت لي طيب روقي وبعدين الولد قالو كويس بس عندو كسر في يدو بسيط ،طلعته خليتها مشيت بيتنا وقعدته ابكي شلته تلفوني اتصلته عليهو بس تلفونو مقفول فضلته اتصل عليهو كتير بس تلفوهو مقفول،حوالي الساعه4مساء بقيت م قادرة اتحمل مسكني عدم استقرار وخلاص انا اعصابي باظت اتصلته على وسن اول م ردت قالت لي شههههد،قولته ليها وسن لو طلبتخ منك طلب حتساعديني فيهو؟قالت لي قولي ي بت مالك نحن بينا طلبات كمان نحن بنموت سوا قولي،قولته ليها ارح معي المستشفى نشوف يوسف،سكتت مسااافه وقالت لي يوسف منو ي بت؟قولته ليها الولد العمل حادث دة،قالت لي شههههد؟؟؟قولته ليها م تسألي اي سؤال حتمشي معاي؟قالت لي انتي عارفه هو في أي مستشفى؟قولته ليها اسألي اروى !!قالت لي طيب اجهزي وخلينا نطلع،قولته ليها حأخد عربيه رامي نمشي بيها ،قالت لي طيب تمام ،لبسته وطلعته وسن اول م ركبت العربيه عاينت لي لقت عيوني مورمه ووشي مورم على طول سكتت وم اتكلمت ولا كلمه،قولته ليها نمشي على وين؟قالت لي اطلعي وانا بوصف ليك المستشفى،وصلنا المستشفى ودخلنا،ونحن طالعين السلالم وسن قالت لي انتي عارفه المشكله وين؟نحن جاين بصفتنا شنو بالظبط الولد زاتو م اظن يكون متزكرنااا😂✊💔عاينته ليها سكتت قالت لي خلاث خلاث😷😒وصلنا الغرفه لقينا شباب قدام الغرفه،سلمنا عليهم ووقفنا ،وسن قالت ليهم يوسف في الغرفه دي؟قالو لي ايوة،عايزة ادخل مستعجله واحد منهم قال لي لو سمحتي بغيرو ليهو،رجعته خطوة ووقفته جنب الباب،وقفنا مسااافه لمن زهجته وقولته لي وسن بعملو ليهو في شنو دة كلو ،قالت لي ي بت روقي وبعدين الناس دي واقفه قبلك على فكرة،شويه كدة الباب فتح جا طالع واحد قالو ليهو خلاص،قال ليهم ااي الحمدلله اتفضلو ي شباب ،وسن سلمت على الولد الطلع من الغرفه كان اخو اروى وسألتو عن العروس وكدة وهو زاتو دكتور على م اظن كدة،الشباب دخلو ونحن دخلنا وراهم،سلمو عليهو هم طوال طبعا وانا وراهم بعد م خلصو سلام انا بقيت واقفه وبعاين ليهو،رابطين ليهو شاش في راسو وعاملين ليهو مشد الرقبه داك ورابطين ليهو يدو،للحظه دموعي كانت حتجري بس اتمالكته اعصابي،وسن سلمت عليهو وقالت ليهو عوافيك ي رب،قال ليها الله يعافيك ي رب،وانا عايزة اسلم عليهو وبرجف،قولته ليهو حمدلله على سلامتك اجر وعافيه،قال لي الله يخليك تسلمي،وصوتو مبحووووح شديد على البحه الفيهو،صحبو قال ليهو نحن ان متنا وعفنا جنازاتنا غير الرجال م بعزي فيها زول ،انت مكسوور كسسر بسيط الجكس جايك من كل الاتجاهات حسن الخاتمه يااارب،اصحابو قعدو يضحكو قال ليهم الزول دة طلعوهو بره ناوي يموتني باقي اليوم دة😂💔وسن قالت ليهو والحادث دة حصل ليك كيف؟قال ليها والله تقولي شنو بس واحد جاي داخل في الاشارة غلط وكدة،قولته ليهو وانا ملهوفهه يعني انت اسي كويس وم فيك حاجهه متأكد ؟؟بقى يعاين لي بإستغراب واصحابو بقو يعاينو لي ووسن دي ختت يديها في خشمها وبقت تتبسم وتعاين لي....💜
#نتلاقى®♡
