#أحببتك_حتى26
ضماني عليهو وغطاني كويس بالغطى وبقى ضاغط على شديد وقال لي "لسه بردانهه؟رفعته راسي وعاينته ليهو وانا مركزة مع تفاصيل وشو وقولته ليهو فكرك بعد كدة حأحس بالبرد؟؟اخد نفس عميييق وفضل ساكت،قولته ليهو حبيبي،قال لي ايوة،قولته ليهو متزكر اول يوم شفنا فيهو بعض؟قعد يضحكك مسااافه وقال لي اليوم داك الله لا يعيدو ياخ انا لو علي كان نفسي اكرفسك واجدعك برة المحل😂💔قولته ليهو كذاااب والله؟قال لي بجد يعني كنت شايفك عشرة عشرة بعد موقف المجنون داك لا حول انا جاني شلل رعاشي منكك😂💔قولته ليهو بس انا عكسك تماما لأنو من اللحظهه الشوفتك فيها ولغاايه اليوم م عااارفه بس في حاجه كدة م فاهماها المهم حب شديييد🙈ضحكك قال لي يعني افهم انو انت بتحبيني من لحظتها؟قولته ليهو ياخي من شوفتك اتهبلته لحظتها كنا نازلين السودان جديد وانا بطلع دايما بس م حصل لفت نظري زول كدة لدرجه انو احبو وكدة واحلى مافي الموضوع بتاع العربيه الوصلنا لما شافني زهجانه من المكان والسوق وكدة قال لي ان شاءالله تعرسي ليك واحد من هنا😂💔قعد يضحك قال لي شكلو جماعه امين قالو امين في اللحظهه ديك،قولته ليهو والمعنى؟،قال لي قصدي الملايكهه ي غبيهه😂💔قولته ليهو انا م غبيه ي شين وجريتو من لحيتو،قال لي اهااا خلاص قمنا للهبل وبعدين شين قولتي لي؟قولته ليهو ااي 😂😛قال لي متزكرة يوم م وصلتكم البيت بعد العرس؟قولته ليهو عرس اخو اروى؟قال لي بالظااابط يااخي لما شوفتك لابسه الفستان القصير والشفاف داك لا وعلى العليهو كان ضيق لدرجه في اللحظه ديك انا احتقرتك شدييد😂💔قولته ليهو يوسف انت بجد كنت بتكرهني؟😒قال لي مش بقولو م من محبه الا من بعد عداوة؟اهو دة الكان حاصل معاي وبس،قولته ليهو وانا الهبلهه الحبيتكك 😪😒باسني وقال لي م في النهايه حبيتك لدرجه اني فكرة انو انا اخسرك دي م كنت قادر اتخيلها حتى وبعدين زعلانه مالك انتي اسي😂قولته ليهو هسسسس مني،قال لي واحلى حاجه لما عملته الحادث وجيتي انتي ووسن في المستشفى ياااخي وسن صحبتك دي كأنها كانت مفتاح تحكم ليك😂😂😂💔قعدته اضحكك مساافه قولته ليهو بالجد انا م كنت حاسه بنفسي بعمل في شنو اساسا من خوفي عليك للحظه كنت حأتهبل واقول ليك بحبك بس اصحابك ووسن كانو قاعدين😿😂قال لي بعد م طلعتي عصام صحبي قال لي الزوله دي شويه وكانت حتبكي ،قولته ليهو فعلا بعد م طلعته منك بكيت بكى معقوله كنت واضحه للدرجه دي😂💔قال لي لا حولااا واضحه وبس هههه وبقى يحكي ويزكرني بكل لحظه عشناها سوا كل م يزكرني بحاجه اقوم اضحك وهو يبوسني لغااايه م قال لي عااارفه أصعب لحظه انا حسيت انو انا مهبط بجد يوم م مشيت اتقدم ليك،يااخي انا من البيت محمد بهدي فيني ومحذرني قال لي انا بتكلم انت خشمك م تفتحو 😂ياااخي كانت خوفه غريبه خلاص انا لغااايه ااخر لحظه لحظه كنت عايز ارجع بس محمد م خلاني،واحلى م في الموضوع جدك كان مركب مكنه هتلر😂🙊💔اقسم وانا قاعد قدامو كأنو تحتي في نار،بس شوفتي احساس التوتر الكنتي حاسه بيهو والتنهيدة الطلعت منك لما اعترفتي لي وقولتي لي بحبك؟بس دة كان احساسي انا لا حول ياااخ اليوم دة م حأنساهو ابدا،انا حسيت نفسي حأموت بالضحك وانا شمتانه فيهو،قال لي خلاص بطلي شماته😂💔قولته ليهو ابيت لا بجد حاليا انا بتخيل في منظرك كان كيف😂💔باسني وقال لي حتسكتي ولاااااااااا؟؟عاينته ليهو مسااافهه قولته ليهو م بسكت انا كمان بتهدد؟😂💔تاني رجع باسني قال لي كدة؟قولته ليهو ااايوة،عاين لي مسااافه وقال لي بس ليه حاسي انو في زول ضربات قلبو زايدة احساس انو خايف خايف كدة😅؟قولته ليهو بصوت خاافض ابدا وضحكته 😂بس مع الضحكه دي هو باسني وتاني م قدر يمسك نفسو وحصل الحصل زي م بيحصل كل مره 🙈🙊💜😷الصباح فتحته عيوني لقيتو ضاميني ومغطيني كويس وهو نايم،عاينته ليهو مسااافه وبوستو بس مع البوسهه دي هو صحى،بقى يفتح ويغمض في عيونو،انا ضحكته لأنو شكلو زي البيبي وهو بعمل كدة،بعد مساافه باسني في راسي وقال لي صباح الخير حبيبي،قولته ليهو صباح النور،خته يدو في خدي وقال لي عااارفه انا حاليا ندمان على كل لحظه زعلتك او بكيتك فيها بجد ،قولته ليهو حبيبي الموضوع دة مش قفلناهو من امس واتفقنا نبدأ صفحه جديدة؟قال لي حأاااضر تعالي رجع ضماني وقال لي بحبك ياااخي،قولته ليهو وانا كمان بحبك عامل عيونك السمحات ديل🙈😂😂😂😂😂😂💔ضحك مساااافه قال لي لا ي شيخهه دي جملتي انا على فكرة،عاينته ليهو وقولته ليهو وإذا انا وانت مش واحد ؟لصق انفو مع انفي وقال لي م مش بس وأكيد كمان،قولته ليهو اممممممممم،قال لي اممممممم دي م بتبشر بالخير😂💔قولته ليهو بيبي احكي لي انت حبيت بنات كتااار؟قال لي م حبيت بس قولي عملته علاقات مع بنات كتار لأنها بتفرق،قولته ليهو المهم يعني دخلته علاقات كتيرة؟قال لي خليك من علاقاتي والكلام الفارغ دة وقولي لي الحيدخل الحمام أول منو؟😅😂قولته ليهو Meطبعا،قال لي واذا قولته ليك انا ؟قولته ليهو Nooo انااااا قولته ليك😿ضحك قال لي طيب م تكرفسي لي وشك هو بصراحهه في حل وسط وأسلم لي وليك ،طبعا قال الكلام دة بطريقه خبيثهه كدة،قولته ليهو اها شنووو؟قال لي ندخل مع بعض بس وخلاص،عاينته ليهو مسااافهه قعد يضحك قال لي خير مالك عادي وين المشكله؟😂🙈زحيت منو واتغطيت كلي حتى وشي غطيتو قولته ليهو امشي استحمه انا م عايزة استحمه انت واحد منحرررف م عايزة اتكلم معاك زاتي يلااااا،ضحك قال لي اوكييييييهه اصلا دي عقوبه الواحد لما يعرس ليهو شافعه اي حاجه يقولها ليها تفهمو غلط وتقول ليهو منحرف😂💔فتحته راسي قولته ليهو انا م شافعهه ي غيااظ ورجعته غطيتو😒💔هو نزل مشى الحمام وانا نزلته بقيت افرش في الملايات جا طالع بغني ساااي ،قال لي طبعا الجو برة مغمم بطريقه غريبه حتى الشمس م طلعت ،قولته ليهو الله وطلعته بره ياااخ الجو كان خنفشااااري بجد والمطرة خلت شكل البيت سمح سماحه ههه ،دخلته الحمام استحميت ونسيت اشيل لي حاجه اللبسها بقيت انادي عليهو يوسف ي يوسف،قال لي ايوة،قولته ليهو جيب لي حاجه اللبسها من الدولاب،قال لي طيب،شويه كدة دقه لي باب الحمام قال لي هااك،شلته الجلباب ولبستو وطلعته،دخلته الغرفه بقى يعاين لي من فووق لتحت وهو فاتح خشمو ومتنح،عاينته للجلباب لقيتو قصيير وشفاف ومعولق خلاص ،بقيت احمر ليهو قعد يضحك مسح على راسو وقال لي والله يااخي الجو دة م جو شغل نهااائي ،كان لابس ملابسو شكلو طالع،قولته ليهو ماشي الشغل؟😿قال لي ااااي لكن بما انو اليوم الجمعه حأرجع بدري،مشيت وقفته جنبو وطلعته بي اطراف اصابعي في رجلينو وعليت شويه ومسكته ليهو في زراير قميصو وقولته ليهو بصوت طفووووولي بيبي الله يخليك اليوم م تمشي الشغل يااااخ خليك معي يوم واحد م بفرق يعني حتى يوم الجمعه عايز تمشي وتخليني براااي😔😿😭قال لي حبيبي انتي عارفه الركشه دي يومي لازم اطلع منها ايراد لسيدها وبعدين م انا كل جمعه بخليك براك الجدة شنو بين الجمعه الفاتت والجمعه دي قال كدة وضحك😅قولته ليهو لالا الجمعه دي غييير م تمشي ي بيبي الله يخليك ياااخي وربي بزعل منكك😿😔ابتسم ومسكني من خصري وبقى يعاين لي مسااافه وقال لي والله يااخي انتي عارفه زول عندو طفلهه زيك في بيتو وبتحنسو بالطريقه دي عشان يفضل معاها دة يبقى حرام عليهو انو يمشي زاتو 😂قولته ليهو يعني م ماشي؟🙈قال لي بس م تتعودي تعملي الحركات دي هااااا😂قولته ليهو حاااضر حبيبي بس يوم الجمعه دة مفروض يكون ثابت حقي انا وبس🙊قال لي حاااضر ي ستي من اللحظه دي اعتبريهو حقكك اتفقنااا؟قولته ليهو بحبك يااخي🙈قال لي نفسي اقول ليك وانا كمان بس جعاان يااخي بالمناسبه اثناء م انتي في الحمام انا جهزته الشاي تعالي نشرب،قولته ليهو بالجد؟ي سلام 😘قال لي يلا،قعدنا نشرب في الشاي ونضحك ،شويه كدة الاء نادتني طلعته قولته ليها ايوة،قالت لي افتحي باب النص دة،فتحتو لقيتها مجهزة لينا الفطووور ،قالت لي كيف مع المطرة دي؟قولته ليها لا بجد خرافيه وانا بضحك للضرس الأخير ،بعدها قولته ليها مالك متعبه نفسك،قالت لي ماف اي تعب والله قولته مع المطرة والجو البارد دة اصلا الناس تاكل عصيدة بملاح تقليه وروب ومعاهم فسيخ بس ،قولته ليها تسلمي ي لولا م بتقصري والله،قالت لي امسكي هاك،شلته الصينيه قولته ليها انتظري عايزة اقول ليك حاچه،قالت لي اها،قولته ليها خلاص بجيك بعدين ياااخ🙈😂ضحكت قالت لي طيب تمام ،رجعته لي يوسف قولته ليهو ولولا جابت الفطووور،قال لي الله ياااخ فطور قولي لي عصيدة؟قولته ليهو اااي،قال لي ي سلااام💜ختيتو ليهو قولته ليهو أكل،قال لي وانتي؟قولته ليهو يوسف انت عارفني م باكل عصيدة والبتاع الإسمو فسيخ دة فشنووو م تحاول معي،قام على حيلو مشى جاب معلقه وجا راجع مسكني قال لي حاولي تجربيها مرة واحدة بس وربي حتعجبك وحتموتي عشان تاكليها تاني لأنو الاء بتظبطها بطريقه غريبه ،قولته ليهو لأ لأ م عايزة،قال لي ي إلهي شهد اسمعي الكلام م حتعمل ليك حاجه على فكرة،قولته ليهو م حصل اكلتها وم باكلها ابدا😿😔قال لي طيب انتي م حتاكليها انا كمان م حأكل حأمشي اجيب لينا فطور من الدكان ظريف؟قولته ليهو لا انت اكلها وانا باكل اي حاجه بس اساسا اسي م جعانه،قال لي لا م عايز،قولته ليهو يووسف،قال لي بجد م عايز خلاص عايز يرفع الصينيه شلته الملعقه دخلتها في صحن العصيدة شلته منها بسيط ودخلتها في خشمي وانا مغمضه ومكرفسه وشي،طبعا العصيدة كانت حاارة لمن حرقتني في لساني بعد مساااافه فتحته عيوني مسك مني المعلقه قال لي م تاكلي حاجه انتي م مجبورة عليها،قولته ليهو الله حلوة،عاين لي وهو ساكت وملامح وشو ملامح استغراب،قولته ليهو بالجد م بهظر حلوة وربي،قال لي بطلي حركاتك دي عايز يمشي شلته الصحن قولته ليهو لو عايز تمشي امشي بالصينيه والفيها بس انا حأكل هنا هااااا،رجع الصينيه وبقى يعاين لي قال لي اممممم يعني م اكلتيها عشاني متأكدة؟قولته ليهو ليه انت منو انا بقول ليك الحاجه دي حلوة يعني I lik'tقعد جنبي وبقى يعاين لي وهو ساكت،شلته ملعقه عصيدة ودخلتها ليهو في خشمو وقولته ليهو م نفسك تاكل؟مسح بي يدو جنب خشمي وقال لي نفسي ي دوب اتفتحت للأكل 😁،فضلنا بناكل وبنضحك بعدها طلع مشى صلاة الجمعه وهو لابس الجلابيه ياااخي استغفرالله بس انا بشاغل فيهو لغااايه م طلع وقفل الباب مشيت لي الاء اول حاجه حضنتها قولته ليها يااااخي بحبببك،قالت لي ي بت هااا بسم الله مالك؟قولته ليها ماف حاچهه ههههههه🙈قعدت تعاين لي وتتبسم خجلته منها قولته ليها وربي ساااي كدة بس🙈😂قالت لي طيب سااي ساي 😂💔بعد م يوسف رجع فضلنا طوووول اليوم مع بعض وانا كنت مبسوووووووطه شديد كأنو ربنا أخد سعادة الدنيا دي كلها وختاها في قلبي،اليوم التاني صحى بدري استحمه ولبس عايز يطلع قولته ليهو بصوت طفولي بيبي😿قال لي اهااا شوفتي كتله الحيل دي بتجوط افكاري اها مالك اوعى تكرري حركه امس لأني حأمشي في الحالتين😂💔قولته ليهو طيب م تتأخر ،قال لي حاضر حأحاول م اتأخر،وصل جنب الباب قولته ليهو يوسف😿😔قال لي روحو،قولته ليهو انت ماشي ساااي كدة بس😔😿؟؟جا راجع قال لي امممممم باسني وتاني رجع باسني في راسي وقال لي م ناسيها ياخي هههه خلي بالك من نفسك لمن ارجع تمام؟قولته ليهو حاااضر،عدينا شهرين ونحن بعض وحياتنا سمبتيك خاالص في الشهرين دي مرة جاتني حبوبه ووسن،ومرة رامي ،اما مجاهد كان بتصل علي تلفون بس وبتطمن علي،في يوم جاتني الاء الصباح بدري وهي مبسووووطهه،قولته ليها خير مبسوطه كدة مالك؟قالت لي سيف الدين جا 😻💜قولته ليها بجد ياااخي حمدالله على السلامه جا متين؟قالت لي جا امس بالليل وربي قلبي كان حاسي انو جاي عشان كدة الاسبوع الفات قمته على بيتي دة نضفتو ورتبتو برة وجوة وفرشتو ،قولته ليها احساسك ظبط،قالت لي شدييد وربي دايراك تشتغلي معاي الغداء لأنو انا براي وكدة،قولته ليها طيب تعالي اطبخي هنا خليهو هو نايم هناك عشان م نزعجو زاتو،قالت لي غازكم م بخلص؟قولته ليها على اساس انو نحن بينا غاز وكدة ياخي بطلي،قالت لي طيب اجيب الحجات واجي نطبخ هنا دي جيتي من السوق والله،قولته ليها ظاابط فرحانه كدة الله يديم الانبساطه عليك،قالت لي ي بت عندي سنه وشويه بعيدة منو ومنتظراهو بفارغ الصبر كيف م انبسط 🙈😻قولته ليها انتي جاااااادة؟قالت لي والله،قولته ليها واااااي ي حليلك انا لو مكانك بموت😿ضحكت قالت لي بالعكس والله مع مرور الزمن بتتعودي هههههه ههههه يلا ماشه وجاياك،مشت جابت الخدار حقها نحن شغالين من الصباح م خلصنا الا بعد العصر ودة كلوو وراجلها نايم طلعنا اكتر من 10اصناف وكل مرة بتقول لي دي كل الحجات البحبها هو ،قولته ليها دة راجل ولا غول لا حول الله😂💔🙊قعدت تضحك،المساء يوسف جا لقاني راقدة مرهقهه شديد،قال لي حبيبي اليوم مالك؟قولته ليهو ماف شي بس كنت شغاله مع الاء طول اليوم في المطبخ علشان راجلها جا وكدة انت م عارف؟طوالي غير وشو،قولته ليهو يوسف ممكن اتكلم معاك في موضوع؟قال لي اها،جيت رقدته في رجولو وهو قاعد في الكنبه قولته ليهو انت عارف ي يوسف اساسا الحياة دي م بتدينا كل شي نحن عايزنو ولا بتمشي زي م نحن عايزين ولو قولنا نشيل في قلوبنا من الناس والله الحياة دي حتخرب وم حيفضل فيها شي وكترة المشاكل دي والله بلا بتقصر العمر م بتعمل حاجه علشان كدة اتصالح مع اخوانك واديهم النيه البيضاء وبعدين تاني هم وعملهم انت عليك بي نفسك وبس،قال لي شهد ممكن تقفلي الموضوع دة؟قولته ليهو يوسف لو م عشانهم علشان الاء ومعاملتها معانا،قال لي الاء انا بشيلها فوق راسي لأنها اختي واكتر وغلاوتها عندي ماف زول يقدر يفصل فيها بس دة م معناهو انو انا حأحسن علاقتي مع اخواني عشان انتي م بتعرفيهم ولا اتموقفتي معاهم اكتر مني وي ريت ي شهد م تفتحي معي الموضوع دة تاني تمام؟،قولته ليهو طيب انت اتضايقته من كلامي؟قال لي لا ابدا،قولته ليهو احلف؟قال لي لا اله الا الله شهد والله م متضايق بس بشاهد في الكورة،قولته ليهو الله انت مدريدي😻قال لي لا برشلوني😒قولته ليهو كذاب والله يعني بعد دة كلو طلعته برشلوني Omg؟😱ضاااع بريستيجي وانا متزوجه برشلوني لييبه كدهه ي ربي،😭💔قال لي يعني انتي مدريديه؟قولته ليهو طبعااااا اكيييييد مدريديه وااااي بس من مارسيلو وكريستيانو وبعلي منهم بس زي م بتقول وسن احييييييي😻🙈قال لي وااااي،ووبعلي،واحييييي؟وفاتحه نفسك وبتقوليهم في وشي كمان اهااااا اااا الكلام دخل الحوش جابت ليها انبراشات ؟قولته ليهو يعني شنو انبراشات ي بيبي😆؟حمرر لي بي غيييظ وسكت، اثناء م انا بشاغل فيهو غلبوهم مزاجو اتعكر وانا بقيت اقول ليهو معليش ي بيبي تعيشو وتاخدو غيرهم اساسا خيرها بغيرها اسي غلبوكم بي 3المرة الجايه ان شاءالله حيغلبوكم بي 6_7كدة لا حولااااا يااخ معقوله غلبوكم I can't bleavd that 😂💔هو ساكت وبعاين لي ،قولته ليهو بيبي وحاااات الله عملنا كناااافهه فظييعهه وبالقشطهه كمان طلعت خنفشااريه خنفشرهه تحب أجيبها ليك كلها ولا جزؤ منها؟طيب تحب تشاركني في اكلها زي م انا اسي مشاركاك حزنك على خسارتكم قدام الريال م هو في النهايه الحياة مشاركه ي بيبي خلي روحك رياضيه زي كدة😆يعني اسي مثلا انا لو الريال خسسر وطبعا دي حاجه م بتحصل ابدا لأنو فريق م بتغلم بس كضرب مثل انا حأتقبل الخسارة عادي مع اني واثقهه انو م بخسسر ابدا 😆✋✊؟لما
حسيتو سفهني وم برد لي بقيت اللعب ليهو بي لحيتو و اغني غنيه حسين الجسمي البتقول "حبيبي برشلوني يموت في برشلونااااه"قفل التلفزيون قال لي انتي تعالي وشالني رقدني في السرير🙈😂💔بعد اسبوعين من الكلام دة في يوم الاء جات المغرب نادتني وهي بتبكي،قولته ليها خير في شنو ،قالت لي تعالي ي شهد ساقتني ومشت بيتها،لقيت عمتها قاعدة ومعاها راجل طبعا انا راجل الاء دة م حصل شوفتو بعيني،الاء قالت لي شهد دة سيف الدين ،سيف الدين دي شهد مرت يوسف،قولته ليهو اهلين،قال لي حبابك،عمتها اول م شافتني عاينت لي كدااا وقالت ئه جابت المطبلاتيه حقتها كمان،سمعتها بس م ركزته معاها،الاء قالت لي الله بسألك ي شهد انا من البيت دة قاعدة اطلع؟غير اني قاعدة اجيك اقيل معاك قاعدة امشي مكان تاني؟قولته ليها ابدا والله ليه في شنو؟بقت تبكي وتقول كان انا كزابه اسمع من شهد دي بتوريك اقسم بالله انا لو م محتاجه لحاجه خشم الباب دة فيهو حاجه وحاة الخلقني وخلقك ي سيف م قاعدة اطلع😭💔قال ليها يعني امي بتكزب يعني مثلا عايزاني اطلع امي كزابه واصدقك انتي م تمشي تجيبي لي نسوان الحله يشهدو ليك تمام؟اخبارك واصلاني اول بأول ،امو قالت ليهو والله انا دي لا بكزب ي ولدي ولا بلف وادور لكن مرتك دي لااااافه في الحله وسمعتها بطاله تتحنن وتدخن وتتريح وتطلع تجي وقت م دايرة وانصاص الليالي تلقاها في الدكان وشي ونسه مع بتاع الدكان وشي ونسه مع سيد اللبن وشي شنو والله سمعتها فاااايحهه وانا يادي قولتها ليك في قدامها عشان م ادس منك والبت الجايباها ليك دي زاتها زيها ولغادي انا كلمتك ي ولدي بكرة بموت وكلامي دة بنسأل منو يوم الوقف العظيم،الاء بعد الكلام دة غلبها التقولو بقت تبكي ودموعها عشره عشره انا اتمالكته اعصابي وم حبيت ارد لي امو علشان قدام ولدها وكدة،قولته ليهو والله صراحه ماف شي من دة حاصل انا الاء دي حاليا قاعدة معاها تقريبا عندي 4_5شهور م حصل شوفته منها حاجه كعبه حتى باب النص دة ياهو بجمعنا ،قال ليها انا زاتي قبل كدة حزرتك قولته ليك باب النص دة جيبي ليك طبله واطبليهو صح ولا م صح مخلياهو فاتح ليه؟قولي ؟عندك امك ولا ابوك هناك ؟طبعا انا بعد كلامو دة سكتته سااي قولته ليهم عن إزنكم طلعته قبل م اصل الباب سمعتو قال ليها انتي قبل م يوسف ولا زفت دة يتزوج انتي مخليه الباب دة فاتح لو م فوضى منك مخلياهو فاتح ليه علاقتك بيهو شنو؟صراحه خلقه بدون اخلاق راجل اخلاقو وسخه وبطني طمت منو لا والأحلى من كدة انو ود امو😪💔طلعته مشيت وانا مخنوقه ومتضاايقهه ضيق يعني الاء دي وحياة الله انضف من الحليب جوة وبرة بس امو اتفقت عليها مع نسوان اولادها عايزين يخربو ليها حتى فرحه م لحقت تفرحها زي الناس،المساء يوسف جاء حكيت ليهو قال لي م تدخلي ي شهد مشكله بين راجل ومرتو،قولته ليهو يوسف بس انت م سامع هو بقول عليها شنو،قال لي برضو م تدخلي هم كبار وبعرفو يحلو مشاكلهم زي م نحن بنحل مشاكلنا وم بنكلم بيها زول اتفقنا حبيبي ؟قولته ليهو حاضر،،اليوم التاني بالمساء انا مفرشه بره وكان الجو حلوو،فجأة اسمع ليك الاء بتصرخ ،قمته على حيلي يوسف كان مافي،فجأة دقت لي باب النص وبقت تقول لي شهد افتحي لي الباب،افتحي لي الباب ي شهد وااااي ي شهد اللحقيني 😭💔...
#نتلاقى®♡
