#أحببتك_حتى19
قرب مني وباسني في راسي وضماني عليهو وقال لي اسي انا محتار اقول ليك بقيتي حلالي وانبسط ولا اواسي نفسي لأني اتدبسته واتزوجته لي طفلهه...💜قولته ليهو اتدبسته في عينكك انا الاتدبسته😭عايزة ابعد منو قرب مني اكتر وضماني شديد وقال لي بس احلى تدبيسهه ياااخي😂وبعدين انتي بتبكي م موافقه على عقدنا دة؟سكتته سااااي م رديت عليهو،قال لي شههههد ؟ملامح وشو اتغيرت وبقى يعاين لي ،قولته ليهو انا بس خايفه لأنو انا اتفاجأته بالموضوع وكدة،رفع لي راسي وبقى يعاين لي مساااافه وقال لي عااارفه ي شهد لما يجو يتكلمو عن الحظ مفروض يقولو حظ يوسف مع شهد لأنو اول مرة احس بالدنيا تبتسم لي وانو ربنا بحبني ،اول مرة م تعاكسني الدنيا في حاجه انا عايزها ومحتاج اتسند عليها في الدنيا المايله دي بجد،طبعا هو طويل وانا قصيرة فأنا بعاين ليهو ورافعه عيوني ومركزة في تفاصيل وشو وبقول لنفسي هو ليييه حلو كدة ياااخي😭😿💔قال لي حأطلع عشان اهلك م يفهمونا غلط😁 خلي بالك من نفسك ماشي حأتصل عليك بعدين،قولته ليهو طيب،قال لي عايزهه حاجه؟هزيت ليهو راسي بمعنى لا،قال لي متأكدة؟قولته ليهو ايوة 💜قرب مني وضماني عليهو مرة تانيه وقال لي يلا سلام💜لغااايه م هو طلع وقفل الباب انا م كنت مستوعبه البيحصل دة ،بعد م طلعو ماما دي فااارت واتناقشت مع مجاهد ورامي ،على اساس انو يوسف وضعو المادي م تمام وبقت تقول ليهم"حيسكنها في الشارع ولا حيأكلها مع الكلاب،ترمو اختكم رميه زي دي ليه،من عدم الرجال يعني،م ياما اتقدمو ليها المهندسين والدكاترة عمركم م وقفتو وقفه بتاعه رجال،رامي قال ليها ياااا امي لو رجال القروش بنفعو زي م انتي بتقولي م كانت لدن اسي قاعدة معاك هنا في البيت،قالت ليهو طوول عمركم شايفين نفسكم صح ومطلعني انا الغلط،مجاهد قال ليها ي امي نحن رجال وخاوينا الرجال وبنعرف الخايب من الما خايب وي امي الولد نحن كان شفنا فيهو عيب م كان اديناهو،قالت ليهم والله انا كان وقفته في نص البيت دة ودعيتكم غضبي عليكم دة بلحقكم واحد ورا التاني،حبوبه قاالت ليها ي سوسن استهدي بالله ي سوسن ديل اولادك تدعيهم كيف ،فضلو جايطييين كداااااا انا دخلته غرفتي وقفلته الباب علي ورقدته وبقيت ابكي،انا كنت م بين مبسوطه ومتضايقه في نفس الوقت لأنو كل حاجه حصلت بسرعه وانا م فاهمه ااااي شي،وخايفه بس م عارفه خايفه من شنو بالظبط،بالليل يوسف اتصل علي ،اول م رديت قال لي نايمه؟قولته ليهو لا ابدا،قال لي معناها بتبكي صحح؟سكتته ،قال لي انا مش قولته ليك عايزك تبطلي بكى؟قولته ليهو يوسف الوضع جااايط عندنا في البيت وماما زعلانه من اخواني لأنهم عملو كدة وم شاوروها والله انا قرفانه من روحي حتى،قال لي اصلا دة الشي الطبيعي يعني اكيد م متوقعه تكون ردة فعل امك ايجابيه وانها تتقبل الموضوع بكل بساطه كدة اكيد محتاجه ليها وقت انتي فاهماني؟سكته،قال لي هاااااا ؟؟قولته ليهو طيب،قال لي وم عايزك تبكي تمام وبعدين اسي المفروض يبكي فينا منو انا ولا انتي؟على فكرة انا الاتدبسته لأني جيت تعارف وعقدو لي😂💔قولته ليهو بس ماف زول غصبك كان عندك خيار انك ترفض😭💔قال لي خيار ولا جزر😂😁🙊😷يااااخي غااظني قولته ليهو يوسف ياااخ انا جادة😡قال لي اعمل ليك شنو م دي هبالتك البتعمليها لي شايفه شايفه العدوة انتقلت 😂💔قولته ليهو احيييييييييييييييين وكمان فاتح نفسك وبتضحك،قال لي ي شهدي انا بالفعل كان عندي خيار اني ارفض فكرة العقد دي بس انتي م عااارفه احساس انو انت تكون متمني حاجه شديد وفجأة الحظ يلعب معاك لعبه ويقدمها ليك في طبق من دهب انا م رفضته لأني م عندي غيرك انتي ومحمد صحبي في الدنيا،ايوة عاارف وضعي وظروفي م بتسمح لي اتزوج ولا اكون اسرة بس لو كنت رفضته كنت حأضيعك من يدي وحأثبت لي اهلك انو انا ماسك بيك زمن وبتاع لف ودوران وانا م كدة فاهماني انت ي شهد؟قولته ليهو يوسف😿قال لي ايوة،قولته ليهو انا بحبك😿ضحك قال لي ي الله ياخ م تخليني اقوم ادق باب بيتكم باقي الليل دة واقول ليهم سلموني مرتي😂💔✊قولته ليهو مرتك في عينك وكمان فاتح نفسك بتقول مرتي،قال لي ااااي مرتي وحلالي مالك عندك اعتراض😂😒قولته ليهو اممممممممممممممممممم،قال لي امممممممم،قولته ليهو ياخ م تحاكي😂💔✊قال لي بالمناسبه شكلك وانتي لابسه التوب للأن م قادر يفارق مخيلتي ،قولته ليهو احلف🙈قال لي وحياااة الخلقني عايني نتفق لما انو انتي م حتلبسي توب قدام زول ابدا،قولته ليهو نعم يعني امشي ساااي قدام الخلق قصدك؟قال لي نعم؟ساااي في عينك بس خلي يوم بالغلط اللقاك ماشه بدون طرحه😒قولته ليهو هييي انت نحن عرسنا لسسه م تم وكمان بتتأمر ،قال لي بالمناسبه انا كان بإمكاني اسوقك من اللحظه العقدو لينا فيها بس طبعا حسب العادات والتقاليد لازم ينعنشوك في بيت اهلك،قولته ليهو كيف يعني؟قال لي كيف كيف يعني؟قولته ليهو م فهمتك؟قعد يضحك والضحكه كانت خبيثهه قال لي طيب انسي ي شهد،قولته ليهو لا م بنسى حلفتك قول لي قاصد شنو؟قال لي م قاصد شي وهو بتكلم وبضحك 😂💔قولته ليهو طيب انا زعلانه منك يلا م تتكلم معي،قال لي وانا بحبك يلاااا عامله عيونك السمحات ديل😂اول م قال كدة ضحكته قولته ليهو احييييييييييييييييين منك غياااظ دة😒🙈قال لي كدة قولي كلمه احييييييين دي تاني 😂قولته ليهو ابيت☹قال لي ابيتي صح؟كويس كويس ههههه لغاايه اليوم انا ساااكت وبعاين ليك حيجي يومك اصلا😂💔اليوم التاني جهزته مع حبوبه الفطور وطلعته انادي ماما ولدن للفطور،لما وصلته الغرفه سمعته لدن بتقول لي ماما"انتي عارفه ي امي والله الولد دة عمل كدة عشان عارف شهد بت ناس عندهم الشي،وعندها الجنسيه الامريكيه عااد واهلها اي شي عايزاهو بوفرو ليها وزوله عندها ورثه يعني مشروع عرس جاهو جاهز في محلو اكيد م حيرفضو لقاها مسكينه وغشاها لغايه م وصلتو البيت داير يكسب من وراها،ماما قالت ليها والله قرش احمر يبقى ليهو بي سم وكان جاري عليهو يتقبل ومش عرستو تاني م عندها ملين احمر عندنا ماف ليها اي ورثه قال يبقى راجل ويصرفها وم يحوجها لزول،لدن قالت ليها اه اسي بكرة اول م يوديها بيتو بقول ليها طالبي بالورثه حقتك امي انتي م بتعرفي الرجال ولا شنو؟فتحته باب الغرفه وقولته ليهم "اتطمنو انا ورثه حقت ابووي ولا ملين احمر م عايزاه منها اذا أبوي التعب فيها كل السنين دي مات وخلاها حتدوم لينا نحن ولا حيحلى لينا أكلها عااادي؟انا شخصيا لما تجو توزعوها م تحسبوني معاهم ابدا 😊ورجعته مشيت غرفتي حتى م فطرته ،بعد اسبوع من الكلام دة جدو ناداني في غرفتو مشيت ليهو قولته ليهو ايوة ي جدو، قال لي اقعدي ي بتي طبعا ي بتي انا عقدته ليك لأنو عااارف شباب الزمن ديل تفكيرهم كيف الواحد يخطب البت وبكرة يلف ويدور معاها وبعد يومين يفكها عكس الهواء نحن ابدا م دايرين كلام زي دة ي بتي نحن ناس سترة،اسي دة م موضوعنا لأنو العقد تم والحصل حصل ي بتي اسي انا مناديك داير اخد رايك ود الناس دة حسب كلامو هو زول م جاااهز للعرس،انا م حاولته اضغط عليهو لأنو عاارف وضع البلد وحال شباب البلد كيف مع ضيق المعيشه الحاصله دي الشباب دة هو الضايع في النص لأنو الواحد على بال م يكون مستقبلو بكون نص عمرو ضاع،عشان كدة ي بتي انا م داير اديك اقتراح لو دايراهو يتم العرس كلووو شامل وكامل وبكل تكاليفو ويعملو ليكم صنه ورنه انتي انتي حرة ،ولو دايره العرس يتم من غير اااي تكاليف وجوطه تمشي بيت راجلك والبتخسروهو في العرس دة اعملو بيهو حاجه تنفعكم في بيتكم انا غايتو دة اقتراحي ليكي وانتي حره طبعا ي بتي م بنفرض عليك شي الانتي عايزاهو ببقى انتي فكري وشوفي دايرة شنو ي بتي ولا كلامي م كويس؟ قولته ليهو لالا ي جدو كلامك م كعب والله، قال لي طيب ي بتي انا دة اقتراحي ليك ولمصلحتكم انتو الاتنين لكن انتي اقعدي مع نفسك واتشاورو مع راجلك وشوفو العايزين تعملوهو وبنفع معاكم ،قولته ليهو طيب رجعته غرفتي لقيت تلفوني بضرب،كان يوسف،رديت عليهو ،قال لي مساء الخير حبيبي،قولته ليهو مساء النور،قال لي وين انتي من قبيل انا بتصل عليك،قولته ليهو كنت مع جدو والله وبعدين انا كمان من قبيل بتصل عليك وين كنت انت،قال لي والله ي شهد اليوم كان عندنا بضاعه مفروض نستلمها طووول اليوم كنت جاري من هنا لي هنا،قولته ليهو بالجد؟قال لي بس كنت مشتاااق ليك شديييد ياااااخ والله طول اليوم كنت مقلق لأني م سمعته صوتك الصباح،صوتو كان مرهق كدة،قولته ليهو انا كمان اشتقته ليك وبعدين صوتك متغير ليه شكلك مرهق شدييييد،قال لي فعلا والله مرهق شديييد ونفسي انوم بس م كنت قااادر انوم وانا مقلق عليك كدة،قولته ليهو انا بخير انت اتغديت؟قال لي والله ي شهد اليوم دة طريقه احك بيها راسي م لقيتها فيهو،قولته ليهو لييييه م اتغديييت قووووم اتغدأ يااااخي دامك طول اليوم جاري،قال لي والله ي شهد مرهق كدة م بقدر اكل عايز ادخل اخد لي دش واطلع انوم بس،قولته ليهو بصوت طفووولي حبيبي ياااخي اسمع الكلام ،سكتت مسااافه وقال لي متين اسمع الكلام دة منك وانتي في بيتنا😁سكتته قولته ليهو في بيتنا م حتسمع الكلام دة كلو حيكون نقه في نقهه😂😛ضحك قال لي مش انتي معاي صدقيني حأستحمل نقتك دي لمن ادخل التراب 💜قولته ليهو يوسف بالمناسبه قبل شويه كنت مع جدو وفاتحني في موضوع العرس وكدة،قال لي ان شاءالله خير؟قولته ليهو خير بس قاااال .....وحكيت ليهو بكلام جدي ،قال لي شهد دامنا حنتزوج معناها لازم نتزوج زينا زي الناس وحنعيش كل تفاصيل العرس اصلا هو مرة واحدة في العمر،قولته ليهو متأكد مرة واحدة م اربعه؟سكت وضحك مسااافه وقاال لي انا نسيت بالجد انو انا محللات لي اربعهه يعني حأعيش اللحظات دي اربعه مرات😂😻قولته ليهو وكمان فاتح نفسك بتقولها في وشي😡ضحك قال لي روقي واتطمني بعدك انتي تاني انا م بفصلني منك الا القبر ان شاءالله😘قولته ليهو طيب امشي انووم وارتاح لأنك حتكون مرهق وكدة😿 ،قال لي طيب تصبحي على خير بحبك،قولته ليهو وانا كمان 💜عدينا اسبوعين ويوسف الفترة دي كان مضغوط فيها شديييد ،وقت نتكلم فيهو مع بعض م بلقاهو الا المساء،في يوم اتصل علي قال لي انا اليوم جاي البيت ،قولته ليهو بخلعه جاي لشنوو؟قال لي مشتاق لمرتي وجاي اشوفها الله؟؟قولته ليهو طيب خلي بكرة علشان م افاجأ ناس البيت ويقولو اتعودته وكدة،قال لي طيب ياخي م حأدخل البيت بس حابب اشوفك اطلعي لي بره البيت،قولته ليهو لا م بقدر اسي اخواني يششاكلوني،قال لي عايني انا متحرك جاي عليك لما اصل بتصل عليك،،،قولته ليهو يوسف انتظر ،قال لي سلام وقفل الخط،قعدته كدااا شويه كدة جاتني منو مكالمه رديت عليهو،قال لي انا وصلته تطلعي ولا ادخل ليك البيت؟قولته ليهو طيب واقف جنب وين انت انا جايه عليك،طلعته مشيت ليهو اول م ركبته بقى يعاين في وشي وانا ملامح وشي متغيره ومتنرفزة وبعاين ليهو بي تكشيرهه كدهه،قال لي مرتي السمحهه اشتقته ليك يعني م عندي صلاحيه اشوفك لما اشتاق ليك😁؟؟؟...
#نتلاقى®♡
