ورة كل انسان قوي قصة...
قصة خلتة ينكسر الاف المرات
ورة كل انسان دقيق غصة...
غصة خلتة يحسب الف حساب قبل ليتخذ قرار او يتقدم خطوة...
الجزء الثاني
بقلمي طيبة الربيعي
#فاعل خير الجزء الثاني #بقلمي طيبة الربيعي البارت العشرون والأخيررررررررر
(للكاتبة طيبة الربيعي) سامر ...من الصبح كعدت كلي نشاط شفت نبأ كاعدة تباوع تلفزيون دخلت للحمام بدلت وطلعت بسرعة مريت علة احمد، صعد بالسيارة احمد: بالله بشرفك اشوفة وينة انطيتة الجيس: لاتفتحة، اليوم ناخذة للسيد لو الواحد يفتهم بهاي السوالف احمد: خرب لشتهة علة هل عملة، لك هذا صدك سحر سامر: جا خبز اعروك احمد: اااخ لو الزمهة لا ما اشلع شعرهة، بنت الحرام، زين شلون نامت ويا وهية بنية ماخافت من اهلهة؟ ضحكت: لك مو بنية احمد: لا بربك(للكاتبة طيبة الربيعي) سامر: والله، ماخذهة خطيبهة ومن ماخذهة شابع بيهة مطلكهة احمد مصدوم اكثر مني احمد: وشلون نامت وية انمار وين واهلهة وين عنهة سامر: شمدريني، والله انقهر عليهم مايدرون ابنتهم لاعبة شلم بلم، هااا صدك، عمي كلي مرة لاتأذيهة خل تاخذ جزاتهة بالقانون احمد: اي وشكتلة؟ سامر: اكيد لاء، كتلة اخذ حقي منهة يلة وماريد احد يعرف لا امي ولا اي واحد من الولد حتة صالح احمد: اااخ ربي شوكت نوصل سامر: باجر دورك يابة لتستعجل علة نعمتك احمد: لا بربك سامر خليني وياك(للكاتبة طيبة الربيعي) سامر: لا، اصفي ولو قليل من احسابي يلة احمد: خوش اني وراك دكت علية: ها نور نور: فدوة سامر من توصل لتدخل المنطقتنة اخاف اهلي يشوفوك وتعرف الناس بحجيهة مترحم، انتظرني عالشارع العام واني اجيك مصدكهة روحهة هاي، شي اكيد ماطبك كدام بيت اهلج، مو زوج اني واورط حالي وياج هههههه ضحكتني تخاف من حجي الناس وماتخاف من الي هو اقوة من الناس والدنيا كلهة سامر: هو اني هستوني وصلت منتظرج نور: ماشي جاية سديتة احمد: شكالت(للكاتبة طيبة الربيعي) ضحكت: تخاف من حجي الناس لتطبك قريب علة بيتنة وهم اخاف اهلي يشوفوك احمد: نغلة، بسيطة شوية واجتي شفتهة تفاجئت بوجود احمد وارتبكت من شافتنة اثنينة بس سلمت عادي وصعدت الي ورة تباوعلي باستغراب يعني ليش احمد موجود هسه تعرفين ليش ننوش الوردة طلعنة للمستودع بمكان شبه مهجور والله خوش مكان عمي قاسم مدبرة الله ينطيه انشاءالله نور: هاي وين جايبنة سامر خاف تيهت سامر: والله يمكن تيهت، بلة احمد انزل شوف هاي وين اجينة احمد: تدلل(للكاتبة طيبة الربيعي) نزل احمد، فتح الباب الورة نور: هاي شبيك! جرهة وهية تعيط، نزلت اني وبيدي الجيس، جريناهة جر وهية تعيط وتخرمش، شمرهة احمد بالكاع بجت: عفية سامر ليش دتسوون هيج شبيكم ربطهة احمد بالكوة، صلفة ونذلة حاملة كل الصفات الشينة ضربهة احمد راشدي سامر: علة كيفك احمد خل نروح نشوف شغلنة ونرجع(للكاتبة طيبة الربيعي) تفل عليهة، طلعنة وهية تعيط ورانة تعالو وين عفتوني، راجعلج حبوبة رحنة لسيد احمد يعرفة، واني اعرفة من بعيد بس علاقة احمد بي اقوة لان صديقة شوفتة الجيس باوع بي وتعوذ من الشيطان كلي هذا السحر مدتة 40 يوم، وراهة يبطل بس المشاكل متروح، كلي متزوج؟ كتلة اي وعندي بنية، كال مرتك حبلت وطرحت مو؟ تعجبت، هاي شلون عرف كلي لتخاف عرفت لان هذا العمل خاص بيك وبمرتك لا هية تكدر تحمل الطفل ولا اطيقك(للكاتبة طيبة الربيعي) وانتة هم شكد ماتريد تقترب منهة تلكة نفسك بعيد طلعت راسي مسطور، يعني المشاكل الصارت بيني وبينهة كلة بسبب هل اعمال الشيطانية اعوذ بالله منج يا نور اعوذ بالله منج ومن انمار انذال ولكم ليش شسوينالكم، ولج مو احترمتج واجيتج من الباب مادورت وياج زايدة ناقصة وطلعتي تخونين وفوكاهة انتي ام الراهي بسيطة اذا ما خليت الهوة حسرة عليج ماطلع اني سامر، رجعت احمد ورجعت للمستودع طبيت(للكاتبة طيبة الربيعي) نور: سامر ليش حباب ليش تسوي بية هيج خليني اروح جبت الكرسي حطيتة كبالهة وكعدت شمرت الجيس بوجههة سامر: عبالج بهاي السوالف تفرقين بيني وبين نبأ؟ تدرين بفضلج كمت ماشوف وحدة غيرهة؟ تدرين لو لا؟ مرات العنج والعن الساعة العرفتج بيهة بس ارجع افكر عدل واكول لو ما نور اني ماعرفت نبأ ولا حسيت بيهة، اشكرج لان دخلتي انسانة راقية وجميلة بحياتي مثل نباوي، ماتسوين شعرة منهة، انتي ولا شي نور وماراح احجي وياج ابد، راح اخلي ايدي التحجي(للكاتبة طيبة الربيعي) صلختهة بالواير وبالاحزام احس كلبي يكلي بعد انتقم هذا حقك سوي بيهم مثل ماسوو بيك بليل جبت واير كهربائي، يابوية شكد ارتاحيت من كهربتهة، من حسيتهة وصلت للموت عفتهة ورديت للبيت، اشوف نبأ تشعل بية شعل احاول اجاهلهة بس ماكدر مو بيدي(للكاتبة طيبة الربيعي) يابة شكد مشتاقلهة ومحتاج اطلع البكلبي يمهة اليوم الورا بلش احمد بيهة، اهلهة يدورون عليهة وكالبين الدنيا، عمي كال ورة ماتاخذ حقك كلشي اخرطلهم، كتلة براحتك المهم اخذ حقي حجيت الصالح ماكدر اضم عليه، كلي اني اريد افوخ كلبي كتلة اخذك عود، وهو واحمد ماخلو بيهة نفس كتلهم هذا هو ماريدهة تموت اريدهة تعيش مشوهة وتعيش وية عارهة ماانطمة عمي اخذهة لاهلهة وتكفل بالباقي وكللهم اخذنة حق ابنة منهة بس اذا فكيتو احلوككم اسويهة قانون وتدخل السجن عود خوفهم ماحجو شي، ههه عار ورجعت وشفت نبأ طالعة كيك مو مرة بس شنو، مادري شصار بحالي، اريدهة بس امربط عاجز حتة عن الكلام شلون شسوي وانوب اكللهة بدلي تعاندني واحسهة تتعمد تسوي هيج(للكاتبة طيبة الربيعي) جريتهة زندهة صارلي شكد مالازمة ضعفت وردت احجي بس ترددت واذا عرفت شراح يتغير يعني راح تنظرلي بنظرات الشفقة وتحاول تساعدني واني ابد ماريد هل شي سامر بضعف: ليش من اكلج شي تعاندين؟ نبأ ...يمة تمنيتة يحضني ويكلي تعاي ننسة الماضي بس اذكرت نور وكلامة عنهة ليلتك جانت حلوة مو؟؟؟(للكاتبة طيبة الربيعي) نبأ: ممسوية شي غلط حتة تكلي بدلي، بغرفتي ومن حقي اخذ راحتي، بس حضرتك ميعجبك شي بية حنيت للفضالة القديمة (اقصد نور) ضغط علة زندي اكثر: اذا كررتي هل حجاية تعرفين شسوي اجر بيدي: دهدني هو واني فزاعة حاطني بالغرفة، تحفية، اذا متريدني ليش تخليني اتأمل عالخالي بلاش، تعودت تأملني وتتركني بنص الطريق سامر ...دمعت عينهة، حقج انبية ماتدرين بحالي عفتهة وطلعت اعصابي متشنجة طبيت للمطبخ دخل وائل(للكاتبة طيبة الربيعي) سامر: ها شو كاعد وائل: والله مجايني نوم، اذا ماعندك شي اريد احجي وياك جريت الكرسي وكعدت: اكعد كعد: خوية اريد ازوج، مدام عندي شغل ومدبر حالي وحتة الفلوس موجودة بنفسي اخذ الأحبهة، فاتحت امي بالموضوع منطتني جواب الة توافق انتة، وهية هم ضامة جم فلس، ماريد اكلفك ابد اذا كتلي ماعندي هاي هية اطلعهة السالفة من بالي سامر: يا هية التحبهة؟ ابتسم: ام السطح سامر: ماتبت منهة مو؟(للكاتبة طيبة الربيعي) وائل: والله احبهة مو بيدي شكد حاولت انساهة محاولاتي فشلن سامر: الله كريم اشوف القاصة شكد بيهة وعود يصير خير كام بوسني: الله يحفظك النة ويطول بعمرك انشاءلله سامر: ترة موافقت للعلم يعني وائل: عادي خوية براحتك المهم مارديتني ثاني يوم فتحت القاصة، بيهة خير من الله حاجيت امي كالت انتة توافق اني موافقة كتلهة توكلي وروحي خطبيهة الة(للكاتبة طيبة الربيعي) الهلاهل بيومهة زرفن اذاني، تقى خوش تعرف تهلهل بس مرتي فاهية ماتعرف بس تضحك فدوة اروح لضحكتهة الحلوة نبأ ...واخيراً كدر وائل يفاتح سامر بالموضوع شكد فرحت خطية صارلة شكد رايدهة رحنة اني وتقى وية عمتي طلبنة ايدهة من فاتت ضيفتنة خطية ترجف صغيرة وناعمة انصدمت من امهة كالت عمرهة 20 ولا مبين فدوة، يستاهل وئولي فديتة بقة بزر الكعدة وهم ممرتاحة لمخابراتة بنص الليالي اكشفك اكشفك، ورة كم يوم ردو اهلهة الموافقة ابوهة كايل مدام اخو سامر انطيهة واني مغمض حبيبي سمعتة طيبة الى درجة(للكاتبة طيبة الربيعي) لا خيولي مو حبيبي يومية البس واتعدل وادلع، بس ماكو فايدة ابدال ميغازلني يرزلني ويضوج علة شنو ماادري، مرات ابجي ومرات اضحك خبط عندي الحار والبارد كمت ماعرف شسوي وشريد وبعرس وائل لبست ثوب كصيف وحصر ربع ردان احمر، قبلهة صبغت شعري اسود مزرق ورحت حفيت وعدلت شكلي(للكاتبة طيبة الربيعي) سامر ملتهي بالتحضيرات مو بالبيت بس احنة النسوان بالبيت ووائل ولؤي بس في عزمتهة ذنيج يولن ميستاهلن حتة اخوتي ممرتاحين وياهن بس شيسوون ذيل الجلب مينعدل، بيومهة ولد زيد يركضون ورة فطوم وكَمر، وهنة يضوجن خاصة كَمر متحب واحد يضاقيهة وهذا تمار ولا عبالك جبير😂 ركضتك من هسه يا عمة، الله يعينك للعصر خلصنة التحضيرات وندك ونركص، بعدين لبسنة علمود ناخذهة للبنية نزفهة للقاعة بعدين للبيت، لان جيران ولازم الزفة تجي من القاعة خوما من الباب للباب شنو جدر مال ثواب(للكاتبة طيبة الربيعي) اني وفطوم وكَمرة ولؤي بالسيارة مال سامر والثانية مال صالح ويا عمتي وتقى ووائل وعروستة سامر: شلابسة جوة العباية بالله نبأ: شلابسة يعني ثوب سامر: اي شلونة كصيف عريض نبأ: اهوو سامر عرس شتريدني البس سامر: هسه شحجينة داكلج كصيف لو عريض نبأ: لا كصيف وحصر وخلاعي باوعلي مصدوم: متنزعين العباية نبأ: مانزعهة بالقاعة لتخاف(للكاتبة طيبة الربيعي) طبعا طول الطريق كالب خلقتة هسه هو عرس، تغار وياريت تحسسني بحبك بس غيرة ماكو حل وسط يا طخة يا طلع مخة وصلنة الناس كلهة متونسة بس اني نظراتة واشاراتة طلعت روحي هسه شكد حلو صالح عايف تقى براحتهة بس اني عبالك مسوية جريمة واخيرا حل الليل زفيناهم للبيت، هناكة نزعت العباية الخليجية وبقيت بثوبي عدلت نفسي ونزلت(للكاتبة طيبة الربيعي) شفت سامر بطريقي للهول شفتة فك عينة علة وسعهن باوعتلة هيج😒 ودرت عيني بتكبر اجة علية احوالة متخربطة سامر ...بالعرس وصلت حدهة عندي كلت اليوم يا كاتل يا مكتول وانوب شنو الجمال عمي هاي يومية تحلة شتحط؟ حتة لو حطيت مثلهة ذرة جمال متجي بوجهي(للكاتبة طيبة الربيعي) اغار عليهة القاعة مختلط وهية وحمارهة حسيت بنفسي راح انتهي وبالبيت الهول عبارة عن ديسكو طلعت وصارت كدامي اباوع الشعر الاسود الضارب علة بياضهة والثوب الأحمر، بلعت ريك من انطتني هل نظرة تقدمت عليهة اتلعثم بالحجي سامر: شنو وين رايحة نبأ: يعني وين رايحة غير للهول جريتهة من زندهة ودفعتهة جوة الدرج عالحايط تقربت من وجههة: تتعمدين تغريني مو نبأ ...متت بكاعي من حصرني جوة الدرج يباوعلي بعصبية وعيونة حمر(للكاتبة طيبة الربيعي) نبأ: يااخي عرس شنو تغريني، وحتة لو غريتك مو رجلي؟ هاا نسيت ميعجبك الحلال تتخبل عالحرام عصر فجي: ولج لتخبليني لتخبليني! لا تمشين هيج كدامي متعرفين شيصير بييية!! تفاجئت بكلامة، مبين يريدني ويحبني بس ليش يبتعد عني شنو المشكلة لزمت ايدة اريد ابعدهة نبأ: اتركني اروح، مثل ما انتة متريدني اني هم ماريدك(للكاتبة طيبة الربيعي) حسينة بصوت قريب، تركني طلعت ركض عمتي: وينج عمة ساعة ادور عليج نبأ: ها هياني جنت اعدل نفسي ام سامر: راح يصيبن جنايني بعين اليوم، كلهن يحجن بيج وبتقى عمة اقري المعوذات ونفخي بوجع التباوع عليج ضحكت: انشاءلله بستهة: فديتج(للكاتبة طيبة الربيعي) ام سامر: صعدي ركض شوفي التبريد مشتغل بغرفتهم، يمكن نسيت اشغلة صعدت لكيت التبريد مشتغل والغرفة جوهة الة بشدة، تمنيت اجيب سامر ونعيش احلة ليلة بس ميبس راسة الأخ وصلت لخشمي بعد مابيهة مجال اذا بقة معاند اليوم اسويهة مصيبة عليه واريد اعرف شنو علاقتة بنور اكيد راح يجذب ويكلي ماعندي شي بساعتهة صدك اتخبل عليه زفيناهم للغرفة واشوف وائل طاير من الفرح بس البنية تستحي كلش مخلصتهة توزع ابتسامات شاقيناهم اني وتقى لزكنة فرد لزكة لحد ما اجة صالح طلعنة سحل(للكاتبة طيبة الربيعي) صالح: ماكو احساس ولجن الرجال معرس لزكتن تقى: يووو دخلينة نشوف شيصير حنيت😍 صالح: خو انتي طالعة عينج فد مرة ضحكت، عفتهم وصعدت، كَمر وفطوم نامن بغرفة عمتي، تعبانين بشكل باجر عود انضف الهوسة توني دخلت جرني سامر وطبك الباب بدون مقدمات هجم علية، دفعتة وابتعدت: متتقرب مني ابو النسوان(للكاتبة طيبة الربيعي) سامر ...منتظر العرس يخلص بعد مابية صبر انتظرتهة تصعد، اروح واجي، نزعت الرباط خنكني بقيت بالقميص والبنطرون مال قاط من سمعت خطواتهة، انتظرهة تفوت وبس فاتت اخذتهة لحضني بس تفاجئت من دفعتني وكالت هيج سامر: تعاي لج شنو ابو النسوان اشايفتني نبأ: وخر، مو شبعت بنور خانوم واجيت تكمل وياية، مو لعبة عندك اني(للكاتبة طيبة الربيعي) جريتهة للسرير حصرتهة بين رجلية ترفس وادفع نبأ: اببببببعد سامر: نور هية السبب بأل صار بية، ارررركدي خليني احجي نبأ ...من كال هيج رخيت اعصابي وباوعتلة فاكة عيني ممصدكة نبأ: شنو(للكاتبة طيبة الربيعي) سامر: نور ومخططاتهة السبب بحالتي هاي خرطلتهة كلشي، ماخليتهة تحجي تقربت منهة نبأ ...انصدمت بنور، معقوووولة؟؟😲 مو بعيدة عليهة كلشي اتوقع منهة خرابة البيوت مشعوذة وحقيرة(للكاتبة طيبة الربيعي) ارتاحيت من كلي عذبتهة وشوهتهة مي باردة ونزلت علة كلبي تقرب مني رجعت بذكرياتي الحلوة ويا دنيــانـه...وسمانـه...وناسنـه يخنگون الهوه ...والراحه بَس يمك أحس بيها حسيتة كام يرجف وعرك كلش تركني عبالك يريد يغمى عليه تلمست خدة: سامر حبيبي شبيك ابتعد مني لزمتة: وين جر ايدة حيل وكام كمت ويا مفزوعة شديصير نبأ: شبيك سامر سامر ...حسيت بروحي ماعت، ورطت نفسي وادري بنفسي ماكدر ليش الللللحححح ابتعدت احس بروحي اريد اخنكلي واحد خفت لا اضربهة الشعور الراودني مزززززعج نبأ ...كمت اريد الزمة ميخليني آخر شي دفعني: روحي لتجين يمي روووحي دمعت عيني: شبيك سامر ليش متريدني سامر بغضب وهسترية: روحي اكلج طلعي من الغرفة!(للكاتبة طيبة الربيعي) بجيت: هلكد متقزز مني؟ لعد ليش تتقربلي اذا متريدني ليش تأملني!!!! اني صوجي اني غبية وثولة ادري بيك متريدني ليش افرض نفسي عليك هاي هية بعد لهنا وطفح الكيل مابية اتحمل اكثر اجيت اطلع من الغرفة جرني ودفعني عالسرير عاط: لان اني عااااجز، ولج عاااجز تعرفين شنو يعني!!!! ماكدر اتقربلج افتهمميي مااااكدر تستهر كام يعيط ويضرب بالغراض واني جامدة واباوعلة، شنو عاجز شلون وليش(للكاتبة طيبة الربيعي) اتذكرت التعذيب المر بي، تذكرت شلون من رجع متغير 180 درجة، شلون ميحب اتقرب منة يريدني بس بنفس الوقت ميريدني افعالة المتناقضة وكلامة الي كلة الغاز والسبب طلع عاجز؟ كعد بالكاع وانتجة عالحايط مخلي راسة بين ايديه نزلت يمة اشهك بالبجي خليت ايدي علة رجلة نبأ: سامر حبيبي ليش مكتلي؟ ليش تحملت هل عذاب وحدك؟ مو جنت تكلي مستحيل فد يوم اضم عليج شي، مو وعدتني نتشارك بكلشي؟ سامر ...حجيتهة بس ماتندمت(للكاتبة طيبة الربيعي) هاي هية خل تشوف حياتهة ليش حابسهة وياية من حقهة تعرف ليش اضم عليهة بس كلامهة فاجئني جنت متوقع راح تتعصب وتضوج وتعوفني باوعتلهة: نبأ مافيدج اني، ماعيشتج ايام حلوة، كل العشتي وياية ضيم وقهر(للكاتبة طيبة الربيعي) نبأ: ششش الله يخليك لتكول هيج، ميهمني والله المهم انتة سالم ويمي كلشي مااريد تقربت حضنتني وتبجي، اريد ابجي بس محصورة الغصة بكلبي نبأ: احبك لتفكر هيج، لتضم علية بعد سامر اموت بدونك اني حضنتهة: يعني مضجتي رجلج ع... قاطعتني ابوسة، وبيومهة خلتني بحضنهة كلام عذب ولمسات رقيقة وهادئة خلتني كبل اغط بالنوم ايديهة سحر ثاني يوم فزيت علة بوساتهة(للكاتبة طيبة الربيعي) جريتهة لحضني: متوكحة الفاهية مالتي نبأ ...سودة اعلية كل هذا ضامة بكلبة نومتة بحضني يلة نمت كعدت الصبح اباوعلة ماشبع منة كعدتة مو قصدي، رجعت بوستة نبأ: حبيبي اكيد اكو علاج لتضوج وتنقهر، اني باقية وياك العمر كلة عالحلوة وعالمرة باس حنجي: اصيلة نباوي ماعرف شأكلج، اروح للدكتور واشوف نبأ: اطلب منك طلب وياريت متردني سامر: أمري(للكاتبة طيبة الربيعي) نبأ: اجي وياك، مستحيل اعوفك وحدك من ورايح، رجلي علة رجلك نلكة العلاج سوية بستهة: طلباتج اوامر، بس نباوي ماريد احد يعرف بيني وبينج نبأ: ياااا اكيد محد يعرف، هاي اسرارنة مستحيل احجي لأحد بستهة ورجعت نمت، بقينة بالاسبوع اندور علة دكتور زين، الحمدالله لكينة خوش دكتور بس العلاج يكلف، نبأ وتشجيعاتهة خلن عندي امل استمريت عالعلاج فترة لحد ماتعافيت وشفتة العلاج فعال(للكاتبة طيبة الربيعي) نبأ ...الحمدلله انمحت هل ثغرة الي جانت مسودة عيشتنة، خليت سامر يحلف بروح ابو وبداعة امة ميضم علية شي بيوم حبلت وسامر طاير من الفرحة بس مو بكدي، رجعنة مثل قبل واحسن ميحلة يومي بدونة وبدون كَمرة نور توفت، شكد أذتني بس انقهرت عليهة راحت يم العادل، يم الي حسابة عسير رحمتك ربي مسامحتهة دنيا وآخرة مدام اني وحبيبي عايشين بسعادة كلشي مااريد(للكاتبة طيبة الربيعي) كَمر: بابا كللهة خل توخر دتضوجني سامر: شبيج نبأ عقلج وية طفلة نبأ: صوجك علمتهة عالدلال، خليهة تنام بفراشهة كَمر: ماااااا نبأ: وعلا سامر ...ماخلص المناكر بيناتهن مرة شكبرهة وحامل وحاطة كورهة من كور كَمرة ضحكت: ميخالف عوفيهة بس اليوم نبأ: اختار يااني يا هية سامر: صدك تحجين نبأ: والله(للكاتبة طيبة الربيعي) سامر: نبأ كسري الشر ونامي شجاج نبأ: ها يعني تختارهة مووو سامر: صدك تحجين عود؟ نبأ: ماشي خليهة تفيدك عود نبأ ...فرشتلي بالكاع ونمت، مع الأسف النهاية مو سعيدة لان نومهة يمة وعافني مثل الفزاعة بالكاع
النهاية .....❤
Oops! This image does not follow our content guidelines. To continue publishing, please remove it or upload a different image.
اعوفكم تستنكَون العبر من القصة براحتكم حبايبي انشاءلله ماكون قصرت وياكم وانشاءلله القصة تكون عجبتكم تونست وياكم ضحكت وبجيت ياريت تدعولي بالخير اشكركم جميعاً علة كلامكم الجميل واخلاقكم الطيبة اني راح اخذ فترة استراحة طوييييلة احتمال سنة سنتين او اقل واذا نويت فد يوم انزل قصة انزلهة كاملة وراح اشاركم السبب الي خلاني اخذ استراحة اجاني انذار بالدراسة اخذت درجة زفت بالامتحان مال فيزياء وهل شي بسبب تركيزي عالقصص ابدال دراستي، تعبت اركز هنا وهناك وماريد اضيع المشيتين مهما يكون مستقبلي اهم واذا ضيعت درجاتي يعني ضيعت احلامي اتمنالكم الخير والموفقية يارب اشوفكم بخير ركَياتي🍉🍉❤
