فاعل خير (الجزء الثاني)

بارت 14

#فاعل خير الجزء الثاني
#بقلمي طيبة الربيعي
البارت الرابع عشر

(للكاتبة طيبة الربيعي)
اباوع سامر ماكو، ياربي ليش تأخر
وشنو هل حلم الفضيع ياربي سترك
جاوبت: الو
روى بقلق: الو نبأ شلونج
نبأ: الحمدلله، خير شبي صوتج ليش هيج مخنوك
روى: لج أحمد الي هسه مراجع وادك عليه من العصر ميجاوب، سامر رجع للبيت؟
لزمت كلبي: لا، شنو يعني ميجاوب، خابريتي هسه لو لا؟؟
روى: لج من العصر اخابرة ميجاوب، يدك وميجاوب، وسامر اتصل لا؟؟
كمت علة حيلي: لا ماكو، شنو يعني
روى: مادري لج نبأ كلبي ناغزني، عندج رقم انمار
نبأ: لج ذاكة سيمكراتي كسرة سامر بي كل الارقام وهذا مال عمتي مابي رقم انمار، هسه اشوف الولد واتصل بيج(للكاتبة طيبة الربيعي)
روى: طمنيني عود عفية
نبأ: انشاءلله
سديتة لفيت حجابي ونزلت، الولد كاعدين بالهول
بس صالح بغرفتة
نبأ: يا ولد سامر مأجة متصل بيكم؟؟
وائل: لا ليش
نبأ: ماكو الي هسه، عساس معزومين هو واحمد يم صديقهم انمار، روى تتصل بأحمد ميجاوب، ضل بالي عفية واحد بيكم يتصل بأنمار ويطمني
وائل كبل طلع فونة ودك علة انمار
حجة ويا بس مفهمت شنو
سدة وكال: مارايحن لأنمار اصلاً
حسيت برجلية انشلن وردت اوكع من طولي
بس تماسكت(للكاتبة طيبة الربيعي)
نبأ: وين راح سامر وائل متعرف وين؟؟؟
وائل: ولج هو معزومين عندة بس مارايحيلة عبالة ضربو بوري
ثنينهم طفرو واني رحت دكيت الباب
علة غرفة صالح
طلع شكلة توة كاعد من النوم
صالح: ها نباوي شكو
نبأ: صالح سامر ماكو وانمار يكول مأجوني، راح اموت خوف فدوة روح شوفة وين راح
البيت انخبص طلعت عمتي مفزوعة
ام سامر: خير شبيكم
صالح: ماكو شي يمة
ام سامر: شلون ماكو شي شبيهة الوانكم مخطوفة
اني كعدت ابجي بعد متحملت، وين راح
وليش احمد ميجاوب، هذا الحلم الشفتة
الة بي معنى، ياربي الطف بحالنة(للكاتبة طيبة الربيعي)
رجعلي رجلي بسلامة والله اموت اذا صار
عليه شي، طلعو الولد يدورون ويخابرون
علة هذا وعلة ذاك وماكو الهم أثر
فص ملح وذاب، عمتي صار وجههة اصفر
وتروح وتجي مثل المجنون واني بس كاعدة
حيلي انهد واحس حلكي يبس مابي قطرة مي
رجعو الولد وشكلهم ميبشر خير
ام سامر بخوف: ها يمة لكيتو
صالح: ماكو محد شايفهم حتة انمار
اندكت الباب، طلع صالح فتحة
شوية ودخل كال هذا انمار، طبن لحد تطلع
دخلنة للمطبخ وعمتي بقت وياهم
اسمعهم يتناقشون واكل بروحي
وين رحت سامر(للكاتبة طيبة الربيعي)
اذا صاير عليك شي عمري مراح اسامح نفسي
اسمع انمار يكول عازمهم واتفقنة يجون
ومنتظرهم بس طولو اتصل بيهم ميجاوبون
كلت ضربوني بوري عفتهم براحتهم
مستحيل سامر يسويهة مدام تصالحو
وحتة لو يريد يسويهة يكولهة وجه الوجه
ميخاف ولا يخجل، ميسويهة سامر
يجوز أحمد اي بس سامر ابد
حتة انمار طلع يدور وياهم، اتصلت بأخوتي
وبعمي، ماتحمل يصير شي عليه والله اموت
ماكو لا احمد ولا سامر، فص ملح وذاب
عيونة مشافت النوم لثاني يوم
راحو اشتكو عند مركز الشرطة
وعمة السامر ضابط بالجيش(للكاتبة طيبة الربيعي)
هم خبر جماعتة وبدو يدورون عليه
شنو الي صار اريد افتهم اكو لغز بالموضوع
شنو معزوم يكشخ ويطلع تالي ميروح للعزيمة
وليش مأجة للبيت، اكيد صار شي
هسه لو سامعين اكو انفجار جان كلنة بيهة باب وجواب
بس ماكو الهم أثر ماااكو
يومين البيت انتسر ترس
ناس طابة وناس طالعة، اخوتي شدو حزامهم
وعمي وياهم، بليل اجة عمة السامر
الضابط(للكاتبة طيبة الربيعي)
عم سامر: لكينة سيارة سامر عالطريق السريع
ركضت عليه اول وحدة: وسامر وين
دنك: ماكو
عمتي كامت تلطم علة وجههة واني مصدومة
اباوعلهم اريد أمل بعيون واحد بيهم ماكو
مجرد امل بسيط ماريد اكثر من هذا
بس ماكو
نبأ بعياط: يعني شنو ماكو، انتو مو زلم وادورون عليه!
كمت اعيط واصيح معلية جيبوليا
هذا الحجي ميفيدني اني اطلع ادور عليه
اريد اطلع محد يخليني
وكعت بالكاع ابجي: يعني شلون فهموني، رجال شكبرة وين يروووح، انتوو مو عماامة انتة عمة مو عندك مكانة بالحكومة سويي شي الله يخليك
عم سامر: بابا كولي يا الله، قابل راح اعوف القضية بعدنة ابداية الطريق نلكا انشاءالله
اسبوع كامل وسامر ماكو(للكاتبة طيبة الربيعي)
فد يوم سمعت عمة السامر يحجي وية صالح
كال لكينة دم بالسيارة بس ماردنة نحجي
كدامهن، صالح بجة بس اني وكعت من طولي
فكيت عيني لكيت عمتي والبنات يمي
كمت مفزوعة: عمة سامر وين فدوة اروحلج كليلي جابوو
تقى تبجي: نباوي كولي يا الله
نبأ: ليش تبجووون فهموووني، سامر مابي شي سامر رجال حوك محد يكدر يأذي، يرجعلي والله يرجعلي هو كلي اذا سويتي شي بالطفل أاذيج، ميقبل يعوفنة ميقبل ميسويييهةةة(للكاتبة طيبة الربيعي)
طلعت اصيح وابجي، تهسترت واختنكت
ماكو هوة، سامر راح واخذ الهوة ويا
سمعت صوت انمار، دخلت عليهم
عم سامر: صالح طببهة جوة يمعود
صالح: نبأ تعاي وياي لخاطر الله وين طابة
دفعتة: عوووفني، لحد يلزمنييي
تقربت من انمار: انمار فدوة اروحلك ابوس ايدك مشفتةة؟ مكلك وين راااح؟ مو جان جايلك!!!
احجي ويا ميجاوبني ويبجي
واني ابجي واعيط محد يحس بنار كلبي
شبه انتهيت ومرن اسبوعين وسامر ماكو
ولا أحمد، سمعت بروى داخلة مستشفى
وحالتهة حالة، اني قافلة علية الغرفة وكاعدة
ساعة ابجي ساعة الطم، ساعة اعاتب صورتة
وين وليش رحت، ليش تخليني بنار
مو جنت ميت عالطفل شو عفتني حامل
غير تفرح بي وياية، سامر ليش سويت بية هيج
والله بس ترجع اصير عبدة جوة رجليك
بس ارجعلي والله كلمة اللاء متسمعهة مني(للكاتبة طيبة الربيعي)
اذا خالفتك بحجاية موتني اكتلني شتسوي سوي
بس لتبعد وتحرمني منك والله اموت
اندكت الباب
نبأ بصوت مبحوح: فوت
دخلت روى، كمت، ارتمت بحضني وتبجي
واني ابجي وياهة
روى: وين راحو نبأ راح اموت والله
كعدنة عالسرير نبجي ونحجي(للكاتبة طيبة الربيعي)
روى: لج كلي برجعتي اجيبلج بيتزا لان متنسية عليهة، راح ومرجع نبأ شنو معناتة هذا
نبأ تبجي وتحجي بالكوة
نبأ: واني وسامر منتحاجة، تعاركنة ومخليت كلمة محلوة تعتب علية، لج طلع زعلان وشايل علية، من رجعتلة الي هسه مشوفتة يوم حلو بس انكَ وأهيج باعصابة
روى: اوف يا نبأ اني همينة بس انكَ عليه بس شسوي من حبي الة، هسه بس لو اسمع خبر عنة عايش ميت
بس كالت كلمة ميت حسيت روحي كامت تتعذب
شوية وراحت بعد ما شبعت وياية ضيم وبجي
بيوم اجتمعنة كلنة بالاستقبال
عمامة واخوتي وعمي(للكاتبة طيبة الربيعي)
عمة اللاخ كال: نبأ عمو اكيد انتي تعرفين لو فاطنة علة شي، عندة عداوة وية احد؟
نبأ: لا عمو كلهم يحبو ممأذي احد يروح لشغلة ويرجع للبيت يتعشة ويكعد ويانة شوية وينام
عمة الضابط: وانتو يا ولد ملاحظتو ضايج من شي لو متعارك وية احد من اصدقائة
صالح: عمو حتة بالمحل كلهة تسلم عليه وتحترمة، ماشفتة فد يوم تعارك وية احد، بس وية انمار ورجعو اصالحو
عمة: انمار خوش ولد ونعرفة من زمان ونعرف ابو، لا مانعرفة جان شكينة بي، مستحيل غريب خاطفهم، واحد يعرفهم ثنينهم وإلا شمدري بقوت طلعتهم
للحظة شكيت بأنمار، ماعرف بس اكيد
هو وراهة، لان لو المختطفي يردون فدية
او يكتلو اسم الله عليه جان خبرونة او عالأقل
اتصلو وهددو، بقو يتناقشون
واني الافكار اجيبني وتوديني(للكاتبة طيبة الربيعي)
واحد يكول خاف مداين من احد ومارادلة الدين
والثاني يكول خاف مسلبجية ومختطفيهم بالطريق
ووووو، حجي هواية بس ماكو كلام مقنع
انمار يومية يجي يكابل الولد يبجي ويروح
بعدت الشك بي عن كلبي انمار ميسويهة
حتة اهلة اجوي واسونة وكالو احنة نعينكم
سامر واحمد ولدنة ومايصفالنة بال اذا مالكيناهم
ثاني يوم اجتي نور، مفزوعة وشكلهة ميتة بجي
نور: يعني شنو نبأ، ثنينهم ماكوو؟؟
نبأ: ماكو
نور: زين وين راحو اكيد كلج وين رايح
نبأ: معزومين عند انمار، انمار يكول اتصل عليهم ميجاوبون ثنينهم عبالي ضربوني بوري(للكاتبة طيبة الربيعي)
نور: وشلون هسه، محد اتصل محد كال
نبأ: هذا الكاتلني محد اتصل، هسه لو رايدين فدية جان حجو كالو ليش لحد هسه ماكو خبر
نور: ليش متصلتي بية نبأ عالأقل اجي اواسيج اواسي روى، نسيتني انتن
نبأ: صدكي ملتهية وملازمة الفون، بالي كلة يم سامر ميتة عليه
نور: اوف ياربي، انشاءلله يرجعون بالسلامة، مستحيل يختفون هيج بلا سبب
نبأ: انشاءلله(للكاتبة طيبة الربيعي)
خطية بقت يمي شوية وبعدين راحت لروى
وكامت يومية تجي تطمن علية وتلعب كَمر تلهيهة
العرفتة انخطبت لأبن عمهة، يعرف بسالفة زيد
ويعرف يهددهة، رايح مطيح حظة ومنكي فركة أذن
الله يسعدهة انشاءلله والله فرحتلهة
بس مبين بعدهة تحبة لسامر، بعدهة لدرجة
عيونهة ورامة من البجي عليه، هسه ميهمني
هل شي، كل همي سامر يرجع بالسلامة
وبيوم كاعدين بالاستقبال(للكاتبة طيبة الربيعي)
عمامة يمنة واخوتي همينة
سمعنة عياط وصريخ برة

يتبع...🌺🌺🌺
اعذروني البارت قصير ملحكت اكتب أكثر
تصبيرة هاي تصبيرة، اوعدكم ابارت لاخ بالليل انشاءلله
حبايبي رجاءا ماريد تجاوز بالتعليقات
كلمن الة حق يبدي رأية لحد يجاوز علة احد فدوة الكلوبكم
لتنسون التصويت والتعليق فديتكم لو اندل بيتكم😀😉😂😂