فاعل خير (الجزء الثاني)

بارت 2

#فاعل خير الجزء الثاني
#بقلمي طيبة الربيعي
البارت الثاني

(للكاتبة طيبة الربيعي)
نبأ ...عفتة وفتت للمطبخ
لزمت الكومدي خفت لا اوكع رجلية يرجفن
اوف فراكك اسهل علية من شوفتك
بنفسي احضنة واشمة بس كرامتي متسمحلي
سامر: نبأ!
صاحلي اوووف شتريد، مجاوبت
رجع صاحلي بس هل مرة بصياح
خلي اكفي شرة واطلع اشوف شيريد
مشاعري متخربطة خفت لا اخلف بالوعود
الي وعدتهة النفسي، بس لا
اني مو نبأ الضعيفة
اني نبأ القوية
الحب مو ذلة
الحب قوة وتضحية من الطرفين
الحب كرامة
طلعت شفتة كاعد وبحضنة كَمر تلعب بلحيتة
اوف تمنيت اني ابدالهة
لا هاي هية وفيتي بوعودج يا نبأ خانم
نبأ: نعم؟
سامر: تعاي كعدي
نبأ: هيج مرتاحة(للكاتبة طيبة الربيعي)
سامر: نبأ تعاي كعدي آخر مرة هاي راح اكوملج
نبأ: داكلك هيج مرتاحة، لتلقي بأوامرك علية احجي شتريد والا اطلع ماريدك ابيتي
خلة كَمر عالقنفة وكام يمة كلبي
ركضت للمطبخ اريد اسد الباب خلة رجلة
ومد راسة وايدة عالباب
سامر: راح اصلخج طلعي!
عضيت ايدة واجيت اسد الباب جرني
سامر: خرررب شبيج مجلوبة!
ادفع بي ميوخر: اتركني اتركني وخررر
سامر: لج بس احاجيج شبيج انجلبتي!
دفعتة: لتقترب مني، امشي اطلع ماريد اسمع منك شي!(للكاتبة طيبة الربيعي)
كَمر صايرة بيناتنة وتضحك وادفع بية وبي
عبالهة نلعب يبووو علييية
سامر: ماتقرب هذا هو، تعاي كعدي وخل نحجي، عيب انتي مو زعطوطة وتسوين هاي الحركات
نبأ: لا اني زعطوطة وتعجبني هل حركات، اطلع
سامر: نبأ قسماً برب العباد شايفة اذا ماجيتي كعدتي، اخذ كَمر واحرمج منهة والله
نبأ: ههه سمعناهة قبل
سامر: مو اسويهة
شفتة شكلة جاد، صدك يسويهة والله
خزرتة ومشيت كدامة، عدلت حجابي وكعدت
كعد مقابيلي وبحضنة كَمر تضحك عبالهة شقة
خرب حظج يوم شكد فطيرة(للكاتبة طيبة الربيعي)
سامر: فهميني شجانو يسوون يمج
نبأ: اجاوبك بس حل عني، ادرسهم خصوصي
سامر: وليش ادرسين شباب تخبلتي انتي، بنية وحدج وبنتج حلوة
نبأ: لا والله، وشنو يعني من شوكت تهتم
جر نفس وزفرة: نبأ، عوفيهة هاي الشغلة بروح امج اني اكثر المصرف اذا محتاجة
نبأ: الله ليعوزني ممحتاجة، وفلوسك لكَمر مالعب بيهن الحمدلله الله رازقني
سامر: مو ادزلج الج والكَمر شنو الكَمر
نبأ: واني مو بعازة فلوسك
سامر: نبأ شهل حجي، هذا حقج
نبأ: واني ماريدة
سامر: انتي شبيج!
نبأ: مابية سلامتك
سامر: لا هواي تغيرتي
نبأ: متغيرت، وعيت
سامر: شنو يعني وعيتي، عود عبالج الدتسوي حلو عبالج افعالج هسه مال وحدة جبيرة مثقفة ودارسة
نبأ: خليت الثقافة الك
سامر: راح اكوملج والله(للكاتبة طيبة الربيعي)
نبأ: ياريت تكوم وتتفضل تطلع
راد يحجي دخلت نوال
شفتهة تفاجئت
اني كمت وهو هم كام سلم عليهة
شالت كَمر: يمة فدوة، تعاي شوفي شجبتلج
سامر: يلة اني اترخص
نوال: وين دكعد شوية
يبووو
سامر: لا والله اشكرج عندي شغل مريت علمود اشوف كَمر
باوعلي: باجر حضريهة اجي اخذهة
درت وجهي عنة وحجيت بنبرة استفزازية
نبأ: انشاءلله(للكاتبة طيبة الربيعي)
سامر ...طلعت واحس روحي اختنكت
مو نبأ الأعرفهة ابد، تغيرت حيل
حليانة بس اخلاقهة متغيرة، تحاجيني بتكبر
ليش نبأ كل هذا لان حجيت بوقت عصبية
اعرف بنفسي غلطان اتحملهة يا سامر
تحملهة مثل ما هية تحملتك
بس الصبر الة حدود نشوف الى متى تضلين هيج
يا نبأ الى متى، عساس اروح للشغل اتصلت بصالح
كتلة مااجي رايح بشغلة، رحت زرت الكاظم
وكعدت بالحضرة شوية، صليت ودعيت ربي يهديهة
ويصلح بيناتنة لان اعرف أذيتهة هواي
هية تأذت مو بس مني من اقرب ناسهة
مريت عالسوك اشتريت لوزينة (دهينة)
يحبونهة خاصة نبأ، اوف ربي افرجهة
فطوم تحبهة تموت عليهة، رديت للبيت
بحدود الساعة عشرة(للكاتبة طيبة الربيعي)
تلكتني امي: وين صرت ماما متكلي ضل بالي عليك
انطيتهة العلاكة: هاي لوزينة، رحت للكاظم زرت ودعيتلكم
باوعتلي بتمعن: زيارة مقبولة
سامر: منا ومنكم
توني اريد اصعد صاحتني
ام سامر: بدل وتعال اريدك
اشرتلهة براسي اي وصعدت
ذبيت روحي عالجرباية
لو نبأ موجودة هسه جان تلكتني بالصلوات
وحضرتلي هدومي وريحتني
طيح الله حظج نور
شجابج شرجعج(للكاتبة طيبة الربيعي)
كمت بدلت هدومي ونزلت
جتني فطوم تركض
شلتهة وبوستهة، تعشينة ورة العشة رحت
لامي للغرفة
كعدت: ها يمة
ام سامر: معاجبتني حالتك يمة
سامر: ليش يمة شكو
ام سامر: ولك يمة ازوجك احسن مرة كافي تعبت مترجع هذا هو ليش كاتل روحك
سامر: لا يمة صدك جذب شبية مخبل واعيد الكرّة مرتين، مترجع هاي هية شسويلهة المهم هية ماتزوج
ام سامر: تحبهة ولك
دنكت(للكاتبة طيبة الربيعي)
ام سامر: الله يهديكم يا يمة شبيدي عليك اني، بس صدك هاي الطفلة تتبهذل اذا تبقون علة هل وضعية
سامر: هو اني شايل هم لكَمر شلون اعوفهة تربة بهيج وضع
ام سامر: ادعيلك يمة ادعيلكم ترجعون مثل قبل واحسن انشاءلله
سامر: انشاءلله
نبأ ...من طلع حسيت حيلي كلة انهد
مشتاقتلة تمنيت ارتمي بحضنة
وانسة كل الصار
بلحظتهة تمنيت افقد الذاكرة وبس حبة
وحب كَمر يبقة بذاكرتي
تمنيت آلآمي كلهة تنمحي وتختفي
بالنهاية....تمنيت فقط
ثاني يوم هم اجوي الطلاب ودرستهم
كَمر صارت عاقلة كاعدة بنصهم
حبوهة وهية همينة حبتهم وانطلقت وياهم
يمكن لان مطالعة وشايفة ناس
سودة اعلية ماعندي احد اني حتة اخليهة
تختلط بي، همزين فطوم موجودة
ورة مخلصنة راحو بعد ماشبعوهة بوس
اليوم الورا اجة سامر اخذهة نوال طلعتلة
بليل اتصل علية، مردت ارد عليه
بس خفت لا كَمر بيهة شي او محتاجتني
جاوبت: الو(للكاتبة طيبة الربيعي)
سامر: الو، شلونج
نبأ: الحمدالله، خير كَمر بيهة شي
سامر: لا بس ردت احاجيج
نبأ: عن شنو
سامر: سالفة متنحجي بالتليفون، امرلج باجر
نبأ: سامر عندك شي احجي هسه ماريدك تمرلي ولا امرلك
سامر: داكلج شي مهم شبيج انتي!
نبأ: ماريد اسمع لعد خلي الك
سديتة، رغم داريد انتقم بس كلبي
يوجعني من اتعامل ويا بهل طريقة
ابد مو من طبعي، ماعرف اذا احتراماً للعشرة
بس اكيد مو ضعف لان القوة البية
اني خايفة منهة، بس بصيص من الضعف
يأثر علة قوتي من اشوفة او اسمع اسمة
دك مرة لخ مجاوبت عفت الفون وكمت اباوع
تلفزيون، الصبح مر كالعادة ريوم ماريوك
ورة الصلاة بنص ساعة اندك الباب
صحت منو...وانصدمت بالصوت الاجاني
فتحتة متفاجئة
نبأ: انمار(للكاتبة طيبة الربيعي)
انمار: شلونج نبأ
مو بس تفاجئت صدمة صدمة
شذكرة بية
نبأ: الحمدلله انمار انتة شلونك
انمار: الحمدلله، شنو راح تخليني عالباب
استحيت ابقي عالباب وبنفس الوقت استحي اطببة
بس ميخالف مدام نوال موجودة
نبأ: اكيد لا، تفضل
كعدنة بالصالة، مستغربة بجيتة كلش
شيريد علة شنو جاي بعد كل هل غيبة
انمار: اكيد مستغربة بجيتي
باوعتلة واشرتلة براسي اي(للكاتبة طيبة الربيعي)
انمار: حبيت اسأل عليج ماصارتلي فرصة اجي تعرفين سامر بعد ماكدرت اسأل عليج وانتي علة ذمتة، بس من سمعت بيكم انفصلتو اجيت اشوفج خاف محتاجة شي اني موجود
نبأ: تسلم متقصر الحمدلله كلشي ممحتاجة والله رازقني
انمار: البقية بحياتج
نبأ: حياتك الباقية
انمار: شلون مدبرة امورج يعني تشتغلين لو شلون
نبأ: مدبرة حالي الحمدلله
انمار: تشتغلين؟
نبأ: بديت اشتغل
انمار: وشتشتغلين؟
نبأ: ادرس خصوصي
انمار: تكفيج الفلوس؟
نبأ: تكفيني وزيادة، شخبارك انتة اتزوجت لا
جر حسرة ورجع انتجة عالقنفة
انمار: طلكت
نبأ: لويش(للكاتبة طيبة الربيعي)
انمار: بنت عمي ماتوالمنة، قبل شهرين اطلكنة
نبأ: الله يرزقك الأحسن
انمار: انشاءلله امين، لعد كَمر وينهة
نبأ: يم ابوهة
دخلت نوال وشكلهة تفاجئت بوجودة
كمت: نوال بنت عمي، انمار زميلي بايام الجامعة
سلمو علة بعض وراحت للمطبخ
انمار: زين يعني مو وحدج
نبأ: لا الحمدلله، منين عرفت عنواني
انمار: ماعجبتج جيتي مو
نبأ: لاا مو هذا قصدي بس منين عرفتة فضول لا أكثر
انمار: عرفتة مو مهم منين، ياريت نبقة على تواصل ونرجع مثل السابق حرامات صداقتنة تروح هباء
نبأ: اعذرني انمار ماريد الناس تحجي علية واني مطلقة، بعد تعرف نظرتهم للمطلقة شلونهة
انمار: اعرف بس سؤال، من شوكت الناس رضت علة احد؟(للكاتبة طيبة الربيعي)
نبأ: هم صحيح بس مالي خلك المشاكل، مرتاحة هيج
انمار: نبأ اي شي تحتاجي اني موجود لتفكرين شفقة لو شي ابد والله اعتبريني اخوج
نبأ: متقصر انمار الله يخليك ويحفظك
اندك الباب، راحت نوال تفتحة
سمعت صوت سامر باوعت لأنمار بخوف
يمة اذا شافة هنا يتخبل اكثر من خبالة الحالي
شنو هل حظ الي عندج يا نبأ من خرب ضميرج
سامر ...ثاني يوم رحت جبت كَمر
وكالعادة مطلعت ولا كلفت نفسهة
فد ضجت وصلت عندي للستار
ضليت اليوم كلة بالبيت وية كَمر(للكاتبة طيبة الربيعي)
الاعبهة وفطوم ميتة عليهة
اجر السان كَمر اريد اعرف اخبار امهة الخبلة
سامر: كَمرة ابوج، بس بيت عمو يجوكم
كَمر: اي
سامر: وبعد منو يجيكم؟
كَمر: اي
سامر: لج بابا منو يجيكم للبيت، منو يجي يسلم عليج ويبوسج
كَمر: جدو وبيبي
سامر: وبعد منو؟
كَمر: وماما وبيبي(للكاتبة طيبة الربيعي)
دشوف ربي اسئلمن اني
كَمر: بابا شبيك عوفني العب، فطووووم
فاطمة: ماما عفية صيحي سامر ميخلينة نلعب
سامر: انهجم راسجن شمسوي عمي
ام سامر: دعوفهن يا ماما روح لشغلك
سامر: واعوف كَمرتي واكابل صالح وجه الجوب
مرة صالح: ياا اكو احلة وارقة من صلوحي
سامر: ام صماخ صار صلوحي هسه، البارحة جان صخومي
ام سامر: دكوم يا ماما كوم عوفهن يلعبن
جريت كَمر: لج مشتاقلج بابا تعاي اني العبج
توخر بية وذيج فطيم اجت هدادة
فاطمة: دعوفهة لزكت
جريتهة وطبكتهن ثنينهن(للكاتبة طيبة الربيعي)
ضلن يضحكن
من تعبت عفتهن وصعدت بدلت اريد اطلع
دك جهازي رقم ماحافظة
جاوبت: الو
اجاني صوت اخو نبأ الجبير، سعيد
تفاجئت
سعيد بصوت تعبان: الو سامر شخباركم
سامر: الحمدلله بخير، خير شكو
سعيد: اريد رقم نبأ اذا ماتصير زحمة
سامر: وشتسوي بي
سعيد: اريدة
سامر: ماعندي(للكاتبة طيبة الربيعي)
سعيد: شنو ماعندك مو مرتك، زين اطينياهة احاجيهة
سامر بعصبية: ليش تعرفون شي علة اختكم انتو؟ ماكلفتو نفسكم تعرفون وين صفة بيهة الدهر
سعيد بقلق: شكو شبيهة نبأ
سامر: اطلكنة ولكمن راح بطريقة
سعيد: اريد رقمهة سامر لخاطر الله ترة الدنيا طالعة من عيني
سامر: اعذرني تريدهة روحلهة اني مالي شغل
سعيد: سامر عمار توفة
سامر بصدمة: شنو
سعيد: احترك البيت والبي
سمعت صوتة يبجي
سامر: انا لله وانا اليه راجعون، البقية بحياتك، شنو شلون وليش(للكاتبة طيبة الربيعي)
سعيد: مو مال تليفون خوية اريد احاجي نبأ وجه لوجه، دبرني بروح ابيك
جريت حسرة: الله كريم، اخابرك عود
سعيد: خوش لاطول بداعة الوالدة
سامر: انشاءلله ماطول
سدينة وكعدت فركت وجهي
شلون اكللهة، خبر صاعق
حتة لو ماتريدهم تضل تحبهم
ونبأ كلبهة طيب خاصة وية اخوتهة
يضلون اخوتهة
من لحمهة ودمهة، ضليت اروح واجي
صاحوني عالعشة نزلت
امي توكل كَمر وتباوعلي
بس بالي وييييين(للكاتبة طيبة الربيعي)
ماكدر اوصللهة هل خبر صعب
احاول احاجيهة احنن كلبهة عليهم
وهو اخوهة يكللهة اني صعب احجيهة
ورة العشة اجتي امي كعدت بصفي
ام سامر: خير يمة شبيك لونك مخطوف
سامر: يمة اخو نبأ توفة
ام سامر انصدمت: الى رحمة الله، شلون
سامر: ماعرف اخوهة سعيد كلي محترك البيت ماعرف شنو
مافتهمت كلش
ام سامر: ونبأ تدري؟؟
سامر: لا هو هذا الشايل همة، يريد يحاجيهة ويريدني اتوسطلة مايدري اني بعازة الواسطة
ام سامر: اوف ربي رحمتك بهل يتيمة، لتحجي شي انتة ماما خابر اخوتهة يرحون يحاجوهة
سامر: لا ماكللهة شي بس احاجيهة بالأول خاف ماترضة تحاجيهم حتة اعرف شلون اتصرف
بليل خابرتهة ضوجتني وانوب سدتة(للكاتبة طيبة الربيعي)
والله لو ما المصيبة الواكعة بيهة اهيج عليهة
بس تعوذت من الشيطان وكلت البيهة مكفيهة
ثاني يوم رحتلهم، دكيت الباب طلعتلي نوال
بس شكلهة تفاجئت
نوال: خير سامر
سامر: اريد احاجي نبأ بلا زحمة
ارتبكت: نبأ نايمة
سامر: كعديهة ضروري
سمعت صوت مألوف
سامر: شبيج مرتبكة، وينهة نبأ
ماعجبتني ردة فعلهة(للكاتبة طيبة الربيعي)
سامر: تحجين لو اطب اني اشوف
نوال: مشغولة نبأ هسه تعال بعدين
عرفت اكو أنة، طبيت وماهتميت لنوال
رجلية جمدن من شفت انمار موجود
وهية كاعدة مقابيلة

يتبع...🌺🌺🌺

ردتو صور تقريبية للشخصيات ملكيت ملائمات للوصف اكثر من ذني، فقط كَمر تخايلوهة شكرة بسمار ابوهة

قرائة ممتعة حبايبي❤