فاعل خير (الجزء الثاني)

بارت 12

#فاعل خير الجزء الثاني
#بقلمي طيبة الربيعي
البارت الثاني عشر

(للكاتبة طيبة الربيعي)
تعيط وتصيح الحكلي سامر
الباب مقفول كسرتة وطبيت وشفت هل شوفة
بالخاول وواكعة علة خلفيتهة
وتون وتعيط من الوجع
طفرت شلتهة وهية تصيح
خليتهة عالسرير وحاير شسوي
مديت ايدي اريد اشوف خاف متأذية لو طالع دم
لزمت ايدي توخر بيهة
سامر: لج خل اشوف خاف صا عندج كسور
نبأ: ما ما عفية مابية شي(للكاتبة طيبة الربيعي)
سامر: ولج شلون مابيج وخري ايدج
نبأ: مابية مابية الم خفيف
سامر: اخذج للمستشفى فهميني شلون وكعتي
نبأ: مادري بالنعال هيج يمزلك من الكاعية تتبلل
سامر: ثولة شكد تخلين شامبو اعرف بيج اترسين الكاع
بقت تبجي وتكول خف الالم بس انهبطت
نسيت كَمرة كامت تبجي، شلتهة وحرت
اسكت بهاي لو بذيج، وديتهة يم صالح
سامر: خليهة يمك
صالح: خير شكو شبيهة نبأ(للكاتبة طيبة الربيعي)
سامر: وكعت بالحمام
صالح: ااه؟ ناخذهة للمستشفى؟؟؟
سامر: لا ماكو داعي وكعة خفيفة، خل اروح اتأكد خاف عدهة كسور شي
صعدت وسديت الباب بعدهة علة نفس الكعدة
الشعر رطب والعيون رطبة من الدموع
والخشم صاير أحمر، اوف صارلي شكد ماشايفهة
بهيج وضعية، تقربت كوة متحكم بنفسي
اعصابي تلفانة وايدية ترجف، كعدت بصفهة
خليت ايدي علة زرهة، اوف ربي ارحم بحالي
سامر: شتحسين بعدة يوجعج؟
نبأ: اي😢 بس خفيف(للكاتبة طيبة الربيعي)
سامر: غير اديرين بالج يا عيني
نبأ: اني شعلية النعال يمزلك تف عليه
ضحكت، خليت ايدي علة خدهة
مسحت دمعتهة وتلمستة: يا حلاة الخشم من تبجين
تقربت اكثر اباوع بعينهة خايف لاتصدني
هل مرة مابيهة مجال
سامر بهمس: نبأ
نبأ بخوف: ها(للكاتبة طيبة الربيعي)
سامر: تعرفين بية بعد ماتحمل، ارحمي بحالي
نبأ ...خلصت سبح اخذت الخاولي من التعلاكة
ولفيتة علية، حسيت بالكاعية تمزلك
بس متوقعت اوكع هل وكعة
بس مشيت خطوة وكعت علة خلفيتي
عبالك روحي طلعت، تأذيت كلش
ومحسيت الة وسامر اقتحم الحمام وشالني
جنت فعلاً متألمة واشوف كَمرة تبجي
بس مابيدي شي لان الالم موتني
بس شوية وخف لكن بعدة(للكاتبة طيبة الربيعي)
من تقرب سامر مني حسيت بخوف وحب
مشتاقتلة بس كرامتي متسمحلي
ماانسة الكتلة والاهاين والسب
زين هو المتصل علية قابل اني
كمت ارجف ومن حسيت انفاسنة اختلطت
خليت ايدي علة صدرة وبعدتة
نبأ: رجاءاً سامر عوفني البية مكفيني
سامر ...صدتني، بس هل مرة فرت
حسيت بنفسي ناقص رجولة، وصلت حدهة
بعدت عنهة: شلون وياج فهميني؟ شلون الى متى يعني؟؟؟(للكاتبة طيبة الربيعي)
نبأ ...دنكت افرك بيدية، اعرف زودتهة
بس مو بكدة
سامر بعصبية: ترة فتيتي كلبي فت ومللتيني، تعرفين شنو يعني متزوج وعايش وية مرتي عيشة اخوية! يا ناقص رجولة يرضاهة هاي!
محجيت شي، حقة بس شي يمنعني منة
ماعرف شبية اني ضايجة من نفسي
طلع وركع الباب، كمت بدلت ونزلت
لكيتة بالهول يباوع تلفزيون ويهز برجلة
شافني ورجع يباوع(للكاتبة طيبة الربيعي)
دخلت: كَمر وين
سامر: يم صالح
رحت جبتهة وصعدت، بقت تلعب
لحد ما تعبت ونامت، ثاني يوم داطلع هدوم
من الكنتور حسيت بأحد حضني من ورة
درت لكيتة سامر
بعدتة: عفية وخر، شتفقنة احنة ليش مصر تخرب الاتفاق؟؟
سامر بنفاذ صبر: نبأ آخر مرة هاي تصديني بيهة
نبأ: اي اذا بطلت تتقرب مني(للكاتبة طيبة الربيعي)
سامر بعصبية: راح تخليني امشي بالحرام! ترة طككتي روحي والظاهر انتي مو مال احترام، شموازيني عليج اني هل نسوان الضالة تتمنة نظرة مني واني صاين حبج وماحط عيني بعين وحدة غيرج! بس هسه ثبتيلي بعد انتي متحبين اليمشي وياج بالعيني وأغاتي
بدة يطلع هدوم واني مصدومة بكلامة
بس لا صدك يسويهة ويخوني
نبأ: وين رايح(للكاتبة طيبة الربيعي)
سامر: مالج شغل ولا تفكين حلكج وياية بحجاية
نبأ: وروح امي يا سامر اذا خنتني مابقة دقيقة بهل بيت
دار علية ودفعني: ويطبج طوب
بدل كشخ وطلع، واني صافنة علة حالي
راح اضيعة من ايدية، وشنو معناتهة يخوني
ليش نور من جانت تبزعة ليش ميخونهة
ليش اني حرام علية ادلل، انتظرتة يرجع
وكلبي نار احس اعصابي هايجة
افكار سودة اقتحمت دماغي
لليل نسوي عشة اني وتقى(للكاتبة طيبة الربيعي)
ماكو الي هسه وصالح من سألتة كلي
بس اني ووائل بالشغل يمكن سامر يم احمد
اتصلت بروى حاولت اسالهة بصورة
غير مباشرة، كالت احمد طالع بس مكلي وين
متت بس لا راح وية احمد لأماكن محرمة
داثرم زلاطة جرحت ايدي
ام سامر: شبيج عمة بالج وين
غسلت ايدي مادري بعيوني دمعن
ام سامر: نبية ترة حالج معاجبني
نبأ: ماكو شي عمة
ام سامر: عوفي من ايدج وتعاي وراية
رحت وراهة للغرفة
ام سامر: شكو شصاير
دنكت، شحجي(للكاتبة طيبة الربيعي)
ام سامر: تحجين لو شلون
نبأ: عمة تعبت
ام سامر: من شنو شكو
نبأ: من كلشي، مرات افكر اقتل روحي بس اكول كَمر منو الهة ماريدهة تتيتم مثلي
رزلتني وكامت تحجي علية بعصبية
واني ساكتة كلشي ماحجي
لحد ما كالت: مو زعاطيط انتو شكم مرة اعيدهة عليكم، اليوم يجي سامر واشوف وضعكم الى متى يبقة هيج
طلعت كملت العشة وهو ماكو(للكاتبة طيبة الربيعي)
كلشي مأكلت وكلت كَمر وصعدت
عمتي صعدتلي: بلة خابري شوفي وينة
نبأ: ماخابرة خليه متونس وية المسعدات
كمت ابجي
ام سامر: مانلام من اكول فاهية، يعني مطفشتة بتصرفاتج ومتريدي يروح يتونس باحضان دافية، من اهمداج اي والله
راح اتموتوني اني موتي علة ايديكم
كلسع تصعد تطمن علية وتنزل
لحد ما صارت بالوحدة وهو ماكو
كلتلي راح انام الصبح احاجي اشوف هل
مصخرة الى متى، بالوحدة ونص
دخل للغرفة، شمر السويج وطلع هدوم
كمت بعصبية: وين جنت(للكاتبة طيبة الربيعي)
باوعلي رفع حاجبة: خير شهل سؤال
نبأ: سامر اذا سمعت بيك خايني صدك مابقة
سامر: اي اذا سمعتي عود
ودخل للحمام، بقيت اتكلب
طلع طفة الضوة وتمدد
ردت انزل انام يم كَمر بس ترددت
هو يريدلة حجة حتة يكب بوجهي
خليني هادئة واكلب الشغلة لصالحي
كمت اشتميت اهدومة شكيت ريحة غريبة
بس مو نسائية، لا ريحة كريهة
وين جنت راح اموت والله
استمرينة علة هل وضع، يتأخر بالرجعة
ومن اسألة يكلي لتدخلين
المصيبة ملازمة عليه فد لزمة(للكاتبة طيبة الربيعي)
بس موبايلة ماشوفة، اربعة وعشرين ساعة
بجيبة، شكيت والله عندة شي
فد يوم نزلت نومت كَمر يم عمتي
لان قررت هذا هو بعد اكسر الحاجز بيناتنة
اي خطوة منة استسلم
بس صعدت سمعت صوتة
يحجي بالفون بس بصوت ناصي وعذب
ويضحك ويحجي كلام مقزز ورومانسي
تخبلت دخلت والدمعة بعيني بس متنزل
نبأ بعصبية: وية منو تحجي
وخر الفون: وثول شبيج(للكاتبة طيبة الربيعي)
نبأ: سامر وية منو تحجي منو هاية!!!!
سامر: اكلي تبن معليج انتي
نبأ: سامر لتخبلني!!!! منو هاااية!
سامر: شحارك دمج انتي هم الج عين تسألين
كمت ابجي متحملت: دقيقة مابقالك بهل بيت، طلكني كرهتك ولعبت نفسي منك، لك انتة واحد دنيء وخسيس ميغزر بعينك شي
كام قفل الباب واني احس كلبي ممرود
كلشي ولا الخيانة موتني ولا تخوني(للكاتبة طيبة الربيعي)
سامر: لج اذا عدتيهة هاي الحجاية امردج وعلي!!
نبأ: لك انتة انسان ماعرف شلون اوصفك! صوجي اني رجعتلك واعرف ذيل الجلب عمرة مينعدل
جرني وركعني بالحايط روحي راحت
سامر: لاتجاوزين لاااتجاااوزييين
نبأ: ههه بس هذا الكادر عليه؟ بس تمد ايدك وتثبت رجولتك، طلكني
سامر ...جبرتني اروح للحرام تعرفت علة بنية
بشقة صاحب احمد، يحب روى بس يخونهة
ماعرف شلون يكدر، صح تعرفت عليهة
بس بكلبي خنكة مامرتاح لهذا وضعنة
اريدهة تحس اريد احرك غيرتهة، حجي احمد صحيح
والدليل من جنت احاجيهة بالجهاز(للكاتبة طيبة الربيعي)
دخلت نبأ فايرة، حجيهة كبب عندي الاعصاب
بس من كالت تثبت رجولتك عرفت بنفسي
بعد ماكدر الزمهة يعني قصدهة ماعندي رجولة
حتة اثبتهة، جريتهة وبديت اكطع هدومهة
وهية تعيط وترفس جوة رجلية
نبأ: اتركنيي ياا دنييييء
ضربتهة راشدي: والله لأنهيج علة هاي الحجاية وروح كل ميت
نبأ ...تحول الى وحش اباوعلة مو سامر الأعرفة
جردني من هدومي وافترسني بهمجية
وكلسع يضربني ويأذيني بكلامة(للكاتبة طيبة الربيعي)
واني شبه انتهيت، تمدد بصفحتة واني
لميت روحي بالجرجف وعيوني يصبن
اشهك بالبجي عبالك روحي تريد تنتزع مني
بس تتعذب لا هية تكدر تبقة ولا تكدر تطلع
بقيت الليل كلة ابجي وهو يدخن
مابية اتحرك عيوني غشون من البجي
وخشمي انسد ماكدر اتنفس
حسيت الصبح علة صوت دكة الباب
فكيت عيني لكيتة نايم(للكاتبة طيبة الربيعي)
كمت طلعتلي دشداشة ودخلت للحمام
لا مي ولا تراب يكدر يوخر السويتة بية
فوك خيانتة أذيتة وهو ابو الراهي هو ابو الحق
طلعت لكيتة كاعد وبحضنة كَمر نايمة
باوعلي تركتة وطلعت
نزلت للهول ابجي وامسح بدموعي
اريدهن يروحن ماريد احد يشوفني
راح يعاند وميطلكني، خليني عالأقل اعيش لبنتي
سامر مرض وانتزع من داخلي
انتهيت بالنسبة الية يا سامر انتهيت
سامر ...اباوعلهة تبجي وتشهك
ادخن واتمنة الدخان يخنكني واموت
ليش هيج تغيرتي ليش فهميني(للكاتبة طيبة الربيعي)
كل هذا علمود حجاية حجيتهة بوقت عصبية
كبرتي الموضوع وخليتني اكبرة زيادة
ماكدرت انام اسمعهة تبجي واتكطع بالداخل
لوجه الصبح حسيت بدكة الباب
مالكيت نبأ بصفي بس سمعت صوت المي
بالحمام، كمت فتحت الباب، كَمرة
تفرك بعيونهة، شلتهة ونومتهة بصفي
ضل بالي يم نبأ فقدت سيطرتي حتة ضرب
ضربتهة، ابد مو بطبعي اضرب لو اقسي
بس تصرفاتهة تجبرني اسوي هيج تجبرني
طلعت وجهة ميبشر بالخير(للكاتبة طيبة الربيعي)
يا خير هذا ماتنجب انتة، تخونهة وتغتصبهة
شتريد تضحك بوجهك
سبحت وطلعت لكيت مكالمات فائتة من
البنية التعرفت عليهة، دزيتلهة رسالة
بعد لاتخابرين انتهت بيني وبينج
كامت ادز حضرتهة، فتحت علية باب
ماضن يرجع ينسد ماألة مفتاح حتة ينقفل
كَمرة فزت ماكدرت ارجع نومتهة، شلتهة ونزلت
لكيت امي ونبأ بالمطبخ
نبأ ...قررت مادخل احد بيناتنة لان ماكو فايدة
دخلت عمتي صبحت
ام سامر: وينة سامر رجع؟(للكاتبة طيبة الربيعي)
نبأ: اي
ام سامر: شوكت رجع
نبأ: بالوحدة تقريباً
ام سامر: هسه يجي واحاجي، خوما تحاجيتو
نبأ: عمة مابية حيل احجي شي اصلا لتحجين ويا حتة لو حجيتي اني سامر مات بالنسبة الية
ام سامر: بالله هذا حجي؟ شنو مات عمة كولي يا الله
دخل سامر: صباح الخير(للكاتبة طيبة الربيعي)
سويت نفسي مسمعتة
عمتي ردت ومحجت شي بعد
تريكو واني اوكل بكَمرة، رفعت عيني لكيتة
يباوعلي خزرتة ودنكت، خلصت شغلي
وصعدت، ورة الغدة صعد يبدل
اني نزلت، توهم هو وصالح يردون يطلعون
اندك الباب

يتبع...🌺🌺🌺