فاعل خير (الجزء الثاني)

بارت 19

#فاعل خير الجزء الثاني
#بقلمي طيبة الربيعي
البارت التاسع عشر

(للكاتبة طيبة الربيعي)
انمار: لان انتة متستحق تعيييييش!!!! ماطييقك يااخي مكروووه
انصدمت، معقولة هذا انماااار
شغيييييرةةة
ضربتة راشدي: لك اكلك لييييش ليييييش فهمنيييي!
عاط: اخذت مني الأحبهة خنتني وطعنتني بظهري ناااقص!!!!
تفلت بوجهة: لك بعدك علة هل سالفة؟؟؟ طيح الله حظك، عينك عليهة وهية مرتي!!! مرة اخووووك!!!!! والله طلعت اكبر نذل واطلع عار اذا ماطيحت حظك
يومية اعذبة يووومية، وسويت بي مثل ماسوة بية
خليتة يتوسل ويبجي واااشكاااال
وصل لمرحلة اتشاهد بيهة وتمنيتة يموت بلحظتهة
بس مامستعد اوصخ ايدي بقذارتة وادخل سجن
واعوف عائلتي وبيتي، قررت ابقي آخر يوم
اريد جواب علة اسألتي، دخلت(للكاتبة طيبة الربيعي)
مشمور بالكاع ومدمة ادمي
كمبصت كبالة، شمرت عليه مي
صحة، فز من شافني ورجع ليورة
انمار: بروح ابوك كاافي، كافي لخاطر الله
سامر: انجب عار تعرف الله انتة، تريد تعيش مو؟
انمار: سامر سامحني والله الشيطان لعب بعقلي
ضحكت: لعبت بعقلك بنفسك؟ عجيب، اجاوب علة اسألتي اهدك وماخلي واحد من الولد يمسك، معلوم متحلفيلك اكثر مني، بس اذا استعملت طريقة العناد والجذب وياية من هسه اكلك اتشاهد خاف ماتلحك بعدين
تقرب اخذ ايدي: ابوس ايدك كلشي اسوي بس عوفني راح امووت(للكاتبة طيبة الربيعي)
جريت ايدي وابتعدت، كعدت عالكرسي
ورثت جكارة، بديت ادخن وبكل ثقة باوعتلة
سامر: سؤالين، جواب صادق وصريح، لتلف وادور تعرف شسوي بيك
هز براسة اي
سامر: انتة الجنت توكف علة صفحة من يعذبوني؟
مجاوب ضل يباوعلي، نفس النظرة
شلون ماكدرت افرزن عيونة؟
بس العيون والحلك مبينات من القناع
شلون مركزت وعرفتة انمار؟ هلكد جنت واثق منة؟
جريت نفس من الجكارة: تحجي لو اطفيهة بحلكك، حتة صدك اخليك ماتعرف تحجي بعد
جاوب: اي اني، بس صدك الفكرة مو فكرتي، وداعة امي(للكاتبة طيبة الربيعي)
سجاجين تنغرز بصدري من اسمعة يحجي
خاصة من اعترف هو الجان يشاهد من اتعذب
وهو الينطي الاوامر بس بسكوت
سامر: عليمن تريد تذب قذارتك؟ عبالك راح اصدكك اذا جريت غير واحد بالسالفة؟؟
انمار: نوور، جيب القرءان احلفلك عليه، هاي كلهة افكار نور واني بس نفذت، نفذت لان اكرهك بس ابد
مافكرت انتقم منك، ومن كتلك اتزوجت ورجعتهة المرتي ورة ماطلكتهة ماجذبت عليك وانتة تعرف وتأكدت من هل شي، بس نور حطت الفكرة ابالي وشجعتني، واني الغبي صدكت بيهة(للكاتبة طيبة الربيعي)
الخبر مثل الصاعقة!!!!! 😲
معقوووولة؟؟؟؟؟؟
سامر: وشنو اليأكدلي ماتتبلة عليهة
انمار: روح شوف يم الشجرة البحديقتكم، تلكة جيس اسود مطموم بتربة الشجرة، هذا سحر تفرقة بينك وين نبأ، بس والله نور الطمتة وهية الراحت سوتة، اني مالي شغل بهالمواضيع وكتلهة لتورطيني بس قنعتني بطريقتهة
حطيت ايدي علة حلكي، والله ماكدر اصدك
مو لهل درجة الموضوع زاد عن حدة(للكاتبة طيبة الربيعي)
كمت جريتة من ياختة: شلون قنعتك! لك انتة مو زلمة! ماعندك كلمة تخلي وحدة مثل نور تمشيك!!!!!
انمار: غرتني والله ساعة السودة الرحتلهة بذيج الليلة
عفتة: شنو؟؟
انمار: لك نور شيطانة والله شكد اكرهك بس ماحملت بكلبي عليك بكدهة، سلمتني نفسهة بأرداتهة ومن عرفت مرتي تركتني، وهسه بالكوة رجعتهة خليت نور تنكر بعد ما خرطتلهة كلشي
لا يا الله مستحيل
سامر: آخر سؤال ووجهك بعد ماريد اشوفة لعبت نفسي منكم الله ينتقم منك ومنهة
انمار: سامر سامحني(للكاتبة طيبة الربيعي)
قاطعتة: انجب اكل تبن لاتحجي، ليش دخلت احمد بالموضوع؟ ليش ماخليتهم ياخذوني بس اني؟
انمار: احمد هم فكرة نور، حاطتة براسهة حتة تحرك كلب روى لان طبكت وية نور وشهدت ضدهة من سألتهة اذا عندهة علاقة بزيد لو لا، كل الصار من تدبيرهة سامحني سامر
جمعت تفلة شكبرهة وتفلتهة عليه
طلعت احس روحي تريد تطلع(للكاتبة طيبة الربيعي)
نور الخليتهة ترجع تدخل بيتي رغم السوتة؟
يعني خليت وحدة قذرة مثل نور تستمر
بعلاقتهة وية نبأ؟ والله طلعت غشيم وغبي واثول
مادري شيصير داير مدايري، مادري اقرب ناسي عقارب
خليت ولد عمي قاسم ياخذو البيتة
انقهرت علة مرتة شلون تعيش وية هيج انسان
ههه اذا بقت ويا بعد ما تعرف بي صار عاجز
وضلت هاي المشكلة تبعدني عن نبأ
لا اكدر احجي وافضح روحي ولا اكدر ابتعد عنهة
ردتهة تروح بأرادتهة مو اني الانطق الحجاية
ابعدهة من تقترب مني لان اخاف اضعف واخرب
الأول والتالي(للكاتبة طيبة الربيعي)
وبيوم كاعدين بالهول اسمع سوالفهم واضحك
فرحان اخذت حقي بس سالفتي وية نبأ
منغصة علية الفرحة، من شفتهة دمعت
وترخصت، عرفت صعدت تبجي
اني زودتهة بس هل شي مو بيدي
صعب حيل صعب
اني هم ترخصت وصعدت
توني فتت دك جهازي
سامر: حمودي(للكاتبة طيبة الربيعي)
احمد: ضلعي، بدون مقدمات باجر عازمكم علة احسابي بس مو بالبيت مريتي مابيهة حيل تسوي اكل، بالمطعم
سامر: ههههه انشاءلله، بس خاف انوب يدكونة بالطريق هل مرة ويانة نسوانة مابيهة مجال
ضحك: مرتي سبعة بمية رجال
سمعت روى تحجي عليه
ضحكت: ديلة روح استلم الرزايل، ساعة بيش؟؟
احمد: ورة صلاة الظهر من الجو يقرب للعصر، مو تاكلون ضمو جوعتكم الباجر
سامر: جا تريد تموتنة من الجوع، دروح روح
احمد: يلة سلملي وبوس المرة(للكاتبة طيبة الربيعي)
سامر: اندمك علة هل حجاية
ضحك وسدة، باوعتلهة متمددة وتباوع تلفزيون
عيونهة حمر مبين باجية
سامر: باجر معزومين علة حساب احمد
نبأ ...من دخل سامر كبل مسحت دموعي
ملحك يشوفني لان دك فونة، مفهمت عن شنو
يحجون بس عرفت وية احمد
سويت نفسي اباوع تلفزيون بس فكري يمة
سمعتة سدة، ومن كلي معزومين مباوعتلة
كتلة: انشاءلله(للكاتبة طيبة الربيعي)
سامر ...طلعت للبلكونة دخنت ورجعت
لكيتهة غافية، صعدت كَمر تركض وصوتهة عالي
كتلهة: اشششش، تعاي يمي
نصت صوتهة وتحجي بهمس: ماما نامت؟
سامر: اي تعاي
صعدت كعدتهة بحضني
كَمر: بابا ميصير تنام ماما هسه هية كالت اباوع وياج كارتون قبل لنام(للكاتبة طيبة الربيعي)
سامر: ميخالف بابا باجر، اني اباوع وياج هسه
شغلت كارتون وكمت اباوع وياهة
من شفتهة غفت شلتهة حطيتهة بسريرهة
ورجعت لمكاني، مديت ايدي اريد العب بشعرهة
بس ترددت، خاف تحس وكلبي يضعف
اذا حاجتني، لعنت الشيطان ونمت
ثاني يوم قبل الطلعة طبيت سبحت
وطلعت حتة ابدل، شفتهة لابسة
بنطرون حصر وفوكا طويل، بس اني ماحب البنطرون
وهية تعرف كلش زين، ماحب مفاتنهة
يشبع بيهة غيري(للكاتبة طيبة الربيعي)
سامر بعصبية: اطلعين هيج؟
نبأ ...نمت محسيت علة نفسي
يمكن لان اريد اتهرب من الواقع صاير النوم
ملجأي ومنفذي الوحيد، ثاني يوم
بدلت الكَمرة وعفتهة تلعب وية فطوم
ردت اخذهة ويانة بس عمتي مقبلت
كالت نروح البيت اختي اليوم
المهم صعدت حرت شألبس
ردت شي جديد صارلي كومة مطالعة
اتمنة هل طلعة تغير من نفسيتي شوية(للكاتبة طيبة الربيعي)
لان فعلاً مخنوكة واريد اتنفس وانفه عن نفسي
طلعت جينس ازرك وبدي ابيض وفوكا سترة
طويلة بيضة، سامر دخل يسبح
واني مكيجت ولبست، هو بسرعة يبدل
يعني على ميبدل اني البس حجابي
فتحت الكنتور طلعلتهة ملابس وخليتهن عالسرير
طلع لابس شورت وفانيلة
اوف جان يطلع بالخاولي هسه يستحي ميبين جسمة
والله ميهمني اني احبة كونة سامر
مو احبة لجسمة لو لشكلة(للكاتبة طيبة الربيعي)
بس هو مناوي يستوعب هل شي
واني تعبت احاول اعوفهة علة الله
بس شافني عكد حاجبة وحجة بنبرة بيهة عصبية
نبأ: اي لعد شلون اطلع
سامر: ماكو، غيري
ضجت: ليش
سامر: تعرفيني ماحب هل لبس شنو تسويهة عناد يعني؟
نبأ: لا ليش اسويهة عناد، بس طالعين نتونس شتريدني البس جبة
سامر: مو الة جبة اكو غير خيارات، بس ماريد بنطرون وحصر
شوفيلج غير لبس(للكاتبة طيبة الربيعي)
مجاوبتة، فتحت الكنتور وطلعت ثوب
نسيت هو ميحب البنطرون، بس ليش يهتم
مو ميهتملي؟ مو عساس ميريدني؟
بدلت باوعلي من فوك الي جوة
نبأ: هاا هم كول ضيق
سامر: لا مابي شي، نزلي جيبيلي مي وكلي لأمي اذبج بطريقي لو صالح ياخذج
عرفت ميريدني ابقة حتة يبدل
هزيت براسي اي ونزلت، نشوف الى متى هل حالة
عمتي كالت صالح ياخذني(للكاتبة طيبة الربيعي)
اخذتلة مي وصعدت لكيتة مخلص
سامر: لبسي حجابج وتعاي، راح اخذ كَمر وانتظر بالسيارة
نبأ: ماشي
لبست وطلعت بعد ماودعت عمتي
لان تبات يم اختهة اليوم
صعدت، مكعد بحضنة كَمر ويشاقيهة
بالطريق فرحانة لان طالعين سوية
صار شكددددد اوووه كلش هواية(للكاتبة طيبة الربيعي)
فاجئني من سأل: بعدج تحجين وية نور؟
متت قهر، وغرت ليش يسأل عليهة
نبأ: ممم
سامر: شنو مم، اي لو لا
نبأ: وليش تسأل عليهة شدخلك بيهة
سامر: لجاوبيني بسؤال، جاوبي وسكتي
نبأ: اي احجي وياهة، الظاهر حنيتلهة
سامر بعصبية: شنو هل حجي!
درت وجهي فايرة، اباوع من الجامة
وبداخلي العنهة هية ويا(للكاتبة طيبة الربيعي)
سامر: حسابج بالبيت بسيطة
سامر ...فورت دمي تسوي نفسهة متعرف
بمشاعري الباردة تجاه نور، خربت واهسي
وطلعت الطلعة من خشمي، التهت وية روى
واني وية احمد والجهال يلعبون يمنة
كلسع اباوعلهة اشوفهة ضايجة
ميخالف حقهة تضوج اول تالي اني اسألهة علة نور
بس ابالي شغلة لازم اسويهة
مو وقت غيرتهة هسه
سامر: اطبين تشوفين هذا المحل، حلوة بضاعتة
مباوعتلي وحجت من ورة خشمهة
نبأ: ماريد(للكاتبة طيبة الربيعي)
والله لو ما احمد صاحبي ومثل اخوية
جان طيحت حظهة بس يعرف علاقتي بيهة شلون
متوترة، افترينة شوية وكلمن رجع البيتة
صعدت لكيتهة ترتب بس بعصبية
ومتباوعلي، طبيت للحمام بدلت ذبيت هدومي
وطلعت، بعدهة ترتب
سامر: انطيني رقم نور
نبأ ...علة اعصابي طبعاً اريد بس ارجع
لان ماكدر امثل دور الزوجة السعيدة
واني حياتي زفت، رجعنة واني كوة لازمة نفسي
بس من كلي اريد رقمهة تعصبت
ومتحملت اكتم غضبي اكثر
نبأ: شتريد برقمهة(للكاتبة طيبة الربيعي)
سامر: شو تعيطين
نبأ: لعد شتريدني اسوي؟؟ ولة اكلك
اخذت فوني وشمرتة عالسرير
نبأ: عسى ما تخابر ام نور، ميهمني بعد
عفتة وطلعت، التهيت اغسل هدوم
وروحي طالعة اذا ولحد حجة وياية
الفخة علة حلكة
سامر ...تفاجئت بردة فعلهة، هاي الغيرة هيج تسوي؟
ابد ماعجبني اسلوبهة بس عاذرهة
ماتدري البراسي شنو(للكاتبة طيبة الربيعي)
اخذت رقم نور واتصلت بيهة
جاوبت: الو
سامر: الو
نور: سااامر؟؟؟
سامر: اي، شلونج نور اخبارج
نور بلهفة: الحمدلله اني بخير اذا انتة بخير، طمني عنك شلون صرت
سامر: عال العال الحمدلله، رايدج بموضوع وياريت مترديني
نور: انتة تأمر، كول(للكاتبة طيبة الربيعي)
سامر: ميأمر عليج ظالم، عيدميلاد نبأ قرب واريد اخذلهة هدية بما انو انتي صديقتهة المقربة اريد آخذ رأيج، ذوق روى بالهداية حشاج خرة، وانتي اعرفج ذواقة
نور: ممم ماشي
سامر: باجر امر عليج ونروح نشوف، عادي مو؟
نور: اي عادي بسيطة
سلمت وسديتة، اصبريلي انتي
حسابي وياج عسير(للكاتبة طيبة الربيعي)
وهاي الثولة ماصعدت للوحدة يلة
نومت كَمر ولفت راسهة ونامت
بعدين التفتلج هسه بالي مليان افكار سودة
نبأ ...متت قهر حتة مبررلي ولا كلي شيريد منهة
ثاني يوم من الصبح طلع، خابرت صالح
ردت اعرف اذا للشغل كال لا كال عندة شغلة يسويهة
ويجي، بسيطة اني اعرف شلون اندمك
رجع متأخر لف راسة ونام حتة عشة متعشة
فتشت اهدومة خاف اكو دليل علة الخيانة
حتة اعرف شلون اتصرف ويا(للكاتبة طيبة الربيعي)
بس كلشي ماكو، وين ديروح؟
انمار وخلصنة منة بعد نور منين طلعتلي
صوجي اني كتلة عندي رقمهة
بس جان اخذة من غيري، يلكا هو ميصعب عليه شي
اليوم الورا، ورة الغدة دك جهازة
صعد فوك يحجي، شوية وغافلتهم وصعدت
تسنطت سمعتة يكول
سامر: اي البارحة اخذتهة ورحت، شلون ليلة الة بشدة تفوتك، اي اليوم هم، امر عليك عود اخذك ونروح،ماشي، يلة باي(للكاتبة طيبة الربيعي)
خليت ايدي علة حلكي، معقولة وية نور؟؟؟
والله يا سامر متخلص من ايدي اذا
عرفت عندك شي وياهة، تعبت والله تعبت
رجعت نزلت، حلفت الة اندمة
هم طلع، واكيد يتأخر بسيطة
الة اخليك تتمنة تشم ريحتي
لبست ثوب اسود خفيف وفضفاف بس قصير(للكاتبة طيبة الربيعي)
عدلت شعري وتعطرت، اباوع النفسي
كرصت خدودي، فديييت، كل هل جمال
وسامر افندي معاجبة، بس الة اخليك تتشعوط
دأصبرلي، رجع متأخر واني صامدة منمت
نومت كَمر يم عمتي، وبس اني بالغرفة
دخل، شافني حسيتة ارتبك وتفاجئ
من فك عينة وبقة واكف
باوعتلة ودرت وجهي بطريقة ملفتة
اكلب بالتلفزيون وعساس ممهتمة
كام ميعرف يتصرف(للكاتبة طيبة الربيعي)
سامر: طلعيلي هدوم، يعني الة احجي
حجاهة بعصبية، كمت اتمايل كدامة
بعد نظرة عني ودخل للحمام
دكيت الباب وانطيتة هدومة
ورجعت لمكاني، بسيطة بعدنة بالبداية
طلع باوعلي: شعندج بهل ليل حفلة خوما حفلة!
باوعتلة بعدم فهم: نعم؟(للكاتبة طيبة الربيعي)
سامر: وسم، كومي جيبيلي شي اكلة وغيري لبسج هذا
كمت: والله هذا لبسي بالبيت مو كدام احد، ميعجبك لتباوعلي
جرني من زندي وقربني عليه
احس دكات كلبة تتسارع وية دكات كلبي وتسابقهن

يتبع...🌺🌺🌺
نبأ ناوية تجلط سموري🤔😂
حبايب اعذروني ماكدر اجاوب علة تعليقاتكم
صدكو اقراهن بس مالحك اجاوب
اشكركم جميعاً علة كلامكم الجميل فديتكم😙
ياريت ياريت ياريت تغلسون عالأخطاء ماعندي وقت اصححهن😃
قرائة ممتعة❤