فاعل خير (الجزء الثاني)

بارت 10

#فاعل خير الجزء الثاني
#بقلمي طيبة الربيعي
البارت العاشر

(للكاتبة طيبة الربيعي)
سامر: التبن هذا آخر مرة تحاجي، اكسر الجهاز علة راسج
شمرة عالميز وراح للكنتور
اخذت الفون وايدية يرجفن كل ضني
انمار، بس تفاجئت بمكالمة فائتة من وائل
لهل درجة غاضب عليه؟ قابل بس هو غلط
اكيد ذيجة منطيتة مجال اني اعرفهم الولد
والله مثل اخوتي ودارختهم درخ
ماعدهم زايدة ناقصة، يحبون اي بس ميدنون للحرام
وصلتني رسالة "نباوي جاوبيني ضروري"
باوعت السامر يبدل، انتظرة بلكي يطلع
شوية ودخل للحمام
دكيت علة وائل(للكاتبة طيبة الربيعي)
نبأ: الو
وائل: الو ها نباوي وين جنتي
نبأ: يمعود اخوك واكفلي فرد وكفة، لك ليش هلكد معصب عليك
وائل: فدوة نباوي حاجي ترة طكت روحي هنا لا شغلة ولا مشغلة، هو يسمع كلامج
اليدري يدري ومايدري كبضة عدس
عبالهم محبس بيدي ميدرون اني محبس بيدة
نبأ: انشاءلله اكلمة واتصل بيك، بس انتة تعال احجي ويا وجه الوجه واعتذر منة كلة بعد متنعاد
وائل: عبالج مأجيت وحاجيتة؟ مرتين كتلني وطردني، قافل فد نوب، حاجي نبأ ترة وصلت لخشمي اريد ارجع للبيت(للكاتبة طيبة الربيعي)
نبأ: زين انتة تعرفهة للبنية، لويش سطيت علة سطحهم
وائل: من اكعد بالركن اشوفهة تروح وتجي للمدرسة، ماكدر احاجيهة بالشارع بس ذاك اليوم من صعدت بالسطح وشفتهة تشر هدوم بعد اخوج ماتحملت وطفرت عليهم، بس والله بس ردت احاجيهة مابنيتي شي موزين، بس هية خافت وكامت تعيط سديت حلكهة وماحسيت الة وسامر منزلي دفرات جوة
ضحكت: تستاهل ترة
وائل: ردتج عون كلعتي فرعون، دحاجي بداعتي
نبأ: احاجي عيني ليش لا
طلع: يلة بعدين اخابرك عود
سديتة(للكاتبة طيبة الربيعي)
سامر: شنو بعدين اخابرك شو انتي ضاربة كلامي بعرض الحايط
نبأ: ليش فهمني مو اخوك؟ واذا خطأ علمة مو متخلي يدخل للبيت، عالاقل لتخلي احد يحس صاير شي
تمدد: خيولي
نبأ: ليش خيولي، يحبهة للبنية
سامر: يحبهة؟ وين شايفهة حتة يحبهة
نبأ: هو انتي منطي مجال يبررلك، تروح وتجي للمدرسة وشايفهة وحابهة، وين الغلط بالموضوع
سامر: وين الغلط! ويصعد للسطوح يبصبص علة اعراض العالم، وياريت بس يبصبص انوب يطفر ويجاوز ال(فشر عليه)
نبأ: لا مو هيج ترة فهمتة غلط
حجيتلة الي كلياه وائل واعرف ميجذب
سامر: سفطهن عليج يل فاهية(للكاتبة طيبة الربيعي)
نبأ: اني مو فاهية انتة الي مكبر الموضوع، صوجي اني احجي واعرفك شنو
اجيت اطلع صاح: تعاي رجعي! تعاي
نبأ: شتريد
سامر: اخلي يرجع بس بشرط
نبأ: ممم؟
سامر: نومة بالكاع ماكو، تنامين بصفي بس ماسوي شي لتخافين
يمة فديتة شلون شرط يخبل يموت
نبأ بتكبر: ميعجبني انام يمك غصب هية
سامر: ويطبج طوب امشي ولي يلة
لبست سترة ولفيت الحجاب(للكاتبة طيبة الربيعي)
عفتة وطلعت، طبعا شرط الة بشدة
بس كرامتي متسمحلي، اوف حطني بموقف محرج
لخاطر وائل راح اوافق والا شعندي مخمودة يمة
قبل جان حباب واني الماكعد راحة
هسه مارتاحلة يخوف
نزلت لكيت كَمر غافية عالقنفة وراسهة بحضن لؤي
نبأ: يا سودة علية شعجب نامت عالهوسة
لؤي: ايدي بيهة سحر عيني
ضحكت: اي والله مبين، متسحرهة يومية تموتني يلة تنام(للكاتبة طيبة الربيعي)
لؤي: انتي بس خليهة يمي دقايق وتعاي تلكيهة نايمة
ام سامر: يلة اخذيهة وصعدي قبل لتجي فطيم
نبأ: ليش وينهة
ام سامر: بالحمام
شلتهة وصعدت لكيت سامر غافي
اشتميت اهدومة الحمدلله مابيهن ريحة نسائية
وفحصتهن زين خاف اكو حمرة شي منا منا
والله اقيم القيامة عليه
فرشت الكَمرة بالكاع، علة ما نجيبلهة سرير جديد
ذاكة اخذو لأبن صالح، وهمينة قديم
اريدلهة واحد جديد وواسع
رغم غرفتنة صغيرة بس تكفي سرير
مال اطفال، غطيتهة ونزعت هدومي
ولبست دشداشة خفيفة، تمددت عالسرير
وتغطيت علة كيف، ضوة خفيف يجي من الشباك
مال الحوش، نايم صفح ومجتف ايدة
عبالك يريد يتعارك هههه(للكاتبة طيبة الربيعي)
تقربت شميت عطرة، اوف شكد مشتاقتلك
ياريت ياخذني الحضنة ويغصبني عليه
ليش هلكد احبة، اريد افتهم ليش
غفيت وكعدت الصبح من حسيت بأيد تتلمسني
وانفاس حارة علة خدي
سويت نفسي نايمة، مستمتعة بلماستة
بس كلبي يدك الف بالثانية
من شبعت فكيت عيني ودفعتة
وابتعدت الصفحتي انطيتة ظهري
الضحكة خانكتني، اكيد ضاج(للكاتبة طيبة الربيعي)
سامر ...من شفت وائل المتصل مو بس ضجت
فار دمي النذل الة عين يتصل، اكيد يريدهة
تتوسطلة عندي، ياكل تبن حرامات اخوية والله
اني الجبير ما فد يوم اجاوزت حدودي وية بنية
لو باوعت لو لعبت باعراض العالم
هذا عليمن طالع بس اريد افتهم
ولا اهتمت من شافتني ضايج قهرتني
هلكد كلبهة ميت؟ معقولة بطلت تحبني؟
ماتصور، حتة لو تتصرف هيج ماعتقد متحبني
تريد تفرض شخصيتهة وتشوفني هية قوية
نبأ رغم القوة التظهرهة هشة وبسرعة تتأثر
شلون أأثر عليهة بس اريد اعرف
نمت والدنيا طالعة من عيني(للكاتبة طيبة الربيعي)
وصلت بية لدرجة اريد بس انام وابتعد عن العالم اجمع
غصة بكلبي ماعرف شلون اطلعهة
مسؤولياتي كثرن وفوك ضيمي نبأ
ماعرف شلون اتصرف وياهة صايرة ماتحس
قبل جانت تتخبل اذا شافتني ضايج
تحير شتسوي واني الاثول ضيعت خوفهة علية
بيدية، اني الماعرفت احافظ علة نبأ القديمة
عطرهة بخشمي عبالي اتخايل، بس من فكيت عيني
وشفتهة ضامة راسهة بصدري فرحت وارتاحيت
يعني قبلت بشرطي بدون ماتحجي
حضنتهة وامشي بيدي علة ظهرهة وزنودهة(للكاتبة طيبة الربيعي)
الله سبحانه زرع حبهة بكلبي زرع، ولا حبيت نور بكد
ما حبيتهة، عجيب اذا ذاكة يتسمة حب
يمكن جنت بعدني طايش وبس اريد اتزوج
بس الله رزقني بأنسانة ذهب واثمن من الذهب همين
بشرتهة الناعمة وخدهة المدبدب عبالط طفلة
بس حليانة وسمنانة شوية بس مو هواي يعني مليانة
من حست وشافتني وخرت عني ونامت بصفحتهة
اني منا روحي طالعة تجي هية تزيدهة علية
بهل حركات المالهة داعي
نبأ ...حسيتة كام ودخل للحمام
باوعت علة كَمرة رايحة بسابع نومة
كمت رتبت الفراش، طلع(للكاتبة طيبة الربيعي)
بس محجة شي شعجب، جنت متوقعة يعصب
ويكلبهة اكشن، طلع هدوم بنفسة
ها خير شو تغيرت بلحظة
شتتوقعين لعد يا نبأ، شتتوقعين من تعاملي هيج
خلينة هيج احسن من ما نتعمق ونجرح بعضنة
او بالاحرى خايفة لا يجرحني، ذاك اليوم رجع عيرني
عالأقل ماخدع نفسي واكول ميعيدهة تالي يعيدهة
واني الاتأذة مو احد غيري، يكفي الصار بية بالماضي
دك فوني، زيد اخوية
نبأ: الو قلبي(للكاتبة طيبة الربيعي)
زيد: ها نباوي، شلونج شخباركم
نبأ: الحمدلله انتة شلونك الجهال شلونهم
زيد: الحمدلله بخير، نباوي محتاجج بخدمة
نبأ: أامر
زيد: اريد افاتح عمي بالموضوع بس ماعرف شلون
نبأ: قصدك موضوعكم انتة وفي مو؟
زيد: اي
نبأ: والله ماعرف شأكلك يا زيد، لتفهمني غلط بس تعرف عمي بناتة عزيزات ومينطي اذا مو واحد من مستواهن، انتة متتعيب بالعكس بس عندك ولد وماعتقد عمي يقبل بنتة بزر الكعدة تربي جهال غيرهة
زيد: هو هذا الشاغل فكري ومحيرني، حاجي انتي هو يحبج ويعزج والله احطهة بعيني وتعرفيني شلون جنت مدلل عذراء (طليقتة) واني ماحبهة شحال لو في البكلبي من الصغر(للكاتبة طيبة الربيعي)
نبأ: من عيني والله احاجي واحاول افر دماغة، بس انتة هم لازم تفكر بيهة ولدك كبار ويفتهمون خطية اذا شافو ابوهم متزوج علة امهم، راح يحسون بنقص من يشوفون باقي الجهال
زيد: يعني شسوي نبأ انتي كليلي امهم (فشر عليهة) ورب المشاكل وحقودة وسحارة، الة اكلج هيج؟ لو ادمية ارجعهة تربي جهالهة وتوكف عليهم بس مو ادمية واحترمهة واقدرهة، يعني شلون اني ماشوف حياتي(للكاتبة طيبة الربيعي)
نبأ: حقك والله، شوف حياتك بس فكر بأولادك همينة، شنو ذنبهم ترة اني ماسمح لأي شخص يأذيهم حتة لو كان انتة
زيد: جهالي نبأ جهالي شلون أاذيهم، متصدكين اذا اكلج في تكلي اني اصير امهم احطهم بعيوني
نبأ: هذا حجي زيد اكيد بالبداية تكول هيج بس بعدين من تتعب وياهم وهية صغيرة ماعدهة خبرة بالجهال وانوب تخلف راح يصيرون اولادهة اعز عليهة وتصير تفرقة لا ارادياً حتة لو هية مكانت رايدة هل شي
زيد: لا نباوي في غير صدكي، انتي تعرفيهن فقيرات كلهن حتة هاي نوال الطالعة وشايفة فقيرة، واني انبه عليهة اذا ضفت أي تقصير منهة اشوفهة العين الحمرة(للكاتبة طيبة الربيعي)
نبأ: مدام مفكر بجهالك وحاسبلهم حساب الله يوفقك وياهة انشاءلله
زيد: انشاءلله، شوكت اجي اخذج
نبأ: ماعرف اشوف سامر واردلك خبر
زيد: خوش
ورة مخلصت وسديتة انتبهت سامر مو بالغرفة
اخذتهة فرصة واتصلت بوائل
كتلة وافق ترجع بس حاول تكون عاقل
وتعرف شلون تصالحة
خطية فرح حيل الظاهر كلش مقهور
نزلت سويت ريوك بس عمتي كاعدة
تريكنة وهو عينة محطهة بعيني ابد
زين شلون ثنيناتنة مزاعلين بعض
المفروض اني الزعلانة، خلي يتكلة(للكاتبة طيبة الربيعي)
لتنقهرين عليه نبأ انقهري علة حالج
بس بالبداية علمي ميهينج ويتسهين بيج
سمعت كَمرة تبجي عفت اللكمة وركضت صعدتلهة
لكيتهة توهة كاعدة تفرك بعيونهة وتبجي
شلتهة: اسم الله اسم الله يمة هياتني لتخافين
رجعتلهة نومتهة ورجعت نزلت، لكيتهم مخلصين
واني هم ماشتهي كلش، غسلت المواعين
وكمت عالبيت انضفة، الساعة بالعشرة تقريباً
اندكت الباب، يا ستار منو يجي هيج وقت
طلع سامر يفتحة واني بالمطبخ انضف
اشوف الحوش من الجامة(للكاتبة طيبة الربيعي)
دخل وائل، سامر عافة يريد يطب وائل شبكة
وكام يبوس بي وسامر يدفع بي
ركضت العمتي
نبأ: عمة عمة
ام سامر: وحمة شبيج خرعتيني
نبأ: اجة وائل اررركضي
طفرت من مكانهة مبتسمة، طلعت واني طلعت وراهة
سامر: وخر اكلك!
وائل: آخر مرة والله وروح ابوي ماتنعاد
جرتة عمتي تبوس بي وهو خطية وكعلهة
حضن وشم، دمعت عيني من المنظر
سامر دخل كبل، اني هم سلمت عليه(للكاتبة طيبة الربيعي)
بس ممنوع الحضن والبوس الأخ مانعني
هسه همة مثل اخوتي شالقصة
وائل: وين راح
نبأ: يمكن صعد
ام سامر: روحي صيحي كليلة امي تريدك
ركضت صعدت، فتت لكيتة يبدل
نبأ: عمتي تريدك
مجاوبني
نبأ: متسمعني؟؟
باوعلي بنظرة تخوف
سامر: وخري من خلقتي لا اطلع حركة كلبي بيج
الموضوع صار جدي، ليش كل هل عصبية يا سامر
والله اخاف عليك من هل عصبية، كلش اخاف
نبأ: شبيك(للكاتبة طيبة الربيعي)
سامر: توخرين لو شلون!
نبأ: وخرت مو صوجك والله
عفتة ونزلت
نبأ: عصب ميقبل يحاجيني
شوية ونزل مبدل، سلم ويريد يروح للشغل
عمتي مقبلت وأصرت يبقة
وائل خطية رجع يتوسلة وهو قافل
بس من بقة يحلفة بعمي الله يرحمة كال
سامر: آخر مرة وائل وروح ابوي اذا عدتهة ماخليك عدل(للكاتبة طيبة الربيعي)
وائل بوسة ورجع اعتذر، سامر باوعلي بخزرة
ها خير هم شسويت، وراح، التهيت بشغل البيت
والسوالف ماكو شي جديد، من رجع بليل كبل
للغرفة بدل وتمدد، حتة عشة متعشة ومن حجيت ويا
عاط بية وكلي معليج، مو معقولة لهل درجة يعصب
لان ماخلي يتقربلي، تحبني يا سامر؟
الله يزيد هل محبة بس كون ماطلعك عن طورك
مجبور تتحملني مثل مااني متحملة تصرفاتي
الماعرف شنو نتيجتهة، اتذكرت زيد وسالفتة
انتجيت عالميز وباوعتلة
كَمرة جانت نايمة بصفة وتباوع تلفزيون
نبأ: اريد اروح البيت عمي
باوعلي: شتسوين هناك(للكاتبة طيبة الربيعي)
نبأ: هيج اريد اشوفة مشتاقتلة
سامر: الله كريم
نبأ: واريد ابات
سامر: انسي
نبأ: يوم واحد شبيك
سامر بعصبية: هو اني اشايف منج حتة تباتين ابيت عمج، ترة صبري الة حدود نبأ وجاي اجفصين ابمعدتي راجعي نفسج قبل لا اتصرف غير تصرف
نبأ: هو اني اشطلبت منك اكلتني حاصل فاصل، لعد اني اشفت منك
سامر: شنو اشفتي مني؟ شنو قصدج
نبأ: ماقصدي شي اريد اولي البيت عمي ضروري
سامر: لا جاوبيني شنو اشفت منك! مقصر وياج بشي اني!
نبأ: لاممقصر لان اني مطالبة منك شي ولا اريد اطلب منك شي، تاخذني لو اتصل بزيد يجي علية؟
سامر: راح تفقديني اعصابي والله، كسري الشر وطلعي من الغرفة طلعي(للكاتبة طيبة الربيعي)
خفت ليكوملي بس ضوجني كلش
مو ضجت منة ضجت عليه ليش هيج قهرتة
اني مداعرف اتحكم بتصرفاتي كل هذا لا ارادي
نزلت كعدت يمهم، عمتي حست علية اشرتلي شكو
اشرتلهة ماكو شي، شوية ونزلت بنيتي مخلوسة
كَمر: ماما بابا عيط علية
نبأ: ليش شسويتي
كَمر: مسويت شي دارة كتلة رجعة اريد كارتون كلي امشي ولي باعي جوة
برطمت شلتهة كعدتهة بحضني وبوستهة
نبأ: هسه اطلعلج كارتون هنا قلبي لتخافين بابا ضايج من الشغل(للكاتبة طيبة الربيعي)
اوف هذا شبي كب بهل ليل، الله اليستر
بقيت لحد الدعش جوة اخاف اصعد ويهجم علية
كَمرة نامت بحضن بيبيتهة، عمتي كالت نوميهة يمي
اليوم، فرشتلهة والفطومة بغرفة عمتي اطمنت عليهة
يلة صعدت، ملكيتة بالغرفة باوعت واكف بالبلكونة يدخن
بدلت عالسريع وتمددت، شوية وطب
ريحة الجكاير خنكتني، كلبي يتكطع عليه
ليش هيج قهرتة امداني
تمدد بدون ميحجي شي، اني انطيتة ظهري
بس كلبي يمة بحضنة
تفاجئت من كال(للكاتبة طيبة الربيعي)
سامر: تعرفين الصبر الة احدود مو؟
مجاوبتة
سامر: ومن ينفذ صبري تعوذي مني مو من الشيطان
نبأ: تهدد حضرتك
سامر: نبأ صبري بدة ينفذ ترة
نبأ: صبرك علة شنو
سامر: عليج وعلة عيشتي المرة
سودة اعلية يحجي بخنكة وعصبية وجدية
نزلت دمعتي، اني شكول لعد يا سامر
اني شكول، ثاني يوم اتصل بية زيد
كلي ها كتلة نسيت بس اخبرة اكلك كلي ضروري يمعودة(للكاتبة طيبة الربيعي)
لتنسين كتلة انشاءلله، سامر بالشغل لازم انتظرة
من يرجع والا اكدر اخابرة، واعرف المخابرة مراح
اجيب نتيجة، انتظرتة من رجع، البارحة جان اهون
اليوم ولا يتحاجة، صالح كال اليوم طفش
الزبائن رجلج ياهو اليعاملة يكلة ميعجبك اطلع لتشتري
هذا السعر ثابت، اخذتلة العشة وصعدت
سامر: نزلي ماريد
نبأ: عمتي تكول اذا ميتعشة اغضب عليه
شمر الصينية وعاط: كتلج ماريد! متكلفين نفسج وتستقبليني بكلام حلو الله يساعدك الله يصخمك تتعشة تتسمم!(للكاتبة طيبة الربيعي)
خفت وكوة لزمت دموعي ماعرف من عصبيتة
لو من قهري عليه جان تعبان بشكل
والدنيا طالعة من عينة، شلت الاكل ودموعي يجرن
نزلتة وصعدت شلت الكزاز، طبت كزازة بيدي عطت
ركضلي: بالله! وعمة اي والله حتة عمة
دفعتة: وخر مالك دخل بية
كام يكفر ويغلط واني من الرجفة اشيل بالكزاز
يجرح بية واني ماكو احساس
صعدو كلهم علة صوتة اخذتني تقى
غسلت ايدي واني بس دموع تجري
لفتلياهة وهدتني، واني متحملت فقدت بالبجي
اسمعة يعيط وعمتي تعيط، ياربي قويني
ياربي شوكت ارتاح اني مو والله تعبت
كَمر تبجي وياية وتقى تهدي بية(للكاتبة طيبة الربيعي)
شوية ودخلت عمتي: كومي انتي الفاهية كومي، راح تخبلون البنية وياكم
سمعنة صالح ووائل يكلولة اوكف وين رايح
وكع كلبي وين رايح
طلعت عمتي تعيك عليه تكلة اذا تطلع
اغضب عليك اليوم الدين، عمتي كامت تبجي
وتهذي بالحجي، الله ياخذني وياريت ابوكم موجود
وتعبتوني، انقهرت عليهة فعلا تعبوهة(للكاتبة طيبة الربيعي)
خاصة هو رغم ممسوي شي بس عصبيتة مصيبة
طلعت اريد اشوفهة روحي راحت عليهة
عبالك امي وبجت، شفت سامر يبوس براسهة
ويكللهة حقج علية سامحيني مو قصدي
والولد بصفهة هذا اليحاجيهة وهذا اليفرك ايدهة
اطمنت، اخذت كَمر وصعدت
الله ينطيهة تقى شالت الكزاز والاكل ومسحت الكاع
كَمرة بحضني انومهة، دخل
نزلت راسي ماريد اشوفة
كارهة حتة نفسي، وهو هم محجة
نمت بصف كَمرة وعفتة وحدة عالسرير
حسيت كلبي يريد يوكف من القهر(للكاتبة طيبة الربيعي)
الليل كلة مختنكة، ثاني يوم داز علية صالح
كلي اخذج البيت عمج بس سامر يكول ماكو بيتة
بليل هو يمرلج، يلة عمي همزين اكو احسن من الماكو
حاولت افتح الموضوع وية عمي بس مترددة
لحد ما اتصل زيد بية وكلي حاجيتي
كتلة هسه راح اشوف بس انتة لا كلسع تتصل
نبأ: عمو الصراحة اني جاية اليوم اكلمك بموضوع مهم
عم نبأ: كولي عمو
نبأ: تعرف بزيد اخذ مرتة غصب وخلتة يحبهة بسحورتهة، وهسه اخوية يحب بنية ويريد يتزوجهة بس خايف من ابوهة ليرفض(للكاتبة طيبة الربيعي)
عم نبأ: صدك جذب وليش يرفض واحد مثل زيد
نبأ: لان عندة جهال يكول خاف ميقبل ينطي بنتة لواحد مطلق وعندة ولد
عم نبأ: وينة ابوهة اني احاجي
معرفت شلون اكولهة كوة طلعت مني
نبأ: الصراحة يا عمو هو رايد في
عمي انصدم: في بنتي؟
نبأ: اي
عم نبأ بعصبية: ومن شوكت يحبهة ويريدهة
نبأ: عمو صدك من قبل لا يتزوج جان رايدهة بس كلنة نعرف انتة متنطي بناتك اذا ممخلصات وكلش عزيزات عليك صعب تنطيهن لهذا السبب زيد مكدر يفاتحك بالموضوع وشاف انو مستحيل توافق بي
كلي الله كريم وبعد سكت، كلت براحتة(للكاتبة طيبة الربيعي)
خلي يفكر ويمخمخ السالفة علة راحتة وعود
لكل حادث حديث، بليل رمشل سامر
عرفتة اجة، ودعتهم وطلعت ووياية عمي
نزل سامر سلم عليه وعمي هم كذلك
بعدين اخذ كَمر مني بوسهة وشبكهة
وهية هم وكعت بيه بوس
فديتكم ربي يحفظكم الية وميرحمني منكم طول العمر
صعدنة وطلعنة للبيت والطريق كلة كَمر مسكتت
وهو وياهة وياهة يسايسهة بالكلام
وصلنة للبيت دخلت سبحت وطلعت(للكاتبة طيبة الربيعي)
نشفت شعري جان يدخل شايل كَمر وبيديهة
علاكة
كَمر: باعي ماما بابا جابلي حلويات
نبأ: بالعافية ماما
خلصت نزلت صبيتلة عشة، نزل يتعشة
كَمر لزكت الة تنام يم فطوم عمتي كالت خليهن
احسن من ما ينامن ثنينهن فوك وغرفتكم صغيرة
يادوب مكفيتكم، فرشتلهن يمهة
وصعدت، حجيت وية زيد كلي خاف مياوفق
كتلة لتخاف يوافق مدام كال الله كريم
وعمي حباب يحبنة ورجال علة نياتة
ومن حقة يفكر ابمستقبل بنتة وياك(للكاتبة طيبة الربيعي)
الزواج مو لعب، كلي صح اني اصبر والله كريم
بس انتي وياية مو تعوفيني كتلة اكيد وياك
شعندي غيركم اني احبل اجيب، ضحك
كلي خل اروح ذولي الشياطين يردون العب وياهم بلي
سديتة منة وحضرت ملابسة للشغل
شوية ودخل ووية دخلتة دك فوني
اجيت اخذة، اخذة هو وباوعلي بصدمة وغضب

يتبع...🌺🌺🌺