فاعل خير (الجزء الثاني)

بارت 9

#فاعل خير الجزء الثاني
#بقلمي طيبة الربيعي
البارت التاسع

(للكاتبة طيبة الربيعي)
سامر: فطومة اخذي كَمرة وروحي لأمي كليلهة سامر يريد الالبوم مال الصور
فاطمة: يا صور
سامر: كليلهة مال سامر ومعليج هية تنطيجيا
نبأ ...طبعاً اني واكفة مثل الاطرش بالزفة
شجاب الألبوم بالنص هذا شبي مخرف
شو بس ذني طلعن قفل الباب وجرني حصرني
بالزاوية بصفحة الكنتور
نبأ: شبيك تخبلتتت
سامر: من اكلج تشيليهن تشيليهن بدون لسان وعرامة، شو طالعة عينج انتي!
دفعتة: يلة وخر معليك بية
تقرب اكثر وعصر ايدي اكثر
سامر: ولج لا تحاجيني بهاي النبرة لا افلش راسج بالحايط!(للكاتبة طيبة الربيعي)
نبأ: والله عاد كيفي، وخر شو نسيت نفسك انتة! مو لعبة بيدك اني!
ضغط علة ايدي اكثر: نبأ قسماً بالله اذا تجاوزين اشوفج الويل، رجعتج مو معناتهة تستفحلين وتنفشين بريشاتج علية!
نبأ: ههه رجعت تعيرني؟
دفعتة: رجعت علمود بنتي لا أكثر واذا عيرتني مرة لخ مابقالك دقيقة بهل بيت(للكاتبة طيبة الربيعي)
انهضمت وحيل ضجت منة، رجع يعيرني
عبالك مسويلي منية من رجعني
سامر ...زل لساني مرة ثانية بس ماقصدهة
هية طلعتني عن طوري شنو تنام بالكاع
شنو تنوم فطيم يمنة، بالله كَمر بيهة باب وجواب
بس فاطمة جبيرة، شفتهة دمعت وفاتت من يمي
مدنكة تريد تروح
لزمت ايدهة: مو قصدي شي ترة
دفعت ايدي وباوعتلي بعصبية: يكفيني متتقرب مني، تسوي فضل!
فتحت قفل الباب وتمددت بفراشهة
استغفرالله يا الهي عديهة علة خير
صعدن فطيم وكَمرة بيديهن الالبوم
اخذتة منهة وضميتة بالكنتور، ماريدة
نزلتهن علمود احاجيهة بس اجيت اكحلهة عميتهة
شلون بالله اني محروم منهة طول هل مدة
ومن تجي يمي تنام بالكاع؟ بالله يا رجال يرضاهة هاي؟(للكاتبة طيبة الربيعي)
نبأ ...كَمر نامت بنصنة اني وفطوم
تسولف وياهة وتضحك واني راسي مسطور
واعصابي هايجة
عطت بيهة: كافي عاد نامي!
سامر ...اباوع للسكف وافكر بيهة
شيصير هسه لو بحضني واشم ريحتهة واغفة
علة صوتهة؟ شيصير بس اريد افتهم قابل بس اني
المتزوج، هية الدنيا حظوظ وشلونة حظي عاد
فززني صوتهة هاي شبيهة
كعدت: هاي شبيج، ليش تعيطين عليهة
كَمر كامت تبجي، عصبتني نبأ هذا التصرف
ابد ما الة داعي(للكاتبة طيبة الربيعي)
سامر: شبيج لج! شو تعيطين واني موجود!
نبأ: ما الك دخل انتة اني اعرف شلون اربي بنتي
كمت شغلت الضوة وجريتهة من فراشهة
دفعتني صلختهة راشدي
سامر: نبهتج وكتلج لتستعملين هذا الاسلوب وياية!
نبأ ...ضربني باوعتلة حتة مبجيت
نبأ: رجولة عود تمد ايدك علية؟
سامر: نبأ!
نبأ: لو تطلع تنام برة الغرفة لو اني اطلع منهة
سامر: شو انتي متخبلة شبيج! ولج لاتخليني ابتلي بيج بهل ليلة!(للكاتبة طيبة الربيعي)
فاطمة خايفة وتسكت بكَمر
وكلبي خايف ويبجي ويسكت بحالة
ماتوالم وياك لان انتة نذل وحقير
دفعتة وطلعت من الغرفة حسيتة جرني
ورجعني
ادفع بيدة ميتركني: عوفني مااريد!
سامر: انخمدي هو انتي ردتيهة حجة حتة مانطمر هنا، مولي رايح لجهنم ارتاحي
سامر ...أخذت كَمر وطلعت، افتريت بيهة
لحد ما سكتت وغفت علة جتفي
نزلت يم امي
لكيتهة كاعدة
ام سامر: ها ماما خير(للكاتبة طيبة الربيعي)
سامر: انام يمج اليوم، مطرودين
ضحكت: هم شكو، متجوز انتة من سوالفك الة تنطرد
سامر: فرشيلهة يمي ماريدهة تفز بليل
ام سامر: تدلل يمة
فرشلتنة امي حطيتهة بفراشهة وتمددت
بفراشي، شوية واجتي نامت بحضني
بوست راسهة وشبكتهة
اوف يا نبأ صايرة صعبة ماعرف شلون اتعامل وياج
تغيري بس مو لهل درجة، دجفصين ابطني
كعدت الصبح مالكيت كَمرة يمي
عبالي دنيا صبح اثاري طالع الظهر واني مطفي
طلعت غسلت وطبيت للمطبخ، شفتهة تسوي غدة
وية مرة صالح وامي مادري شتسوي
سامر: صباح الخير
ردو كلهم بس هية(للكاتبة طيبة الربيعي)
ام سامر: يا صباح يمة دنيا ظهر
سامر: سويلي لفة شي جوعان
ام سامر: اصبر خلي جوعتك للغدة مبقة شي ويصير
سامر: شمسوين؟
تعمدت اتقرب واطخهة باوعتلي خزرتني
اخذت كباباية واكلتهة
ام سامر: يمة راح اطير البركة من الاكل روح اكعد هسه نصب
سامر: لفة يمة ترة جوعان، نبأ سويلي لفة
نبأ: ماكدر ايدي مشغولة
طبعا هل تصرف كلش معجبني
وخاصة هاي الحجاية، عفتهم وطلعت
بس والقرءان متحلفلهة
بسيطة(للكاتبة طيبة الربيعي)
نبأ ...الليل كلة مكدرت انام
من الراشدي ومن تفكيري بكَمر
شلون انطاني كلبي اعيط عليهة وابجيهة
اوف ياربي ماعرف شصارلي فقدت السيطرة
كلة من ورة سامر، تمد ايدك علية؟ بسيطة
من الصبح كعدت وكلبي نار علة كَمرتي
لكيت فطوم كاعدة وضايجة
كلتلي ليش تعيطين علة كَمر
كتلهة مادري حبيبتي هسه اصالحهة
فرحت، فدوة ياريت تبقة هل محبة للكبر
مو تكلبن وتغدرن ابعضجن، مثل ما نور سوت
انشاءلله انتن غير انشاءلله
نزلت لكيت بس عمتي كاعدة
صبحت وبديت اسوي ريوك(للكاتبة طيبة الربيعي)
ام سامر: شبيكم عمة ليش متعاركين
متحملت دمعت عيني
يعني حتة ما عندي واحد اشكيلة الهم البية
ام سامر: ياا ولج يمعزاية ليش تبجين، غير افتهم شصاير
نبأ: ماكو شي عمة هيج سوء تفاهم
ام سامر: سمعي نبية اني اعرف علمود فطيم، لتنطيهة عين ترة اني اطيح حظجن اثنينجن لتعوديهة عليج تدرين شلون شلعت كلبي من رحتي؟ لخاطري عمة لتعوديهة خليهة تلعب اطربك تصيح بس من يجي وقت النوم كليلهة امج تريدج، اني مابية حيل اصعد كلساع انتي دزيلياهة
محبيت احجي ردت بس اخلص(للكاتبة طيبة الربيعي)
كتلهة انشاءلله، شوية واجتي تقى
حسيت بأحد جلب برجلية
نزلت راسي شفتهة كَمرة
توهة كاعدة وعيونهة تعاتبني
شلتهة: يمة فدوة لبنيتي
بوستهة: حياتي اسفة ماعيط عليج بعد
شبكتني حيل ونامت علة جتفي
بقيت شايلتهة واشتغل
تريكنة وهية نايمة بحضني متريد تاكل
وكلس نعسانة، اوكلهة وهية مغمضة
لحد ما لكيتهة غافية، شلتهة وصعدت(للكاتبة طيبة الربيعي)
نومتهة عالسرير وغطيتهة وخليت الضوة مفتوح
موزين الطفل وحدة وينام بالظلمة
سامر الي هسه مكعد عمتي كالت نايم
ماريدة يجي واشوف خلقتهة الراشدي الي هسه
يرن بأذني من قوة الضربة، وقت الغدة
دنسوي جان يدخل، طبعا رجلية يرجفن
ماعرف ليش ارتبك بوجودة ماعرف
شعور غريب عجيب، طبعا تعمد يطخ بية اني اعرف
سوالفة، ميتوب ميتوب ولا يجوز مني
لان فعلاً متنرفزة منة وماريدة يجي يمي
من كلي سويلي لفة طكيتهة بوجهة
من طلع عمتي ضاجت مني
ام سامر: شلون وياكم! مصارلكم يومين من رجعتو، راح تخبلوني!(للكاتبة طيبة الربيعي)
تقى: عمة بس اني الحبابة بيهم والله
ام سامر: انجبي انتي ام حلك الزركة، مابيج خير بس تعلفين
تقى: الله يسامحج عمتي شسويلج يعني
ام سامر: امشي ولي كعدي رجلج يلة مو نايملي للظهاري ورا شغل، يلة
تقى: اييه انتي طلعي حركتج بية
وركضت طلعت عمتي ملحكت تشمر عليهة
الوصلة، يعني حتة مالي خلك اضحك عالصار هسه
ام سامر: امشي انتي هم سوي لفة الرجلج ووديهة الة، لتخليني اصلخج بالواير مرمرتيني بفهاوتج
نبأ: شبيج عمة شسويت(للكاتبة طيبة الربيعي)
ام سامر: لا مسويتي شي، يلة سويلة زقنبوت، الله ياخذني واخلص منكم انشاءلله
عمتي تحبة السامر هواية مو شلون ما جان
تحب ولدهة كلهم بس اشوف سامر
الة معزة خاصة، لان يحس بيهة وشايل البيت
لخاطرهة، الله يحفظهم كلهم انشاءلله
رغم ضربني بس انقهرت عليه من حجيت ويا هيج
فشلتة كدام تقى، وانوب جوعان سودة علية
سويتلة لفة وصعدت
لكيتة يبحوش بالكنتور
خليت الماعون عالميز
نبأ: هاك هاي لفة(للكاتبة طيبة الربيعي)
سامر ...صعدت شفت كَمرة نايمة
بوستهة واتصلت بأحمد كتلة دبرني اريد اطلع
اريد اتونس طكت روحي، صدك طكت روحي
اريد انفه عن نفسي شوية صارلي شهور متمرمر
توني اريد اطلع هدوم سمعت صوتهة
ماباوعتلهة: اخذي وولي، جلب وتشمريلي الاكل هيج
نبأ: براحتك
ونزلت، بسيطة ولج نبية تحركين بكلبي مو
مو تبت من الحب ولك مو تبت ليش تاكل تبن
وتعيد الغلط نفسة
شفتهة اللفة بعدهة، جوعان بس عزة النفس اهم
بدلت وتعطرت ونزلت
شفتهم بالهول توهم يردون يتغدون
ام سامر: ها وين(للكاتبة طيبة الربيعي)
سامر: طالع
ام سامر: والغدة متتغدة؟
سامر: لا معزوم، صالح وين السويج
صالح: كومي تقى عالميز جيبي
تقى: صار
نبأ ...شفتة مكشخ وريحتة وصلت لهنا
قبل ليفوت، الفار صار يلعب بعبي، وين رايح
والمن كل هل كشخة، كمت احوص اريد اعرف
شاورت عمتي: عمة كليلة بالله وين رايح
ام سامر: انلصمي طفشتي الرجال وهسه تسألين وين رايح
اوف ياربي شلون بية اني
اويي يولي وين يروح خلي يروح
ليش حاركة دمي، طلع وخلاني اتكلة
حاولت الهي نفسي بأي شي
بس مداكدر مافكر بي(للكاتبة طيبة الربيعي)
افكار سودة اجتني، بالله رايح يخوني؟
واذا حجيت ما الي حق لان اني الطلبت
اخلي مسافة بيناتنة، اوف ياربي لتبليني بهل ابتلاء
ماتحمل والله اطك واموت، ردت اخابرة
بس ترددت
العصر دانضف التلفزيون
دك فوني، روى
روى: لج نبية تصالحنة
نبأ: عالخير
روى: اي عيني من لكة احبابة نسة اصحابة، رجعتو بعد منو كدكم(للكاتبة طيبة الربيعي)
نبأ: دنجبي عينج، لج طلع ومكلي وين رايح راح اموت
روى: ثولة راح وية أحمد للكرادة، مشتيهة كيك حيجيبلي مناك
نبأ: عزة العزاني للكرادة؟؟
روى: وقزرقط طرشتي اذاني، شبيج
نبأ: اي عيني رايح للكرادة يم الحلوات، شعلية اني اوي، ولي يلة عندي شغل
سديتة وكمت اروح واجي، للكرادة مرة وحدة؟
بسيطة يا سامر والله لأنمدك واخليك تزحفلي
سامر ...رحنة للكرداة افترينة واحمد اشترة كيك لمرتة(للكاتبة طيبة الربيعي)
فكرت اوديلهة شي لو لا؟ ختولي متستاهل
شعندي ساحل روحي وهية شايلة هل خشم
اليابس، بس لكَمرتي والفطوم اي
والبقية همين، بس هية مراح اجيبلهة
لا شلون اكدر ماجيبلهة، المشكلة ام خشم
معلكة وية روحي، رجعنة للبيت بوقت متأخر
بحدود ال12 هيج، دخلت البيت بي حركة
منايمين، سهرانين اليوم الجماعة
فتت للهول كاعدين كلهم ماعداهة
انطيتهم الغراض وصعدت بيدي باكيت
الحلويات مالتهة، فتت للغرفة وياريتني
متت قبل لا اشوف هل شوفة
نبأ ...خلصت اليوم كلة اروح واجي
وبالي يودي ويجيب، تأخر كلش
ويامن ياربي ويامن ليش هيج تأخر
والله بس اشم بي ريحة نسوان(للكاتبة طيبة الربيعي)
اكلب الدنيا وماكعدهة، مو نبأ الفقيرة اني بعد لا
لبست ثوب كصيف وحصر ماروني
واني بيضة، ربع ردن وجوة الركبة
وشلت شعري كباية مخربطة ولبست كلادة
ناعمة كلش، تحمرت وتعطرت
تلعب وياية واني احب اللعب
سمعت صوتة اجة عبالك ردتلي روحي
ركضت كعدت عالسرير وشغلت التلفزيون
اكرز حب وعود ممهتمة بس داخلي يهز هز
سامر ...معت مو بس معت انتهيت ورحت بالكاع
سامر: احم، كومي هاج
باوعتلة: شنو(للكاتبة طيبة الربيعي)
اوف ياربي انوب تباوعلي بهل نظرة الجتالة
خرب بيج شلون عيون بنت الكلب
خليتة عالميز: حلويات
نبأ ...كمت حسيتة يراقبني بنظراتة
بس بسرقة عبالة ماشوفة
ميدري عندي عيون من كل الجهات
نبأ: ممم ليش زحمت نفسك مسوية ريجيم مااكل حلويات(للكاتبة طيبة الربيعي)
سامر: المن الرجيم جسمج حلو هيج
نبأ: مو بنظري
سامر: المهم اني يعجبني
نبأ: ميهمني شيعجبك
سامر: نبية لاتخليني افقد وااذيج انلصمي لاتلعبين باعصابي
باوعتلة صفح وتوني ارجع لمكاني
دك فوني، جان عالميز بالضبط بصف
باكيت الحلويات، سامر اخذة
باوع بي وكبل باوعلي(للكاتبة طيبة الربيعي)
بس شنو النظرة تموت، عيونة صارن حمر
ودماراتة طكن، صراحة خفت كمت اطكطك
الله اليستر منو المتصل

يتبع...🌺🌺🌺
حبايب بعد هيج وقت انشر لأن بس هذا الي اكون فارغة بي، غلسو عالاخطاء اكتب وتك عين مفتوحة
قرائة ممتعة❤