Castillion Brothers Series 4: Fourth Castillion

Chapter 3

Demone POV

"LET'S go! Come here na Demone, malamig ang tubig." Aya sa'kin ni Ate Mimi at nagtatakbo papalapit sa asawa niyang agad na umalalay sa kanya.

Ngumiti ako pero hindi sumagot dahil nakatingin lang ako sa kanila. Ang saya saya kasi nila tapos parang walang mga problema, may pool party na ginaganap ngayon dito sa mansyon nila dahil bukas ay pupunta na kami bukas sa bahay ng mag-asawa at magsisimula na ako sa trabaho.

"Bakiy ayaw mong sumali sa'min, nahihiya ka ba?" Ngumiti ako at bumaling kay Kuya Second na nasa harap ko na pala.

"Hindi naman po gustong gusto ko lang na pagmasdan ang bonding niyo kasi nakakatuwa, ngayon lang kasi ako nakaranas ng ganito kaya hindi pa rin ako makapaniwala." Paliwanag ko.

Ginulo niya ang buhok ko. "Don't be shy, kay? You are a family now so feel at home."

"Thank you po Kuya."

"No prob, lahat kaming magkakapatid ay mga lalaki kaya palagi kaming natutuwa kapag may nadadagdag na babae sa pamilya." Natatawa pa siya habang nakatingin kay Ate Anton na kanina ko lang nakikilalang asawa niya, galing daw ito sa misyon.

"Bakit po nasa malayo si Kuya Fourth?" Hindi ko napigilang itanong dahil ang totoo kanina ko pa rin napapansin na nasa sulok lang si Kuya Fourth, sa dulo ng pool habang may hawak na bote ng beer. Nakatingin lang siya sa malinis na tubig at parang tulala.

"Don't mind him gan'on lang talaga siya mas gusto niyang mag-isa kaysa makipag-usap lalo kapag wala siya sa mood. He's always quite at kapag ganyan siya wag mo nalang lapitan dahil susungitan ka niya, magsasalita at makikijoin naman 'yan pagtrip niya."

"King." Napatingin kami kay Ate Anton na kumaway at mukhang tinatawag si Kuya Second kaya nagpaalam na ito at masayang lumapit sa asawa.

Lumapit na ako sa kanilang na nagkakainan na at nakisalo na rin pero hindi ko pa rin talaga maiwasan na mapatingin kay Kuya Fourth na hanggang ngayon ay tahimik lang. Walang lumalapit sa kanya at parang sanay ang lahat na gan'on siy katahimik.

"Wala ka bang boyfriend Demone?" Tanong ni Kuya Fifth habang magkakaharap kaming kumakain ng snack.

"Hoy off limits si Demone sa kalokohan mo." Saway ni Kuya Second.

"Nagtatanong lang." Angal niya na napapakamot pa sa ulo.

Napahagikhik ako. "Wala naman po ako n'on hindi po pwede e."

"Bakit hindi pwede?" Kunot ang mga noo nila na nakatingin sa'kin at halatang naghihintay aa sagot ko.

"Wala naman akong pwedeng maging boyfriend, hindi ko nga alam kong ano 'yon."

Napatango tango tango sila at hindi na ulit nagtanong pa. Napatigil ako ng makitang wala na si Kuya Fourth sa kinauupuan niya at naglalakad na ito papasok sa loob ng bahay.

Tumayo ako at nagpaalam na gagamit ng CR pero ang totoo ay gusto ko siyang sundan. Ewan ko pero parang may humihila sa'kin na sundan siya at alamin ang dahilan kung bakit napakalungkot ng mga mata niya.

Ngumingiti naman siya kanina n'ong kaharap ang pamilya niya pero mayroon sa mata niya na hindi ako makumbinsing masaya talaga siya. Nakangiti nga ang labi niya pero walang emosyon ang mga mata at madalas ay parang patay.

Papaakyat na siya sa second floor ng makapasok ako. Hindi ako nagpahalata sa pagsunod sa kanya hanggang sa makapasok siya sa kwarto. Tahimik na ang buong bahay dahil maagang natutulog ang mga maids nila dito. Sobrang bait kasi ng pamilya at kahit ang mga katulong ay parang kadugo ang turing nila na isa sa mga hinahangaan ko.