لعبة الكذب

٣٠

#لعبة_الكذب
-٣٠-
عاينت ليهو مع خوفي ، داك لقيتو عيونو دي حمرررررررررة ، و بيرجف كداا و حالتو تحنن ، بقيت شايله همو ، لدرجة حسيت بيهو زي العيان ، م كان تمام نهائي 

قلت ليهو بلال ، انا وافقت علي العقد مجبورة م عندي حل غيرو ،، قالي عارف عارف ّانا ما حخليكي براكي ، انا معاكي للنهايه ، و ما حتتأذي ، والحصل زمان .. م مممم ما م مم ماا ما .... ( بقا يتمتم )

مم مم شنو يا بلال ، عاينت لقيت عينو دي زي الشرار دموعو في طرف رموشو و ماسك الشنطة بقوة م عاديه .. 

جطتا شديد ،، قلت لبتاع الامجاد نزلنا في اقرب كافتيريا تقابلك ،، بلال قالي لا مافي زمن ،، قلت ليهو زمن لشنو ، معز و خلاص حيطلعوو ،،
قالي انتي مجنونة ، عمك دا انتي صدقتي ،كان طلع معز حيطلعو موقت بعد ياخد الدايرو وبرجع يرمي تاني جوة السجن ، و حتتزلي و حتتهاني طوز عمرك لمن تموتي ،، قلت ليهو تقصد شنو ي بلال عليك الله وريني انت منو ، انت ولد عمي ؟ 

طيب بتقرب لي ؟ حلفتك توريني انا حأجن ،، طيب خلاص بس وريني يوم عزاء ابوي كنت عارف انه ابوي ؟ 

و يوم وصلتنا المستشفي قبلها كنت بتعرفني ؟ بتعرف اهلي واخواني ،؟

،، اقسم بالله العظيم انا م كنته بعرفك ولا بعرف اخوانك كل الجمعتني بيكي صدفة،
والصدفه دي انا الليله عرفتا ، ان ربنا سبحانه و تعالي بيعمل كل حاجه لسبب ، دخولك حياتي كان سبب ، و سبب كبير ، حتعرفيني يا تراجي بس .... ( تلفوني ضرب ) 

*ايوة ي تقوي 

_انتي وين ؟

*انتي عارفاني مع بلال في شنو احكي

_ناس عمك ديل جو 

* ومعز !

_م جا معاهم ، لمن امي سألتهم قالو اتنازلو بس حيطلعو بكرة ، و عايزنك تتنازلي ،ومن جو بيسالو عنك 

* دا كلام شنوو ، طيب اقفلي اقفلي ..

بلال انا لازم امشي البيت اسي .. بسرعه 

بيت شنو داا ، مافي مشي الا علي جثتي و م تكتري معاي كلام ... 

كيف يعني م امشي ، عمي منتظر ف البيت و قالو معز الا بكرة ،، قعد يضحك 

قال لبتاع الامجاد ودينا قسم ال ( ..) 

قلت ليهو حنعمل شنو في القسم انا عايزة ارجع ،، قالي حنطلع معز بالمبلغ المطلوب ّ،، دا وقت هظارك يا بلال .. انا ما بهظر 

الشنطة دي فيها كل المبلغ و زياده ،، اتخلعتا ، قلت ليهوو شنووو ! كيف الكلام داا

قالي ايوة ، حأحكي ليكي كل حاجة ، بس خلينا نصل القسم م تخافي انا معاكي و وعدتك ما حتكوني برااكي بعد الليله كفايه الايام الفاتت دي اتعذبنا فيها ..

بالجد م كنت فاهمة اي حاجه ، بس كنت متيقنه ورغم الحاصل كنت متفائله خير حتي قلبي كان منشرح ،

و ثقت في بلال شديد .. 

اتصلت علي تقوي تاني ،، 

*ايوة ي تقوي

_عمك داا جااايط

* عاينت لي بلال قلت ليهو قالت عمي جاايط ،قالي خليها تديكي ليهو تخت ليهو التلفون في اضانوو ،، 

_كيف اخت التلفون في اضانو انتي جنيتي ولا شنو !

*ختي بسرعه ( قلت ليهو اقوليهو شنو ؟ ) 

( ....) =ملاني الكلام 

قالي : الوووووو 

قلت ليهو : انا ما جاية ، امرق برا بيتنا ، و م تستعجل انت الحتجيناا .. وقفلت السكة وقلت كلام انا ما فاهماهوو .. 

وصلنا القسم ،، و بلال شايل الشنطة في يدو قوي و انا ماشه جمبو ،، وصلنا ، طبعا جرحرة الاقسام ، لمن قعدونا في غرفه ،، بقينا قاعدين وانا خايفة و بعاين لي بلال و هو يهز لي راسو = اطمني 

جا الظابط ،، بلال قاليهو انا جاي بخصوق معز محمد ادم الجعلي ،، محجوز عندكم ليهو كم يوم ، قاليهو اذا ممكن تناديهو انا حابي اتكلم في وجودوو ... 

بالجد حاسه ان في يد بلال قنبلة و حتنفجر 

والله اتوسمتا فيهو الخير بكل ما اُتيت من قوة .. المهم جاا معز 

جا داخل وحالتو اقسم بالله تحنن ، مسكته دموعي ، ودايرة اسلم عليهو وغلبني قلبي وجعني شديد ، عاين لي استغرب قالي انتو كويسين وامي كويسه ؟

قلت ليهو ايوة اطمن ،، عاين لي بلال قاليهو انحنا اتقابلنا قبل كداا ؟ 

بلال قاليهو ايوة بي عزاء الوالد الله يرحمو ،، سكتناا .. 

بلال قال للضابط ، دابر اسال اذا صاحب القضيه جا الليله و اتنازل عن حقو وقلتو ليهو بكرة حتطلعو معز ؟

قاليهو ما حصل ، مافي زول جااا .. طوالي انا وبلال عينا لبعض .. 

معز قاليهو انت منو ؟ 

قاليهو حتعرفني اسي يا معز انا جاي اطلعك و ما حأمشي الا وانت في يدي ،
والمفروض يكونو في مكانك داا ، فعلا يكونو قاعدين هنا .. 

استككانة☕~~

يتبع .....