لعبة الكذب

٢٨

#لعبة_الكذب
-٢٨-

مشيت من امي ، شلت تلفون معمر ، طلعت رقم عمي و اتصلت عليهو لمن التلفون سخن م رد علي ، حاسه زي المتعمد حركة زي دي ، استغفر الله يا رب ... 

ماشه علي غرفتي ، لقيتو رجع اتصل ، من غير لا سلام لا كلام كتير ،، قلت ليهو انا بوافق علي الزواج ، بس بيتنا لا ،، قالي بأجر بيت لامك واخوانك ، وانتي هنا حتعيشي معانا معززة مكرمة ... سكت و قفلت السكة ... 

اااااخ يا حرقه قلبي ، ياتو زواج دا وياتو عيشه دي حتبقي معززة مكرمة من غير بلال ، ليه م اتصلت بي ليه ما وقف معاي ي بلال ، ليه .... و ليه .... الخ 

يا تري انت بتبقي ليهم شنو ! ّ

انا ليه مكبرة موضوع بلال دا ، عادي ياخ شكلو صاحب نصرالدين ود عمي عبدالقادر ، طيب ي تراجي ، انا ممكن اعتبر زواجي دا مؤقت لمن بلال وضعو يتصلح ، طيب و بيتنا يا ربي ، بيتنا لالا م بقدر اعيش بعيد عنه ولا حتحمل فكرة انه بيتنا دا يبقي لي زول تااني ..... والله باقي الليل دا م عارفه اذا نمته ولالا ولا اذا حيث زاتو ولالا .. ما ضاقت الا لتفرج ..

تاني يوم ... قلت لامي 

عمي قال حيأجر ليكم ، و انا لو اتزوجت ولدو حعيش معاهم ، انتي عارفه يا امي انحنا من صغار فتحنا عينا علي البيت داا ، و فكرة ان زول غيرنا يسكن فيهو بتجنني يا امي ،،

جانا معمر يا حليلو ، شايل ظرف فيهو زي 12 مليون ،، ختاهو في التربيزة قال دا كل م املك ، و معتمر جا ختا 10 ، و منتقي ، جا ختا زي 7,5 ،، و انا كل المعاي 3 ، ولومشيت صيدليه مينا اخدت مستحقاتي ، الاجمالي كلو حيطلع قريب 6 وحاجة ،، و دهب امي ..... ااااااااخ مستحيل مستحيل مستحيل تكفي ،، قعدنا كلنا ، قلت ليهم نتوكل علي رب العالمين ، احسن نقبل بشروط عمي دي وهو قال حياأجر ليكم و .....ّ

العبرة خنقتني و انفجرت بالبكاا ، انا م بقدر ابعد عن البيت دا فيهو ريحه ابوي والله ما بقدر ، والعفش دا ابوي جابو اكيد حيغيرووو 

، معتمر قال ،، ممكن ناخد قرض 

معمر قاليهو منو حيضمنا ، نقوم نطلع من مشكله نقع في مشكله تانيه ، لا قرض لا 

قلت ليهم انحنا م عندنا حل ،، انا موافقه بالزواج داا ، و البيت ممكن نحولو باسمو بس يخليكم ساكتين فيهووو ،، امي بقت تضحك ضحك هيستيري،، 

قالت عمكم داير يعيد الكرة تاااااااني ، البمشي ورا الراجل دا بيضيع ، وانا مستحيل اخليكم تضيعوو ،، قلت ليها مافي حل تاني ربنا بيعوضنا ... 

خشيت الغرفه ،، اتصلت بعمي قلت ليهو تجي بكرة عندنا و قفلتا السكة 

تقوي قالت لي وبلال ! قلت ليها ربنا قادر يصبر قلبي و قلبو يا تقوي ، طالما الحل في يدي انا م حخلي اخواني يتدمرر ،، قالت لي اصعب حاجه اننا قاهدين نضيع من بعض و مافي زول قادر يمد يدو للتاني .. 

ختيت تلفوني تحت المخدة ، و نمتااا 

في اللحظة دي بلال كان بيتصل علي و التلفون صامت ، من كمية الاتصالات لمن تلفوني طفاا شحن ،،ّ

صحيت الصباح ، ختيت تلفوني في الشاحن ّ

و طلعتا من غرفتي وانا ماخدة قراري الزواج حيتم يعني حيتم ، بس قبل نحول ملكية البيت اخوي يكون قدامي .. قلت لتقوي قومي ننضف البيت اخوي الليله بيرجع باذن الله ، قاعده اتدعي القوة وانا اكبر كسر جواي انااا ، كسرة قلبي علي نفسي و علي اخوي وعلي بلال و علي بيتنا ، والله اعلم منتظرني شنو في البيت داااك ، بس كل البعرفو متوكله علي رب العالمين ... 

خلصنا ، و طبخت ليهم زي الاخر مرة في حياتي حأطبخ .. 

و لميت شنطتي وجهزتها ،، بعد الضهر كدا عمي جااا ، و معاهو راجل كبارة كدا بس من طلتو شكلو مأذون ، وراجل تاني ، و ولدو الاول مرة تقريبا اشوفو ، بس ما غريب علي نهائي ، انا زي الاقيتو قبل كدااا .. 

المهم ، ختيت شروطي 

،، و من غير تفاصيل كتيرة العقد تم ،، لا بكيت لا اتكلمتا لا اتاثرتا ، بس كل القلتو ليهو باقي الاتفاق بعد اخوي يرجع ،، و دخلتا غرفتي ... قفلتا البباب 

و قعدت ابكي ابكي ابكي لمن النار الجواي دي شبت اكتر ، حاسه بحرقه و مغسه كاتلاني ، 

قلتا الاصول اتصل علي بلال ..

شلت تلفوني من الشاحن ، و فتحتو هه 

لقيت اكتر من 40 مكالمة من بلال 

من بليل بيتصل ،، اخر شي سايب لي رساله 

( اوعي توافقي علي العقد لو علي موتك ، انا بقدر اطلع اخوكي ) ... 

كدي انشوف توقعاتكم للاحداث ،، 

يتبع ....