لعبة الكذب

2

* دخلنا المحل .....
( واقفين ، نقول السلام عليكم ، زول رد علينا مافي ، المحل فاضي ، بعد طالعين ، جانا صوت من مخزن المحل ، رد وعليكم السلام ، جا .. عليناا ،، اكون صريحه معاكم انا الولد دا من طل علينا و انا جواي احساس اتحرك لدرجة حسيت قلبي دا بينتح و ختيت يدي يسار صدري و بقيت استغفر ، قليلين منكم حيفهمو او يحسو معنى شعوري داا )
* لو سمحت يا اخوي كنت حابه استفسر منك بس ، اذا في زول هنا بشتغل بدلك ؟
___ بدلي !
*بقصد تبادل ورديات يعني
___ فعلا في شريكي ، طيب انتي عايزة شنو وانا تحت امرك
* ما قصدي شي ، بس انا اشتريت منه حاجه قبال شهر و هو حيفهمني لانو اعتقد ممككن يتزكرني مجرد ما يشوفني ..
___ للاسف ، انحنا استلمنا المحل دا لينا اسبوع ونص ، اشتريناهو عديل وجددنا فيهو حتي البضاعه ااتغيرت ، و شريكي ياهو صحبي غير سيد المحل الانتي قصدتي ! بعتذر
_ وواي ي تراجي حظي وانا عارفاهو ياخ
* ي بت هي كدي روقي
___ طيب اذا بقدر اخدمكم في حاجه وروني
*اممم طيب في بلوزة كدا شيفون ، مشغوله في الاكتاف اشتريتا من شهر ، و عجبت صحبتي و بنتمني لو نلقا زيهاا اي لون م مشكله
___ ههههه المحل معظمو بلاوز شيفون
* ههه عشان كدا قلت ليك م حتفهم قصدي
_ تراجي اسمعي ، ما عندك صورة ليها في التلفون ؟
* اوووووو زكرتيني والله عندي ، لحظة
( بيني و بينكم انا متوترة)
*غايتو دي صورة انا عملت ليك عليها زووم يا رب تكون واضحه ، اتفضل ...
___ عرفتها ، بس يأسفني اقوليك انها انتهت ، بس عندنا حاجاات جديده و ظريفه مقاربة للاستايل دا ، يعني لو ممكن تدي نفسك فرصه و تسمحي لي اديكي خيارات
* ههههه انت م بتعرف دي مخها اتجاه واحد قالت دي يعني دي ، حنتعبك ساي ..
_يلا نمشي البيت
___ خلاص انا عندي بضاعه جاياني يوم الاحد القدامنا دا ان شاءالله و حأطلبا ليكي مخصوص ، بس وريني اللون ..
_ياخ انت بتتكلم جد!! عاين جيبا سوداااا
___ حاضر هههههه بس لو سمحتي خلي لي رقمك هنااا
_ اكتب عندك ... 0998
*اجي ! اكتبي رقمك انتي ، مملياهوو رقمي مالك ، انتي الدايراها ولا انا ..؟
_ياخ هو اصلا مد تلفونو ليكي انتي و بعدين .. انا ما ح ارد علي ارقام و تلفوني طوالي صامت وانتي حتقدري تتفاهمي معاهو احسن مني
* امري علي الله ، يلا طيب عشان نمشي
_ يلااا ّ.. شكراااااا ليك شديد ياخ
___ هههه الشكر في شنو ، دا شغلي
* تسلم ، ف انتظارك للاحد او الاتنين ان شاء الله .... ( طلعنا )
لفيناا اشترينا حاجاتنا المحتاجنها والما محتاجنها ... وجانا معز بالعربيه ..
وانحنا في الطريق كنت ملاحظة معز اخوي عينو م نزلت من تقوى ، فجأة قمت نااطه
*قلت ليهو معز عليّ الصوت عليّ الصوووت..
_ ايييييييك ياخ انت آخرة سمعك للزول دا شنوو؟
*م ليها آخر ، حفضل احب غناهو الي مالانهايه ....
_ طيب عليناهووو،،
* ثانكيو سبت
_ احم ، تراااااااااااجي ،،
* ههههه خلاص خلاص
___ هه كدي فهموني حاجه ، فجأه سبت و هرشه و مكاواة هههه
* يا ستي معز دا ااااا..........(قاطعني)
_ هههه ولا شي م تركزي معاها دي هبله ساي
*سكت
[وصلنا تقوي بيتا ، وانحنا مشينا البيت]

ياداب اتعشيت و رقدتا نمته ، لاني بطلع الشغل الساعه 10ص ..
المهم صحيت الصباح ، انا و ابوي بنشرب الشاي برانا ، لانو بيوصلني في سكتوو ، و امي بتطلع بدري عشان المدرسه ..
مشيت شغلي .. بعدها بشويه

يتبع ........