كالعاده ، تقوي بعدت مننا ، بس قبل تمشي ، قالت : انتو ناس كبار و بتمتي تتعاملو علي الاساس داا ، مافي داعي تضيعو من بعض بسبب حاجات ممكن تحلوها مع بعض ، اللي بينكم يسوااا كتير و يستاهل انكم تعملو عشانو حاجات كتيرة ،، اعملوها اسي و ما تتاخرو كل دقيقه بعاد فيها عن بعض انتو اولى تعيشوها .. ❤ ومشت بعد لطفت الجو ..قلت ليهو ازيك بلال
_ ما بخير
*بسبب المحل ، دي المساكل الكنت بتقصده لي ؟
_كل حاجه كعبه بتبدا و تنتهي عندك يا تراجي ، مزاجي السئ و مزاجي الحلو بكون معاكي انتي ، انا ما بشيل هم الدنيا و انتي واقفه جمبي ، بس دايماً خوفي من اني اخسرك كان بخليني داير اجن و ببعد انا قبل الظروف تبعدني عنك ..
*انا الببعدني عنك شنو ، تداقش سوا في الدنيا دي من ربنا يفرجا من عنده
_ونعم بالله ،، اعفي لي
*اعفي ليك في شنو ؟
_سمعتك كلام فارغ من غير ذنب ، الدنيا جات علي كتيررر ، انتي الوحيده الواقفه في صفي
*وم زلت واقفه وعمري ما حأبعد عنك
_ وعد ؟
*ان شاءالله وعد ... احكي لي محلك ليه اتشمع ..
_ هههههه اتخيلي بس ههه صحبي اللي هو شريكي ، اصلا اتعرفت بيهو عن طريق اخوي ، هو ما اخوي اخوي ، للكن الدنيا فرضتو علي يعني ، المهم وثقت فيهوو ،، كان معاي قرشين ورثتهم من ابوي
*انت والدك متوفي !!
_ههه هو انا عندي منو ف الدنيا دي هه المهم اقيفي اتم ليكي ..
* سمح كمل ..
المهم القروش دي كل م املك ، منها اشتريت قطعه ارض ، و الباقي من كنت في تامن انا بشتغل و اجمع فيها ، لمن بقت مبلغ محترم ، كان هدفي السفر اروبا ، ف في يوم كنا لمة شباب ياهو اخوي دا عرفني ب احمد دا و قال انه اجر محل كدا ، و قروشو نقصت ومحتاج شريك ، اخوي اقترح علي اشاركو منه استفيد بتجارة و ازيد قروشي و اقدر اعمل حاجه لمستقبلي ،، المهم اقتنعت ، و ختيت كل الفي جيبي في يد الزول دا جددنا المحل وجبنا بضاعتنا ، كل داا وهو الكان بتصرف وانا بس بقول حاضر ونعم علي اساس هو زول خبرة وكدااا ... المهم حبيبتي انا
دخل مافي ، و كل يوم والتاني جايني حق الكهربه و اجرات قديمة ، و عقودات مؤجله و شيكات ، كل دا انا كنت بمصي عليهو ع اساس هو حيدفع ، لمن فجاه لقيت نفسي في ديون م يعلم بيها الا الله .. و المشاكل كترت
* طيب ليه ما سآلته .
_اسالو بي وين ، فجاه اختفا لحد يوم الليله ما ليهو اثر ،. اخوي الدبسني و بشكر لي فيهو اسي قال م بيعرف عنه حاجه ، واصبحت لا املك شيئاً سواكي ههه شفتي الدنيا
*وبتصحك ؟
_اها لو بكيت قروشي بترجع ؟
*سمح م فكرت تبيع قطعه الارض ؟
_قطعه الارض يا روحي انا ، اتنازلت عنها لي راجل خالتي
* اجي !!!!! بلال انت بتهظر ؟
_جادي والله ، زول رباني و ......
*كمل
_خلينا من الموضوع دااا ،، المهم انا كل الدايرو منك تستحملي ظرفي ،، وحدة وحده بقيف علي رجولي
*دا كلامك ،، اكيد يا بلال ، يدي في يدك و بكرة بتهون القوااسي وكل آه حتبقي ذكرى
_ والله اشتقت ليكي
*وانا كمان والله ... (جات تقوى)
_ اتاخرنا يا تراجي
*ااي الزمن جرااا
_ ياخ خليكم شويه انا بوصلكم
* بري اخواني بجو بعد دا
_ انا معز حيعملو معاي تحقيق ههه
_ صحي الف مبروك وربنا يتمو علي خير
_ الله يبارك فيك و عقبالكم يا رب
*احم
___ ههههه طيب يلا اركبكم انا زاتي عندي مشوار مع ناس البيت
*يلا .....
انا ما انسانه متشائمة ، بس اتعودت ان فرحي قليل و حزني اكبر ،، فرحتي بي بلال دي كانت غامراني شديد ،، بس ليه حاسه ان في حاجه حتحصل تكسرني ؟
المهم ، اتواعدنا انا وبلال مهما حصل انحنا مع بعض في السراء والضراااء ..
اتوادعنا ، و ان شاءالله م آخر وداع ..
و وصلنا البيت ..
دخلنا .. من قولة بسم الله لقيت عمي في الصالون ، عمي دا شوية نظرتي ليهو اتغيرت من بعد وفاة ابوي ، كان واقف معانا هو و مرتو ، المهم قلت سلام عليكم و دخلت علي البيت من جوة .. الكلام دا قريب المغرب
جاتني تقوي ، قالت لي انا بتصل علي معز دا ما بيرد و ما عوايدو لمن الوقت داا ،، قلت ليها بطلي شفقه بجي اسي ّ.
في نص كلامنا ، امي جات قالت تعالو اعملو شاي ولا حاجه ، مشينا عملنا شاي و وديناهو ، دايرة امشي قالي لحظة يا دكتورة .. وقفتا قالي اقعدي ،، كنا قاعدين انا و امي و معمر و تقوى ..
قالينا ما ملاحظين ان معز اتاخر الليله ؟؟؟
استككانة 🐒~
يتبع ....
YOU ARE READING
لعبة الكذب
Romanceمن عمق المجتمع ( حقيقيه ) ، انا البعرفو انحنا اتولدنا عشان نتمرمط في حياتنا دي ..بس قدر معرفتي بالحاجه دي الا اني مدركة ان ما كل حاجه حابنها حتكون حقتنا لان لو حصلنا علي كل حاجه حابنها بسهوله م حتبقي دنيا ، بالدارجي كدا رغم مرمطتي دي انا مؤمنه بفرج...