لعبة الكذب

9

رديت علي التلفون : 

*الووو

_الوووو

*ايووة منو ؟

_انا دكتور مينا يا تراجي 

*اها ايوة ي دكتور

_بنفتش في ختم التواريخ يا دكتورة

سالت خالد ، قال اخر مرة كان معاكي

*قاعد في الدرج الصغير جمب درج الحسابات

_فتشتا ، ومن قبيل انا بفتش محتاج لبهو شديد ، يمككن يكون في درجك الخاص ، بالغلط تكوني دخلتي

*ما طننيت ي دكتور 

_متاكدة ؟

*برضو م متاكدة ، و المشكله ان المفتاح معاي في شنطتي ...

_انتي الليله ما جايه ؟

*ايوة انا كلمت خالد يوريك 

_طيب اسي انا محتاج للختم دا ضروري ف الوقت الراهن اسوي شنو ؟

*طيب ي دكتور ،، مسافه السكه واكون عندك ، و قفلتا منو علي كدااا ...

الحصل : طلعت براا لمعز ، وريتو موضوع الختم ، و ف نفس الوقت بعاين لي تقوى ان ما بينفع اطلع و اخليها مع معز براها وامي مافي ، و حتي م بينفع اخلي معز يوصلني و معمر نايم ولا اي زول منهم يجي داخل ، قلت ليها قومي اللبسي عبايتك تعالي نعاي م بتاخر ، لقيت معز ساكت كداا و سارحان م طبيعي ، حتي م مركز معانا ،، المهم لبست 

و جينا مارقين ، قالينا م بتمشو براكم خصوصاا ان تقوي معاكي ،، كدا عرفتا انه فهم مشكلتا مع اخوها ،،، 

( حتسألوني وين امها وابوها واخوانها لي تقوى ، تقوى ليها اخت وحدة اكبر منها بسته سنوات ، متزوجة و عايشه في ليبيا م بتجي السودان ،،وابوها متوفي و بعد وفاة ابوها امها الله يهديها اتزوجت ، و اخوها الفقر داا طفش من البيت و تقوي عانت فترة مع راجل ابوها و مشاكلهم الما بتنتهي ، لمن اخوها دا اتزوج و امها طفشت مع راجلاا و بقت ياهو قاعده مع اخوها ونفس المعاناة ) ..

طلعنا ، من البيت وصلنا الصيدليه ،، قلت ليهم ينتظروني ف العربية ،

و منو اخليهم ينمو كلامهم القبيل ،، 

دخلتا الصيدليه ، ما لقيت غير دكتور مينا ،، سلمت عليهاا ،، ( طبعا قزاز الصيدليه تشوفي البرا ، بس البرا ما بيشوفك ) ..

لقيت الدكتور قاعد ف المدخل ، البدخل لي ورا دواليب الادوية القصيرة دي ، عشان اصل محل درجي ، لازم هو يقوم لانه الممر ضيق شديد ،، 

لقيتو قاعد و بعاين في وسطي كدا ،لاني واقفه قدامه ،، قلتا بكون سرح في النهاية هو مسيحي ،، ( طيبت النية للآخر )

قلت ليهو عن ازنك بس اعدي حضرتك في السكة ، قالي اهاا اسف ما اخدت بالي ، و قام زح لي ،، دخلتا ،، لمن وصلت الادراج واقفه بفتح حسيت بيهو جمبي ، بس ف مسافه بينا ،، فتحت الدرج .... 

( في جانب آخر ) 

شوف هنا ي عثمان ، كلمة و ما بتنيها 

يمين بالله اختك المطلوقه دي ما تعتب بيتي داا فاهم ولالا ، تقعد تتحاوم لي ف الشوار ، و من امبارح غاتسه ما معروف مباريه منو ولا بايته في بيت منوو ،

انا بس ما دايرة اتكلم ، لاكن تلفوناتا البتجيها انصاص الليالي دي اسي تلقي واحد من العواليق البتتعولق معاهم ف التلفونات ، دي لو اختي انا كان كسرتا رقبتاا و ما ارفع فيها فاتحه ، لكن انت يا كافي البلا

شخصيتك اخير عدماا ، ما قادر تلم وحدة زي دا لحد م يجي يوم و تكسر رقبتك ة تخلي عينك قدر السمسمة قدام الناس ،، 

لحد م يجي اليوم دا و تتزكر كلامي دا كوووويس ،، طبعا اسي بعد الحصل دا اخوي زاتو كان قبل يعرسا ليك كووويس

منو حيقبل بيها بعد دااااا ،، لكن انا الحأقنعو يقبل بيها عشان يعلما الادب الانت ما قادر تعلمو ليهااا ،، هييييين يا عثمان ، هييين 

استككانة 🐒~

يتبع ......