لعبة الكذب

١٧

بس من اول الشارع عيني في بيتنا، البكا والكوراك و الصواريخ و اخواني ديل متلمين 

جمب باب بيتنا من كمية الناس ما تشوفي حاجه ،،، بس قلتا لبتاع الركشة نزلني هنا دااا

جسمي دا كلو بقا برجف ،، لمن نزلتا نسيت ما حاسبتو ، بنادي فيني ولا سامعاهو ، بس امي دي الا ماسكنها حريم جيرانا ديل 

جريت دخلتا في نص الناس ، و ف اللحظة دي شفت شي اتمنيت بالجد لو اني ما عشت للحظة دي ولا انه يجي اليوم داا ،،

اي شفت ابوي شايلنو ، شايلنو جثة هامدة و وش شاحب رافعنو العربية ، رافعنو علي امل يحصلو مستشفي و يقولو ليهم انه عايش ، شايلنو وهما مقتنعين انه ابوي مات ،،

بقيت بضحك ، انتو دا ابوي انا شايلنو وين ، كدي يا معز ، فهمني ديل سايقنو وين ، يا منتقي زح يدك دي مني في شنو وامي دي مالها بتكورك كدااا ، اسي ابوي دا مش خرجناهو امبارح مالو هو ما بتكلم و الجيران ديل ملمومين كدا في شنو ، بسم الله 

منتقي كلمهم هو بس بكون نايم ، امممم الساعه يادابا 2 بصحا بقول داير الجبنه ، يجي يلقاكم شايلنو كداا ، ياخ فكو ، فكو لي ابوي ، معز قوليهم يفكووو 

وووووواي يا معز عليك الله خلي يفكو سايقنو وين ، ووووواي يا امي ، تقوي تقوي ، وينا تقوي ، تقوي تعالي ، الناس ديل ما سامعني ، كلميهم وواااااي يا تقوي ابوي يا تقوي لالالا ما ممكن ابوي ّنوارة حياتي ، نور عيونا عمود بيتنا ، معقول يخليهم يشيلو كدا بكل بساطه ، ولا يمكن الجلطه رجعت تاني ،، ( و من هنا عرفت ان اول دمعه نزلت وانا بكلم امي يوم جاتو الجلطة ، من سخونة الدمعه في وشي عرفت انها دمعه غاليه لكن م كنت عارفه انها ما حتقيف تاني ، الله لا يوريكم الفقد ، الله لا يضوقكم فقد اب ولا ام ) ... في غمضه عين ابوي فات وخلانا برااانا 

خلا لينا البيت دا صاني ، لحد يوم الليله انا ما بقدر اشيل الفاتحه مع زول ، كل ما اعاين لباب الشارع بتخايل راجع من الصلاة ،، ابوي العافيه ، ابوي السند ، ابوي الطيب ، ابوي الغالي رحمة الله عليك ....( م حقدر اخش في تفاصيل يوم عزاء ابوي ، بس حأديكم المهم ) ..

تاني يوم من عزاء ابوي ،، بيت عمي دا كلو كان عندنا م عدا ولدو الكان دايرو لي ..

الاغرب والمفاجئه كانت بالنسبه لي ، هي بلال ، لحد اللحظة ديك م كنته فاهمه حاجه ، هو عرف كيف ، اتفاجات بيهو في نص الرجال بشيل في العزا و بخدم معاهم ، يومين ورا بعض ،، بالجد بقيت مشتته انا من اخر مرة اتكلمت معاهو فيها م رجعت ليهو تاني ..

طبعا عمي دا بقا بايت عندنا رسمي شعبي ، بي مرتو بي اولادو لحد 15 ابوي ..

بعد ال15 معز اخوي جا قعدنا كلناا ،، قال انه داير يعقد علي تقوي لانو قعدتا ف البيت كدا م صح و هو بطريقتو حيدخل اخوها ف الصورة ويحل المشاكل ، ودا كان رأي ابوي الله يرحمه ، و بسبب الظروف طبعا ، عقد و بس ... وافقنا لانو دا الحل الانسب طبعا ً .. 

و شغل ابوي طبعا مسكو معز .. 

بعد الاربعين ، بي كم يوم ،، معز عقد علي تقوي ، عقد بس ما عرس لمن الامور تتيسر ..

( في جانب تاني )

*اها يعني شنو كلامك دا ؟

_يعني كان بقت اخر بت انا ما دايرااا

*شوف الزواج دا مؤقت 

_ يا امي انتي ناسيه اني متزوج 

*لا ما ناسيه هو حتعرف من وين انك متزوج

_انا ما حتملا ولا دايراا 

*برضاي عليك ، مؤقت بس و بعدين ابوك بقدر يمسكهم من يدهم التوجعهم ( قطع الحديث طرب ثالث ) .. 

_ سلام عليكم ، امي كيفك

*كويسه ، اكلتا ؟

_ حمدلله

*اها قلتا شنو ؟

_قلتا ما بعرسا اخر كلام

*انا عايزة اعرف اسي البت دي عيبا شنو ، دكتورة وحلات الدنيا عليها ، انت شهادة متوسط زاتو م عندك ، دا كان وافقت بيك دي براها محمدة

_ ليه ما تقبل بي مالي

*وريتك 

____ يا امي الزواج دا ما بالاكراه لازم هو يختار

*انت ما تدخل ..

____ أسف .. 

*دا زواج لمصلحته لكن هو تور ما بيفهم 

____ زواج شنو دا بي مصلحته !

* موضوع بينه وبينه ما تدخل انت 

___ تمام ( مشا منهم )

_انا موافق يا امي عشان قلتي م حترضا بي انا بوريها ....

استككانه 😪 ...

يتبع ....