Mafia Heiress Possession: Hurricane Thurston

Pahina 1

"Wala namang mawawala e. Maaari niyo po bang sabihin kung nasaan sila?"

"Para saan iha? Gagamitin mo sila?"

"Hindi, pero ang kakayahan nila oo."

"Sa masama?"

"Sa mga masasama."

"Hindi mo alam ang gusto mong pasukin.."

"Desidido akong malaman." Nagtagisan ng tingin ang dalawa at napangiti ang ginang.

"Kung ganoon ay bisitahin mo ako." Napangiti ang dalaga dahil sa nakuhang sagot mula sa ginang at lalong lumitaw ang angking ganda nito.

"Asahan ninyong darating ako." Yumuko siya sa ginang at nakapamulsa na humakbang paalis. Pinagmasdan ng ginang ang papalayong bulto ng dalaga. Ang presensya ng dalaga ay nagbibigay ng kaginhawaan at para bang ang lahat ng pakiusap nito ay mabilis na makukuha at walang intensyon na masama.

"It is just a myth. Stop whatever you are planning." Malamig na sambit ng isang boses na nakakubli sa madilim na poste.

"Gaya ng sinabi ko kanina, wala namang mawawala at isa pa, hawak ko ang kalayaan ko." sagot ng dalaga na patuloy na naglalakad.

"Tss. "

"Sumuko ka na lang para wala ka nang po-problemahin. Ako ng bahala sa pamilya ko. Hindi mo na kailangang sundan ako."

"....."

"Don't treat me like a fragile princess cause I'm not." malamig na sambit ng dalaga. Hindi na muling nakaimik ang kanyang bantay na nagtatago sa dilim.

~¤~

"Hanapin mo ang taong ito. Siya ang makakatulong sa iyo." Binasa niya ang kapirasong papel na iniabot ng ginang sa kanya at tumango. Titig na titig ang matanda sa kanya.

"May ipapakiusap sana ako kung makakarating ka man sa lugar na 'yon."

Tagaktak ang pawis at dumausdos ang dalaga sa pader at inihinagis ang gloves. Agad niyang sinalo ang paparating na bottled water.

"Thanks."

"Hindi ka ba magpapaalam sa kanila?" Napanguso ang dalaga at napalunok.

"Hehehehe. About that.."

"...."

"Pwede bang secret na lang 'to? Hehehe."

"...."

"Woi." Lumabas mula sa dilim ang lalaki at seryoso ang napakagwapo nitong mukha. Simula nang magka-muwang siya sa mundo ay lagi itong nakabantay sa kanya. Naglakad ito patungo sa kanya nang walang nililikhang kahit na anong ingay. Iniiluhod nito ang isang tuhod at ni-lebel ang mukha sa mukha ng dalaga at masuyong hinawakan ang pisngi nito.

"Then tell me why. Why do you have to go to that damn unknown island?" mahina at may kalamigan nitong tanong at inilapit ang mukha sa dalaga.

"Ah...eh...umh." hindi malaman ng dalaga ang sasabihin at kung saan titingin. Nagpapasalamat siyang madilim dahil sigurado siyang pulang pula na ang mukha niya.

"Hmm?" napasinghap siya nang maramdaman ang ilong nito sa pisngi niya.

Napapikit nang mariin ang lalaki at nagpipigil na mahalikan ang dalaga. Nakababaliw ang halimuyak nito at parang mawawala na naman siya sa sarili. Lumayo siya rito at napabuga ng hangin.

"I'll come with you anywhere. Even in hell. "

~¤~

"Don't give me that look." marahang ani ng dalagang si Hurricane at ininom ang basong naglalaman ng whiskey.