المشاكسة والسيد متكبر

الجزء 33 👌

مهم اميرة تبكي وتنهد وياسين اسكت فيها وطبعا وهو مزال معنقها وهند مزال كتفرج فلفيلم ليحداها سنيما HD وهو يهدر
ياسين::عافاك سمحلي هدشي بسبابي
اميرة::لا لا نتا مدرتي والو انا لي طايشة كون مجيتش مكانش غادي يقوع هدشي
ياسين::عافاك صافي راه انا لي جبتك هنا اميرة:: لا لا نتا مدرتي والو والو
هههه ستغلات الفرصة مزيان ودارت فيها درامة اجتماعية لامراة مظلومة وكتزيد تكا على صدرو
ياسين::سمحليا عافك ولكن بغيت نعرف شكون ليقاليهم نتيا هنا
اميرة::معرفاش اصلا معمري مزال نجي هنا ياسين::لا لا دبا غادي تجي ديما راك وليت الخطيبة ديالي ههههههه والمدير بيدو رحب بيك هنا ههه ونتي طلعتي عفريتة
اميرة::ههههههه
ياسين::وهكاك ضحكي البرهوشة
اميرة::كون عرفوك كتكدب كنت غنتسبب ليك فموشكيل
ياسين::ههههه كوني هانية موقع والو دبا صافي سكتي دبا وش عندك شلال ديال دموع
بقا كيضحك فيها وهو مزال معنقها اما هي جات معاها وبقات هكاك وكتقول معا بالها (اجي مي طلي على بنتك هههه) ولكن ديما داك تيلفون عندو كيصوني فشي اوقات غير مناسبة وهنا عاق لراسو كيفاش مزيرها عندو ورخف عليها تنفس وجبد تيلفون اشوف لقا رقم مجهول طبعا غتكون داك هند اللفعة بغات تطفي ليهم التلفازة باش متكملش الفيلم حيت الى كملاتو تقدر تنتاحر ومهم شاف فتليفون ورجعو لجيب ديالو وشاف فاميرة لقا عينيها تنفخو وحمارو بزاف وهو يبقى يمسحليها فوجهها
ياسين::ناري كيوليتي حرام عليك
اميرة::مديرش فبالك
ياسين::كيفاش منديرش فبالي ونتي وليتي حالتك بسبابي سمحليا عافاك
وهنا قرب وباسها فراسها وزاد اعتدر منها اما هند ياسلام ندمات علاش صونات عليه اللهم معنقها ولا دكشي الي شافت (نصحوها اينا صبيطار تمشي ليه) مهم بما ان اميرة حالتها متفرحشي بداك البكا لي بكاتو قرر ياسين يديها لدار
مهم طلب منها ترتاح وجلسها على كورسي وخلا معاها هند (يالاه تعلمو تبكيو ههه)
ياسين::هند ردي ليها البال انا جاي
هند::وخا (تفووو على زهر ولكن بلما تفرحي مغاديش نخليه ليك)
مهم ياسين ستغل الوضع ديال اميرة ومشا طلب الاذن من مدير الكلينيك باش يديها لدار
ياسين::السلام عليكم
المدير::عليكم السلام دكتور سمحلينا على الموقف لي حطيناك فيه معا الخطيبة ديالك
ياسين::لا مكين تمشكيل ولكن بغيت نطلب منك الاذن باش نمشي نوصلها لدار حيت عيات شوية
المدير::شنو وقع ليها ياكما بسباب داك الموقف
ياسين::اه راه هي حساسة شوية انا بغيت نوصلها ونرجع
المدير::صافي وصلها وزيد اعتدر منها وغير بقا معاها بلما ترجع راه اصلا قربات العشية دبا
ياسين::شكرا بزاف
هنا كانت هند كتخنزر فيها وتشوف بجنب وخلاتها وخرجات حيت التيلفون صونا ليها مهم مشات تهدر معا صحبتها وكتشكا ليها
هند::الو حبيبة عرفتي الخطة ليدرت ولو مزدقات بلعكس جات مجهيتها وزاد كملها قاليهم خطبها تفو مابقيتش حاملة نشوفها هنا كدور بيه مرة كرهتها بغيت نقتلها باش متقربش من ياسين عرفتي عنقها حدايا ونا لي نموت ونعطيه ليبغا كاع مكيديها فيا ولكن هي لي بدات ودبا تشوف شكون انا
هند كانت كتهدر ومردتش البال بلي اميرة خرجات مورها تعطيها شي ورقة طاحت ليها من جيب وهي تسمع كاع الهدرة وعرفات شكون سباب فتبهديلة لي كلات اليوم وخلتها مكملة الهدرة ورجعات جلسات فلبيرو من بعد مخدات نفس عميق وقدات حالتها مزيان ومسحات عينيها ودارت تحالف جديد معا ابليس باش تندمها على هاد شي ليدارات ليها مهم ملي كملت هند هدرتها دخلات لعندها وبقات تسولها
هند::ياختي هدشي صعيب انا منقدرش نتحمل الاهانة هاكة ومعمري مزال نعتب هنا
اميرة::اه بصاح عندك الحق
هند::ماشي ساهلة كون كنت انا منوقفش دقيقة مزال