المشاكسة والسيد متكبر

الجزء 25 👌

مهم بعدما تحول تعارج الى قرع خامجة وشوهة وفضيحة زلزلت المكان العام مشاو للحمام وغسلو حالتهم وخرجو اما اميرة وياسين تبعينهم بضحك مقدوش احبسو بمرة اميرة::شنو وقع ليكم
هند::يع متفكرينيش داك العصير مداقو يع
يع
صحبات هند::سكتييييي متفكريناش فيه يخ على مداق فيه تفففوووووو
اميرة::ويلي جاني عادي
هند::شنوووو عادي
اميرة::والله ادا دوق ديال ياسين فن ونتي بنفسك قولتيها
ياسين:: هههههههه صافي نساو ويلاه نتسارو (بلعاني قاليهم نتسارو حيت عارفهم مستحيل يقدرو يتمشاو فداك الحالة)
هند::شننووووو انا نمشي بهاد الحالة
اميرة::ومالكي اخلتي (هه دبا المعنويات0)
صحبات هند::لا لا بغينا نمشيو بحالنا
شدو طاكسي ومشاو غير مشاو شدو ياسين واميرة كرشهم بضحك وبقاو كل وحد يضرب فيد لخور
اميرة::ههههه ناري على شوهة
ياسين ::الحمدالله الي مشاو
اميرة::هههن وعلاش وش كنتي باغيهم يمشيو
ياسين:اه انا مكنرتحشي لبحال هاد نوع
اميرة::ههن ادا حتى انا بحالهم
ياسين::لا نتي حالة خاصة
اميرة::بحلاش
ياسين::مالكي البرهوشة فيك الهدر بزاف
اميرة::ههه ياك وخا عليك
ياسين ::دبا مزال الحال شباليك نتمشاو
اميرة:: وخا مكاين حتى مشكيل
مهم مشاو لوحد البلاصة وجلسو وهي تقشع اميرة العاب الملاهي وعينيها يبريو ولات داك ساع برهوشة ديال بصاح
اميرة::ناري الالعاب شحال زوينين
ياسين ::نلعبو
اميرة:::هههه انا برهوشة ونتا
ياسين :: انا ههه مهم زيدي نجربو
مهم جربو جميع الالعاب ضحكو وهدرو تفكرو طفولة وملي عيات اميرة حبسات لعب
اميرة::بغيت نمشي بحالي راه عيت بزاف ياسين ::وخا غادي نمشيو
مهم فهاد الاثناء سعدية ورجلها عيط ليهم شيحد من تريكتهم ومشاو سدو الدار عند بالهم اميرة هزا السوارت وفاش جات مسخسخا بقت دق والو ملقت حد وهي تصوني على ماماها سولتها
المهم صونات ليها وسولتها
اميرة::الوماما فينك
سعدية::الو بنتي غير سكتي داك سيد مجيهت باباك عيان وعيطو لينا ومشينا
اميرة::شنو وش دبا سفرتو ولا كيفاش
سعدية ::اه وزعما راكي كبيرة ماشي درية صغيرة
اميرة::ولكن
سعدية::مكاين ما ولكن بقاي فدار وجيبي عندك وسيمة تبقا معاك
اميرة::راه المشكيل ماشي اني نبقا بوحدي المشكيل اني مهزاش سوارت مرة
سعدية::شنووووو ودبا كيفاش غديري
اميرة::هههه كوني هانيا انا غنمشي عند وسيمة
سعدية::صافي ابنتي تهلاي فراسك وحنا شي يوماين هاكا ونجيو انا وباباك
اميرة::صافي تنتي تهلاي فراسك وسلمي عليهم
مهم اميرة بقات عند الباب اما ياسين كان دخال بحالو بقات كتفكر وشوية مشات عند وسيمة لقات دار مسدودة جلست دستنا فيهم والو مجاو ملي صافي الحال فات بزاف وصلات شي 11دليل وهما مجاوش وهي تصوني ليها
اميرة::الو اداك الخامجة فين كينة لموك
وسيمة::ههه توحشتيني دبا عاد كتسولي فيا كيدازت الخرجة معا توتة
اميرة: غير اجي بعدة ونعودلك
وسيمة::حبيبة غير عودي اما انا راني جلسة معا ماما فدار خلتي باركين على وحد صينية دتاي مجاينش
اميرة::كيفاش
وسيمة:كيما سمعتي
اميرة ::صافي صافي بصحتكم
اميرة مبغاتش تقوليها تحاجة باش متشطنهاش ولكن انا لي عجبني هو ابليس خدام منيتو منبعد مكانت غتجري عليه خاف على رسو وهنا بقات تفكر فين غتمشي وخا ناس كلشي ساد بيبانو مطاح فبالها غير هاجر مشات دقات عليهم خرج حليها ياسين
ياسين::اميرة ياك لباس بغيتي شيحاجة
اميرة::حيد ندخل ولا نبقا فزنقا
ياسين::هههه فين غدخلي (سيري نعلي شيطان انا غير بوحدي وليل هادا)
قلتليكم ابليس خدام بنيتو وشنو بغيتوه يبقا بيطالي حيت خديجة وهاجر معروضين عند شي ناس
اميرة::وش نبات فزنقا دبا ياك مهم كلملي هاجر
ياسين::كيفاش فهميني