المشاكسة والسيد متكبر

الجزء 17 👌

ياسين:ياك دبا انا وليت جن هادي هي جورة
اميرة ::منعرف شوف نتا
خلاتو وقلبها الصغير يتحصر ومشات كتمختر جيهت دار وسيمة ناري تمختر كيداير بصندالت الميكا وبيجما فيها ارانب ههه وسيمة تبعاها
وسيمة::مالكي فضحتينا
اميرة::ضروري كان خصني نضحي بشي عنصر وجات فيك هههههه
وسيمة::باز عليك
اميرة ::: مشفتي ولو بقا نخلي طبيب اداويني هههههه
مهم دازو ايام كيتلقو هاجر حدا دار هي واميرة و عمليات العسة بليل ونهار في سرية تامة وسعا سعا كتدي زيد توصلو للمدرسة زعما ديارا فيه الجمعية الخيرية لحماية الاطفال ولكن نسات مزدتشي حداها لصيد افراد تريكتهم كتديه وتسولو على ياسين ولكن كل سؤال وقتو وبحلاوتو وبلما تخلي حتى دليل موراها قدرت تعرف بلي هاجر عندها محل ديال الحوايج كتبعهم عليها كل نهار كتخرج بكري علداكشي هي ديمة شيك سبب طلقها هو رجلها تزوج عليها بتخبية وفضلات طلاق وزيد وقتاش مبغا اشوف باه كيجي يديه وياسين علما عودليها زيد انسان حنين وضريف غير هو كيبغي يقصح معا الواحد ومعندو تشي علاقة وكيضحك بزاف ويشد فلواحد اما خديجة فهي نعمة المراة حيت وخا مات رجلها تبتات فدارها وهاكا قدرات تعرف معلومات عن جميع افراد المعسكر وناوية دير قاعدة حربية دازو ايام تعارفو فيهم جيران كاملين وعرفو بلي ياسين طبيب مهم لي حتاجو كيعيطلو هو مكيردهاش فوجههم ديما في الخدمة وهنا ستنتقل اميرة الى الخطة الموالية مهم واحد نهار هاجر بغات تسول اميرة على شيحاجة وبغات تصوني وملقاتش صولد فتليفونها وطلبات من خوها يعطيها تيلفون صونات عليها بيه ولكن اميرة كاع مجوبتها حيت معرفتش نمرة (ناري وكون عرفتي منين كتصوني وديالمن داك نمرة كون جاوبتي فرمشت عين)
ملي مجوبتهاش ردتليه تليفون ولكن اميرة وخا مجوبتهاش ظرها راسها بغات تعرف شكون
مهم بقات جالسة بغات تعرف دمن تكون النمرة وهي معطيا نمرتها لحد مغير تريكتها وناس الي كتعرف دخلت نمرة فتليفون ودخلات للواتساب لقات نمرة عليها صورة ديال ياسين بالوزرة البيضاء خرجات عينيها حتى طلعت ليها عليهم جلالة مهم عرفت بلي هاجر هي الي صونات ولكن فرحة لا توصف بتسجيل هدف الانتصار ملي شدت نمرة ديالو مهم باش دير راسها مكتعرفوشي خرجات من الوتساب وصيفطتلو ميساج عادي salm xkon m3ya ana ma3raftx namra غير وصلو الميساج قلب لقبلي هاداك نفس رقم الي صونات عليه ختو مهم وطبعا هو معرفشي هاجر علامن صونات تهو دخل نمرة ودخل للواتساب لقاها ديرة غير فوطو فيه الكتبة مهم بقا كيفكر وش ارد عليها ولا ولا ومنبعد رد عليها sori maxi ana lisonit هي دارت عند راسها عايقة
اميرة::مشي مشكيل يقدر اكون خيالك الي صونا شكون مكنتي نتا ولا انتي
ياسين::لا هذا انا وقلتلك ماشي انا لي صونيت
اميرة::قديمة
ياسين ::والله ما انا راه ختي لي هزات التيلفون سمحليا
وفهاد اللحظة جاها ميساج منعند وسيمة
وسيمة::فين الزين شفتك نسيتيني
اميرة::مخاطبكم مشغول حاليا المرجو اعادة النداء لاحقا ههههه
وسيمة::ههههه ياك لمك قولي شنو كديري
اميرة ::ارسم درب حياتي
وسيمة::كيفاش زعما ماهي احوال المشروع
اميرة::ههههه الحمدالله دبا كنشاطي معاه
وسيمة::شنووووووووووووووووو اللفعة ياك وبلخباري
اميرة::زوينةهادي قالك بلخباري وش بغيتي نقسمو معاك تي جمعي عينيك حداك ولا نخسر مع ختي دبا راه تربع في القلب والعقل دوري بيه نحي ختي مفوق لارض
وسيمة::هاي هاي تنسايني كاع فسبتو
اميرة::ونا امتا ونا كنعرفك اصلا ههههههه
وسيمة::ياكي
اميرة::مهم منبعد ونكملو
اميرة زعما درات رسها مكتعرفوش وبزربا دخلت درت فوطو ديالها فالواتساب غير شافها سيفط ليها