هاجر ::دبا زيدي دخلي تفطري معانا عافاك
اميرة::لا لا غير خليني نمشي لادار
هاجر::لا والله حتى طلعي تفطري معانا راه سخسختك معايا فهاد صباح
مهم هما عند الباب وسعدية خرجات وهي تشوف بنتها المصونة فايقة وقفا شقفا تعاون فشعب وهي عند بالها مزالا خامرة
سعدية::صباح الخير هاجر كيف صبحتو مزيان كيجاتكم سكنا اجديدة
هاجر ::صباح النور مهم انا عجبتني حيت شعبية والله
اميرة::ماما فين غادة
سعدية::غدية نجيب الحليب والخبز
اميرة::انا راه جبتهوم ودرت الفطور
سعدية اسغربت هدشي ليسمعات وبقات غير ساكتة
هاجر::وش سعدية ماماك
اميرة::ههه اه
هاجر::هكاك قلي نتي ضريفة بحال ماماك وباينة حادكة
مهم سعدية بقات غير حالا عينيها ملي سمعات القضية فيها ضرافة والحداكة مبغاتش تفرش بنتها قدام هاجر
سعدية::اه صافي انا مشفتهومش
هاجر::خالتي انا غادي ندي اميرة تفطر معايا وياللاه حتى نتيا
سعدية::صافي ابنتي انا غادي نمشي نشوف دار ونشوف راجلي باش يمشي لخدمتو
هاجر::صافي مهم اميرة هاهي معايا
مهم دخلو لدار لقو خديجة موجدة الفطور ودار تقول هادي عام ملي سكنو فيها مقادة وكلشي فبلصتو حيت ياسين جاب شي دراري بليل وخلاصهم وصيبو كلشي فبلاصتو وقادوها ناس قادة براسها مدكشي مهم سلمو على الحاجة خديجة
هاجر::ماما هادي بنت سعدية الي جات عندنا البارح
خديجة::اه تبارك الله شحال زوينة
اميرة::ربي اخليك اخلتي
هاجر::عرفتي هي لي مشات معايا سجلت زيد فلمدرسة راها قريبة غير هنا
خديجة::الله يرضي عليك ابنتي دبا زيدو نفطرو ونكملو الهضرة منبعد
مهم جلسو افطرو وحد سعا سمعو دقان ومشات هجر حلات ولقات خوها
هاجر ::شعنداك نتيا غادي جاي هاد صباح
ياسين::زهري عوج راه نسيت شي وراق
خديجة::ملي جيت جيت زيد تفطر معانا
ياسين ::هي الاولى الوليدة
هاجر::شفتي اماما هاد ياسين معمرو يتبدل هههه
خديجة::ياك كنعيا نقولك خليه عليك فتيقار راه مسكين اظل خدام معا قوم سيدي ربي كل واحد باش مريض ونتي كضحكي عليه راه فيه الصبار ديال دنيا ودين
هاجر::هههههه بقا فيك طبيب هههه
وهنا فهمات اميرة بلي توتة طبيب ياسلام يالاه نهار باش سكنو قدرات تعرف تريكتو وتصاحب معا ختو
اميرة::مهم اختي انا غادي نمشي لدار نشوف ماما
هاجر::لا حشومة زيدي جلسي
اميرة::لا راه تعطلت (تي بعدي مني خليني نمشي نشوف شنو ندير باش منبقاش بايرة راه دبا نطلعلك فراس هههه)
هاجر::مهم خليلي نمرة ديالك ادا حتجتك نصوني عليك
اميرة::اه وخا قيدها
هاجر::مهم ديالي هي هديك انا صونيت باش طلع عندك
اميرة::صافي هي هادي(شغاندير بنمرتك بغيت ديال خوك )
YOU ARE READING
المشاكسة والسيد متكبر
Humorالسلام وعليكم 😃 جبت ليكم واحد القصة كوميديا... بلا مانوصفها ليكم راه غير عنوانها واصفها... إلى بغيتوا تعرفوا على المشاكسة والسيد متكبر تفضلوا مرحبا بيكم من تأليف: malaki basmati
