المشاكسة والسيد متكبر

الجزء 24 👌

ياسين::وعلاش مكملتيش القراية
اميرة::مبغيتش (زعما كان ضروري هاد السؤال تهبطلي بيه امورال)
مهم جلسو هدرو جمعو وصل وقت الماكلة كلو وسلاو او اراك فنوبة للحمام ههه خصوصا تعارج هند وصحباتها مهم ناضو مشاو وبقا غير ياسين واميرة
ياسين::وش ممرتاحاش
اميرة::لا لا عادي
ياسين :مزيان بصاح علاش مبغيتيش تكملي الدراسة حيت الجواب ديال قبايلة مشي مقنع
اميرة::بصراحة انا مكنش كنقرة مزيان وزيد عليها الامكانية مكتسمحليش نكمل
ياسين::فهمتك
قبل ميكملو الهدرة رجعو تعارج جلسو
ياسين::سمحولي تانا نمشي للحمام
غير هو مشا واميرة تقول خوات عليها دنيا بقات غير بوحدها وسطهم وهنا بما انهم عرفو نيفو ديال اميرة فدراسة قلبوها mbc2 بين هند وصحابتها وهي وسط منهم كان حوارهم بايخ ولكن حتى لوحد لحظة مبقاش بايخ ولا جدي هدشي بالفرنسية حيت جميع الاطباء هاكا
هند::هههنن دحكتيني ياصحبتي سكتي دبا راه يسحاب ليها نعايرو فيها
صحبة هند::هههه ردي بالك لتديلك ياسين
هند::هههن ولاش غادي نخاف وش ياسين يخليني انا ويديها فهاد شكل مستحيل اصلا مغاديش اشوف حتى فيها وش طبيب ايشوف فوحدة عندها الباك بزز
صحبات هند: ههههههه بصاح باينة فيها غير شي برهوشة مكلخة
هند::بصح برهوشة مساوية والو
صحبات هند:هاد الاشكال مخصكش تعرفي عليهم ماشي من مستواك
وهنا داز الحوار كلو حدا اميرة وهي متبتة ممبينا والو وقتاش متبسمو تشوف فيهم عادي وهي كتحلف عليها غير فخاطرها حتى تخلي شيكي يتمرمد بقات جالسة حتى جا ياسين
ياسين::ياكما تعطالت عليكم
هما::لا لا خود راحتك
ياسين::واقيلة نشربو شيحاجة
هما ::اه علاش لا
ياسين طلب ليهم عصير كاملين بيهم اما هند وصحابتها فمشاو اقادو الميكاب وعاد ارجعو وهنا اميرة غادي تنفد لي فبالها
غير هما مشاو للحمام واميرة نطقات
اميرة::ممكن عافاك تجيبلي شيحاجة حلوة حيت موالفا ناكل الحلاو مورة الماكلة
ياسين::اه طبعا علاش لا شنو بغيتي
اميرة::جيب على دوقك (سير طلقنا خلاص )
مهم ياسين مشا وبقات اميرة وصديق عمرها وبما انه كل مطعم كيكون محطوط فوق طابلة قريعة تاع الملحة والحار فلعملية غتكون ساهلة شدات كول كل كاس معادة ديالها وديال ياسين مهم بدات فلخليط تضيف الملح مقدار كبير فكل كاس وتضيف الحار بنفس الطريقة وللتزين اضافت لمسة جديدة كانت هازة معاها قرعة ديال ريحة لي عمرها درتها وحلتها واضافت كميات كبيرة فلكيسان وحركاتهم وخلاتهم عصير بنكهة الملح والحار والعطر الخالص ياسلام مهم جلسات بحال طير الجنة المسكين حتى جاب ليها ياسين وحد الحلوة بلاكريم وتعراج مزال مجاو
اميرة::شكرا
ياسين:علاش كتشكريني شنو درت
اميرة::مهم هاك كاسك (اهتمام كبير ههههه تخاف ليتخلاط ليه الكاس )
ياسين::شكرا
اميرة::كول معايا الحلوة زوينة والله دوقاك زوين
مهم هي كملات الجملة وهند نطقات حيت وصلو الحبايب
هند::اه احبيبة ياسين ديما دوقة زوين وحتا العصير لي جاب غيكون زوين بحالو
اميرة كتقول فخطرها اه زويييييين بزااااااف مهم جلسو في شياكة تامة واناقة وكبرياء وتمختر وبما ان ياسين ختار العصير غيكون زيون لهذا مكاين لاش اشربو ويعودو شدو الكيسان وهبطو عليه كامل تقول كانو فصحراء هدشي كولو حيت هذا دوق دياسين ولكن وريونا المذاق ديال اميرة فداك سع ذهبت الشياكة والتمختر والكبرياء بقى غير دجاج لي كلاوه مرجع فوق الارض لمخيرة فيهم رجعت لي فكرشها فوق طابلة وتحتها مهم تمرميدة حيت مستحيل تقاوم المداق لي فيه حتى تمشي للحمام يعني تشوهت السمعة وتبهدلت الحالة وتخلط الميكاب معا المرقة ولي كان فلمطعم كيشد كرشو بضحك