المشاكسة والسيد متكبر

الجزء 14 👌

مهم اميرة فقات وتوضات وصلات وشدات الوجهة المفضلة منذ سماعها خبر التوت مزال ديال راسو ههه مشات ديريكت لسرجم وشدات العسة معا 7 ديال صباح وجلسات وحسات بشيحد كيقوليها وش غادي تنفدي درس لي قريتيه ليا البارح هههه كان ابليس جلاس حداها وكيهدر معاها مهم بقات شدا سرجم وحاضية توت البري حتى فاق و قاد الحالة وتم خارج ويلي على تانتيكة يخليلي زين والموضة لبس وحد سروال جين ناصع و قميجة فرمادي وفوقها جاكيت ناري الفرماج خارج مدار ولكن بما ان اميرة قلبها حنين بزاف بقاو فيها الميحيبقات وبغات تسقيهم على صباح غير ياسين حل الباب واميرة تكب صطل ديال الما كانت موجداه ملي فاقت كيف خواتو ولا سي ياسين مبهدلة الحالة بعدما كان مانتكا وانيقا ومزعزع القلوب هههه اصلا كانت بغا ترد الصرف ديال البارح وهادي كانت الاتفاقية الي عقدات معا ابليس وتمت بنجاح هنا بدا التوت بالكلام
ياسين ::اف اش هادا مالكوم مكتشفوش
اميرة::حيد مطريق راه كاع مشفتك ولا خاصك تاديني
ياسين::هادي نتي الداك البرهوشة
اميرة ردتلو صرف هو هدك وتقول زكلات شيحاجة وكملتها وجملتها سدات سرجم وخلاتو كيهدر بوحدو وهي تموت وتحلو طل عليه ولكن وخا توتة ههه ضروري من صرف يرجع المولاه
ياسين ::اف على زهر هادا ناري شهاد الحومة كيفيقو على نبوري
مهم الفرمجة سالا ليها تاريخ منبعد مدوشات ليه اميرة هههه غير دوشات ليه ومشات تحضيه من سرجم شنو ناوي ايدير مهم هو رجع لدار عوتاني سكسف على الحالة ورجع فرمجة ديال اسبانيا وخرج عوتاني حيت لي ماعرفينش حنا عليه انو طبيب صغير السن يعني يقتل وداوي فعمرو 28 عام وخدام فسبيطار ديال الفلوس يعني كلينيك مداكشي طبعا كلينيك ماشي ديلو ولكن هو طبيب فداك الكلينيك الكبير ووسامتو كتلعيب دور كبير فخدمتو ناري ونا مريضة بلقلب ههههههه
مهم اميرة نفدت الخطوة الاولى وشدات العسة حتى خرج ياسين لخدمتو منبعد مشات تصايب الفطور حيت حسات بنشاط والحماس والمعناويات زادو طلعو ملي كدور سعا سعا وكتلقا ابليس كيصفق ليها وقليها برافو اميرة ههه مهم بقشات فتلاجة على الحليب ملقاتش وهي تخرج مندار باش تجيبو وهي خارجة تصادفات معا هاجر حدا الباب وبما اناها اخت التوتة ضروري من الصواب والاحترام وداكشي
هاجر ::صباح الخير اختي
اميرة ::صباح نور ياك نتيا جارتنا جديدة
هاجر ::ههه اه انا هي عافاك بغيت نسولك
اميرة:سولي اختي (ويلي ويلي شكون بغا اسولني خت التوت )
هاجر ::بغيت نسجل ولدي فشي مدراسة
وبغيت تكون قريبة من هنا
اميرة::اه انا كنعرف وحد المدرسة قريبة جات غير فجيهت دوررة ديال الدرب لاخور
هاجر::عفاك اختي الى معتقيني بغيت نسجل ولدي بزربا باش مضيعش عليه القراية
اميرة ::اه اختي شوفي صبري شوية نتسخر ونرجع لدار ونلبس ونمشي معاك نسجلوه
هاجر::ربي اخليك اختي
اميرة::دنيا هانيا اختي راه حنا جيران
هاجر::ولكن عندي نعطلك على قرايتك
اميرة::ههههه لا انا مكنقراش غير جالسة شديت الباك هادي 6 سنين ومداك ساع ونا حابسة
هاجر::ههههه بصاح والله حتى كتباني صغيرة والله بزاف قلت يمكن كتقراي
اميرة كتهدر بوحدها كلشي كيشوفني صغيرة الا ماما وتريكتها ههههه
اميرة::مهم مغديش نتعطل عليك شوية وندق عليك
هاجر ::وخا اختي ربي اخليك
مهم مشات تسخرت بسرعة البرق وجات لبسات ومشات دقات على هاجر الي تكون يالاه دركات تسد الباب مهم مشات معها لمدرسة هي ولدها وسجلوه داك البرهوش كيقرا فثالث ابتداءي مهم المدرسة قريبة منهم ملي كملو رجعو بحالهوم و شكراتها بزاف
هاجر::شكرا بزاف اختي والله ادا درتي فيا خير كبير مهم
اميرة::لا لا دنيا هانيا لي حتجتيها قوليهالي تلقايني