مهم اميرة كرهت داك طبيبة حيت كدورليها بتوتة ديالها وحتى ياسين معجبوش تصرف ديالها نيت حيت ليوما غيخدم غير نص نهار بغا يسلت بحالو
ياسين::مهم نخليك اهند دبا راه غادي نمشي
هندي :صافي سخيتي بينا
ياسين:: لا لا
هند::سلمليا على خالتي خديجة وهاجر وبوسليا زيد
مهم بنت الحرام كتعرف مو وختو وكتجي عندهم لدار وداير فيها ضريفة وداكشي برتوكول عالي جدا من طراز تحرميات ولكن الي ضربها ضربها على البوسان ههه مهم اميرة بغات ترد ليها الصرف على داكشي لي قالت عليها
اميرة::بسلامة خالتي هند نشوفك مرة اخرة
ناري هند تلونات وتبلوكات ملقات متقول اما ياسين حبس ضحكا بزز حيت عارفها كيف ديارة غير زيد كيقوليها خالتو كتقوليه قولي هند فما بالك مهم صدمة كانت قوية والي جاي كتر وهنا خرج ياسين وخلا اميرة مزال جالسة حيت غادي يرجع هو مشا وتبعاتو هند وملي رجع رجعت موراه وخلات اميرة كتموت
ياسين :اميرة صافي مشينا
اميرة::وخا يالاه (الله على سميت اميرة كيدايرة اول مرة نحس بسميتي زوينة هاكا)
هما خارجين وتاني هند سلمات عليه بلوجه و اميرة كتشوف وكتموت وكتشبع عصا فداك شريك الي مفادها بوالو ولكن وحد لحظة بانت ليها شي وحد كدير الميناج فلكلينيك حاطات سطل عامر بلما وحداه جفاف وقرعة ديال جافيل ومشات تهضر فتيليفون اميرة دارت راسها خفت رجليها ومشات بلما اشوفوها وهند فرحات حيت زعما خلات ليها الجو نقزات لداك القرعة وهرقتها فلرض وعيطات لياسين زعما اوريها طوليط وهي حاسبا حسابها
اميرة:: عافك فين كاين طوليط (طبعا عارفا بلي هند هي الي غادي تنقز وتوريه ليها حيت مبغاش ياسين اكون حداها
مهم هند دارت فيها جمعية خيرية لمساعدة المحتاجين وغير بدات جايا جيهت اميرة هما اسمعو بااااااااااق ايييي رجلي ضهري وهنا اميرة حسات بنوع من الراحة
مهم بعدما جات هند طريحة الارض مبرقعة الملابس بسباب جافيل عونوها تنوض وكانت اول عنصر تدخل فلمساعدة هي اميرة المسكينة تحب مساعدة الشعب وهزوها ومشات وكل كبرياءها محطم اوا هادي غير باش تعرفي معامن كتلعبي وكتزيد تكمل عليها بالاداب والصواب
اميرة::غير بشوية عليك اخلتي هند متقصحتيش
هند :لا غير شوية
ياسين ::الحمدالله موقعلك والو
مهم بعد المساعادات والحنية الزيدة رجعو اميرة وياسين بحالهم واميرة مقدها فرحة مشات لدار وضربات ليها تخميلة وعمرت كرشاها ومشات عند وسيمة تعودليها الجديد لي وصلات ليه
وسيمة::ههههه قولي كنتي غابرة بلفايدة ونا عند بالي بقا نعسا
اميرة::اف منك البقرة وراه الفياق بكري بدهاب مشري
وحد لحظة سحابلي جدة كتهدر هاكا دازو الايام ولا جديد يذكر وحد نهار كان الاحد اميرة بغات تخرج حسات بلقنطة غير فدار لبسات وقدات ومعرفاش اشكاين فدنيا كاع حيت ميكات وشحال مدارت شي مخطط بغات حتى تهدن الامور وتشوف الجديد عاد تبدا العمل اوا هي هكاك كتقاد فلحالة وسيمة دخلت عليها بحال رعد
اميرة::بسم الله الرحمان الرحيم شمالكي نزلتليا الما فركابي
وسيمة::وش مشفتي والو
اميرة:شنووو غادي نشوف اشكاين بسلامة
وسيمة::سيري طلي شوفي
ملي طلت صدمت من هول المنظر لقات ياسين في كامل اناقته وداك اللفعة ديال هند تاهي بحال تعريجة وقفين عند الباب وناوين اخرجو بجوج حيت هدشي لي سمعت منهم
هند::دبا انا عارضة عليك اياسين ومتردهاشي فوجهي هاد المرة حيت ديما كتهرب
ياسين::وخا فين نمشيو
اميرة غير سمعات هدشي هزات صاكها ومعا هي كانت مقادة مزيان لبست جينز زرق وقميجة طويلة ولكن ماشية معا لاطاي وجمعها بسمطة عند الخصر ودرت فولار فلون القميجة ولي هو الجرونة وصباط كحل وصاك كحل جات تاهي قرطاسة من العيار الثقيل والاصيل
YOU ARE READING
المشاكسة والسيد متكبر
Humorالسلام وعليكم 😃 جبت ليكم واحد القصة كوميديا... بلا مانوصفها ليكم راه غير عنوانها واصفها... إلى بغيتوا تعرفوا على المشاكسة والسيد متكبر تفضلوا مرحبا بيكم من تأليف: malaki basmati
