المشاكسة والسيد متكبر

الجزء 12 👌

مهم ناس تاع صواب مشاو ارحبو بجيران جداد وداو فيديهم الحليب وتمار تقول غادين اخطبو وطبعا لغادي تهدر هي سفيرة المخابرات وفعلا مشاو رحبات بهم لالة خديجة ولي هي الام ديال ياسين طلعات وحد سيدة الله اعمرها دار مكينشي بحالها فالمعاملة وصواب حطات اتاي والحلوة وخا مزال عندها دار مقلوبة وجلسات معاهم هي و بنتها هاجر وبداو اهدرو طبعا تعرفو على بعضياتهم وخا غير سميات
فاطمة ::غير سمحولينا جينا ونتوما مازالين مهلوكين ولكن حنا هكا بغينا نرحبو بيكم فحومتنا (ابليس حشم فبلصتها ملي قلت جات ترحب بيهم )
خديجة:: ارحب بيك الخير الالة فاطمة
سعدية::والله غير سمحيلينا ومرحبا بيك والله يجعلنا جيران فيهم الخير
خديجة::امين ياربي
مينة (مامات وسيمة):ونزيد نقولهالك مرحبا بيك فحومتنا
مهم بقاو مجمعين وهاجر عجبوها العيلات وشدات معاهم الخط وحد سعا دخل عليهم ياسين وسلم عليهم وباس ليهم راسهم وهضر معاهم وطلع مصواب تاهو ناري نموت فصواب والاداب ولكن سفيرة المخابرات ضروري تنطق ملي شافت ياسين وداك البرهوش صغير
فاطمة::شغادي نقولك الالة خديجة الله اخليلك ولدك ومرات ولدك
هنا بقات هاجر تشوف فياسين وماماها وتموت بضحك اما ياسين شد كرشو بضحك ومنقلكمشي على ضحيكة وتك وتك وتك يخليلي ضحيكة
خديجة ::ههههه لا لا راه هاجر وياسين ولادي انا وداك صغير راه ولد هاجر بنتي حيت راها مطلقة
ياسين ::واش اخلتي داغيا شرفتيني ورديتيني مزواج وعندي ولد ههه
فاطمة::لا لا اولدي راك غزال على مزينتك تبارك الله عليك(وناري على شارفة كتغزل برجل وبعدي منو عندي نقجك وتقي مولاك وتكمشي فصوفة ديالك هههه )
ياسين:: ربي اخليك اخلتي
فاطمة ولعيالات::الله احفظك اولدي وعطيك شي سعد حسن موجهك (دبا قولتيها مزيانةهه)
هاجر ::شفتي اخويا فايلات عليك خالتي فاطمة بزواج هههه
ياسين::ههههه اوا الله ادير لي فيها الخير
غير سماع زواج وهو يسلت حيت ديما مصدعاه ختو ومو بزاوج خلاهم ومشا خرج
هاجر ::شفتي هاهو سلت ههههه
خديجة ::خلي عليك خوك فتيقار
سعدية ::الله اخليهملك وتفرحي بيهم كلهم
مينة::والله اطولك فالعمر حتى تشوفي ولد ولادهم ان شاء الله
خديجة::امين ياربي ربي اخليكم
فاطمة::وهاد ساعة غدي نخليوك ترتاحي ونمشيو راه نكونو صدعناكم
خديجة ::بلعكس ونستونا وتعرفنا عليكم الله اجي عندكم الخير
سعدية::دبا ولينا جيران لي حتجتيها قوليها نعاونوك وادا كنتي بغا لي اعونك فجميع دار حنا هنا
هاجر::الله ابرك فيكم اخلتي ولكن خويا غادي يتكلف بهاد شي
مهم لعيالات خرجو كل وحد مشات لدارها اما وحد اميرة كانت كتسنا غير امتا ماماها تجي غير دخلات درت ليها لونكيط ديال البوليس دفرنسا
اميرة::ماما منين دوك ناس وشنو سمياتهم فين كانو ولاش جاو سكنو هنا
سعدية::الله امسخك ناس تسلم على وليديها ونتي دايرلي كيف البوليسي
اميرة::ودبا خلينا من هاد الهدرة وعوديلي كيف ديرين
سعدية ::ههه لا مغادي نقول ولو ادا خصك تعرفي سيري عند جارتنا فاطمة هههه
اميرة درتها بصاح وتمات خارجة ولكن هاد المرة حسات برقم 40 ترسم فرجليها حيت شيرات عليها مها بوحد صندالة ديال باها ياسلام شعلات فيها العافية هه
سعدية:وش تي درتيها بصاح وغادية وش تي مسطية ومناوياش ديري العقل اويلي على غدايدي شنو كنربي
اميرة::ياك نتي قلتيلي سيري ادا بغيتي تعرفي
سعدية ::وش منيتك كتهضري
وهي تشير عليها برقم37 ولكن زكلات الهدف هاد المرة هههه وبما ان اميرة كتعرف ماماها مزيان خلاتها جلسة ومشات هي لكوزينة ودارت فيها شميشة وصيبات العشا وحطات وتعشاو وجمعات وهي بغا تموت وتعرف شكون هادوك