Kismet (Completed)

7. Marry Me

" Talaga ba Mariel Hija?" tanong ng Mama niya. Umusal ako ng panalangin para sa panibagong kasinungalingan bago sumagot.

" Opo Ma'am Beatrice." nahihiyang sagot ko.

" Mama Hija, simula ngayon ay tawagin mo akong Mama. " at niyakap niya ako.

Nakokonsensya na agad ako dahil sa pinapakita niyang kabutihan.

Naging mabilis ang mga sumunod na pangyayari. Ang kaibigang Judge ng Lolo niya ang nagkasal sa amin. Tulalang napatitig ako sa papel na hawak ko. Marriage contract namin iyon. Napaisip ako kong valid ba iyon? Hindi ko naman kasi totoong pangalan ang nakalagay doon.

" Congratulations Mr. and Mrs. Santiago. You may now kiss your wife Gabriel." narinig ko nalang na sabi ng Judge.

Tumigil ang mundo ko ng maglapat ang labi namin ni Gabriel. May kakaibang damdaming lumukob sa'kin. At tila nakaramdam ako ng panghihinayang ng agad na matapos iyon. Landi much? Pilit akong ngumiti sa mga taong naging saksi ng kasal namin.

" Pagtrabahuhan n'yo naman ang magiging apo ko sa tuhod." napalunok ako sa sinabi ng Lolo niya. Apo daw?

" Welcome to the family Ate." masayang niyakap ako ni Lala.

" Salamat Lala." nakakatuwang wala manlang ni isang tumutol sa kanila sa pagpapakasal namin. Pero hustisya ang bilis ng kasal..

Nagkaroon ng salo salo sa Hacienda, imbitado ang mga taga roon.. Binati ako nila Mang Teban at Aling Dadang. Pati sila Sasha at ang pamilya niya.

" Bagay na bagay kayo ni Kuya Gab' Ate Mariel." si Heart at kasama ang pamilya nya.

" Salamat Heart." Halos mangalay ang panga ko sa pag ngiti sa mga bisita.

Karamihan sa kanila ay natutuwa sa kasal namin liban sa ilang kababaihang harap harapan kung umismid. At may nagpaparinig pa.

" Siguro ay inakit n'yan si Gabriel kaya siya pinakasalan." tumaas ang kilay ko at hinanap ang mahadirang nagsalita. Siniko naman ito ng kasama.

Natawa nalang ako ng makitang halos punong puno ang plato niya ng pagkain, akala yata eh fiesta. Di nalang magpasalamat na may libreng pakain dahil sa kasal namin.

" Pera lang sigurado ang habol n'yan kay Gabriel, aba'y mautak at Haciendero ang nabingwit." ginawa pa nilang isda si Gabriel..,pera daw ang habol ko, papano mangyayari yon kong mas mayaman pa ako sa kanya?

Nagulat ako ng hapitin ako ni Gabriel sa bewang. Tsk! Lalaking to lately uso sa kanya ang gulatin ako.

" Smile wife." aniya at humarap kami sa mga bisita. Wife? Bakit sumikdo ang puso ko sa katagang iyon?

Bigla nalang kami inabutan ng platito na may cake. At mukhang alam ko na ang kasunod. Sinubuan ako ni Gabriel ng maliit na hiwa ng cake..at ganon din ako sa kanya. At nagkalansingan ang mga kubyertos at tinidor.

" Kiss! kiss! kiss!" sigaw ng mga bisita.
Hindi ko malaman ang nararamdaman ko, kaba? O excitement?

" Kiss daw wife." ayan na naman siya sa wife churvah niya. At muling naglapat ang labi namin.

Naramdaman ko na naman yong kakaibang pakiramdam kagaya ng kanina. Bakit parang kakaiba ang nararamdaman ko sa halik niya? Nagkikiss din naman kami ni Dave dati pero bakit ganon?

Nagpalakpakan ang mga bisita. Mabuti nalang at nakaalalay sa'kin si Gabriel kung hindi ay baka nabuwal ako.

Inabutan naman kami ng wine.. pinagikis namin ang kamay bago ininom iyon. At kagaya kanina, kiss na naman ang sigaw ng mga bisita.