Ceaseless Fire

Chapter 10

Chapter 10
Radiant

I was still half asleep when the alarm woke me up to take a bath. It was only thirty minutes before four in the morning. Hindi pa sumisilip ang araw nang hinawi ko ang kurtina sa bintana ng aking kwarto, para sana'y magising ang diwa sa kahit katiting na sinag ng araw.

Ang mga ibang mahilig magpuyat at walang ginagawa sa buhay ay patulog palang ng mga oras na 'to habang ako'y gising na para kumayod at magtrabaho sa umaga hanggang gabi.

My first day at work yesterday was fine. Wala naman ako masyadong ginawa dahil half-day lang ako nagtrabaho at hindi pa ako pinagsimula ng trabaho sa Balsa para maging waitress dahil wala pa akong uniporme at ngayon palang daw dadating. Maaga akong natulog kagabi para makapag-ipon ng lakas ngayong araw dahil alam kong hindi ito ordinaryong araw ng trabaho kagaya kahapon.

I quickly took a shower and dressed myself with a plain white shirt and dark gray jeggings. Magpapalit din naman ako ng uniporme pagdating doon kaya hindi ko na kailangan pang magsuot ng magandang damit.

Hindi ko na rin masyadong inayos ang sarili ko. Lipstick at konting pulbos lang ay okay na ako.

Tahimik pa ang bahay ng bumaba ako. Tinignan ko ang oras at nakitang may trenta minutos pa akong natitira bago mag-alas singko. Halos limang minuto lang naman ang tatakbuhin kapag nagbisikleta ako mula dito hanggang sa The Valley.

I fried an egg and hotdog for my breakfast. Mabuti na lang at may natira pang kanin mula kagabi sa rice cooker kaya ininit ko na lang 'yon para makakain ako ng maayos na umagahan. I shouldn't deprive myself from eating a proper meal because I will need a lot of strength.

Nang matapos kumain ay mabilis ko nang hinugasan ang aking pinagkain bago nagmamadaling lumabas ng bahay dala-dala ang aking bisikleta.

The sun was beginning to rise when I went outside as I could see a pale mixture of colors—blue, violet, pink and orange in the sky. Naamoy ko rin ang sariwang hanging na hango sa mga halaman at puno na nakapaligid sa bahay. Hindi ko tuloy mapigilan ang mapangiti sa ganda ng pakiramdam na naidudulot nito sa'kin.

Pagkalabas ko ng gate ay nagulat ako nang makitang may itim na sasakyan na nakaparada sa harap ng bahay. Bumaba ang bintana nito at ngumiti sa akin ang lalaking namataan kong naka-uniporme ng The Valley.

"Magandang umaga," nakangiting pagbati niya sa'kin. "Napag-utusan akong sunduin ka upang ihatid sa The Valley kaya ibalik mo na ang bisikleta mo sa loob."

Bahagya namang kumunot ang aking noo at mariing hinawakan ang manibela ng aking bisikleta.

"Magandang umaga rin, ho," medyo naaasiwa kong pagbati ngunit pinilit ko pa rin ang aking sarili na ngumiti. "Mawalang galang lang po pero maaari ko po bang malaman kung sino ang nag-utos sa inyo upang sunduin ako?"

"Si Sir Valiente ang nag-utos sa'kin na sunduin ka," sagot niya naman sa akin.

Napalunok naman ako at naalala ang pinadala niyang pagkain para sa'kin kahapon. Ngayon naman ay pinapasundo niya ako sa bahay kahit na isang hamak na empleyado lamang ako sa kanyang resort.

He's giving me mixed signals and making me confused by his unnecessary actions. I don't want to get my hopes up, especially when he's already with someone else. Ayoko nang mahukay pa at buhayin ang nararamdaman ko para sa kanya na matagal ko nang ibinaon sa pinakailalim na parte ng puso ko.

Hindi niya naman dapat 'to ginagawa. May atraso ako sa kanyang pamilya ngunit sa ginagawa niya'y parang siya pa ang may atraso sa'min.

Pero mayroon nga naman talaga dahil sa ginawa niyang panloloko at pananakit sa'kin noon ngunit hindi iyon dapat dinadala sa trabaho, lalo na siya sitwasyon na mayroon kami ngayon.