لكنه القدر

الجزء السادس

الحلقة السادسه
............................
امه :- بكره عايزاكم فى مشوار بليل
مروان :-فين ؟
امه :- بكره اقولكم ويلا عشان نتغدى كلنا
.......
عند فيلاا السيوفى
زينب:- حاجه تانى ي ست هدى؟
هدى:- ااه بصى تعالى معايا
زينب:- حاضر
هدى:- بصى ي زينب بكره تطلعى على مستشفى #### وتبداى ف اجراءات العمليه بتاع ابنك
زينب بتنهيده الم:- منين ي ست هانم
هدى:- ماتشيليس هم ..الباشمهندس قالى ابلغك بكده واى حاجه تحتاجيها تيجى تقوليلى
زينب وقد تهللت اساريرها:- بجد ي ست هدى.. بس ده كتير كتير اوى
هدى ب ابتسامه :- مايهمكيش ي زينب اهم حاجه ابنك يبقى كويس
زينب :- انا مش عارفه والله ي ست اقولك ايه وانفجرت فى البكاء مستكمله :- انتو بتردولى روحى والله ربنا ما يوقعكم فى ضيقه ابدا ولا يمسكم بشر
هدى:- اللهم امين .. يلا كده انهارده خلاص روحى مع ابنك بقا وبكره تيجى بدرى عشان تجهيزات العيد ميلاد
زينب :- اوامرك ي هدى هانم.. وكل سنه والدكتورة طيبه
هدى:- وانتى طيبه
فى اليوم التالى طلب ياسر من حسام ان يبعد فرح عن المنزل طوال اليوم او يحاول ان يبقيها داخل غرفتها لكن حسام اختار ان يأخذها ويذهبوا للخارج بحجه انه يريد ان يتناول الغداء بالخارج
........
رامى :- ماما اناجهزت
فاطمه :- وانا كمان ي حبيبى .. جيبتلها هديه ولا لسه
رامى :- جبت
فاطمه :- جبت ايه؟
رامى ب ابتسامه :- جبت الدبل
فاطمه بفرحه :- لولولولى
رامى :-هههههههه ماتسبقيش الاحداث يلا عشان منتأخرش
............
كانت فى غرفتها لا تصدق كيف لم يتذكروا عيد ميلادها!!
انها اول مره يحدث فيها ذلك ..ام يقل لها اى احد كل سنةه وانت طيبه حتى صديقتها المفضله امسكت محمولها وضربت تلك الارقام ليأتها صوتها
مريم :-السلام عليكم ..ازيك ي كوكو
فرح :- وعليكم السلام انا كويسه الحمد لله انتى عامله ايه
مريم :- الحمد لله
فرح :- بقولك ايه
مريم :- قولى
فرح:- ما تيجى ننزل شويه انهارده او تعالى اقعدى معايا شويه
مريم :- اا..مش عارفه اقولك ايه ي فرووح والله اصل ماما تعبانه شويه
فرح بتفهم :- ااه ..لا الف سلامه عليها
مريم :- الله يسلمك ...خليها لوقت تانى بقا
فرح :- اه اكيد ..مع السلامه
مريم :- مع السلامه
كادت ان تضع محمولها حتى اعلن وصول رساله من ذاك الرقم مضمونها *كل سنة وحبيبتى الحلوة بتكبر*
هونت عليها تلك الرساله الامر على الاقل احدهم تذكرها قطع حبل افكارها صوت خبط ع الباب
فرح :- ادخل
دخل حسام بمرح :- فروحه
فرح :- ايوة
حسام :- ما تيجى ننزل نتغدى بره انهارده
فرح بفرحه :- بجد ؟!
حسام :بجد
فرح باستفهام:- بس بمناسبه ايه
حسام بتفكير:- من غير مناسبه .او ممكن بمناسبه ان ابووكى رحمنى وخلانى اروح بدرى انهارده
فرح :-ااه ..ماشى خمسه وهتلاقينى جاهزة
حسام :- انا مستنى تحت
فى غضون ربع ساعه كانت قد تجهزت للخروج ونزلت ركبت معه السيارة وانطلقوا لاحد مطاعم  من اكبر سلاسل المطاعم دخلوا وجلسوا وطلبوا مايريدون منتظرين ما طلبوة
حسام :- صح الرقم الى خدته منك
فرح بلهمفه :- عرفت هو مين ؟!
حسام :- هو انتى ليه مفترضه انه ولد
فرح بتفكير :- مش عارفه بس ايه الى هيخلى بنت تعمل كده و بعدين بردو صيغه الماسدجات بتقول ان ولد هو الى بيتكلم
حسام :- لا نبيهه طول عمرك
فرح :- المهم مين ؟؟!
حسام :- للاسف الرقم مش متسجل اصلا
فرح بخيبه امل :- يعنى مش هنعرف
حسام :- كبرى منه وخلاص
جاء النادل ليضع الطعاام أكملوا حديثهم وهم يتناولوه
حسام :- اقولك على خبر حلو
فرح :- قوول
حسام بمشاغبه :- لا مش هقول
فرح :-حسام بقا
قطع حديثهم وصول مكالمة لحسام :- ايه!! ..مصطنع الخضه :- بجد ؟ ماشى.خلاص جاى حالا..باى
فرح بخوف:- فى ايه !
حسام وهو يمسك مفاتيح سيارته وينادى للنادل كى يدفع الحساب :- بابا تعبان وروحوة البيت قومى بسرعه
فامت فرح بفزع :- ي لهوى  ي حسام طيب قالولك تعبان ماله
حسام :- يلا بسرعه مش وقته هنروح نعرف
وصلو للفيلا ودخلوا معا ليجدو جميع الانوار مغلقه
فرح :- شكلهم راحوا المستشفى
لتجد جميع الانوار اضاءت والجميع بصوت واحد
happy birthday to you  ..happy birthday to you .. happy birthday to you farah ..happy birthday to you
كانت مصدومة غير مستوعبه واضعه كلتا يديها على فمها ولكن ما جعلها اكثر صدمةه وجود مروان و دكتور اشرف
تضاربت الاسئله فى رأسها وكذلك حسام الذى يعرف كل شئ عن ترتيب تلك الحفله عدا هذا الجزء المبهم
اقترب منها والدها واحتضنها قائلا : كل سنة ودكتورتى طيبه وقبلها من جبينها  وكذلك امها وحسام
اقتربت منها امرأه كانت فرح تشبهه عليها احتضنتها تلك المرأه قائله :- كبرتى ي فرح ماشاء الله وحشتينى ي حبيبتى
تاكد من انها منال صديقه والدتها والتى كانت وهى طفله بمثابه امها ايضا
اشارت ل مروان واشرف قائله :- شوفتى مروان كبر ازاى زيك ..وده اشرف بقى دكتور فى الجامعه
اقترب منها مروان مبتسم :- كل سنة وانتى طيبه  ي فرح وقدم لها هديته
فرح :- وانت طيب
كذلك اشرف وردت فرح :- وانت طيب ي دكتور
اشرف :-ههههههه لا دكتور دى هناك ف الكليه مش هنا
منال مقاطعه :- هو انتى ف طب ي فرح ؟
فرح :- ايوا ي خالتو
منال ب ابتسامه :- يااة وحشتنى خالتو منك والله .. على كده تعرفى مروان
مروان :-  انا كنت بشبهه عليكى من اول م شوفتك ثم نظر لحسام واردف قائلا:- وعليك كمان ي حسام
هنا تدخل حسام :- انت مش عارف انا كنت عايز اعمل فيك ايه وانت معاها ف الشارع بس حسيت انى عارفك فعلا وفى حاجه منعتنى
هنا ضحك الجميع وجاءت هدى :-مش يلا عشان نطفى الشمع ونشوف الهدايا ؟!
ياسر:- مش هنستنى رامى؟!
وقعت تلك الكلمات وقع الصاعقه على فرح :-هو جاى ؟!
هدى محاوله تغير الموضوع :- شكله مش جاى يلا بقا نتطفى الشمع
قاموا بتطفيه الشمع وتقطيع التورته وجلست فرح لتفتح الهدايا كانت هديه مروان عباره عن سلسله رقيقه من الفضه على هيئه قلب صغير وكانت هدية اشرف احد البارفانات الغاليه وحسام الخاتم الذى وصفناه من قبل وكانت معها صديقاتها يشاركوها فتح الهدايا
ضربت فرح مريم على كتفها :- انتى كلبه على فكره واحتضنتها
مريم :- لو كنت قولتلك حاجه كنت هبوظ كل ده
فرح :-بحبك بردو ي جزمه
تدخلا داليا ونور : ايه طيب مش هينوبنا من الحب جانب ولا ايه
اقترب منها ياسر :-مسألتيش فين هديتى
فرح :- ايوا صح ..فين
تعالى معايا ..امسك يدها وذهب متجهها لحديقه الفيلا والجميع خلفهم
فتح الباب وخرجوا لتجد سيارة جديده تقف فى حديقه الفيلا لم تفهم الموقف ولكن سرعان  ما اخرج ياسر المفتاح من جيبه واعطاها اياة
كانت غير مصدقه ما يحدث ..لطالما حلمت بسيارتها الخاصه احتضنت والدها بشده وجرت على السيارة فتحتها وجلست بداخلها فى قمه سعادتها وخرجت مره اخر
ياسر:- من بكره لو تحبى كمان تتعلمى السواقه
فرح وهى تحتضنه :- انت احسن اب فى الدنيا
ياسر:- وانتى احسن دكتورة ف الدنيا
هنا قاطعهم دخول رامى من بوابه الفيلا قائلا :- اسفين  ي جماعه على التأخير
تسمرت فرح مكانها عقب سماعها صوته الذى يزعجها بشده
التفتت اليه بظره ناريه وهى ثابته مكانها لتنظر ماذا يفعل
انحنى على ركبته واخرج تلك العلبه من جيب بدلته ... كل سنه وانتى طيبه ي فرحه عمرى
نظرت له بدهشه ثم :- ايه ده ؟!
رامى ببساطه :- دبلتك ..عشان محدش يتكلم عليكى لما اقف معاكى
لم يفهم مروان لماذا شعر بالضيق منه ومن هذا الموقف
تركته فرح وذهبت للداخل تحت انظار الجميع مما جعل دمه يغلى ليدخل خلفها ويجذبهاا من زراعها :- انتى ايه الى عملتيه ده
دخل الجميع خلفه
نظرت ليده الممسكه بذراعها ثم نظرت للناس حولها :- سيب ايدى ..انا مش هتجوزك .انت ليه مش مقتنع
ترك يدها ثم :- ليه هاا فهمينى ليه !
فرح :- نا حاولت افهمك براحه مره واتنين وتلاته بس انت للاسف مابتفهمش بس هقولك ليه رامى انا مش بحبك ومش هحبك وماتقوليش اديك فرصه  لانى ببساطه مش هقبل ارتبط بحد ااقل منى ..ااقل منى ف كل حاجه حتى المستوى التعليمى  مش هبقى دكتورة وجوزى يبقى خريج حقوق لا ي رامى لا
هنا لم يشعر بنفسه الا وهو يرفع يدة ليهوى بها على وجهها لم ياتى فى راسه الا جمله واحده *اضربها مثلا*
لكن تفاجأ بمن يمسك يده ويكيل له الضربات قائلا :- بتتشطر على واحده بنت ؟
لم تتخيل فرح ان من سيدافع عنها هو مروان فى حين ان اخيها كان واقفا لم يتحرك من مكانه
صعدت غرفتها باكيه وصعدت خلفها امها لتهدأتها
هنا تدخل حسام وامسك رامى من مروان حيث تراجع مروان للخلف
ياسر موجهها كلامه ل رامى :- عارف انا كنت بعتبرك ابنى زى حسام كده ..وكنت بحاول اخليها تقبلك ب اى طريقه بكل عيوبك دى لكن بعد الى شوفته انهارده بقولك انا اهو ماتحلمش انك تمس شعره واحده من بنتى ببساطه انا مأمنش على بنتى مع حيوان زيك من اول سوء تفاهم بينهم بيرفع ايده مش بيفكر بعقله ثم اردف قائلا :- ده اذا كان فيه عقل اصلا واستدار ل فاطمه قائلا :- انا اسف ي ام رامى انا دلوقت مايشرفنيش ان ابنك يبقى جوز بنتى فى يوم من الايام ي ريت تمسحوا الفكره دى من دماغكم خالص لان حتى لو هى رجعت فى كلامها اوعدكم انا استحاله ارجع ف كلمتى وبردو انا بيتى مفتوحلك انتى بس فى اى وقت تحبى تيجى تشوفى اختك .. عن اذنكم
ذهب حسام ناحيه اشرف ومروان :- احنا متأسفين ي جماعه على سوء التفاهم الى حصل ده
اشرف وهو يمد يده لسلم عليه :- ولا يهمك ي حسام ..سعيد انى شوفتكم مرة تانيه
حسام :- انا اسعد واكيد هتتكرر تانى
اشرف:- اكيد ان شاء الله
منال بتردد:- ي حسام
حسام:- نعم ي خالتى
منال :- ممكن اطلع اتطمن على فرح
حسام ب ابتسامه :- عيب تستأذنى وانتى ف بيتك
انسحبت فاطمه ورامى قائله :- انا اسفه ي ابوا حسام على الى حصل اوعدك مش هتشوف وشه تانى
ياسر بجمود :- مش محتاجه اسف ..اتفضلوا باتو انهارده وابقى امشو الصبح فى النور
فاطمه :- لا متشكرين انت عداك العيب وزياده
ياسر :- يا ام رامى اتفضلى الاوضه فاضيه وبكره اول م النهار يطلع لو عايزين تمشوا براحتكم
تنهدت فاطمه وهى تنظر لرامى لترى رد فعله:- شكرا ي ابو حسام ..يلا ي رامى ندخل جوة
فى غرفه فرح كانت تبكى ب انهيار حاولت هدى تهدئتها ولكنها لم تنجح صعدت منال ف هدأت قليلا دخل ياسر وطلب منهم ان يتركوهم وحدهم
ياسر :- فرح حبيبه بابا
نظرت له و زاد بكائها :- مكنتش اتوقع انك تشوفه هيضربى وتقف مكانك
ياسر وهو يجلس بجانبها :-اولا انا ماوقفتش مكانى انا كنت لسه هتحرك لقيت مروان الله يباركله سبقنى
ثانيا طول  مانا عايش مش عايز دموعك دى عايزك تنزلى تشوفى انا مرمت بكرامته الارض وانسى انه ممكن يكلمك تانى اصلا
فرح وهى تمسح دموعها:- يعنى ايه
ياسر:- يعنى انا كمان رفضته ومسحت من دماغه اى امل انى ارجع فى كلامى
نجح ياسر فى تهداتها وتركها بعد ان نامت ونزل للأسفل
ياسر:- هى منال مشيت؟
هدى :- ااه استأذنت وقالت تبقى تيجى وقت تانى
ياسر :- طيب .. على فكره اختك وابنها جوة ف الاوضه
هدى بتردد:- هما مامشيوش؟
ياسر :-قولتلهم يستنوا للصبح
هدى :- ماشى ي حبيبى
جاءت مريم :- طيب ي طنط هنمشى احنا بقا وهبقى اكلم حضرتك اتطمن عليها
هدى :- ماشى ي حبيبتى تعبناكم معانا
داليا :- تعب ايه  ي طنط دى فرح اختنا
نور :- ابقى طمنينا عليها ي طنط
هدى :- ماشى ي حبايبى ..شرفتوا
..........
فى الغرفه
فاطمه :- ايه الى انت هببته ده ها ؟
رامى :- هببته ؟؟ عايزانى اشوفها واقفه بتغلط فيا وبتعايرنى قدام الناس واقف ساكت اراجوز
فاطمه :- لا طبعا تضربها فى بيتها وسط اهلها فى عيد ميلادها قدام زميلاتها كده انت راجل !!
رامى :- ايوا راجل
فاطمه وهى تتركه وتذهب للسرير :- ابقى سلملى على رجولتلك .. اهى رفضتك لا ومش هى بس هى وابوها
رامى بنظره شارده :- مش بمزاجها لا هى ولا ابوها
.........
عند مروان دخل اشرف بعد ان استاذن
مروان :- تعالى
اشرف :- تسميه ايه الى انت عملتة انهارده ؟!
مروان :- اا عملت ايه ؟
اشرف :- لما مسكته ااما كان هيضربها
مروان بهروب :- عادى يعنى شايف واحد بيضرب بنت طبيعى انى ادافع
اشرف :- طيب هعمل نفسى انى صدقتك ..بس ونظرتك ليها لما دخل اول مرة وكان بيتقدملها
مروان :- مش عارف ي اشرف مش عارف وبعدين اي جو الاستجواب والرعب ده احنا فى البيت وهنا اخوات مش ف الكليه وانت الدكتور
اشرف :-طيب خلاص براحتك ..لما تحب تتكلم اكيد هسمع ..تصبح على خير
...........
لم ينم طوال اليل ظل يفكر كيف يصلح غلطتة حتى وصل الى حل وهو ان ينتظر الصباح ليصعد لها يعتذر عما فعله وحدث بالفعل
دخل غرفتها بعد ان استأذن لكن كانت نائمه لم تشعر بدخوله
جلس جانبها على السرير يتاملها وهى نائمه تغيرت ملامح وجهها وكانها فى كابوس ثم رددت لا لا مش بحبك بقا افهم لاااا
احس بغصه فى حلقه ولكنه قرر ان يفوقها نظر حولها ليجد كوب من الماء وامسه والقاه على وجهها لتقوم بفزع
نظرت حولها :- انت ايه الى دخلك هنا ي حيوان ثم تعالت نبرات صوتها :- اطلع برا بكرهك بكرهك اطلع برااا انت بتحب التملك وانا مش هبقى ملكك ببرااا
رامى :- انا انا بس عايز اقولك انا اسف
جاء حسام على صوتها من غرفته المجاوة لها يجده يقف امامها
حسام بعصبيه :- انت ايه  ي اخى انت عارف انت لو حد غريب ماكنت خليت الصبح يطلع عليك لكن انا عامل حساب ل امك الى تحت قدامك ساعه ..لا ساعه كتير نص ساعه هكون لبست ونازل للشركه انزل ماشوفش وشك تحت ..فااهم ؟!
رامى بتحدى:- ماشى ي حسام بس افتكر انى جيت اتأسف وانتو الى رفضتو ..بس فرح هتبقى بتاعتى بردو .......