لكنه القدر

الجزء الثانى

الحلقة الثانية
.....................................
فى مكان اخر تحديدا..(كبارية)
رامى :- زى م بقولك كده ي كينج .. دماغها ناشفه
الكينج وهو يشرب من كأسه :- مش قولتلك انك نايتى
رامى:- عايزينى اعملها ايه يعنى اضربها
الكينج :- مثلا..
رامى واشتعلت فى راسةه فكره ف ابتسم وردد :- مثلاااا..طيب استأذن انا بقا
الكينج ب استهزاء:- مع السلامة والقلب داعيلك
........................
دخلت فرح كى تنام وامسكت محمولها لتتصفح الفيس بوك قليلا معلننا وصول رساله
فرح :- ي ربى بقا انا مش هخلص من الماسدجات دى بقا وكانت مضمون الرساله "كل يوم بيفوت عليا..حبى ليك بيزيد شويه"
حاولت تجااهلهلها لكن فضولها كى تعرف من صاحب تلك الرسائل جعلها تقرأها كلها كى تحاول معرفه من هو من اسلوب كلامة ولكن للمرة الاف فشلت على غير عادتها فهى اكثر شخصيه  فى عائلتها لماحه وفطنه
تأففت ثم اتصلت على صديقه العمر :- السلام عليكم
مريم :- وعليكم السلام ازيك  ي حب
فرح :- الحمد لله تمام .. هنروح بكره امتى احنا مانعرفش اى حاجه عن المحاضرات
مريم :- والله مش ذنبى مش انا الى قولت انشاله ما عنه جه ولا انا اللى خدت ف وشى وطلعت اجرى عشان اروح
فرح :- اووف بقا ي مريم طيب يعنى كنتى عايزانى اعمل اية انتى عارفه انى بشوفه بتعفرت
مريم :- عارفه عارفه يلا ربنا يبعده عن طريقك .. بس كده هنضطر بكره بردو نروح بدرى ونحاول نشوف المحاضرات
فرح :- تمام .خلاص اشوفك بكره عند مبنى الكلية
مريم بتحاول تنرفز فرح :- ليه طيب م تخليها عند البوابه
فرح :- مرييم
مريم :- خلاص اعتبرينى  ما قولتش حاجه .. يلا بقا سلام
فرح :- لالا استنى
مريم ب انتباه :- ها
فرح :- فكرينى بكره اقولك ع حاجه
مريم :- طيب م تقولى دلوقتى
فرح :- خليها بكره
مريم :- خلاص زى م تحبى
فرح :- اشطا ...باى
مريم :- باى

فى اليوم التالى ذهبت فرح لكليتها لتجد مريم منتظراها فى المكان المحدد
فرح :- تعالى نشوف الجدول
مريم :- سبقتك وجبته عشان عارفاكى مخلوله حبتين وممكن ننروح بردو انهارده من غير حاجه
فرح :- ههههه طيب كويس بردو .. ايه المحاضرات ومواعيدها
مريم :- فى محاضره الساعه 11
فرح وهى تنظر لساعتها:- وحاليا الساعه 10 ونص تعالى عقبال ما نطلع
مريم :- تمام يلا
ذهبا سويا ودخلا قاعه المحاضرات تجولا باعينهما لكى يجلسا بجانب فتيات
مريم مشيره لاحد الاماكن:- اهو هناك جنب البنت دى
فرح:- اها يلا
بعد ان جلسا اخذا يتحاورا
مريم :- صح كنتى بتقولى عايزة تقوليلى حاجه
فرح بتذكر :- ااه صح ثم اخرجت هاتفها وفتحت الرساله واستطردت :- بصى
قرأتها مريم :- اوعا ي عم ماشيه معاك
فرح :- مش وقت هزار ي مريم ونبى
مريم :- عايزة الصراحه ؟
فرح :- شوور
مريم :- اي دة بصى مين هناك
فرح وهى تنظر على من تشير مريم :- دة مروان
مريم :- هو دخل طب
فرح :- امال جاى يشرب شاى
مريم :- طيب اسكتى طيب عشان ده جاى نحيتنا ثم اكملت :- ها كنا بنقول ايه
فرح :- رايك بصراحه
مريم :- اشك انه رامى
فرح بزهول :- لا طبعا .اكيد لا انتى بتقولى ايه
مريم :- الله اعلم بقا انا قولتلك احساسى .بس ايه الى خلاكى متاكده انه مش هو
فرح:- لالا مش اسلوب رامى
هنا قاطع حديثهم دخول الدكتور
الدكتور :- احم .. اعرفكم بنفسى دكتور شوقى علام  55سنة  هدرسلكم ماده الفسيولوجى يعنى وظائف الاعضاء هى 9 برانشات وهى biophysics ..nerve&muscle..respiration ..digestive system ..blood..autonomic nervous system  واخيرا cardiovascular system وده القلب والاوعيه الدمويه وده لوحده 3 برانشات....اعتبرونى باباكم وبلاش الحساسيه الى بتبقى بين الدكتور والطالب  والفكره الى واخدينها عن الدكاتره قبل ماتدخلو كلياتكم يا ريت تمسحوها  على الاقل منى انا بس ..كتاب الماده الى قادر يجيبه يجيبه واللى مش هيقدر يبلغنى ومايقلقش
فرح بهمس :- انا ارتحت للدكتور ده
مريم :-وانا كمان مع انى مش فاهمه هو بيقول ايه
نظر اليهم دكتور شوقى وابتسم
انتهت المحاضره وخرج الجميع
فرح :- صدعت جداااا
مريم :- وانا والله ..بقولك ايه ملاحظتيش حاجه ؟
فرح :- حاجه ايه
مريم :- مرواان ..
فرح :- مااله
مريم :- هو ماشلش عينه من عليكى طول المحاضره و..
قاطعتها فرح :-اللهم طولك  ي روح .. انا اصلا مش بينزلى من زور بحس انه غامض كده دايما ساكت بس بالرغم من كده ليه اصحاب كتير تحسية شخصيه كده وكلو بيحترمة من الرغم من انه لسه صغير يعنى ده لسه فى اولى جامعه ..مش عارفه بس مش حاسه انه طبيعى
مريم :- هههههههههه مش طبيعى ههههههههه ... ي ريت كل الناس تبقى مش طبيعيه زيه هههههههه
فرح :- بيهمك المظاهر اوى
مريم :- فرح ده مجرد هزار مش اكتر
فرح :- خلاص كبرى كبرى..داليا ونور فين امال
مريم بتنهيدة :- فى كلياتهم . من الواضح ان الكليات هتفرقنا
فرح :- تفرقنا!! اكيد لا
مريم :- خلاص نبقى نعمل شات بليل ع الفيس ونتكلم ونحاول نقابلهم ف البتاعه الكبيره دى
فرح :- صح كده
مريم :- هتروحى؟
فرح :- عايزة اشترى شويه حاجات كده
مريم :- اجى معاكى ؟
فرح :- تقريبا انا اللى هاجى معاكى لان المشوار نحيه بيتك
مريم :- تمااااام اوى
اتصلت فرح ب والدتها وابلغتها انها ستشترى بعض المتطلبات وستذهب عند مريم بعدها
هدى:- خلاص ماشى بس متأخريش
فرح :- حاضر
هدى:- فى رعايه الله
فرح :- مع السلامه
...........................
عند حسام
عز :- انا ماليش دعوة انا عايز يومين اجازة
حسام :- هو فرحك لمؤاخذه؟؟
عز :- ي حس بقا ده فرح اختى
حسام :- اديك قولت فرح اختك يعنى مش اخ هتبقى معاه لا دى اختك بنت مالكش دعوة بتجهيزاتها ولا اى حاجه
عز :- ي حسام ي صديق عمرى
حسام :- عز بلاش شغل العيال ده
عز :- يومين اتنين بس والله اتنين بس
حسام بنفاذ صبر :- طلبك عند ياسر بيه مش هنا
عز وهو يتصنع الدلع :- اما انا بقول لحبيبى ليه ماهو عشان يتوسطلى عند ابوة
حسام امسك بطفاية المكتب والقاه بها :- ما تسترجل ياض
عز :-هههههههه اعملك ايه م انت مش راضى قولت اما اغريك
حسام :- طيب اتفضل انت دلوقت
عز :- يعنى وافقت ؟
حسام :- ربك يسهل
عز وهو يرقص :- يبقى وافقت وافقت وافقت
حسام :- برره
عز :- خلاص ي عم ماتزوقش
خرج واخد حسام يضحك على منظرة وخرج خلفه ليبغ والده
دخل لوالده
ياسر:- تعالى ي حسام
جلس حسام :-ي باشمهندس ده الورق بتاع الصفقه راجعته بنفسى وكله تمام
ياسر وهو يتناول منه الورق :- تمام..حاجه تانى؟
حسام :- ااه عز فرح اختة بعد يومين فهو كان عايز يوم الحنه والفرح اجازة
ياسر :- امممم وماله لو مخلص شغله ياخدهم اجازة
حسام :- المفروض امجد هيسلمنى التصميم تانى بكره تحت اشراف عز وكده عز مش هيبقى وراه حاجه
ياسر :- خلاص بلغه الموافقه وباركله
حسام :- كده كده كلنا معزومين
ياسر :- اكيد ده عز زيك بالظبط بالنسبالى
حسام :- تمام .. عايز منى انا حاجه تانى ؟
ياسر :- لو تقدر وانت مروح تروح تجيب فرح من عند مريم يبقى كتر خيرك عشان امك كلمتنى وعم عبدو بعتته مشوار وهياخر
حسام :- بسيطه ..يلا اطير انا
.....................................
دقائق ورن هاتف فرح وهى عند مريم
فرح :- الو
حسام :- انزليلى ع اول الشارع
فرح :- انا عند مريم اصلا انزلك فين
حسام :- عارف ويلا عشان بابا قالى اروحك معايا
فرح :- اه اه خلاص تمام نزلالك
اغلقت الهاتف :-هنزل بقا ي مريوم حسام مستنينى تحت
مريم :- احنا لحقنا نقعد ؟
فرح :- مره تانى بقا ا ش ا
مريم طيب ماشى .. مع السلامه
فرح وهى ع الباب :- سلام .. ابقى سلميلى ع طنط سلوى بقا كان نفسى اشوفها
مريم :- يوصل
......................
نزلت فرح واتحركت بسرعه ومن غير ما تاخد بالها خبطت فــ ..مرواان
مروان :- فرح !
فرح :- مروان اا انا اسفه مكنش قصدى
مروان :-انتى هنا ليه ؟
فرح :- كنت عند مريم وماشيه
مروان :- تحبى اوصلك ؟؟ شكرا اخويا مستنينى
حسام كان قد اقترب منهم ودماءه تغلى ف عروقه  وكان قد سمع اخر جزء من حديثهم انه يريد توصيلها وهى تحاول منعه
حسام :- خير ي كابتن؟
مروان :- افندم!
فرح :- ددده اخويا حسام .. ده مروان ي حسام
مروان وهو يمد يده ليصافحه :- اهلا وسهلا ..
حسام :- اهلا بيك .. انت تعرف اختى منين
مروان :- زميله من ايام الثانويه ..
حسام :- امممم .. انا حاسس انى شوفتك قبل كده
مروان :- ماعتقدش انا كنت عايش بره .. عن اذنك
حسام وهو ينظر ل اخته نظره ناريه :- قدامى...
اكمل مروان طريقه لمنزله وهو متاكد من انه يعرف حسام او على الاقل تقابل معه ولكن اين ومتى !! لا يدرى دخل المنزل ذهب ل امه قبل يدها ودخل ل غرفة اخيه (اشرف)جلس معه قليلا ثم تركه ودخل غرفته يحاول ان يتذكر اين رأى حسام والاكثر اين رأء فرح ولماذا عندما راهما مع بعض احس وكأنة يعرفهما جيدا اخذ يفكر حتى غلبه النوم
ساق ب اقصى سرعه ثم ضغط فرامل فجأه واحده
فرح :- حساااااااام ..ايه ده
حسام بهدوء:- عمرك م خبيتى عنى حاجه .. مين ده
فرح ببراءه :- قولتلك ي حسام ده مروان
حسام بصوت مرتفع :- يعنى مين هو مروان ده .مين هو عشان تقفى معاه ف الشارع كده مين هو عشان تكدبى وتقولى انك عند مريم وانتى معاااة ....
فرح بدموع :- انت بتقولى انا كده ي حسام !! ده انت الوحيد الى ف البيت تعرف عنى كل حاجه تعرف كل كبيره وصغيره قبل ماما وبابا
حسام ب استهزاء :- لا واضح  .. وهو ده بقى الى رافضه رامى عشانه .!؟
فرح وقد انهارت :- انت غبى اووى انا اول مره اشوفك بالغباء ده ي حسام .. مروان ده ماعرفهوش اوى والله ماليش علاقه بيه كل الموضوع ان دروس ثانوى كانت بتجمعنا ومكانش فى حوار بينا اصلا وبعدين امبارح واانا ف الكليه كان فى شاب بيضايقنى وهو بحكم انه يعرفنى وشايف بنت مش قادره تعمل حاجه جه ودافع عنى وبعد الشاب ده عنى وانهارده انا نازله من عند مريم بسرعه وجايالك خبطت فيه غصب عنى وهو كان بيسلم عليا مش اكتر مش مصدقنى روح ل مريم دلوقت وواسالها 
حسام هدأ قليلا :- فرح انا اخوكى وبخاف عليكى ومن حقى اما اشوفك واقفه مع شاب غريب اغير عليكى واتعصب بس ادينى فهمت الموقف
فرح وهى مستمره ف البكاء:- يبقى كنت تفهم بالراحه مش تقولى كلام معناه انى مش محترمه
حسام وهو يضمها :- قطع لسان الى يقول عليكى كده
وهنا جاء ضابط شرطه وخبط على زجاج السياره فتحه حسام ومازالت فرح فى حضنه
الظابط :- فى النهار كده ؟
حسام :- افندم؟!
الظابط :- يعنى البلاوى دى كانت بتبقى بليل فى شوارع متداريه مش فى عز النهار كده علنى
حسام وقد اعدل وضعه وترك اخته :- انت تقصد ايه دى اختى
الظابط :- بطايقكم
حسام :- انت عارف انت بتكلم مين ؟؟
الظابط :- هيكون مين ي حلو .. بطاقتك انت والاموره
اخرج حسام بطاقته وهو يتوعد له :- معاكى بطاقتك ؟
فرح بخوف:- لا
الظابط :- كده احلوت اوى .......