لكنه القدر

الجزء الخامس

منال:- والله رقمك اتمسح ومكنتش اعرف اذا كنتى لسه مكانك ولا لا لحد من يومين افتكت اجنده كان فيها الارقام قلبت عليها الدنيا لحد ما لقيتها ودعيت ربنا ان رقمك مايكونش اتغير
هدى :- لا مغيرتوش..وجوزك عامل ايه
منال بنبره حزن :- ربنا يرحمه
هدى بصدمه :- ااا .. البقاء لله ي حبيبتى امتى الكلام ده
منال بحزن :- ماهو عشان كده نزلنا ..يلا ربنا يرحمه ويحسن اليه
هدى:- امين ي رب ..المهم لازم اشوفك انتى وولادك  دول 7 سنين اكيد اتغيروا كتير
منال :-اكيد ان شاء الله
هدى :- عيد ميلاد فرح الحد الجاى ا ش ا لازم تيجوا بقا
منال:-خلاص اتفقنا
هدى:-ماشى ي حبيبتى ...فى رعايه الله
منال:- مع السلامه ..فى رعايه الله
هدى كانت تتكلم وهى ف الطابق الثانى زلت السلم ثم :- عارفين مين كان بيتكلم
فرح وحسام :- ميين
هدى بفرحه :- طنط منال
فرح :- طنط منال الى ف بالى
هدى:- ايوا هى
حسام :- ياااه دول مسافرين من زمان اوى
هدى:- اه ديلهم 6 او 7 سنين
حسام :- ابقى اعزميهم يوم
هدى:- اكيد ان شاء الله
.............................
جاء الليل والكل تجهز ل فرح (اخت عز)
فرح :-عريس ي اخواتى
حسام:- عروسه ي اخواتى
ياسر بمرح :- بس بس انتو الاتنين اركنو ع جنب كده شوفونى انا وامكم
حسام :- هههه ومالو بردو
ياسر:- يلا هنروح بعربيتى
حسام:-لا بعربيتى
فرح :- امتى يبقالى عربيه واقول لا بعربيتى
هدى:-يلا بقا بطلو كلام فارغ
استقروا على ان يذهبوا بسياره ياسر ولكن حسام من سيقود وصلو الفرح وبعد الكثير من السلامات والترحيبات
عز ل حسام:- عايز الفرح يولع
حسام :- بس كده .. مشيرا الى عينيه :- من عينى
قام بتجميع كل من يعمل معهم بالشركه وصعدوا للمسرح وكما نقول (خربوها )
نزل حسام من على المسرح غير منتبهه ف اصطدم ب احدى الفتيات
الفتاه:- م تقتح ي استاذ
حسام :- انا اسف والله م اقصد
الفتاه وهى تهم ان تذهب:- قله ذوق وتربيه
حسام وامسكها من يدها وينظر اليها نظره ناريه:-اتكلمى على قدك واحترمى نفسك عشان ماتبقاش قله ذوق وتربيه
الفتاه:-سيب ايدى ي حيوان وشدت يدها منه وتركته وذهبت
نظل ينظر اليها حتى اختفت من امامه لكنه ظل مكانه ثابتًا جاء عز من خلفه
عز :- واقف زى الصنم كده ليه
حسام :- هااه.. لا متاخدش ف بالك
انتهى الفرح وعاد كلا الى بييته  دخل حسام لغرفته فدخلت خلفه وهى تفرك يديها
حسام :- عايزة حاجه؟
فرح بتوتر:-بص عايزة اوريك حاجه
حسام بنظره جعلتها اكثر توتر:- عملتى ايه
فرح :- انا معملتش حاجه والله بس بص الماسدجات دى
امسك هاتفها واخذ يقلب فى الرسائل ثم اعطاه لها
حسام :- وعرفتى مين؟
فرح:-لأ ..شكيت انه رامى بس طلع مش هو
حسام :-هاتى الرقم
فرح :- هتعمل ايه
حسام :- هحاول اعرف هو مين
فرح ب استسلام :- طيب
حسام :- ماتقلقيش وماتشغليش بالك انتى
فرح:-طيب تصبح على خير
حسام :- وانتى من اهله
.............
فى اليوم التالى يوم الجمعه الاجازة العامه لكل المصالح سواء كانت حكوميه او خاصه لم يحدث شئ مهم لكى يذكر كان يوما عاديا بكل المقاييس لكن فى يوم السبت
قابلت مريم ودخلا قاعه المحاضرات اخذا يتبادلان الحديث حتى دخل الدكتور
مريم :- ايه ده
فرح:- ايه
مريم :- ده دكتور اشـ..
قاطعهم قائلا:-البنتين الى بيتكلموا..برا
مريم :-  اا ..احنا اسفين ي دكتور
انتبه اشرف قائلا بعد ان عرفها:- اول واخر مرة بما انكم ماتعرفونيش لسه
جلست دون ان تتفوة بكلمه اخرى
تابع اشرف :- دكتور اشرف 35 سنة  اديلى هنا سنتين دكتور هستولوجى يعنى علم الانسجه  عايزين نبقى حلوين مع بعض عشان تكتفوا شرى و..
قاطع حديثة دخول احد الطلبة وكاان
مروان:-اا انا اسف والله تاخير غصب عنى
نظر له اشرف ببرود شديد:-برا
مروان:- اا
قاطعه اشرف:-برا ي مروان
فرح هامسه :- هو يعرفة منين
لم ترد عليها مريم خوفا منه
استطرد اشرف:- كنا بنقول ايه؟..اه كنا بنقول تتقوا شرى واشار للباب واكمل:- اللى لسه مطرود قدامكم ده اخويا ..يعنى اكيد محدش احسن منه بالنسبالى عشان اسمحله بالدخول بعدى ..زيه زيكم واللى مش عاجبه مايحضرش ويستحمل ..نبدأ محاضرتنا
................
فى شركه  السيوفى
عز:-بلغى البشمهندس حسام انى عايزه
السكرتيره :- لحظه واحده ..... امسكت الهاتف :- بشمهندس عز طالب يقابل حضرتك ..اه ..لا مش لوحده معاه بنت ..خلاص تمام
انهت المكالمه ووجهت حديثها لعز :- بيقولك دخل الانسه لوحدها
عز:-خلاص ادخلى انتى ي منه
منه :- بس.
عز :- ماتخافيش حسام كويس ومحترم
منه :- خلاص ربنا يستر
دخلت منه واغلقت السكرتيره خلفها الباب
رفع رأسه من الاوراق لينظر لها فارغا فااه:- هو انتى
منه بزهول :- هو انت
حسام ضاحكا وهو يرجع للخلف:- هههههه شوفى الدنيا صغيره ازاى ..سبحان الله من يومين كنت الحيوان الى مش متربى .انهارده تخيلى هتشتغلى عند نفس الحيوان
منه بعصبيه وهى تهم ان تخرج:- بعد اذنك
حسام بصوت اجش جعلها تقف مكانها:- استنى عندك.. مأذنتلكيش انك تمشى
لم تجب عليه
اكمل قائلا:- اتفضلى اقعدى
منه :- لا شكرا
حسام بنفاذ صبر:- قولت اقعدى
جلست منه وهى تبتلع ريقها
حسام :- طيب مبدئيًا عشان تطمنى .. الشغل حاجه والامور الشخصيه حاجه بمعنى تانى يعنى ماليش دعوة ب الى بيحصل بره الشغل والى بيحصل فى الشغل ..ثم وضع يديه ساندا على  مكتبه :- قوليلى بقا سمعت انك كنتى بتشتغلى قبل كده م رغم انك ماخلصتيش كليه
منه بثقه :- ايوة  ي بشمهندس انا فى اخر سنه ف هندسه كنت بشتغل فى شركه 4 brothers مكان موظف كان عامل حادثه وهما كانو محتاجين حد مكانه والحمد لله قدرت اثبت نفسى رغم انى لسه طالبه
حسام ب استهزاء:- هنشوف هنشوف ..عامتا انا هنا نائب مدير بس يعتبر انا الى بدير الشغل العملى لكن
منة مقاطعة:- يبقا كده مش بشتغل عندك كده انا وانت بنشتغل عند حد غيرنا
حسام  ب ابتسامه مستفزة :- بالرغم انى قولتلك الامور الشخصيه حاجه والشغل حاجه الا انى هجاوبك .. والدى المدير العام للفروع كلها وانا النائب عنه فى الفرع ده ثم نظر لها نظره انتصار
منه :- اه تمام .. ممكن افهم المطلوب منى
حسام:-انتى هتشتغلى تحت ايدى هيتطلب منك شغل زى اى موظف هنا بما انك اثبتى نفسك قبل كده وواثقه من نفسك.. مكتبك السكرتيره هتوديكى لحد عنده ولو ناقصه حاجه تطلبيها من السكرتيره مواعيد العمل اكيد عارفاها فى حاجه تانى كده ؟
منة :- الـ...
حسام :- اه صح ..المرتب نبتدى بحد ادنى 3500 ف الشهر ..زيك زى اقل مهندس معانا اديله على الاقل سنتين ولو فعلا اثبتى نفسك اكيد المرتب هيزيد
منة :- على فكره مكنتش هسال ع المرتب.. انا كنت عايزة اسأل اذا كان فى يونى فورم معين ولا لا ؟!
حسام ب ابتسامه :- لا مافيش ..ثم ضغط على زر امامة على  المكتب ف جاءت سكرتيره مكتبه واستكمل :- ورى للانسه المكتب بتاعها
....................
خرجت من المحاضره
فرح بذهول:- ايه الكائن ده ؟
مريم :- م انا كنت لسه هقولك راح قفشنا ..احمدى ربنا انه سابنا ف المحاضرة اصلا انا كنت بدعى ربنا يعرفنى
فرح:- اصلا ده المفروض يعاملك كويس عن كده ده انتوا جيرانه و..
مريم مقاطعه :- ههههههه حضرتك ده ف الشغل مابيفرقش معاه حتى لو ابوة الله يرحمه  ماشوفتيش اخوة الى هو اخووة عمل فيه ايه
فرح:- لا حقيقى مأفور اووى
مريم :- ربنا يعديها على خير بقا .. المهم احنا ف محاضرته مانعرفش بعض اصلا ماتفكريش تكلمينى
فرح:-ههههههه لا واطيه واطيه ..المهم عايزين نخرج
مريم:-اا مش عارفه والله هينفع ولا لا هشوف ماما
فرح :- طيب شووفيها وردى عليا بليل
مريم :- تماام
.....................
وجد هاتفهه يرن معلنا اتصال والده
حسام :- خير ي بابا فى حاجه ؟
ياسر:- بص سيب الى ف ايدك دلوقت وانزل روح ل امك وشوف عايزة ايه عشان عيد ميلاد فرح بكره وجهز كل حاجه
حسام :- طيب ماهو ممكن نجهز بكره
ياسر:- فى حاجات لازم تتجهز انهارده
حسام :- طيب والشغل؟
ياسر:- بعدين الدنيا مطارتش
حسام:-خلاص زى م تحب
انهى المكالمه وانطلق عائدا للفيلا ملت له امه كل ما تريد وذهب ل احضاره كان يفكر ماذا يشترى لها وهو فى السياره
رأى امامه  محل فضه نزل واختار خاتم على شكل نجمة رقيقه ترتص حولها خمس نجمات مشكلين منظر ورده  واشتراه وعاد للمنزل
هدى:- ده كل حاجه؟
حسام :- اه كل حاجه
هدى:- ماشى ي حبيبى ..هتطلع تريح ؟
حسام وهو ينظر لساعته :- لا لسه فى وقت ارجع الشركه
هدى :- ي ابنى ريح نفسك شويه
حسام:- ورايا شغل والله  ي ست الكل
هدى:- ربنا ييسرلك امورك كلها
حسام :- ي رب
.........................
انتهت ساعات العمل عادت منه لمنزلها قبلت يد والدتها الساكنه فى الفراش (هناء)
هناء:- ازيك ي بنتى عامله ايه
منه:- الحمد لله  ي ماما
هناء:-شغلك الجديد عامل ايه
منه بتنهيده :- الشغل نفسه مريح
هناء:- قصدك ايه
منه :- متااخديش بالك .. خدتى الدوا؟
هناء:- ايوا خدتو.. المهم انتى مالك تقصدى ايه ؟
منه :- مش عارفه ي ماما مش مرتاحه للمدير
هناء :-ليه؟ عملك ايه ؟
منه مسرعه :- لا لا هو معملتش بس شكله مايريحش
هناء:- ربنا يبعد شره عنك
منه:- ي رب .. هقوم اعمل الغدا
هناء:- مش لازم دلوقتى رييحى شويه
منه:- لا عادى.. مازن فين امال؟
هناء:- قال انه نازل درس من بدرى ولسه مارجعش
منه:- ماشى هرن عليه اشوفه
قامت بالاتصال عليه عده مرات ولكن لا يوجد اجابه  فقامت ب الاتصال على صديقه اسلام
منه :- الو ازيك ي اسلام
اسلام:- الحمد لله ازيك ي منه
منه :- الحمد لله تمام .. مازن معاك ؟
اسلام :- لا مش معايا
منه :- طيب انتو طلعتوا م الدرس من بدرى ولا ايه
اسلام ب استغراب:- درس ايه ؟! احنا معندناش دروس انهارده
منه  بخوف:- والله ؟..طيب يبقى اكيد نزل يجيب حاجه..زى بعضو ازعجتك
اسلام :- لا ولا يهمك انتى اختى
منه:- ربنا يخليك ..مع السلامه
اسلام :- سلام
وجدت باب الشقه يفتح اسرعت لتجده يدخل
منه بنبره جاده :- كنت فين ي مازن
مازن :- هكون فين يعنى كنت ف درس
منه :- كدااب
مازن ب انتباه :- هاه . كداب؟
منه :- ايوة . انا لسه مكلمه اسلام وقال ان مكانش عندك دروس انهارده
مازن :- ماهو هو مش معايا  ف الدرس ده
منه ب حزن :- مازن انت كنت بتشتغل صح ؟
مازن محاولا الكذب:- لا لا ي بنتى ده ..
منه :- متحاولش تكدب
مازن :- طيب ي منه  انا كنت بشتغل
منه بحزن :- انا مش قوتلك انى هبدا شغل جديد انهارده وان انت مالكش دعوة بالشغل دلوقتى
مازن:- طيب ي منه وعقبال م تقبضى اول مرتب هنصرف منين
منه بصوت مرتفع قليلا:- حاجه زى دى مالكش دعوة بيها ..ثم هدات مره اخرى:- ي مازن عشان خاطرى ذاكر عشان بكره تبقى حاجه كويسه تشرفنا وترفعنا كلنا وتقدر تصرف علينا ودلوقت ماتشلش هم اى حاجه عمرك طلبت منى طلب وقولتلك لا ماعييش فلوس؟؟ يبقى ماتشغلش بالك انت دلوقت ب كده وانا ي سيدى المدير بتاعى عطانى شهر مقدم اصلا ف مش محتاجين خلاص لشغلك انت عارف المرتب كام ؟3500 جنيه يعنى هيكفونا حلوو اوى وهيكفوا ادويه ماماا ودروسك وكتبك و كل حاجه وممكن اقدر اوفر منهم كمان
مازن :- خلاص ي منه الى تشوفيه
منه :- خلاص ..بس اعتبره وعد؟
مازن :- وعد
منه :- طيب خش غير بقا عقبال م اجهز الغدا
............................
عند رامى دخل ذلك الكباريه الذى اصبح معتاد عليه
احدهم :- اهلا اهلا شرفت
رامى :- شكرا
الكينج :- سيبوهولى ده احنا هنحتفل بيه انهارده
رامى ب انتباه :- خير !
الكينج وهو يرتشف كاسه :- لا خير .. بس عجبتنى وانت بتقفل ف وشها السكه ..كده انت حطيت رجلك ع الطريق الصح
رامى وهو يقف بعصبيه :- انت بتراقبنى ي كينج؟!
الكينج ببرود :- وماله .. مش لازم اتطمن بردو على رجالتى
تركهم رامى وخرج
احدهم :- مش براحه عليه طيب
الكينج :- هيرجع ..هيرجع غصب عنه
احدهم:- وانت متاكد كده ليه
الكينج وهو ينظر له :- مش هتسكتله على الى عمله معاها .. من حكاياته واضح انها
احدهم :- انها اية
الكينج وهى تتعالى ضحكته :- انها شرسه
........................
عاد اشرف للمنزل ليجد اخيه جالس مع امه
القى السلام ودخل غرفته
امه :- اشرف
اشرف:- ايوا ي امى
امه :- دى عمله تعملها مع اخوك ؟
اشرف وهو يزفر:- غلط وده جزاء غلطته
امه :- يعنى ايه تطرده وهو اخوك لا وكمان زمايله طالعين يقولولة انك بتقول عليه انه اخوك اهو وطردته وفرحان اوى
اشرف:- بكره يقولهم انى كنت فرحان لما طردتهم هما كمان
امه :- وبعدين ده دكتور يعنى مش قليل
اشرف :- وانا دكتور دكتور ومش قليل لما عيل زييه مايعمليش احترامى ومايدخلش المحاضره فى معادها .واهو يتعمل ميتأخرش تانى وده اسلوبى مع الكل ومش هغيره مع اى حد
مروان :- خلاص ي ماما
امه :- هو اصلا مابيعملش اعتبار لحد ولا بيقدر حد
اشرف :- شكرا
امه :- بكره عايزاكم فى مشوار بليل
مروان :-فين ؟
امه :- بكره اقولكم.....