Cherish You

Chapter 41: Zarah

Chapter 41

Pagkagising na pagkagising ko nag pray muna ako kay Lord. Hobby ko na talaga ito. Hindi ko alam pero bigla ko na lang binuklat sa ilalim ng unan ko yung cellphone ko. Napangiti ako dahil may text siya.

"Good Morning.." text niya, kahit maikli ito at hindi ko rin alam kung p.m or g.m okay lang sa akin. Ewan ko ba. Basta napasaya niya agad ang araw ko. Bumaba na ako sa baba para gawin ang morning ritual ko.

Pagkapasok ko sa school nagulat ako dahil si Kenn agad ang nakita ko sa labas ng gate mukhang may inaantay siya.

"Uy, ang aga mo ah.." bati ko sa kanya

"Good Morning" bati naman niya sa akin at nakangiti pa sya ng todo. Anong nangyari dito?

"Ang ganda ng gising mo ah.."

"Hehehe oo na lang" tapos sumabay na siya sa akin papasok sa loob.

"Sinong inaantay mo sa labas?" tanong ko habang naglalakad kami papunta sa Building namin. Pero hindi niya ako sinagot at nagkamot lang siya ng batok. Hindi ko na lang pinansin, inalala ko na lang yung lessons kahapon at yung mga assignments.

Pagkarating namin sa room bigla kong naalala na kailangan pala ng 1/4 index card sa Physics. Kaya nilapag ko muna sa upuan ko yung bag ko na bigay ni Zac tapos lalabas na sana ako ng room ng tawagin ako ni Kenn.

"Serah, saan ka pupunta?'

"Bibili lang ako sa baba ng 1/4 index card"

"Ako na lang, may bibilhin din ako eh" lumapit siya sa akin kaya inabot ko sa kanya yung piso pero dinaanan lang niya ako. Dahil nainis ako ng kaunti kay Kenn hinabol ko siya. Ang bilis niyang maglakad akalain mong nasa baba agad siya after ng ilang segundo.

"Bakit di mo kinuha itong piso?"

"Libre na kita, piso lang yun"

"Ito naman, wag mo ngang mailang lang yun." tapos sumabay na ako sa kanya sa may canteen. Kumbaga sinamahan ko na lang siya, nagulat nga ako dahil ang dami niyang binili.

Bumili siya ng ensaymada, juice, at sopas.

"Anong gusto mo Serah? Libre kita.."

"Na, busog pa ako." humanap siya ng bakanteng table at upuan at umupo doon. Inabot na siya sa akin yung index card at dahil wala pa naman akong gagawin naisipan kong samahan na lang muna siya dito.

"Nag umagahan ka ba?"tanong ko

"Hindi eh.." sagot niya tapos humigop na siya ng sabaw ng sopas. Nakakagutom naman.

"Bakit ang aga mong pumasok? Tapos di ka pa pala nag almusal." pero hindi niya ako sinagot.

"Uy may index ka na ba? Kailangan mamaya yun sa Physics.." panay lang ang kain niya at parang hindi niya ako naririnig. Hindi na lang ako nagsalita, mukhang gutom na gutom nga talaga siya. Tumingin tingin ako sa paligid at bigla kong nakita si Alex at Gian na nakapila dito sa canteen.

Nasaan kaya siya?

Dumaan sa gilid namin si Alex at Gian, nakatingin pala ako sa kanila.

"Hi Serah!" bati nung dalawa, tapos nginitian ko lang sila. Si Kenn naman busy pa rin sa pagkain.

"Uy bestfriend malapit ng mag time.." bigla kong nasabi tapos tumingin sa akin ng seryoso si Kenn as in. May mali ba akong nasabi? Nilagyan ko lang naman ng best--

Bigla na lang tumayo si Kenn kinuha lang niya yung ensaymada at juice at umalis na. Tapos naiwan akong nakaupo dito. Anong nangyari doon? Galit na naman ba sya? May mali ba sa pagsabi ko ng bestfriend? Hayys, ang sungit talaga niya.