I hate her because I love her (AlyDen)

Chapter 29: Jealous

Hinila niya yung kamay niya kaya napabitaw ako sa paghawak,"Oo may sakit ako. Under observation pako. Okay naba?" Tumalikod na siya tapos naglakad na papasok sa room.

Under observation..? Ibig sabihin hindi pa grabe yung sakit niya? Inoobserbahan palang pag ganun diba? Alam ko ganun yun eh.. ganun nga ba? Bakit.. kelangan niyang itago pa sakin yun? Diba nga dapat ipapaalam niya sakin para suportahan ko siya? Akala niya ba iiwan ko siya pag nalaman kong may sakit siya? Ganun ba kababaw tingin niya sakin? Wala ba siyang tiwala sa pagmamahal ko sakanya? Nakakasama ng loob ah..

Pumasok ako sa loob ng room, pagkaupo ko hindi na kami nagpansinan ni Aly.

Lunch time kasama niya si Rex, sila Bang naman nagtatanong kung may problema daw ba kami. Syempre sabi ko wala. Wala naman eh, masama lang yung loob ko kasi bakit kailangan niya pang itago sakin yung sakit niya. Wala akong alam kung anong klaseng sakit ba yun.. hindi ko alam kung dapat ba talaga akong magpanic dahil may sakit siya. Pero ewan.. ang gulo.

Last subject na, tumayo si Aly tapos tumabi kay Ella kasi wala pa yung teacher namin. Nag usap sila tungkol kay Rex dahil sa kalagayan ng lola niya, narinig ko rin pinag uusapan nila yung tungkol sa pagcocollege.

"Alam mo naba kukunin mong course? San ka magcocollege?"

"Yep, sa ADMU ako. Ikaw?"

So sa ADMU parin pala siya. Sa college nitong school namin. Malapit na yung entrance exam dun, siguro nagreready na siya para sa exam. Ako hindi ko alam, volleyball nalang pag asa ko dun.

Napapalakpak si Ella,"Sa ADMU rin! Si Mika rin ata dun plano mag aral eh."

Nagstart na yung last subject, Filipino. Ganun parin kami, hindi nagpapansinan. Ayoko na muna siyang kausapin, kanina ko pa sinusubukan makipag usap pero ayaw niya. Masama loob ko kasi ngayon niya lang sinabing may sakit siya, nakakainis! UNDER OBSERVATION PA HA! Tss. Nakakatampo!

Tapos na yung Filipino class, lumabas ako papuntang locker para ilagay yung mga libro ko.

Tumawag ako sa boss ko para sabihin na mga 7pm nako makakapasok. Tinanong niya kung si Aly makakapasok ng maaga, hindi ko alam ang isasagot ko. Sabi ko nalang na tatawagan ko siya pag papasok si Aly. Yun ay kung malalaman kopa.

Sa may center stairs ako bumaba dahil alam ko na sa side stairs bababa si Aly.

"Sis!" Lumingon ako sa likod ko at nakita si Gretch at Bang tumatakbo papalapit sakin,"Bakit mo kami iniwan! Sabi ko sayo kanina sabay na tayong pumunta ng gym ni Bang eh. Nagmamadali ka ah."

"Sorry. Hahaha! Nawala sa isip ko!"

"Tara na! Baka inaantay na nila tayo."

Kumapit sa braso namin si Bang tapos naglakad na kami papuntang gym.

Pagdating namin sa gym nagpalit kaagad kami ng damit. Buti nalang at may mga extra akong damit sa locker ko kundi uuwi pa ako ng di oras para lang kumuha ng damit.

"Denden, may naghahanap sayo sa labas." sabi sakin ni Amy, teammate ko.

"Sige salamat." Nagslight nod ako sakanya tapos lumabas na ako ng locker room.

Paglabas ko nakita ko si Aly nakasandal sa wall, nakayuko. Nilapitan ko siya tapos napatingin siya sakin. Ngumiti siya ng pilit pero yumuko ulit siya.

"May kailangan kaba?"

Napatingin siya bigla sakin,"Ah.. wala naman.."tapos nagsmile,"Sige, mauna nako.. mukhang busy ka eh."

Tumalikod na siya tapos nagmadaling maglakad.

"Alyssa!" Tumakbo ako palapit sakanya, hinwakan ko wrist niya para pigilan siya,"Hindi ka naman pupunta dito kung hindi importante sasabihin mo diba? Hindi pa naman kami nagsisimula eh.." Napatingin si Aly sa likod ko, pati ako napatingin din. Nakita ko yung teammates ko lumalabas na ng locker room, ibig sabihin magsisimula na yung training."Tara dito tayo mag usap." Hinila ko siya papasok sa may gym room. Umupo ako sa may bangko, siya sumandal ulit sa may wall."Game."