TDBS1: Darkest Touch - COMPLETED (PUBLISHED under Precious Pages: LIB Bare)

CHAPTER 20

CHAPTER 20

HINAWAKAN ni Jan Irish ang kamay ni Tegan at pinisil iyon ng mapansin niyang kinakabahan ang binata. "Relax. Hindi ka naman kakainin ni Papa, e." Natatawang sabi niya.

Huminga ito ng malalim. "Nang bilhin ko ang bahay sa tabi ng bahay niyo, siya talaga ang sadya ko. Gusto ko siyang makausap, e. Hindi ko alam na ikaw na pala ang namamahala sa negosyo niyo."

She smiled. "Basta relax ka lang. Mabait naman si Papa e."

"Hindi kaya niya ako barilin?" Kinakabahan nitong tanong.

Mahina siyang natawa. "Walang baril si Papa."

"How sure are you?"

"Fifty percent."

Napasimangot ito. "Jan Irish naman e."

Natawa siya ulit. Ang sarap talagang tudyuin si Tegan. Nakakawala ng stress.

Pareho silang dalawa na natigilan ng marinig nilang may tumigil na sasakyan sa labas ng bahay.

Humugot ng malalim na hininga si Tegan. Si Jan Irish naman ay tumayo para sa salubungin ang mga magulang.

"Naku, Mahal, ang tanda ko na para bumiyahe pa. Nakakapagod." Anang boses ng Papa niya. "Next time, si Jan Irish na ang papupuntahin ko do'n."

Narinig niya ang mahinang pagtawa ng Mama niya. "Ikaw naman kasi, hindi makapaghintay. Sinabi ko nang ipagpabukas nalang iyang appointment mo sa Davao para si Irish ang pumunta pero matigas iyang ulo mo."

"Mahal naman, dapat nga nilalambing—" Natigilan sa pagsasalita ang kaniyang ama ng tumuon ang tingin sa kanilang dalawa ni Tegan sa sala.

"Good evening ho, Mr. and Mrs. Vallega." Kaagad na bati ni Tegan sa mga magulang niya. "I'm Tegan Galvante, in case you are wondering."

Nawala ang pagkunot ng nuo ng ama niya. "Mr. Galvante, ikaw pala yan." Ngumiti ito. "It's nice to see you with a handsome face again. Mukhang pinaayos mo na rin sa wakas ang mukha mo. Hindi kita nakilala, ah."

Tegan smiled. "Oho."

"It's a good thing that you did it." May kasiyahan sa boses ng kaniyang ama. "Gusto ko ngang i-suggest yon sayo noon pero baka ma-offend kita kaya hindi ko nalang sinabi—"

Tinapik ng Mama niya ang braso ng kaniyang ama dahilan para matigil ulit ito sa pagsasalita saka pasimpleng itinuro ng kaniyang Mama ang magkahawak nilang kamay ni Tegan.

Kaagad na nawala ang ngiti sa mga labi ng ama niya. "Bakit ka narito sa bahay ko, Mr. Galvante?" Naging pormal ang pakikipagusap nito kay Tegan.

Tumingin muna sa kaniya si Tegan bago nagsalita. "I'm here to ask Jan Irish's hand in marriage."

Parang bombang sumabog iyon sa mukha ng mga magulang niya dahil halata ang gulat sa mga mukha nito sa sinabi ni Tegan.

"Anong sabi mo?" Ang ama niya ang unang nakabawi.

"I want to marry your daughter." Tegan said.

The shock expression on her father's face remained. "What?" Napakurap-kurap ito. "Bakit? Hindi naman kayo masyadong magkakilala. May dapat ba akong malaman?"

Sumulyap sa kaniya si Tegan, pinisil ang kamay niya saka bumaling ulit sa mga magulang niya.

"I met Jan Irish a year ago. Hindi ko alam kung matatawag na relasyon ang mayroon kami noon, pero para sa akin, siya ang pinakamahalagang tao sa buhay ko. I wanted to marry her then, pero," nagbaba ito ng tingin na parang nahihiya, "hindi pa annulled ang kasal namin ni Stella."