TDBS1: Darkest Touch - COMPLETED (PUBLISHED under Precious Pages: LIB Bare)

CHAPTER 4

CHAPTER 4

NASAPO ni Tegan ang ulo ng magising siyang parang pinupokpok ng martelyo ang ulo niya. Shit! He feels so bad, he want to punch someone. He groaned as he pushed himself up.

Nang makaupo siya sa kama, hinilot niya ang sintido at pinilit na makabangon sa kama kahit pa nga umiikot ang paningin niya. This is what happened when he consumed too much alcohol. Good fucking heavens!

Dumeretso siya sa banyo at naligo, pagkatapos ay nagbihis siya at lumabas ng silid niya.

Masakit pa rin ang ulo niya habang naglalakad patungong kusina. "'Tay Berto?" Malakas ang boses na tawag niya ng makapasok sa kusina. "Puwede mo ba akong ipagtimpla ng kape—" Napatigil siya sa pagsasalita ng makita si Jan Irish. Kumunot ang nuo niya. "Anong ginagawa mo rito?"

"katulong mo sa isang linggo." Sagot nito saka nakita niyang may inilagay ito sa maliit na bowl at inilapag sa mesa saka tumingin ito sa kaniya. "It's Chicken Soup. Makakatulong 'to sa hangover mo." Tinanggal nito ang apron na suot at ibinalik sa sabitan niyon saka inayos ang medyo gusot na damit. "Sige, uuwi na ako sa bahay. May kailangan pa akong gawin e."

Hindi siya nakagalaw sa kinatatayuan hanggang sa mawala sa harapan niya si Jan Irish. Kapagkuwan ay bumaba ang tingin niya sa chicken soup na nasa mesa. It smell delicious but he's stunned. Pinagluto siya nito? Bakit?

Tamang-tama namang pumasok si Tay Berto sa kusina.

"'Tay Berto." Aniya.

Kaagad na umaliwalas ang mukha ng matanda. "Sir Tegan, kumusta ho? Sana nabawasan ang hangover niyo." Bumaba ang tingin nito sa soup na nasa mesa at bumalik ang tingin sa kaniya. "Pinapasabi pala ni Miss Jan Irish na kumain ka daw at huwag matigas ang ulo."

Umingos siya para itago ang gulat at pagtatakang nararamdaman. "Bakit ko naman siya susundin?"

"Kasi siya lang naman ang nag-alaga sayo ng mawalan ka ng malay sa sobrang kalasingan." Sumeryuso ang ekspresyon sa mukha nito. "Inalagaan ka niya, Sir, kaya makinig ka sa kaniya."

Confusion boiled inside him. "Anong klaseng pag-aalaga?"

"Binuhat ka namin patungo sa kuwarto mo at doon ay pinunasan niya ang katawan mo."

Holy shit! Namilog ang mata niya at bahagyang namutla sa kaba ang mukha niya. "N-nakita ba niya ang mga pilat ko sa katawan?" He asked, slightly panicking.

Umiling naman si Tay Berto at nakahinga siya ng maluwang. Thanks heavens.

"Pero tinawag mo siyang Stella dahil sa sobrang kalasingan." Ani Tay Berto.

Tegan face palmed. "Shit."

Ngumiti si Tay Berto at iminuwestra ang kamay sa soup. "Kumain ka na, Sir Tegan, si Miss Jan Irish mismo ang nagluto niyan para sa inyo."

Napatango nalang siya. Umalis si Tay Berto sa kusina at siya naman ay napatitig sa Chicken Soup.

Jan Irish cooked this? And she took care of him in his drunken state? Why does his heart felt like its beating so darn fast like a raging bullet?

NANG makabalik si Jan Irish sa simple niyang tahanan, napakagat-labi siya ng makita ang kaniyang ina na naghihintay sa kaniya sa labas ng pinto.

"Ma," gulat niyang aniya saka hinalikan ito sa pisngi bilang pagbati, "kumusta ho? Ano hong ginagawa niyo rito?" Nakakagulat na makita ito sa isang lugar na alam niyang hindi nito nakasanayan. "May kailangan kayo sakin?"

May ini-abot itong sobre sa kaniya. "Gusto kong pumunta ka. Kapag hindi ka nakarating, magtatampo ako sayo at ang Papa mo."

Natigilan siya at saka binuksan ang sobre. Lihim siyang napamura ng makitang imbitasyon iyon para sa nalalapit na kaarawan ng kaniyang ina at ang tema ay Masquerade Party.