AN AFFAIR WITH PRINCE CHARMING ✔️

Sixty

Riq

Tinabihan ko si Sherrie sa maliit na table sa kusina. Kinakain niya ang breakfast na niluto ko. Kanina ay natulog uli kami. Yakap-yakap ko siya habang nakatalikod siya sa akin. Nagising ako bandang ten a.m. Naghanda ako ng brunch. Nang matapos iyon ay gising na siya kaya inaya ko na siyang kumain.

She was very quiet. I know she was still mad at me, at deserved ko iyon. Malaki ang naging kasalanan ko sa kanya. I'd caused her pain for years. Pero desidido akong bumawi sa mga pagkakamaling nagawa ko.

"Huwag puro chicken salad ang galawin mo, cherie. Kumain ka rin nito." Nilagyan ko ng slice ng lasagna ang pinggan niya.

"Thanks."

"You don't have to thank me kapag pinagsisilbihan kita. Asawa kita. Natural lang na gawin ko iyon." Idinampi ko ang mga labi ko sa pisngi niya.

Itinulak niya ako. "K-kumain ka na rin."

Nalungkot ako sa pag-iwas niya sa halik ko. Iniisip ba niya ang mga babaeng dumaan sa buhay ko nang panahong magkalayo kami?

"Cherie, hindi ko itinatanggi, I've slept with other women. Pero maniwala ka, hindi iyon nangangahulugan na hindi kita mahal o attracted ako sa kanila. It's just that... nang magkahiwalay tayo ay naging mas matindi ang insecurities ko. Success, material things, women, ilan lang iyon sa mga ginamit ko para hindi ko maramdamang unwanted and worthless ako. I thought you chose to abandon me, cherie. Naghanap ako ng solace sa ibang babae. Pero hanggang doon lang iyon. Sa kama lang ang namagitan sa amin. Hindi ako naging sa kanila kahit kailan. Sa iyo lang ako, cherie. My heart, my soul, my everything. All yours."

Hindi siya tumugon. Nakatuon lang siya sa pagkain niya. Ang hirap maka-penetrate sa pader na iniharang niya sa paligid niya. But I guessed it only meant that I had to try harder.

Ngumiti ako. "Since nandito na rin tayo sa Subic, gusto mong mamasyal rito pagkatapos nating kumain, cherie?"

"Ocean Adventure? Seriously, Riq?"

"What? Ayaw mo rito? Nakapunta ka na ba rito?"

"Hindi pa."

"Good. Mag-e-enjoy ka rito."

She gave me a look that said "I seriously doubt it."

"Tingin mo ba, mga bata tayo?"

"No. Pero may mga couple rin na nagde-date rito." "This is so corny!"

Natatawang inabot ko ang kamay niya. Marami kaming ibang puwedeng puntahan pero pinili ko ang lugar na ito dahil gusto ko na maging magaan ang atmosphere sa pagitan namin. Saan pa ba mangyayari iyon kundi sa lugar na maraming bata at puwede kaming magkunwari na mga bata rin kami?

"C'mon. Don't be such a spoilsport, cherie." Pinisil ko ang ilong niya.

Nakangiting pinalo niya ang kamay ko. Parang may nawalang isang toneladang bigat sa dibdib ko nang makita ang magandang ngiti niya. "Niloloko mo lang ako. Hindi talaga tayo dito pupunta. Tama ba ako?"

Ipinaikot ko ang mga braso ko sa beywang niya. I squeezed her. "Sorry, but you're wrong, cherie. Dito ko talaga gustong makipag-date sa iyo."

"Akala ko pa naman, sophisticated billionaire businessman ang kasama ko. 'Tapos dito lang ako dadalhin."

"Ibibili naman kita ng souvenir T-shirt, saka 'yong stuffed toy na dolphin."