اصبحنا واصبح الملك لله
عند ريحاب لي مشات لاصال تريني احتى كيبانلها الياس كيتريني
ريحاب: ولد الحرام ماقاليش بلي جاي اه حتى انا مقلتهالوش ناري عنداك يشوفني
بقات حاضياه كيتريني حتى بانتهاك واحد لبنت مشات عندو باش يعاونها وهو ناض من ديك لبلاصة لي فيها وعطاها تريني تماك، بقا واقف بعيد شوية وكيتسناها تسالي ومرة مرة كيقولها شنو دير اما لبنت باين بلي أحبها عليها بقات كتعوج باش يعاونها وهو لي مكتحركش من بلاصتو، حتى كيحس بالبنت غوتات غير غوتة، دار بزربة وهي تبانليه ريحاب هازا البنت من شعرها وكديها وتجيبها
الياس لي مشا كيجري باش يفكهم وهي والو
الياس: طلقي من البنت طلقي
ريحاب: حيد عليا نتا عاجبك الحال ها ليوم بيا ولا بيها
بدات تنتف تنتف وهو فبلاصة مابعدها بعد وبقا كيتفرج حتى هجمو عليهم البوليس
البوليس: تحركو قدامي
الياس: علاش
بوليس: حتى تمشي لتم وتعرفو علاش سير طلع
جا البوليسي لاخر وهمس لاول: هضر معاه بأد هادا را نسيب فهد ونزار وكيخدم لصالحهم بعد المرات سكت
البوليسي لول لي حنا راسو وقال: سي الياس سمح ليا تمشي معانا ولا فطوموبيلتك
الياس لي جر ريحاب من معصمها وقال: غنمشيو معاكم تحركي نتي قدامي
ريحاب لي كتنتر منو قالت: طلق مني سير شد فديك العوجة لي كنتي كتعاونها
ركبو فالعمارية، وهي غير كتخنزر فيه وكنشوف فديك خيتي لي مكمشة فواحد القنت وكتحك فراسها لي تنتف
اما هو فكان حابس ضحكة غير بزز
وصلو ودخلو البنات نيشان لعند الكوميسير انا الياس فبقى برا جماع مع البوليس بحكم كيعرفه
لداخل عنها هي لي كانت جالسة دايرة رجل فوق رجل وكتشوف فضفرانها بغرور
الكوميسير لي خنزر فيها وقال: الآلة تجمعي يصحابلك جالسة فالحمام
ريحاب لي تقادات فالجلسة انا البنت قالت: سي الكوميسير انا كنت كنتريني حتى هجمات عليها هاد المتوحشة
ريحاب لي خنزرات فيها: كتريني ولا كتقحبني ها
كوميسير لي خبط على طابلة وقال: هييييه سكتونا واش جالسين فبار
البنت لي خنزرات فريحاب وقالت: اساد احم بغيت نقول شاف انا را مامسمحاش ليها شوف كي رداتني وأنا مدايرة والو هانتا انا كنت كنتريني ياك مشيت لديك لبلاصة لقيت لولد جالس قتلو نوض خليني نتريني وهو ينوض عاااااادي
الكوميسير: اهاه ونتي لاش نتفتيها
ريحاب: دابا عا بيني وبينك نتا كشافتك مرتك حدا واحد خيتي وهي باين بلي عاجبها مغتمشيش تنتفها وادا مضرباتهاش اشاف را مكتبغيك ما والو غا سير رد زمر لمو
البنت: ياك اختي وبنات ناس لاش غتنتقيهم وعاد أنا مكنتش عارفة بلي را خطيبك
ريحاب: وهئ تانتي لملال خلينا نفوجو شوية
الكوميسير: الآلة كيصحابلك عندنا عرس هنا (شاف فالبوليسي لي حابس ضحكة غير بزز) ديها تبرد شي شوية
خرجوها البوليسي وهي تشوفو جالس: مغتخرجنيش
الياس لي بتاسم وقال: تئ تئ تبردي شوية احياتي
خنزرات فيه ومشات معي البوليسي فحين هو لي رجع تخنزيرة ودخل عند الكوميسير شانق عليه: غتخرجها هي هاديك مغتخرجهاش غنوليو فشي حاجة خرا
الكوميسير لي كيحيد ليه يدو: طلق مني طلق را البنت لي مابغاتش تسمح ليها
الياس لي طلق منو ودار عند البنت لي جالسة مقنتة وكتفرج غير شافتو جاي قاصدها قالت وهي كدير ضحكة صفرة: ههه مسامح كريم الله يا ودي الغلط كيوقع انا مسامحالها دنيا واخيرا غا سير اخويا
الكوميسير لي دار إشارة البوليسي باش يمشي بطلتها وداكشي لي دار مشا طلعها وهي تخنزر فيهم وخرجات بحالها اما هو لي طلع حاجب وتبعها
YOU ARE READING
درب البزنازة
Romanceهوما جوج بنات لي كبروا مع بعضياتهم و لي من ديما كانو كيتمناو يسكنو في حي شعبي. و هوما جوج خوت لي حاكمين داك درب و مشهورين ف دروبه لخرين. يا ترى شنو غيوقع إدى تجمعوا؟؟؟
