درب البزنازة

part 13 💕

فهد لي نطق وهو مخرج عينيه: الياس شكادير هنا
نزار شاف فسكرتيرة: ياكما غلطتي
سكرتيره لا اسيدي هو هادا
فهد: خرجي
سكرتيره لي خرجات والياس مشا جلس وقال: بغيت ندخل معاكم شريك
نزار لي ضحك وقال: منيتك راك باقي كتقرا
الياس: انا من مور ما شديت لباك قريت عاماين فالافاك ومن بعد كنت فتحت محال لي ديال لملابس رجاليه ودخلت منو لفلوس (شاف في فهد) سول ريم ادا بغيتي
فهد: يااك واخا وعلاش مخدمتيش فشي شركة
الياس: شكون قالك مخدمتيش خدمت وووو جراو عليا
نزار: نوض تقعد نوض انا كان كيسحابلي جاي شي حد كبير ساعه جاي نتا
الياس: دابا شنو غديرو
فهد: غتكمل قرايتك ومنين تسالي مرحبا بيك
الياس: ممم واخا ولكن منين نبغي ندرب غنجي
فهد: جي فوقاش ما بغيتي عام هو قرا
نزار: دابا عاد فهمت علاش غير جالس بوحدك وكتهضر فتيليفون
الياس: اوا مالكم متفجأتوش
فهد: باز، موهيم انا غنمشي دابا و متنساوش فلعشيه جيو لابسين لكحل
الياس: وااااخاااا

عند ريم لي كانت ناعسه حتى كتحس بشي حد جا تلاح عليها، كانت نور لي بدات كتغنيلها وهي كضحك
نور: في يا نعاسه
ريم: هانا فقت
نور: يلاه نوضي نوضي باش منين يجي فهد يلقاك واجده
ريم: واخا
نور: سيري لبسي را وجدتلك حوايجك
ريم: انا كنحبك
ريم لي دخلات دوشات ولبسات عليها سروال ديال ليلون فالغوز فاتح مع طوب فالبيض و صندالة بيضه.
صونا ليها تيليفون وخرجات عند فهد ركبات معاه وأول حاجه مشاو يفطرو فريسطو حدا لبحر
ريم: الله على نهار شحال زوين
فهد: باقي ما شفتي والو
ريم لي ضيقات عينيها وقالت: كيفاش 
فهد: دابا تعرفي، كوبي كولي را هاد نهار طويل
ريم لي كتاكل وهي كضحك وقالت: فهد نسولك
فهد: نعام
ريم: علاش ساكن فدرب ومتساكنش مع ماماك وباباك
فهد: منين كنت صغار وحنا كنمشيولو مع جدي ومنين كبرنا ولينا حنا لي حاكمينو عليها
ريم: سمعت بلي قبل منسكنو كلن شي حد ديكلارت بيكم، علاش؟؟
فهد: حيت عصينا واحد خونا
ريم: ااااه صافي، انا فرحانه
فهد: اوا داكشي لي بغيت غير تكوني فرحانه
ر

يم لي تونيكات وبقات كتاكل حتى قال: ريم واش بصح الياس عندو شي محل ديال لحوايج
ريم: اه عندو جوج واحد فمروكو مول ولاخر واحد وسط لمدينه، علاش كتسول؟؟؟
فهد: حيت خوك جا ليوم وقالك بغا يدخل معانا شريك مشاركه
ريم لي بدات كضحك وقالت: اويلي ولد لحرام دارها دبصح
فهد: كيفاش
ريم لي جلسات ضحكه وقالت: داك نهار كنا كنلعبو واحد لعبة ولي خسر خاص يدير داكشي لي قاليه لاخر وانا قلتلو الى خسرتي دخل معاهم شريك اوا بقينا مدابزين و تخاطرنا، لي خسر يغطي الاخر 5000 درهم
فهد: واش منيتك را لولد باقي كيقرا
ريم: واش تيقتيه راه دار سبع بلقرايا غير باش يجي لهنا ويخرج على خاطروا اما هو را ساله عام دابا، قرا عاماين ودابا قالك باقي باغي يقرا لكلاب لاخر
فهد: اوا خليه يزيد منين يسالي بلاصتو موجودة فشركة، ولكن كي دار حتا قدر يقنعهم بلي بغا يدخل شريك
ريم: اه، خويا عندو لمعارف وداكشي واخا يبانلك برهوش وغير طانز على لوقت ولكن دكي وكيطيرها فسما غير كيبغي يدير داك لهبال وصافي
فهد: ممم مزيان، دابا شكون خسر نتي ولا هو
ريم: هو حيت مقبلتوهش هيهيهيهي
فهد: بازلك اختي
كملو قطورهم وناضو كيتمشاو حتى وصلو لواحد لفيلا حدا لبحر، وقفها حدا لباب
ريم: واش غتاخد شي حاجة
فهد: تسناي هنا ومنين نقلك دخلي دخلي صافي
ريم لي حركات راسها وبقات واقفه كتسناه، حتى سمعاتو كيعيطلها وهي دخل حتى كتصدم فاش بنتلعه طوموبيل ولكن كان مغطيه بواحد لعيبه كحله
جارها لعندو وقال: هادا لمادة ديال عيد ميلادك و لكن باقا واحد لحاجه فلعشيه
ريم لي باقا مصدومه وقالت: اويلي لا منقدرش
فهد لي خنزر فيها وقال: كيفاش منقدرش دوزي حيديلها لغطا وشوفيها
ريم لي فرحات ومشات خيداتلها لغطا حتى خرجات عينيها فاش بانتلها Mercedes Benz Clase G فالغوز